6 ယောင်ကြည်ရှင်းမှေ့ဟှ ဆိုဟှာ ဘုရားသခင်ရဲ့ စိတော်န တွိနိုင်ဟှ။ ဖြားဖြစ်ကြောန့်နူးဆိုဟှာ ဘုရားသခင်နားဟှို ချဉ်းကပ်ဟှူ သူဟှာ ဘုရားသခင် ရှိဟှယ် ဆိုဇာဟှိုရော၊ ကိုယ်တော့်ဟှို ရှာဟှူသူဟှို ကျိုးပေးတော်မူဟှယ် ဆိုဇာဟှိုရော ယောင်ကြည်ရမယ်။

12 စောင်ဇမ်းရှင်းဟှို သည်းခံနိုင်ဟှူလူဟှာ မင်္ဂလာရှိဟှယ်။ ဖြားဖြစ်ကြောန့်နူးဆိုဟှာ အယ်လူဟှာ အယ်မျိုးခံဘီးမှ ဘုရားသခင်ဟှို ရှစ်ဟှူလူဟှို ကိုယ်တော်ဟှ ဒိထားဟှာတိုင်း သတ်သရဖူဟှို ရလေ့မယ်။

5 နန်းနို့ထဲမာ ယော့-က်ယော့-က်ဟှ ပညာဟှိုလိုရှင်ဟှယ် ဆိုဟှာ ကဲ့ရဲ့ပြစ်တန်ဘဲ့န၊ လူလေ ဂူလောင်းဟှို စေတနာစိန ပေးသနားဟှူ ဘုရားသခင်နားမာ တောန်းစေ။ တောန်းမယ် ဆိုဟှာ ရလေ့မယ်။

7 "တောန်းဂေ့။ တောန်းမယ် ဆိုဟှာ ရဂေ့လေ့မယ်။ ရှာဂေ့။ ရှာမယ် ဆိုဟှာ တွိဂေ့လေ့မယ်။ ခွဗော့-က်ဟှို ခေါ့-က်ဂေ့။ ခေါ့-က်မယ် ဆိုဟှာ ဖွမ့်ပေးလေ့မယ်။

24 အယ်ကြောန့် နန်းနို့ဟှို ငါပြောမယ်။ နန်းနို့ဟှာ တခုခုတွက် ဆုတောန်းဘီး တောန်းရှော့-က်ဟှူ ခီမာ အယ်ဇာဟှို ရပီးဘီး ဆိုဘီး နန်းနို့ ယောင်ကြည်ဂေ့။ အယ်ဆိုဟှာ နန်းနို့ ဖြားဇာဘဲ့ တောန်းတောန်း ရဂေ့လေ့မယ်။

21 သူ့ရဲ့ သခင်ဟှ ‘ကောန်းလေဟှယ်။ နန်ဟှာ သစ်စာရှိဟှူ စေခံကောန်း! နန်ဟှာ သေးငယ်ဟှူ မှုမာ သစ်စာရှိလေဟှယ်။ အယ်ကြောန့် ကီးမားဟှူ မှုလေဟှိုလည်း နန့်ဟှို ငါအပ်ပေးအူးမယ်။ နန့်ရဲ့ သခင်နတူးဒူ စည်းဇိမ်ဟှို ဝမ်ဇားပါ!’ ဆိုဘီး ပြောလေဟှယ်။

23 လူလေရဲ့မှုဟှိုဘဲ့ လောက်ဆောန်ဟှူမျိုးမှုဘဲန သခင်ဘုရားရဲ့မှုတော်ဟှို လောက်ဆောန်ဟှူမျိုး ရာရာဟှို စေတနာစိန လောက်ဂေ့ပါ။ 24 နန်းနို့လေဟှာ သခင်ခရစ်တော်ရဲ့ စေခံဟှူသူလေဖြစ်ဟှူကြောန့် မွီတော်ဖြစ်ဟှူ ကျိုးဟှို အယ်သခင်ဘုရားရဲ့ လတ်တော်ဟှ ခံရဂေ့လေ့မယ် ဆိုဘီး သိမှတ်ဂေ့ပါ။

58 အယ်မျိုးဖြစ်ကြောန့် ငါရှစ်ရဟှူ ညီကို မောန်နှမလေ၊ နန်းနို့လေဟှာ သခင်ဘုရားရဲ့ မှုတော်ဟှို ကြိုးစား လောက်ဆောန်ဟှူဇာဟှာ ချည်းနှီး ဖြစ်ဘဲဟှူကြောန်းဟှို သိမှတ်ဘီးဟှာ တည်ကြည်ဟှူစိန ပ္လဲ့ဇောင်ဘီး ဖော့-က်ပ္လန်ရှင်း မှေ့ဘဲန သခင်ဘုရားရဲ့ မှုတော်ဟှို မြဲဒမ်း ကြိုးစားဆောန်ရွပ်ဂေ့ပါ။

9 အယ်မျိုးလောက်မယ် ဆိုဟှာ နို့လေဟှာ အားငယ်စိပျစ်ဘဲ ကောန်းဟှူ လောက်ဆောန်မှုဟှို လောက်ဆောန်မယ် ဆိုဟှာ နို့လေဟှာ သီးနှံရိဟှို့ခီရော့-က်လာခီမာ သီးနှံဟှို ရိသီးရလေ့မယ်။

30 ✝အယ်ဘေမဲ့ ဦးဆောင်းဖြစ်ဟှူ လူလေဘောင်ဂီးဟှာ နော့-က်ဆောင်းဖြစ်ဂေ့ဘီး နော့-က်ဆောင်းဖြစ်ဟှူ လူလေဘောင်ဂီးဟှာ ဦးဆောင်းဖြစ်လေ့မယ်။

6 ဘုရားသခင်ဟှာ လူတိုင်းကျင့်ဟှူ ကျင့်နထပ်တူ ကျိုးပြစ်ဟှို ဆပ်ပေးတော်မူလေ့မယ်။

38 သူတပါးဟှို ပေးဂေ့။ အယ်မျိုးဆိုဟှာ ဘုရားသခင်ဟှလည်း နန်းနို့ဟှို ပေးလေ့မယ်။ နန်းနို့ဟှာ ပ္လဲ့လျှံလတ်ခံရလေ့မယ်။ နန်းနို့ဟှာ သူတပါးဟှို ပေးဟှူ ပမာဏတိုင်း ဘုရားသခင်ဟှ နန်းနို့ဟှို ပေးလေ့မယ်" ဆိုဘီး မိန့်တော်မူလေဟှယ်။

33 နန်းနို့ဟှို ကောန်းဇာလောက်ဟှူ လူလေဟှိုဘဲ့ ကျေးဇူးပြုမယ် ဆိုဟှာ ဖယ်မျိုးလောက်ဘီး ကောန်းဂျီးမင်္ဂလာဟှို နန်းနို့ ခံစားရဟှို့နူး။ ပြစ်သားလေလည်း အယ်မျိုးဘဲ့ လောက်ဟှယ်!

8 လူနာလေဟှို ကျန်းမာစေပါ။ လူသေလေဟှို ပ္လန်ရှင်စေဂေ့ပါ။ နူနာသယ်လေဟှို သန့်ရှင်းစေဂေ့ပါ။ နတ်ဆိုးလေဟှိုလည်း နှန်ထုဂေ့ပါ။ နန်းနို့လေဟှာ ဖိုးခပေးရဘဲန လတ်ခံရရှိဟှူမျိုး ဖိုးခယူဘဲန ပေးကမ်းဂေ့ပါ။

8 နန်းနို့ဟှာ လိုဇာမှန်မျှဟှို မြဲဒမ်းရဂေ့ဘီးဟှာ ကောန်းမှုဘောန်းဇောင်လေတွပ် ကူညီဘီး ကျေးဇူးပြုနိုင်ဟှူတွပ်ကြောန့် ဘုရားသခင်ဟှာ နန်းနို့ လိုအပ်ဟှူဇာလေထတ် ပေးဟှို့တတ်နိုင်ဟှယ်။

9 အယ်ဘေမဲ့လည်း ကျမ်းစာလာဟှူတိုင်းဘဲ့

"ဖယ်သူလည်းဘဲ့ ဗြင်ဖူးဟှ၊

ဖယ်သူလည်း ကြားဖူးဟှ၊

ဖယ်သူလည်း စိနှလောင်းထဲဟှ ကြံစည်သေးဘဲဟှူ ရာလေဟှို ဘုရားသခင်ဟှာ သူ့ဟှို ရှစ်ဟှူ သူလေတွပ် ပြင်ဆင်ဟှားလေဟှယ်။"

18 ဘုရားသခင်ဟှာ နန်းနို့ရဲ့ စိနှလောင်းမျစ်စိဟှို ဖွမ့်ဟှို့တွပ်န ခေါ်ဟှားဟှူဇာနဆိုင်ဟှူ မျှော်လင့်ဇာဟှာ ဖယ်မျိုးဇာဖြစ်ဟှယ် ဆိုဇာရော၊ သန့်ရှင်းဟှူသူလေဟှ ခံရဟှူမွီဟှာ ဖောင်းသရေတော်န ဖယ်မျှလော့-က် ကြွယ်ဝဟှူဇာရော၊

3 နို့လေဟှို သူ့ရဲ့ ဖောင်းသရေတော်န ကောန်းမြတ်ရှင်းထဲဟှို ခေါ်ယူတော်မူဟှူ သခင်ဟှို နို့လေ သိရှင်းအားဖြင့် သတ်ရှင်မှုနတူးဒူ ဘုရားဝတ်န မွေ့လျော်ရှင်းအားဖြင့် စပ်ဆိုင်ဟှူရာလေ ဂူလောင်းဟှို ကိုယ်တော်နှိုက်ရှိဟှူ ဘုရားရဲ့ ဖောင်းတဂိုးတော်အားဖြင့် ပေးသနားတော်မူဘီ။*

5 အယ်မျှော်လင့်ရှင်းဟှလည်း ယှစ်ကြော့-က်စိပျစ်မှုလေန လွတ်ကင်းစေဟှယ်။ ဖြားဖြစ်ကြောန့်နူးဆိုဟှာ နို့လေဟှိုပေးသနားတော်မူဟှူ သန့်ရှင်းဟှူဝိညာဉ်တော်ဟှာ ဘုရားသခင်ရဲ့ မြစ်တာတော်ဟှို နို့လေရဲ့နှလုံးသားထဲဟှို သွန်းလောင်းပေးတော်မူဟှူကြောန့် ဖြစ်လေဟှယ်။

32 နို့လေအားလောင်းတွပ် သူ့ရဲ့သားတော်ရင်းဟှိုမှ ဗြောဘဲန စွန့်တော်မူဟှူရှင်ဟှာ သားတော်နတူးဒူ ရှိမျှဂူလောင်းဟှို ပေးဘဲန ဖယ်မျိုးနေမယ်နူး။

14 အယ်ဘေမဲ့ ငါပေးမယ့်ရေဟှို သော့-က်ဟှူလူလေဟှာ ပ္လန်ဘီး ရေငတ်လေ့မယ် မှုဟှ။ ငါပေးမယ့်ရေဟှာ သူးနို့ထဲမာ သတ်စမ်းရေဗော့-က် ဖြစ်ဟှားဘီး သူးနို့ဟှို ထာဝရသတ်ဟှို ပေးလေ့မယ်" ဆိုဘီး ပ္လန်ဖြေဟှယ်။

24 ခုထိ ငါ့နာမအားဖြင့် နန်းနို့ဟှာ ဖြားဇာလည်း တောန်းဂေ့သေးဟှ။ နန်းနို့ရဲ့ ဝန်းသာဇာန ပ္လဲ့ဝဟှို့တွပ် တောန်းဂေ့။ တောန်းမယ် ဆိုဟှာ ရဂေ့လေ့မယ်။

7 နန်းနို့ဟှို ငါ မှန်တိုင်းပြောမယ်၊ ငါသွားလိုက်ဇာဟှာ နန်းနို့တွပ် ပိုဘီး ကောန်းဟှယ်။ ဖြားဖြစ်ကြောန့်နူးဆိုဟှာ ငါသွားဟှ ဆိုဟှာ ကူညီမဇသူဟှာ နန်းနို့နားဟှို ရော့-က်လာဟှို့ မှုဟှ။ အယ်ဘေမဲ့ ငါသွားလိုက်မယ် ဆိုဟှာ အယ်သူဟှို နန်းနို့နားဟှို ငါစေလွှတ်မယ်။

14 အယ်ကြောန့် ငါဟှာ ဆုဟှိုရဟှို့တွပ် ပန်းတိုင်ဟှို ရှေ့ရှုဘီးဟှာ ပ္လေးဟှယ်။ အယ်ဆုဟှာ ထတ်ရပ်မာ သတ်ရှင်ဟှို့တွပ် ယေရှုခရစ်တော်ကြောန့် ဘုရားသခင်ဟှ ဖိခေါ်ဇာဘဲ့ ဖြစ်ဟှယ်။

6 ဖြောန့်မတ်ရှင်းဟှို ငတ်ပြတ်နေဟှူ သူလေဟှာ မင်္ဂလာရှိဟှယ်။

ဖြားဖြစ်ကြောန်းနူးဆိုဟှာ သူးနို့လေဟှာ ဗိုက်ပ္လဲ့ရဂေ့လေ့မယ်!

2 "အယ်ကြောန့် နန်းနို့ လှူဒါနပေးဟှူ ခီမာ သူတော်ကောန်း ယောန်ဆောန်ဟှူ သူလေ လောက်ဂေ့ဟှူမျိုး လူလေထန်ကီးဇာခံရဟှို့ ဝါလယ်ဇရပ်လေန လမ်းဆောင်လမ်းခွလေမာ တံပိုးမှုဘီး ကြေညာဂေ့န။ သူးနို့လေဟှာ လူလေရဲ့ထန်ကီးဘီး ချီးမွမ်းခံရအောန်ဘဲ့ လောက်ဂေ့လေဟှယ်။ ငါမှန်တိုင်းပြောမယ် အယ်သူလေဟှာ ခုဘဝကျိုးဟှိုဘဲ့ ရဂေ့လေဟှယ်။

6 နန်းနို့လေ ဆုတောန်းဟှူ ခီမာ တိဆိဟှူ အီခန်းထဲဟှိုဝမ်ဘီး ခွဗော့-က်ဟှို လောင်အောန်ပိဘီးဟှာ ထန်ရှားဘဲဟှူရပ်မာ ရှိတော်မူဟှူ နန်းနို့ဖနားမာ ဆုတောန်းဂေ့ပါ။ ထန်ရှားဘဲဇာဟှို ဗြင်တော်မူဟှူ နန်းနို့ဖဟှာ ကျိုးဟှို ထန်းထန်ရှားရှား ပေးလေ့မယ်။

16 အယ်ကြောန့် နို့လေဟှာ ဖယ်ခါလည်း စိပျစ်ဟှ။ နို့လေရဲ့ ကိုယ်ခန္ဓာဟှာ တဖြေးဖြေးန ပျစ်စီးလာဘေမဲ့ နို့လေရဲ့ ဝိညာဉ်ဟှ နေ့ဘီးနေ့ သစ်ပြုပြင်ဇာဟှို ခံနေရဟှယ်။

6 ✝အယ်ကြောန့် ခီတန်ဟှယ် ဆိုဟှာ နန်းနို့လေဟှို ချီးမြော့-က်ဟှို့တွပ် ဘုရားသခင်ရဲ့ ဖောင်းကီးဟှူ လတ်တော်အော့-က်မာ ကိုယ့်ကိုယ်ကိုယ် နှိခ္လဂေ့ပါ။

10 နန်းနို့ဟှာ ကိုယ့်ကိုယ်ကိုယ် ဘုရားသခင်ရှေ့မာ နှိခ္လဂေ့ပါ။ အယ်မျိုးဆိုဟှာ ကိုယ်တော်ဟှာ နန်းနို့ဟှို ချီးမြှော့-က်လေ့မယ်။

23 ပြစ်တရားရဲ့ ခဟှာ သေရှင်းဘဲ့ဖြစ်ဟှယ်။ အယ်ဘေမဲ့ ဘုရားသခင် အလဂါးပေးတော်မူဟှူ ဆုကျေးဇူးတော်ဟှာ နို့လေရဲ့ သခင် ယေရှု ခရစ်တော်အားဖြင့် ထာဝရသတ် ဖြစ်လေဟှယ်။

27 နန်းနို့ဟှို ခရစ်တော်ဟှ သူ့ရဲ့ ဝိညာဉ်တော်ဟှို နန်းနို့ထတ်ဟှို လောန်းခ္လဟှယ်။ ဝိညာဉ်တော်ဟှာ နန်းနို့စိနှလောင်းထဲမာ ကိန်းဝပ်နေဟှူ ကာလပတ်လောင်း နန်းနို့ဟှို တခြားဖြားဇာလည်း သွန်သန်ပေးဇာ လိုဟှ။ ဖြားဖြစ်ကြောန့်နူးဆိုဟှာ ကိုယ်တော်ရဲ့ ဝိညာဉ်တော်ဟှာ နန်းနို့ဟှို ရှိမျှဂူလောင်းဟှို သွန်သန်ပေးဟှူကြောန့် ဖြစ်ဟှယ်။ ဝိညာဉ်တော်ရဲ့ သွန်သန်ရှင်း ဂူလောင်းဟှာ မှန်ကန်ဘီး လီညာဟှားဇာ မှေ့ဟှ။ အယ်ကြောန့် နန်းနို့ဟှာ ဝိညာဉ်တော်ဟှ သွန်သန်ဟှားဟှူတိုင်း လိုက်နာဘီး လောက်ဆောန်ဂေ့ပါ။ ခရစ်တော်န တလောင်းတဝဒဲ ရှိဂေ့ပါ။

32 အယ်မူဇာလေတွပ် နို့လေဟှာ သတ်သေလေ ဖြစ်ဂေ့ဟှယ်။ ဘုရားသခင်ရဲ့ စကားဟှို နာခံဟှူလူလေဟှို ပေးတော်မူဟှူ သန့်ရှင်းဟှူဝိညာဉ်တော်ဟှလည်း သတ်သေ ဖြစ်ဟှယ်" ဆိုဘီး ပြောဂေ့ဟှယ်။