Recompensa
Deus recompensa os que o buscam com fé. A Bíblia está repleta de promessas de recompensa para os fiéis, os generosos, os perseverantes e os que servem ao Senhor de todo coração.
Deus recompensa a fé
Sem fé é impossível agradar a Deus, porque quem dele se aproxima precisa crer que Ele existe e recompensa os que o buscam diligentemente.
ज़ै लोग विश्वास करे, तेता करै सका परमेशर खुश हई, किल्हैकि परमेशरा सेटा एछणैं आल़ै लोल़ी विश्वास किअ कि सह आसा। ज़ुंण शुचै मन्नैं परमेशरा लोल़ै हआ लागै दै तिन्नां लै दैआ सह तेतो फल।
परख अर मांण
परमेशर दैआ तेऊ मणछा लै बर्गत ज़ुंण खरी दी पाक्कअ रहा, किल्हैकि तेऊ भेटणअ पाक्कै रही सदा रहणैं आल़ी ज़िन्दगीओ सह मुगट, ज़ेते करार परमेशरै तिन्नां लै आसा किई दी ज़ुंण तेऊ संघै झ़ूरी डाहा।
पर ज़ै तम्हां मांझ़ै कहा का अक्लीए काम्मी होए, तेता मांगा परमेशरा का, सह निं तम्हां लै रोश्श करदअ कि तम्हैं किल्है मांगअ पर सह दैआ सोभी लै खुशी-खुशी।
"पर इना सोभी आफ़ता मांझ़ै बी ज़ै तम्हैं आपणैं परमेशर बिधाते लोल़-तोप करे अर तेऊ बाखा फिरी तेऊओ सारअ बधान मने, तेखअ जाणअ भिई थारअ बिधाता संघै मेल़-ज़ोल़ हई।
ज़ुंण बी मांगे सह भेटणअ
"मांगदै रहा लागी, तै जाणीं तम्हां सह गल्ल भेटी ज़ेता तम्हैं मांगा। दुआरा रहा टोक्कदै लागी अर सह दुआर जाणअ तम्हां लै खुल्ही।
"हुंह बोला तम्हां लै इहअ, ज़ेभै बी तम्हैं किज़ै प्राथणां करी परमेशरा का मांगे, तम्हैं करै इहअ विश्वास कि ज़ुंण मंऐं मांगअ सह गअ मुंह भेटी। ज़ै तम्हैं इहअ विश्वास करे, परमेशरा हेरनअ सह काम तम्हां लै करी।
Recompensa pelo serviço
O Senhor vê cada ato de fidelidade e promete galardão aos que servem com dedicação. O servo bom e fiel será honrado.
"मालकै बोलअ तेऊ लै, ‘शाबाश, हुंह हुअ ताह करै खुश तूह, आसा राम्बल़अ अर भरोस्सै करनै जोगी दास। किल्हैकि तंऐं किअ थोल़ै दी विश्वास। मुंह बणाणअं तूह खास्सी च़िज़ो मालक अर तूह हणअ मुंह संघै मेरी खुशी दी साझ़ू।’
ज़ुंण किछ़ बी तम्हैं करा, तेता करा तन मना संघै, इहअ समझ़ी कि अह निं मणछा लै लाई करी पर एता आसा हाम्हैं परमेशरा लै लागै दै करदै। किल्हैकि तम्हां का आसा थोघ कि तम्हां भेटणअ एते बदल़ै प्रभू का खास फल, तम्हैं करा प्रभू मसीहे च़ाकरी।
एते तैणीं बोला हुंह ए मेरै पैरै भाईओ, विश्वासा दी रहा पाक्कै अर गलत शिक्षा करै निं कबाता पेठी, ज़ुंण बी तम्हैं प्रभू लै करा परमेशरा दैणअ तम्हां लै तेतो फल।
हाम्हां निं भलै कामां करना लै हैअ छ़ाडणअ, किल्हैकि, ज़ै हाम्हैं ढिलै नां होए, तै भेटणअ हाम्हां परमेशरे सोठी दी बेला दी तेतो फल।
पर इहै आसा खास्सै ज़ुंण आजू आसा, तिंयां हणैं पिछ़ू। ज़ुंण पिछ़ू आसा तिंयां हणैं आजू।"
परमेशरा दैणअ सोभी लै तिन्नें कामां भाल़ी तिन्नां लै बदल़अ।
Generosidade e provisão
Quem dá com generosidade receberá em abundância. Deus supre todas as necessidades segundo as suas riquezas em glória.
ज़ै तम्हैं होरी लै दैई करे, तै दैणअ तम्हां लै बी, ज़ुंण तम्हैं दैनअ द होए सह एछणअ तम्हां लै नापी, ठिंहीं अर छ़ूप लाई थारै भोसल़ै बापस फिरी। किल्हैकि ज़ेऊ ढाल़ै तम्हैं होरी संघै बर्ताअ करा, तेऊ ढाल़ै हणअ तम्हां संघै बी बर्ताअ अर तम्हां भेटणअ होर बी खास्सअ।"
ज़ै तम्हैं आपणैं भलाई करनै आल़ै संघै ई भलाई करा, तेते कै बड़ैई च़ाल्ली थारी हई? पापी अर कदुष्ट मणछ बी करा इहअ ई।
रोगी मणछा करै नरोगै, मूंऐं दै करै भिई ज़िऊंदै, कोहल़ निखल़ै दै मणछा करै शुचै अर भूता काढै दूर। तम्हैं दैऐ इना मुफ्त ज़िहअ तम्हां मुफ्त आसा भेटअ द।
परमेशरो जश सका तम्हां लै सोभ गल्ला थारी ज़रुरती का बी खास्सअ दैई, ज़ेता करै तम्हां लै हर गल्ल हर बगत ज़ुंण तम्हां ज़रूरी आसा सह तम्हां सेटा रही सके अर हर भलै कामां करना लै सका तम्हां सेटा सोभ गल्ला हई।
कदुष्ट मणछा निं असली दी किछ़ै नफअ हंदअ,
पर ज़ै तम्हैं भलअ करे, तेतो पुआज़अ जाणअ केभै नां केभै भेटी।
मानदारी दी रहणअ बिधाते डरा हेठै,
बिधाता दैणीं तम्हां लै लाम्मी अमर, माया अर अदर पुआज़अ।
तम्हैं लोल़ी सदा झणैल़ू अर शुचै-पाक्कै रहै,
तेता डाहै आप्पू का गल़े कंठी ज़ेही,
अर तेता डाहै आपणैं दिलै लिखी।
ज़ै तम्हैं इहअ ई करे,
तै हणअ बिधाता बी खुश अर होर मणछ बी हणैं खुश।
तम्हैं कै कहा खास या मशूर मणछा सेटा डेऊणअ च़ाहा?
तेता लै आसा सोभी का सान तरकीब भैंट दैणीं।
O que Deus reservou para os seus
Olhos não viram, ouvidos não ouviram o que Deus preparou para os que o amam. Suas recompensas eternas superam toda imaginação.
पबित्र शास्त्रो मतलब बी आसा इहअ ई ज़ेभै तिंयां इहअ बोला,
"ज़ुंण गल्ला आछी निं भाल़ी, अर कानै निं शूणीं,
अर ज़ुंण गल्ला मणछे दिलै ई दी निं पल़ी,
तिंयां ई गल्ला आसा ज़ुंण परमेशरे आपणैं
झ़ूरी डाहणैं आल़ै लै आसा बणाईं दी।"
हुंह करा प्राथणां बी कि परमेशर थारै दिलै तैहा गल्ला प्रगट करे ज़ेता सह हाम्हां लै दैणअ च़ाहा, ताकि तम्हां का थोघ लागे कि ज़ेते हाम्हां तेऊ का आशा आसा तिंयां गल्ला हाम्हां लै केतरी महान आसा। अर तिन्नां सोभी लै बी ज़ुंण तेऊ पबित्र हणें तैणीं शादै दै आसा।
परमेशरो निऊंद्रअ
परमेशरै दैनी हाम्हां लै आपणीं शगती करै तिंयां सोभै गल्ला ज़ेते हाम्हां धर्मीं ज़िन्दगी ज़िऊंणां लै ज़रुरत ती। इहअ सका हई किल्हैकि हाम्हां का आसा परमेशरो थोघ अर अह आसा सह ई ज़ुंणी हाम्हैं आपणैं प्रतप्पा अर भलाई दी साझ़ू हणां लै आसा शादै दै।
अर आशा डाहणें निं शरम हंदी, किल्हैकि ज़ुंण पबित्र आत्मां परमेशरै हाम्हां लै आसा दैनअ द, तेता संघै आसा परमेशरै हाम्हां लै म्हारै मन्नैं आपणीं झ़ूरी बी भरी दी।
परमेशरे किई हाम्हां लै एही झींण कि ज़हा पूता संघै परमेशर सोभी का खास्सी झ़ूरी बी करा थिअ, सह बी दैनअ तेऊ हाम्हां सोभी बच़ाऊंणा लै, ज़ै परमेशर इहअ सका करी, तै सह होर सोभै गल्ला कै हाम्हां लै दैई निं सकदअ?
पर ज़ुंण तेऊ पाणीं झुटे ज़ुंण मुंह दैणअ, तेऊ निं कधि चिशै एछणी। होर ता होर, ज़ुंण पाणीं मुंह तेऊ लै दैणअ, तेते निखल़णीं तेऊ दी ज़िन्दगी दैणैं आल़ी सोबल़ अर तेता दैणीं तेऊ लै सदा लै ज़िन्दगी।"
अज़ी बी निं तम्हैं मेरै नाओंऐं किछ़ै मांगअ आथी, ज़ै तम्हैं मांगे, तै जाणीं तम्हां सह गल्ल भेटी ज़ेता तम्हैं मांगा ताकि थारी खुशी पूरी होए।
"तैबी खोज़ा हुंह तम्हां का सत्त आसा इहअ कि मेरअ डेऊणअ आसा तम्हां लै भलअ। ज़ै हुंह नांईं डेऊं, तै निं सह मज़त करनै आल़अ तम्हां सेटा लै एछणअ। पर ज़ांऊं हुंह डेऊणअ, तेखअ छ़ाडणअ मुंह सह तम्हां सेटा लै।
हुंह रहा कबल्लअ नशाणैं बाखा लै ठुहर्दअ लागी ताकि मुंह तेते नांम स्वर्गै परमेशरा संघै सदा रहणअ भेटे, ज़ेता लै हुंह परमेशरै मसीहा ईशू दी आसा शादअ द।
Buscar, pedir, perseverar
Jesus ensinou: pedi e recebereis, buscai e achareis. Deus se alegra em dar boas dádivas aos seus filhos que pedem com fé.
परमेशर दैआ तिन्नां लै बर्गत ज़ुंण
धर्म करने भुख हआ, तिंयां रज़ैऊंणै।
"तैही बोला हुंह, ‘ज़ै तूह गरीबा लै दान करे, सह निं सोभी का लागदअ खोज़णअ कि मंऐं किज़ै दैनअ। ज़िहअ कपटी मणछ सभागृहा अर बागै काढा रहैऊंणा लै। ताकि लोग तेता भाल़ी तिन्नें बड़ैई करे।’
"हुंह खोज़ा तम्हां का सत्त कि तिन्नां गअ तेतो फल भेटी।
पर ज़ेभै तूह प्राथणां परमेशरा सेटा गल्ला करे, तेभै डेओऐ आपणीं पांडा भितरी, संघा करै दुआर बुदरी करै गुप्त प्राथणां। तेरअ बाब परमेशर ज़ुंण ताह गुप्त भाल़ा, तेऊ दैणअ ताल्है तेतो फल।
भलअ करा अर बूरै करनै का ठुर्हा दूर, ताकि तम्हैं ज़िऊंदै रहे! तै रहणअ स्वर्गे सारी सैनो मालक बिधाता असली दी तम्हां संघै, ज़िहअ तम्हैं बोला कि सह आसा तम्हां संघै।
हुंह करा उझै ताह बाखा बाहा फुआरी अरज़,
हुंह आसा ताल्है पाणीं बाझ़ी शुक्की ज़िम्मीं ज़िहअ नचिशअ।
Contentamento e eternidade
A verdadeira recompensa está na vida que Deus dá. O presente do trabalho, a satisfação no labor e a alegria no Senhor são dádivas de Deus.
मुखा ज़ाण्हुंअ इहअ कि मणछा लै निं भलाई करी राज्ज़ी-मौज़ी ज़िन्दगी ज़िऊंणै का सुआई किछ़ै राम्बल़अ आथी, मुखा इहअ बी ज़ाण्हुंअ कि सोभी लागा खाई-पिई अर आपणैं कामां दी राज्ज़ी-मौज़ी नंद रहणअ, ईंयां ई आसा तिंयां च़िज़ा ज़ुंण परमेशर हाम्हां मणछा लै दैआ।
मंऐं काढअ एतो नचोल़ इहअ कि हाम्हां लै आसा भलअ इहअ ई कि बिधाता दैनी दी ऐहा धख ज़ेही ज़िन्दगी रहणअ हाम्हां आपणैं कामां दी मगन अर खाई-पिई राज्ज़ी-मौज़ी किल्हैकि म्हारअ नसीब आसा अह ई।
ज़ै बिधाता कहा लै धन अर ज़ैदात दैए, सह डाहा तेऊ तेता भोगणा लै ताज़ै-नरोगै बी। तै आसा भलअ इहअ कि मणछ मैन्थ करना लै मगन रहे। अह आसा हाम्हां लै बिधातो दान।
तम्हैं डाहै तैहा बाता ढाकी ज़ुंण बिधाता आसा तम्हां का खोज़ी दी। तेता करै हणैं तम्हैं तेऊ देशै ज़िऊंणां लै सफल ज़ुंण ज़ैगा बिधाता तम्हां लै आसा लाई दी दैई।"
म्हारअ मन्न निं धिठअ हंदअ, ज़ेभै म्हारी देही बागा का हर धैल़ै पराणीं लागा हंदी, परमेशर बणाआं हाम्हां भितरा का म्हारी आत्मां दी हर धैल़ै नऊंऐं।
तैही रहा परमेशरा सम्हनै सादै-सिधै ज़हा का थारी फाज़त करनैओ बल आसा। ताकि सह थारअ तैहा धैल़ी अदर करे ज़ुंण तेऊ काढी आसा डाही दी।
तम्हैं प्रभू सम्हनै निं घमंड करी ताकि सह तम्हां खास बणाईं करै ठीक मोक्कै दी बढाओए।
किल्हैकि पाप करनैओ नतिज़अ आसा मौत, पर ज़ुंण दान हाम्हां लै परमेशर दैआ सह आसा सदा रहणैं आल़ी ज़िन्दगी ज़ुंण म्हारै प्रभू मसीहा ईशू करै भेटा।
थारअ आसा तेऊ पबित्र मसीहे पबित्र आत्मां दैई अभिषेक किअ द, सह बस्सा तम्हां दी। तम्हां निं एते ज़रुरत आथी कि कुंण तम्हां सेटा एछी सत्ते बारै सखाओए। पर ज़ुंण पबित्र आत्मां तम्हां लै आसा दैनअ द, सह सखाऊआ तम्हां का तिन्नां सोभी गल्ला ज़ेते तम्हां ज़रुरत हआ ज़ुंण बी तम्हां सह सखाओए तिंयां गल्ला आसा शुची तेथ निं किछ़ै झ़ुठअ आथी। ज़िहै तम्हैं तेऊ सखाऊऐ दै आसा, तिहै ई रहा तम्हैं मसीहा दी बस्सी।
"हाम्हैं आसा इना गल्ले शाजत ज़ुंणीं ईंयां गल्ला आपणीं आछी भाल़ी, पबित्र आत्मां बी, ज़ुंण परमेशरै आपणैं तिन्नां हुकम मनणै आल़ै लै आसा दैनी दी।"
मोसा डेऊअ धारे च़ुंडी
तेखअ बोलअ बिधाता मोसा लै, "मुंह सेटा एछ उझै धारे च़ुंडी लै संघा रह इधी खल़्हुई। हुंह दैंऊं ताल्है दूई पात्थरे शिला, ज़ेथ लोगा लै मेरअ बधान अर हुकम आसा लिखै दै, तूह खोज़ै इना लोगा का।"