6 And it is impossible to plese God without feith. For it bihoueth that a man comynge to God, bileue that he is, and that he is rewardere to men that seken hym.

12 Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

5 And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym.

29 And whanne thou hast souyt there thi Lord God, thou schalt fynde hym; if netheles thou sekist with al the herte, and with al the tribulacioun of thi soule.

7 Axe ye, and it schal be youun to you; seke ye, and ye schulen fynde; knocke ye, and it schal be openyd to you.

24 Therfor Y seie to you, alle thingis what euer thingis ye preynge schulen axe, bileue ye that ye schulen take, and thei schulen come to you.

21 His lord seide to hym, Wel be thou, good seruaunt and feithful; for on fewe thingis thou hast be trewe, Y schal ordeyne thee on manye thingis; entre thou in to the ioye of thi lord.

23 What euer ye doen, worche ye of wille, as to the Lord and not to men;24 witinge that of the Lord ye schulen take yelding of eritage. Serue ye to the Lord Crist.

58 Therfore, my dereworthe britheren, be ye stidefast, and vnmouable, beynge plenteuouse in werk of the Lord, euere more witynge that youre trauel is not idel in the Lord.

9 And doynge good faile we not; for in his tyme we schal repe, not failinge.

30 But manye schulen be, the firste the laste, and the laste the firste.

6 that schal yelde to ech man aftir his werkis;

38 Yyue ye, and it schal be youun to you. Thei schulen yyue in to youre bosum a good mesure, and wel fillid, and schakun togidir, and ouerflowynge; for bi the same mesure, bi whiche ye meeten, it schal be metun ayen to you.

33 And if ye don wel to hem that don wel to you, what grace is to you? synful men don this thing.

8 heele ye sike men, reise ye deede men, clense ye mesels, caste ye out deuelis; freeli ye han takun, freli yyue ye.

8 And God is miyti to make al grace abounde in you, that ye in alle thingis euere more han al sufficience, and abounde in to al good werk;

18 A wickid man makith vnstable werk; but feithful mede is to hym, that sowith riytfulnesse.

4 The ende of temperaunce is the drede of the Lord; richessis, and glorye, and lijf.

3 Merci and treuthe forsake thee not; bynde thou tho to thi throte, and write in the tablis of thin herte.4 And thou schalt fynde grace, and good teching bifore God and men.

16 The yift of a man alargith his weie; and makith space to hym bifore princes.

9 But as it is writun, That iye say not, ne eere herde, nether it stiede in to herte of man, what thingis God arayede to hem that louen hym;

18 and the iyen of youre herte liytned, that ye wite, which is the hope of his clepyng, and whiche ben the richessis of the glorie of his eritage in seyntis;

3 Hou alle thingis of his godlich vertu, that ben to lijf and pitee, ben youun to vs, bi the knowyng of hym, that clepide vs for his owne glorie and vertu.

5 And hope confoundith not, for the charite of God is spred abrood in oure hertis bi the Hooli Goost, that is youun to vs.

32 The which also sparide not his owne sone, but for vs alle bitook hym, hou also yaf he not to vs alle thingis with hym?

14 schal be maad in hym a welle of watir, spryngynge vp in to euerlastynge lijf.

24 Til now ye axiden no thing in my name; axe ye, and ye schulen take, that youre ioie be ful.

7 But Y seie to you treuthe, it spedith to you, that Y go; for if Y go not forth, the coumfortour schal not come to you; but if Y go forth, Y schal sende hym to you.

14 and pursue to the ordeyned mede of the hiy clepyng of God in Crist Jhesu.

6 Blessid ben thei that hungren and thristen riytwisnesse, for thei schulen be fulfillid.

2 Therfore whanne thou doist almes, nyle thou trumpe tofore thee, as ypocritis doon in synagogis and stretis, that thei be worschipid of men; sotheli Y seie to you, they han resseyued her meede.

6 But whanne thou schalt preye, entre in to thi couche, and whanne the dore is schet, preye thi fadir in hidils, and thi fadir that seeth in hidils, schal yelde to thee.

14 Seke ye good, and not yuel, that ye lyue, and the Lord God of oostis schal be with you, as ye seiden.

6 Leite thou schynyng, and thou schalt scatere hem; sende thou out thin arowis, and thou schalt disturble hem.

12 And Y knew that no thing was betere to a man, no but to be glad, and to do good werkis in his lijf.13 For whi ech man that etith and drinkith, and seeth good of his trauel; this is the yifte of God.

18 And to ech man, to whom God yaf richessis, and catel, and yaf power to hym to ete of tho, and to vse his part, and to be glad of his trauel; this is the yifte of God.

19 For he schal not bithenke miche on the daies of his lijf, for God ocupieth his herte with delicis.

33 but ye schulen go bi the weie whiche youre Lord God comaundide, that ye lyue, and that it be wel to you, and that youre daies be lengthid in the lond of youre possessioun.

16 For which thing we failen not, for thouy oure vtter man be corruptid; netheles the ynner man is renewid fro dai to dai.

6 Therfor be ye mekid vndir the myyti hoond of God, that he reise you in the tyme of visitacioun,

10 Be ye mekid in the siyt of the Lord, and he schal enhaunse you.

27 and that the anoyntyng which ye resseyueden of hym, dwelle in you. And ye han not nede, that ony man teche you, but as his anoyntyng techith you of alle thingis, and it is trewe, and it is not leesyng; and as he tauyte you, dwelle ye in hym.

32 And we ben witnessis of these wordis, and the Hooli Goost, whom God yaf to alle obeischinge to him.

12 Forsothe the Lord seide to Moises, Stie thou to me in to the hil, and be thou there, and Y schal yyue to thee tablis of stoon, and the lawe, and comaundementis, whiche Y haue write, that thou teche the children of Israel.