9 Kədə, də ama zə, də̂ bə pa lə ala azü ə pa Jezu sə tə Âgbɔ̂ Əyïngerə â kədə bə yində nə də lɔsu zə nɔ̂ ə pa Ndjapä shê ətshə lə takpa tə̂ akuzu gâ ye, bə sə kə she lə kuzu.

10 Mbrə ə̂në də lɔsu ye də̂ əzü ə yində əpʉ nə, â Ndjapä nə sə kə mbrə əzü nə tə ə̂rɔ̂ əzü lə ala ye; â də ama əzü də̂ tshə sə kə pa əpʉ nə ngbʉ̂ gashu, â she lə kuzu.

11 Mbrə ə̂në Fraka nə̂ Ndjapä pâ:

«Əyïlingû drâ ama ye ə pa:

"Əmə Əyïlingû tə sorô,

azü nɔ̂ sə kə gbəte də matshikota əndje gâ ətshi əmə,

â azü nɔ̂ sə kə mbe əmə, Ndjapä."»*

11 â əndje bale bale sə kə pa də ama əndje ə pa

Jezu Kristə nə sə tə Âgbɔ̂ Əyïngerə

ndə kə mbe Abä də Ndjapä nə.

15 Əzü ə̂në tshə yerɔ Jezu tə Ɨrɨ Ndjapä nə, Ndjapä nə sə tə̂ lɔsu ye â tshə sə ndje lə Ndjapä nə.

5 Rəkɔ, əzü ə̂në tshə sɔ lagbanga, tshə yi aə̂mbî aləba je. Mə sə sə kə gba tshelə əɨrɨ ye lə fraka sorô alɔ bale ne, mə sə kə yerɔ ətshə kpro də əɨrɨ ye ətshi Abä əmə də ətshi atrawaya nə̂ ye.

12 Mbrə̈ ə̂rɔ̂ awlra əpʉ lɔsu, ə tëgbɔ sorô nə̂ alɔnɔ̂, ə̂në Ndjapä ê əbə ndə nə kɔ, ə̂në bə pâ ndə əpʉ lɔsu zə tə ə̂rɔ̂nə lə ala azü ngbatshe ə̂në əndje sə̂ je kɔ.

23 A däka pə tə̂ kə yerɔ ərə ə̂në a za lɔsu əzə̂ nə gâ pâ nə kɔ lə ala azü nɔ̂ tə djatra ərə, a mɔ̈ mɔ̈ tə̂ äwä nə ne, mbrə ə̂në ətshə ə̂në tshə zâ ama də əpʉ ərə nə kɔ, tshə lï ndə kə pa a za lɔsu əzə̂ gâ tə̂ əpʉ nə̂ ye nə.