Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
ईसु सातायला धनेन दाखलान साहरे सीकाड़े
"सरग वाळा भगवानेन राज खेत मां सातायला धनेन तसों छे, तीनाक काहनाक माणुस काजे जड़्यो ने साताड़ी देदु, ने धव हयु ने जाय्न तेरो आखो काय हतलो चो वेची देदु ने तीना खेत काजे मुल ली लेय।
ईसु बेसका महंग्ला मोतीन दाखलान साहरे सीकाड़े
"अळी सरगेन राज एक धंदु करने वाळान तसों छे, चु वारलु मोतीन हेर मां हतलु। जत्यार तीना काजे एक बेसका महंगलो मोती जड़ी गुयो, ती हयु जाय्न आखो काय हतलो चो वेची देदु, ने तीनी मोती काजे मुल ली लेदु।
ईसु रायन दाणान दाखलु दीन सीकाड़े
ईसु तीना काजे एक अळी दाखलु कह्यु: "सरगेन राज रायन दाणान तसों छे, तीना काजे कुय एक माणुस लीन आपणा खेत मां चुप देदु। च ते दीसरा आखा बीज सी नानो ते देखाये बाकुन जत्यार मटो हय जाय तत्यार आखा झाड़का सी डाळ बण जाय ती सरगेन चिरला आवीन पुत्रा बांदी लेय।"
खाण्या-सुडान दाखलु
ईसु तीनुक अळी एक दाखलु: "सामळायु सरगेन राज तीना खाण्या-सुडान तसों छे, तीना काजे एक काहनीक बायरी लीन तीन चोवकी पीठा मां भेसकी, ने आखा पीठान खटासो हय ज्य।"
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
जळ-गहुंन दाखलु
ईसु तीनुक एक अळी दाखलु कह्यु: "सरगेन राज तीना माणसेन तसों छे, चु तेरा खेत मां वारलु बीज एरलु छे। बाकुन जत्यार माणसे सुवणे बाजी रवला, ती तेरु वेरी आवीन गहुं मां जळ-गहुं एरीन जाती रयु। जत्यार डीरा नीकळे ने पान्टा लाग्या ती जळ-गहुंन बीज देखाव पड़े। अतरामा पावर्या मालीकेन घर आवीन मालीक काजे कह्या, ए मालीक, तु ते तारा खेत मां वारलु गहुंन बीज नी एरलु? ती जळ-गहुंन कसा उंग्या? ईसु तीनुक कह्यु, ज काहना वेरीन काम छे। ती पावर्या तीनाक पुछ्या ‘काय तारी मरजी हय?’ ती हामु जाय्न तीनु जळ-गहुं काजे उखाळ देजे। मालीक कह्यु, ‘नी, असा मां करु नीते कांखुर मायन जळ-गहुं भेळा वारलु गहुं बी उखळी जासे। काटणे लग दुयु काजे एक साते मटा हवणे देवु ने काटणेन टेम मां काटणे वाळा सी कवीस की पेहल जळ-गहुं भेळा करीन धपाड़ने करीन हींद्रा गाठड़ा बांद लेवु, ने गहुं काजे मारा खळा मां भेळा करु।’"
ईसु गहुं ने जळ-गहुंन दाखलान मतलब समजाड़े
तत्यार चु टुळा काजे छुड़ दीन घर मां आयु, ने तेरा चेला तेरे धड़े आवीन कह्या, "खेतेन जळ-गहुंन दाखलान मतलब काय हवे चो हामुक समजाड़ी दे।"
ईसु तीनुक जपाप आप्यु, "वारलु बीज एरने वाळु किरसाण, माणसेन पुर्यु छे।" ने खेत जी कळी छे, वारलु बीज भगवानेन राजेन माणसे छे, ने जळ-गहुंन बीज कुहर्या वेरीन माणसे छे। चु वेरी जळ-गहुं एर्यु चु भुतड़ु छे; काटणी कळी मां खत्तम हवणी छे, ने काटण्यु सरग वाळा काहवाळ्या छे। जसा माणसे जळ-गहुं भेळा करीन धपाड़ी देय, तसीत जी कळी खत्तम मां हवसे। माणसेन पुर्यु तेरा सरग वाळा काहवाळ्या काजे मकलसे, ने चे तींद्रा राज मां सी आखा पाप करने वाळा काजे भगवानेन राजेम सी अलग करीन तीनुक भेळा करसे। ने तीनुक आकठान डहरा धकली देसे, चे माणसे आकठी मां बेसका रड़से ने दात ककड़ावता रवसे। तीनी टेमे वारलु माणसे आपणा बासेन राज मां दाहड़ान तसा चमकसे। जतरा बी सामळी रया, चे वारु सामळीन समजणु चाहजे।
ईसु माछा धरनी जाळेन दाखलु दीन सीकाड़े
"सरगेन राज तीना मटला जाळेन तसों छे, ज दरीया मां नाख्यु, ने आखी भातीन माछा काजे सेमटी लावे। ने जत्यार आखी जाळ माछा भराय जाय, ती माछा धरने वाळा तीना काजे भेळा करे, ने बठीन वारलु-वारलु माछी काजे ते ठाहरा मां भेळा कर्या, ने रद्दी-रद्दी काजे नाख देदा। कळी खत्तम हवणेन टेमे बी असोत हवसे। सरग वाळु काहवाळ्यु धरती पर आखी दुर जासे, वारलु माणसेन ईचमां सी पापी काजे अलग करसे, अळी तीनु काजे आकठान डहरा मां नाख देसे। चां चे माणसे तीना आकठान डहरा मां बेसका रड़से ने दात ककड़ावता रवसे।
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
वारु बुल
"जे आपसा जीव-आत्मा मां गरीब छे चे बरकतवाळा छे।"
काहाकी सरगेन राज तींद्रोत छे!
"जे दुखी हय्न कलपे, चे बरकतवाळा छे;
काहाकी तीनुक सांती जड़से।"
"जे भुळा-भाळा छे; चे बरकतवाळा छे;
काहाकी चे धरतीन हकदार बणसे।"
"वारला काम वाटे जे भुकला ने तीसला छे चे बरकतवाळा छे;
काहाकी भगवान तीनुक खावड़ाय्न नीरसा कर देसे।"
"जे दयाळा छे, चे बरकतवाळा छे;
काहाकी भगवान तींद्रे पर दया करसे।"
"जे मन मां चुखला छे, चे बरकतवाळा छे;
काहाकी चे भगवान काजे देखसे।"
"जे मेळ कराड़ने वाळा छे, चे बरकतवाळा छे!
काहाकी चे भगवानेन पुर्या-पारी कह्वाय्से।"
जे वारलु काम करने सी दुख झेले, चे बरकतवाळा छे;
काहाकी चे सरग वाळा भगवान पुठ्ये राज करसे!
तुहुंं बरकतवाळा छे, जत्यार माणसे मार पछळ चालने सी तुंद्री नाव-बद्दी करे, ने अळी एला पाड़े ने लुच्चाय मेली-मेलीन तुंद्रा बारामां गलत वात करे। तत्यार तुहुंं खुस रवजु, काहाकी तुंद्रे वाटे सरगे मां बेसको मटो ईनाम जड़से। जी वात तसीत छे जसी की तुंद्रे सी पेहलेन भगवानेन अघली वात बताड़न्या काजे बी चे माणसे लग एला पाड़तेला।
ईसु ज देखाड़े की भगवानेन नींगा मां मटु कुण छे?
तीनी टेमे चेला ईसु धड़े आवीन पुछ्या, "सरग वाळा भगवानेन राज मां आखा सी मटु कुण छे?" तत्यार ईसु एक नानला पुर्या काजे धड़े बुलायन हींद्रे ईचमां उबु कर्यु, ने कह्यु, "मे तुंद्रे सी छाचलीन कहं की जत्यार लग तुहुंं पाप भीणी सी मन नी फेरवु चां लग तुहुंं हीना नानला पुर्यान तसा नी बणु, तत्यार लग तुहुंं सरगेन राज मां नी जाय सकु।" जु कुय बी आपसा काजे हीना नानला पुर्यान तसु नानलु बणसे, चु सरग वाळा भगवानेन राज मां आखा सी मटु बण जासे।
ईसु कह्यु, "पुर्या काजे मारे धड़े आवणे देवु, ने हीनुक मां रुकु, काहाकी सरग वाळा भगवानेन राज असलात छे।"
तत्यार ईसु तेरा चेला काजे कह्यु, "मे तुंद्रे सी छाचलीन कह्व की धन वाळा माणसे काजे सरग वाळा भगवानेन राज मां जाणु काठो छे। तुंद्रे सी अळी कह्व की, भगवानेन राज मां धन वाळा काजे भरायणु उटड़ान सुईन नाचका मां भरायणु जादा सरल छे।"
ज्य सामळीन चेला बेसका घाबराय्न, "कवणे लाग्या पछे कुणीन छुटकारु हवसे?"
ईसु तींद्रे भीणी एक हेट्यु भाळीन कह्यु, "माणसे सी ज नी बणे, बाकुन भगवान सी आखो काय कर सके।"
ए मारा लाटेक्ला भायस्यो ने बहणस्या। सामळु। भगवान ईनी कळीन गरीब माणसे काजे भुरसा मां मालदार बणावे ने भगवानेन राजेन हकदार्या बणावणे करीन नेवाड़लु छे। जे भगवान काजे परम करे, तीनुक चु आपसा राजेन हकदार्या बणावणे करीन पेहलुत वायदु करलु हतलु।
बाकुन मुखी माणसे चुखला माणसे देस काजे हात करसे, ने जलमकात तींद्रा हकवाळा बणीन रवसे।
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
मे तुहुंंक नी उळखो
जे माणसे मेसेक, ए मालीक, ए मालीक कय्न आयड़से, हींद्रे मां सी आखा सरगेन राज मां नी भराय सके, बाकुन जे मारा सरग वाळा बासेन मरजी पर चाले चेत सरगेन राज मां भरायसे।
तेरेमां जे काय ईनी नानली सी नानली हुकुम मां सी कह्ली एक काजे बी तुड़से, ने तसुत माणसे काजे बी सीकाड़े, ने आखा सी नानलु कह्वाय्से; बाकुन जे काहनाक ईनी वातेक मानीन चालसे ने दीसराक बी तीनु वात पर चालने करीन सीकाड़से, ती हयु सरगेन राज मां मट्लु कह्वाय्से। मे तुंद्रे सी छाचलीन कह्वो की कदी तुंद्रो वारलु काम यहुदी नीयम सीकाड़न्या मास्तर्या ने फरीसी माणसेन धरमेन काम सी बड़ीन नी रवे, ती तुहुंं सरगेन राज मां कदी नी भराय सकु।
तेरेमां तुहुंं असा दुवा कर्या करु की:
ए हामरा सरग वाळा भगवान बास, तु जु सरगे मां छे:
तारो नाव चुखलो मानायणु चाहजे;
तारो राज आवे तारी मरजी जसी सरग मां पुरी हवे,
तसीत ईनी धरती पर बी पुरी हवे।
युहन्ना बपतीस्मा आपणे वाळान परचार
तीनु दाहड़ा मां युहन्ना बपतीस्मा आपणे वाळु आवीन यहुदीयान बयड़ा मां असु परचार करने बाजी गुयु, "पाप भीणी सी मन फीराय्न भगवान भीणी वळु, काहाकी सरगेन राज धड़ेत आय लागलो छे!"
तीनी टेमे सी ईसु असु परचार करने बाजी गुयु की, "पाप भीणी सी मन फेरवु, काहाकी भगवानेन राज तुंद्रे धड़े आय लागलो छे।"
ने वाट्ये चालता-चालता असो परचार करु, की सरगेन राज धड़ेत आय गुयलो छे!
मे तुंद्रे सी कहं की उगेवणा ने बुडवणा सी बेसका माणसे आवीन अब्राहम ने इसाक ने याकुब साते सरग वाळा भगवानेन राज मां बठीन खाणो खासे।
मे तुहुंंक छाचलीन कह्वो, की जे बायरा सी पयदा हवला छे, चे युहन्ना बपतीस्मा देणेवाळा सी मटा नी हय; बाकुन जे सरगेन राज मां आखा सी नानला छे, चे तेरेसी मटु छे। युहन्ना बपतीस्मा देणेवाळान दाहड़ा मां सी हय लग सरगेन राजेन वाटे बेसका मेहेनत कर रया, ने भगवानेन राज मां भरायणे करीन खुस-खबरेन नेवतो आखा काजे जड़ रयो राजेन हक काजे हात मां कर लेय।
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
आपणु काजे ज राज जड़लो छे, च कदी नी हाले, हेरेसी आपणु भगवान काजे तु बेसकु वारु छे कह्तात रवजे, ने तेरी मरजीन अनसारेत भक्ती ने भुरसु करीन तेरी सेवा चाकरी करजे। काहाकी आपणु भगवान ते, धपीन भसम करन्यो आकठो छे।
हीनी वजे सी ए भायसे आपणे बुलाय जाणेन, ने नेवाड़ लेदा जाणेन पुरावु करनेन भली भाती कुसीस करता जावु, काहाकी कदी असा करसु, ती कदी बी वाटे सी नी भुलवायु। बाकुन हीनी रीत सी तुहुंं हामरा मालीक ने छुटकारु आपण्या ईसु मसीन जलमेन राज मां वारु ईज्जतेन साते जाती रवसु।
ने जु मालीक भगवान मेसेक आखी भातीन कुहराय सी बचाड़से, ने मेसेक छुटकारु आपीन सरगेन राज मां पुगाड़ देसे। तीना मालीकेन जलम बड़ाय हवती रहणु चाहजे, आमीन।
धन काजे कां भेळो करनु चाहजे?
ए नानला टुळा! बीहु मां, काहाकी तुंद्रु बास तुहुंंक राज आपणे करीन खुस छे।
काहाकी तुहुंं ते जी वात वारु जाणी र्या की काहनु बी छीनाळ्यु, नीते भुंडलु माणुस नीते चंगलु नीते हायळु हय, ती चु मुरती पुजण्या बराबर छे, ने चु ईसु मसीन ने भगवानेन राजेन हकदार्यु नी बणे।