Reino dos céus

Kiwhana na ng’hano ivisigwe kumgunda

44 "Undewa wa kilanga uwhana na chinhu chivisigwe kuli mgunda. Munhu yumwe kachivibula, kachivisa kahi. Nakasangalala ng’hatu leka kaluta kuguza geng’ha goyawele nago, nakuzagula mgunda ula.

Kiwhana na Lulu

45 "Kahi, undewa wa kilanga wangiwhana na yalinguguza vinhu yumwe yawele yopala lulu inojile, 46 loyapatile lulu imwe ya sendi nyinji ng’hulu, nakaluta, nakaguza geng’ha goyawele nago, nakagombola lulu ila.

Chiwhanile na nyhadikwa ndodo

31 Yesu nakawalonjela nhelo yinji, "Undewa wa kilanga wangiwhana na munhu yanyalile nyhadikwa ndodo ng’hatu kuli mgunda wa heye. 32 Hanga ndo nyhadikwa ndodo ng’hatu, ila wone yote, lyaguwaga igodi likulu kusinda migodi jeng’ha. Na videje vya kuulanga vyuyaga kuzenga vimvulila kuli nhagala zake."

Chiwhanile na nhungo

33 Yesu na kalutilila kuwalonjele nhelo yinji, kalonga, "Undewa wa kilanga ufanda kota hino. Mdala yumwe nakahola nungo nakahanza na utimbo vijemo vili, mbaka utimbo weng’ha naufuluma."

Kiwhana na misolo

24 Yesu kawalonjela wanhu nhelo yinji, "Undewa wa kilanga uwhana kota hino. Munhu yanyalile nyhadikwa inojile kuli mgunda wa heye. 25 Ila hamihe imwe wanhu lowali wawasile, mwihe wa heye nakoya, kanyala misolo hagati ha uhemba, koka. 26 Lelo nyhadikwa loyotile na kwaluka kubahula, misolo najo najaluka koneka. 27 Vitumagwa wa yula yawele na mgunda wamlutila, wamlonjela, ‘Mkulu, nahaunyalile nyhadikwa inojile kuli mgunda wa hegwe. Lelo misolo jilawa kohi?’ 28 Heye nakawedichila, ‘Mwihe ndo yaditile ahyo.’ Lelo vitumagwa wa heye wamuuza, ‘Ndaze, kwangugana tuche tukajing’umbule?’ 29 Na heye kawedichila, ‘Hebu, mleche baho homkungajiza misolo, mong’umbula na uhemba kahi. 30 Mleche vikule hamwe mbaka mhela wa mbena. Mhela awo ndowalonjela walingubeta, mkungajize tandi misolo mjiwohe chilundochilundo cha kugasoma. Ila uhemba mukungajize mkauwiche kung’hano ya heni.’ "

Yesu kangugubula kiwhana kwa misolo

36 Hamba Yesu nakawalaga wala wanhu, nakwinjila mng’handa. Walanguswa wa heye wamhejelela, wamlonjela, "Tutang’hulile nhelo ayi ya misolo yangutulangusa choni?"

37 Yesu kawalonjela, "Yanyalile zila nyhadikwa zinojile ndo Mwana wa munhu. 38 Mgunda ndo isi, na nyhadikwa inojile ndo wanhu woyile kuli Undewa wa Nguluwi, na misolo ndo wanhu walutile kwa Limazoga. 39 Na mwihe yanyalile misolo ndo Limazoga na mbena ndo kuduma kwa ukulu na wabetaji ndo wahilisi wa kilanga. 40 Kota vila misolo vyojilingukungajizwa hamwe na kusomigwa mchiluli, ndo vyoiwa kuduma kwa mhela. 41 Mwana wa munhu kowalajiza wahilisi wa kilanga wa heye wawawiche hamwe kuli undewa wa heye wala weng’ha wali ngwambuza gehile, na weng’ha walingudita gehile. 42 Wahilisi wowatoza kuli ivuche lya chiluli, na ako wolila na kujejeda mizino. 43 Hamba, wala watanganiche wong’ala kota isanya kuli undewa wa Mhaza wa hewo. Yawele na makutu nayahuliche!

Kiwhana na utandawala wa somba

47 "Kahi, undewa wa kilanga uwhana na utandawala utozigwe kuli bahali, wibata somba za nhanzi nyinji ng’hatu. 48 Loumemile, wanhu nawaukwega hafungo, nawekala, nawahagula somba zinojile nawaziwika kuli vidoto vya hewo na zihile nawazitaga. 49 Ndo vyoiwa kuduma kwa mhela, wahilisi wa kilanga wolawila, wowabagula wanhu wehile na wanhu watanganiche, 50 na kuwataga awo wehile kuli ivuche lya chiluli. Ako wolila na kujejeda mizino."

3 "Nawatambichizwa wawele ng’hochele kuli nhumbula,

kwa vila undewa wa kilanga ndo wa hewo!

4 Nawatambichizwa wala walingulombocheza,

kwa vila Nguluwi kowahembuliza.

5 Nawatambichizwa wawele waliholile,

kwa vila woihalila isi!

6 Nawatambichizwa wawele na nzala na ng’halu ya kudita gatanganiche,

kwa vila Nguluwi kowagutiza.

7 Nawatambichizwa wawele na isungu kwa wanji,

kwa vila Nguluwi kowonela isungu.

8 Nawatambichizwa wawele na nhumbula zilihela nongwa,

kwa vila womona Nguluwi.

9 Nawatambichizwa walinguwahanyisa wanhu,

kwa vila wochemigwa wana wa Nguluwi.

10 Nawatambichizwa walingugazika kwa chiwalo cha kudita gatanganiche,

kwa vila undewa wa kilanga ndo wa hewo.

11 "Namtambichizwa hemwe, wone wanhu wowaliga hemwe na kuwagaza hemwe na kulonga wihe kuwala hemwe, kwa chiwalo cha heni. 12 Msangalale na kutowa luchenze, kwa vila chonolo chompegwa chowa chikulu kilanga. Ahi ndo vyowalinguwabunza waloli wawalongole hemwe.

Yalikohi yawele mng’hangala

1 Mhela wula walanguswa nawamlutila Yesu, nawamuuza, "Yalikohi yawele mkulu ng’hatu kuli undewa wa kilanga?" 2 Yesu nakamchema mwana yumwe, kamwimiza hagati hawo, 3 hamba nakalonga, "Ndanguwalonjelani ndikomya, wone hamgaluche na kuwa kota wana wadodo, hamkwinjila hebu kuli Undewa wa Nguluwi kilanga." 4 Yoneche yochihanyisa kota mwana ayu, ayo ndo yawele mkulu kuli undewa wa kilanga.

14 Yesu nakalonga, "Muwaleche awo wana wadodo woye kwa heni, mleche kuwalemeza, mina undewa wa kilanga ndo wa wanhu wafandile kota wana awa."

23 Aho Yesu nakawalonjela walanguswa wa heye, "Ndanguwalonjelani ndikomya haiwa ubewe kwa yawele na lufufu kwinjila kuli undewa wa kilanga. 24 Kahi ndanguwalonjelani, yowa ubewe kwa ngamiya kukola kuli itubuli lya chihomo, kuleka kwa yawele na lufufu kwinjila kuli Undewa wa Nguluwi." 25 Wala walanguswa lowahuliche ahyo wabubuwala ng’hatu, nawamuuza, "Lelo yalikohi yoloholigwa?" 26 Yesu kawalola, kalonga, "Kwa munhu mbuli ayi haiditikwa ne hado, ila kwa Nguluwi mbuli zeng’ha zoditikwa."

5 Wang’holozangu mnyhulichize, Nguluwi kawahagula wanhu wazunwa walihela lufufu wa isi ayi leka wawe na makundo kwa winji na kubochela undewa yoyalagane nawo walingumgana.

Siwazelele hemwe

21 "Haiwele chila munhu yondonjela, ‘Mkulu, Mkulu’ kokwinjila kuli Undewa wa Nguluwi, leka yula yokweneza yaganile Mhaza wa heni yawele kilanga.

19 Lelo, yoneche yawele kobena mzilo woneche na kuwalangusa wanhu wanji wadite ahyo, munhu ayo kowa mdodo ng’hatu kuli undewa wa kilanga. Ila yula yawele kobatilila na kuwalangusa wanji, ayo kowa mkulu kuli undewa wa kilanga. 20 Ahyo ndanguwalonjela hemwe, wone kutanganika kwa hemwe hakupulute kula kwa Mafalisayo na kwa walangusa wa malajizo ga Musa, hamkwinjila kuli undewa wa kilanga.

9 Lelo ahino ndo mlinguganigwa kulanda.

" ‘Mhaza wa hetwe uwele kilanga,

itagwa lya hegwe litogoligwe,

10 undewa wa hegwe uye,

lyougana likoleche hano mu isi, liwe kota vyoliwele kilanga.

Malanguso ga Yohani Mbatiza

1 Mhela wula Yohani Mbatiza loyoyile kuchiwala aku Yudeya, nakaluka kudamla. 2 Nakawalonjela, "Mumgalamchile Nguluwi, kwa vila undewa wa kilanga wa habehi."

17 Kulawa mhela wula Yesu nakaluka kudamla yolonga, "Mumgalamchile Nguluwi, kwa vila undewa wa kilanga wa habehi!"

7 Mlute mkawalonjele kota ‘Undewa wa kilanga wa habehi.’

11 Lelo ndanguwalonjela kota wanhu wenji wokuya kulawa kolilawila isanya na kolizinjila, na kikala hanyi hali ndiya hamwe na Abulahamu, na Isaka, na Yakubu kuli undewa wa kilanga.

11 Ndanguwalonjelani ndikomya, wamwe mwa wana weng’ha wa wanhu, hanalawila yawele mkulu kusinda Yohani Mbatiza. Leka hino, yula yawele mdodo ng’hatu kuli undewa wa kilanga, ndo mkulu kusinda heye. 12 Kulawa mhela wa Yohani Mbatiza mbaka lehano, undewa wa kilanga wangugazigwa lukami, na wanhu wang’hanuche wangujeza kuusukula kwa lupichi.

28 Hetwe lelo, tulonje malumbo, kwa vila twangubochela undewa wohautigasika. Tumtogole na kumfugamila Nguluwi kuli kumnojeza na kumhulichiza ng’hatu, 29 mina Nguluwi wa hetwe ndo chiluli chilingwaka ng’hatu na chilingulakaza.

11 Wolonga ukulu wa undewa wa hegwe,

na kuwikula mong’ho wa hegwe ukulu,

12 leka chila munhu yagazele madito ga hegwe makulu,

na ukulu wa undewa wa hegwe.

13 Undewa wa hegwe ndo undewa wa mazuwa gose,

ludali lwa hegwe lukale lulelo lweng’ha.

Mkulu Nguluwi ka wa kukundigwa kuli kulagana kwa heye kweng’ha,

ka yanojile kuli madito ga heye geng’ha.

10 Ahyo, wang’holozangu, mikangaze ng’hatu kuidita ayo nyhemo ya hemwe yomchemigwe na Nguluwi iwe mbuli ya kukomya kuli ukomu wa hemwe na wone mikale ahyo, hamgwa hebu kuli gehile. 11 Mina kwa kudita ahyo, mokundizwa ng’hatu kwinjila kuli undewa wa mazuwa gose wa Mkulu na Mlohozi wa hetwe Yesu Kilistu.

18 Mkulu kondohola na mbuli zeng’ha zihile na kunyhola aku yonyamila goya mbaka kuli undewa wa heye wa kilanga. Ukulu uwe wa heye mazuwa gose! Ena.

Lufufu lwa kilanga

32 "Mleche kudumba hemwe chilundo chidodo, kwa vila Mhaza wa hemwe nakona yagoya kuwapa undewa.

5 Ahyo mvizele ng’hatu kota mng’hondwa ama mdesi ama mhadi ama mwavu, mazuwa gose munhu kota ayo houhalila undewa wa Kilistu na wa Nguluwi kwa vila munhu kota ayo kangiwhana na munhu yalingujifugamila jimalukolo.