Reino dos céus

ሞገቴዳ ሚሻ ሌምሱዋ

44 "ሳሉዋ ካዉተይ ጎሻን ሞገቴዳ ሚሻ በሴ፤ እት ብታኒ ሄ ሚሻ ደሚደ፥ ዛሪደ ሞግ አጌዳ፤ ዳሮ ናሸቲደ ቢደ፥ ባረዉ ደእያዋ ኡባ ዛልኢደ፥ ሄ ጎሻ ሻሜዳ።

እንቁዋ ጌተትያ ዳሮ አልኦ ሹቻ ሌምሱዋ

45 "ቃይ ሳሉዋ ካዉተይ እንቁዋ ጌተትያ ዳሮ አልኦ ሹቻ ሻማናዉ ኮይያ ዛልአንቻ ማላቴ። 46 ሄ ዛልአንቻይ ዳሮ አልኦ እንቁዋ ደሚደ፥ ቢደ ባረዉ ደእያዋ ኡባ ዛልኢደ፥ አ ሻሜዳ።

ሳናፍጭያ ጌተትያ ምት ዘረ ሌምሱዋ

31 የሱስ ኡንቱንቶ ሀራ ሌምሱዋ ያጊደ ኦዴዳ፤ "ሳሉዋ ካዉተይ ሳናፍጭያ ጌተትያ ጉ ምት አይፍያ ማላቴ፤ ሄ ምት አይፍያ አሳይ አኪደ፥ ባረ ጎሻን ዘሬዳ። 32 ሄ ዘረታ ሀራ ዘረ ኡባፐ ጉጻዉ፤ ሽን ድጬዳ ዎደ፥ ሀራ አታክልትያ ኡባፐ ዳራዉ፤ ካፉ ዪደ፥ እዝ ቃንካን ኬጽያዋ ኬና ዎጋ ም ግዳዱ" ያጌዳ።

እርሹዋ ሌምሱዋ

33 ቃይ የሱስ ሀራ ሌምሱዋ ኡንቱንቶ ያጊደ ኦዴዳ፤ "ሳሉዋ ካዉተይ እት ምሽራታ ሄዙ ከርያ ልያ አካደ፥ ሙናቄዳ ሙናቃይ ኡባይ ደንዳና ጋካናዉ፥ አን ትጌዳ እርሹዋ ማላቴ" ያጌዳ።

ዛርንግያ ሌምሱዋ

24 የሱስ ኡንቱንቶ ሀራ ሌምሱዋ ሀዋዳን ያጊደ ኦዴዳ፤ "ሳሉዋ ካዉተይ ባረ ጎሻን ሎኦ ዘረ ዘሬዳ ብታንያ ማላቴ። 25 ሽን ቃማ አሳይ ገምእሽድግና፥ አ ሞርኪ ዪደ፥ ዛርጋ ዘሬዳዋ ቦላ ዛርንግያ ዘሪደ ቤዳ። 26 ሽን ዛርጋይ ዶል አይፌዳ ዎደ፥ ዛርንጊ ሄ ዎደ ቤቴዳ።

27 "አ ቆማቱ አኮ ዪደ፥ ‘ጎዳዉ፥ ኔን ነ ጎሻን ሎኦ ዘረ ዘራበይኪ? ያትና፥ ዛርንጊ ሀቃፐ ዬዴ?’ ያጌድኖ።

28 "ሄዋፐ ጉይያን ጎዳይ፥ ‘ሄዋ ሞርኪ ኦዳ’ ያጌዳ።

ቆማቱ፥ ‘ኑን ቢደ ሾዳናዳን ዶሳይ?’ ያጌድኖ።

29 "ሽን እ፥ ‘አግተ፥ ዛርንግያ ህንተንቱ ሾዲደ፥ ዛርጋና ሾዳንታ። 30 ቦቾፕተ፤ ቆይጭያ ዎዲ ጋካናዉ፥ እትፐ ድጭኖ። ቆይጭያ ዎዲ ጋኮደ፥ ታን ቆይጭያዋንታ፥ ካሰቲደ ዛርንግያ ማጽተ፤ ታማን ጉዳናዉ ፖችያን ፖችያን ቃችተ፤ ሽን ዛርጋ ሺሺደ ድይያን ቆልተ’ ጋና" ያጌዳ።

የሱስ ዛርንግያ ሌምሱዋ ብለ ኦዴዳ

36 ሄዋፐ ጉይያን፥ የሱስ አሳ አጊደ፥ ሶይ ገሌዳ፤ አ ካልያዋንቱ አኮ ቢደ፥ "ጎሻን ደእያ ዛርንግያ ሌምሱዋ ብለ ኑዉ ኦዳ" ያጌድኖ።

37 የሱስ ዛሪደ፥ ሀዋዳን ያጌዳ፤ "ሎኦ ዘረ ዘርያዌ አሳ ናኣ፤ 38 ጎሻይ ሀ አላምያ፤ ሎኦ ዘረይ ጾሳ ካዉተ አሳ፤ ዛርንጊ ጻላህያ ካፑዋ ናና። 39 ዛርንግያ ዘሬዳዌ ሞርክያ ጻላህያ፤ ቆይቻ ዎዲ፥ ዎድያ ዉርሰ፤ ቃይ ቆይጭያዋንቱ ኪታንቻቱዋ።

40 "ሄዋ ድራዉ፥ ዛርንግያ ማጺደ፥ ታማን ጉድያዋዳን፥ ዎድያ ዉርሰን ሄዋ ማላ ግዳናዋ። 41 አሳ ናአይ፥ ኪታንቻቱዋ ኪታናዋ፤ ኡንቱንቱ አ ካዉተ ግዶን ናጋራዉ ጋሶ ግድያ ኡባቱዋነ ኢታባ ኦያዋንታ ማጺደ ከሳናዋንታ። 42 ያቲደ ቶኤና ታማን ኦላናዋንታ፤ ሄዋን ኡንቱንቱ ዬካናዋንታነ አቻ ቃናዋንታ። 43 ሄ ዎደ ጽላቱ ባረንቱ አቡ ካዉተን አዋዳን ፖአና። ስስያ ሀይይ ደእያ ኡራይ ስሶ!

ዳባ ሌምሱዋ

47 "ቃይ ሳሉዋ ካዉተይ ኡባ ቆሞ ሞልያ ኦይቂያ፥ አባን የገቴዳ ዳባ ማላቴ። 48 ሞሊ ዳባ ኩሜዳ ዎደ፥ ሞልያ ኦይቂያ አሳቱ አባፐ ጋጻ ከሲደ ኡቴድኖ፤ ያቲደ ሎኦ ሞልያ ቆሪደ፥ የግያ ሚሻን የጌድኖ፤ ሽን ኢታ ሞልያ ዎራ ኦሌድኖ። 49 ዎድያ ዉርሰን ሄዋዳን ሀናና፤ ኪታንቻቱ ዪደ፥ ናጋራንቻቱዋ ጽላቱዋ ግዶፐ ቆሪደ፥ 50 ቶኤና ታማን ኦላናዋንታ፤ ሄዋን ኡንቱንቱ ዬካናዋንታነ አቻ ቃናዋንታ።

ቱሙ አንጁዋ አክያ አሳቱዋ

3 "ባረንቱ አያና ደኡዋን፥

ህዬሳ ግዴዳዋ ኤርያዋንቱ አንጀቴዳዋንታ፤

አያዉ ጎፐ፥ ሳሉዋ ካዉተይ ኡንቱንቱሳ።

4 ካዮትያዋንቱ አንጀቴዳዋንታ፤

አያዉ ጎፐ፥ ጾሳይ ኡንቱንታ ምንሳና።✝

5 አሽከ ግዴዳዋንቱ አንጀቴዳዋንታ፤

አያዉ ጎፐ፥

ኡንቱንቱ ሳኣ ላታና።✝

6 ጽሎተ ኮሻትያዋንቱነ ሳመትያዋንቱ፥*

አንጀቴዳዋንታ፤

አያዉ ጎፐ፥ ጾሳይ ኡንቱንታ ካልሳና።

7 ማርያዋንቱ አንጀቴዳዋንታ፤

አያዉ ጎፐ፥

ጾሳይ ኡንቱንታ ማራና።

8 ዎዛና ጌሻቱ አንጀቴዳዋንታ፤

አያዉ ጎፐ፥

ኡንቱንቱ ጾሳ በአና።

9 አሳ ስገያዋንቱ አንጀቴዳዋንታ፤

አያዉ ጎፐ፥ ጾሳይ ኡንቱንታ፥

ባረ ናና ጊደ ጼሳና።

10 ጽሎተ ድራዉ፥

የደርሰትያዋንቱ አንጀቴዳዋንታ፤

አያዉ ጎፐ፥ ሳሉዋ ካዉተይ ኡንቱንቱሳ።*

11 "ህንተ ታና ካልያ ድራዉ፥ አሳይ ህንተና ቦርያ ዎደነ ዋይስያ ዎደ፥ ቃይ ህንተ ቦላ ኢታባ ኡባ ዎርዱዋን ሃሳይያ ዎደ፥ ህንተ አንጀቴዳዋንታ። 12 ህንተዉ ሳሉዋን ዎልቃማ ዎይታይ ደእያ ድራዉ፥ ናሸትተ፤ ሀሹ ጊተ፤ አያዉ ጎፐ፥ አሳይ ህንተፐ ካሰ ደኤዳ ናባቱዋ ሄዋዳን የደርሴድኖ።

ኡባፐ አያዌ ኦኔ?

1 አ ካልያዋንቱ የሱሳኮ ሄ ዎደ ዪደ፥ "ሳሉዋ ካዉተን ኡባፐ አያዌ ኦኔ?" ያጌድኖ።

2 የሱስ እት ጉ ናኣ ጼስ ኡንቱንቱ ግዶን ኤሲደ፥ ሀዋዳን ያጌዳ፤ 3 "ታን ህንተንቶ ቱሙዋ ኦዳይ፤ ጾሳኮ ህንተንቱ ስሚደ፥ ጉ ናናዳን ሀናና ዮፐ፥ ሳሉዋ ካዉተ ኡባካ ገላናዉ ዳንዳይክታ። 4 ስም ሀ ጉ ናኣዳን፥ ባረና ካዉሽያ ኦንነ ሳሉዋ ካዉተን ኡባፐ አያዋ።

14 ሽን የሱስ፥ "ቄር ናናይ ታኮ ይያዋ ድጎፕተ፤ አያዉ ጎፐ፥ ሳሉዋ ካዉተይ ሄዋንቱ ማላሳ" ያጌዳ።

23 የሱስ ባረና ካልያዋንቶ፥ "ታን ህንተንቶ ቱሙዋ ጋይ፤ ዱረ አሳይ ሳሉዋ ካዉተ ገላናዌ ዳሮ መቶ ግዳናዋ። 24 ታን ጉጃደካ ህንተንቶ ኦዳይ፤ ዱረ አሳይ ጾሳ ካዉተ ገላናፐ፥ ጋሉ ማርፕያ ሉኩዋና አናዌ ማታቴ" ያጌዳ።

25 አ ካልያዋንቱ ሄዋ ስስ ማላለቲደ፥ "ያትና፥ ኦን አታናዉ ዳንዳዪ?" ያጌድኖ።

26 የሱስ ኡንቱንታ ጫድ ጼሊደ፥ "ሀዌ አሳዉ ዳንዳየተና፤ ሽን ጾሳዉ ኡባባይ ዳንዳየቴ" ያጌዳ።

5 ታናዳን ጾሳ ካልያዋንቶ፥ ስስተ፤ ጾሳይ ሀ ሳኣን ደእያ ህዬሳ አሳይ አማኑዋን ዱረታናዉነ ባረና ሲቅያዋንቶ እማና ጌዳ ሳሉዋ ካዉተ ላታናዉ ዶርቤነዬ?

18 ሽን ኡባፐ ቂያ ጾሳ ጌሻቱ አ ካዉተ አኪደ፥ መናዉ ባረሳ ኦና፤ መና ካዉተ ኡንቱንቱ ላታና’ ያጌዳ።✝

21 "ሳሉዋን ደእያ ታ አቡ ጌዳዋ ኦያ ኡራይ ሳሉዋ ካዉተ ገላናፐ አትን፥ ‘ጎዳዉ፥ ጎዳዉ’ ግያ ኡባይ ገለና።

19 ሄዋ ድራዉ፥ ሀ አዛዙዋ ኡባፐ ጉጽያ እት አዛዙዋ መንያ ኡራይ ኦንነ፥ ቃይ ሀራቱካ ባረዋዳን ሀናናዳን ታማርስያ ኡራይ ኦንነ፥ ሳሉዋ ካዉተን ኡባፐ ጉ ግዳና፤ ሽን አዛዙዋ ኦያዌነ ሀራንቱካ ኦናዳን ታማርስያዌ ኦንነ ሳሉዋ ካዉተን ቃ ግዳና። 20 አያዉ ጎፐ፥ ህንተ ጽሎተይ ሙሴ ህግያ ታማርስያዋንቱ ጽሎተፐነ ፓርሳዋቱዋ ጽሎተፐ ዳራና ዮፐ፥ ሳሉዋ ካዉተ ህንተ ሙለ ገለናዋ ታን ኦዳይ።

9 "ስም ህንተንቱ ሀዋ ማላ ዎሳ ዎስተ፤

" ‘ሳሉዋን ደእያ ኑ አቦ፥

ነ ጌሻ ሱንይ አንጀቶ።

10 ነ ካዉተይ ዮ፤

ነ ሸኒ ሳሉዋን ሀኔዳዋዳን፥

ሳንካ ሀኖ።

ጻማቅያ ዮሃንስ ቃላ ኦዴዳ

1,2 ሄ ዎደ ጻማቅያ ዮሃንስ አሳ፥ "ሳሉዋ ካዉተይ ማታቴዳ ድራዉ፥ ህንተ ናጋራፐ ስምተ" ያጊደ፥ ይሁዳ መላ ቢታን ኦዲደ ዬዳ።✝

17 ሄ ዎድያፐ ዶሚደ የሱስ፥

"ህንተ ናጋራ ፓጽተ፤ አያዉ ጎፐ፥

ሳሉዋ ካዉተይ ማታቴዳ ድራሳ"

ጊደ ቃላ ኦዱዋ ዶሜዳ።

7 ቢደ፥ ‘ሳሉዋ ካዉተይ ማቴዳ’ ያጊደ ኦድተ።✝

11 ጮራ አሳይ አዋይፊ ዶልያ ባጋፐነ ዉልያ ባጋፐ ዪደ፥ አብራሃሞና፥ ይሳቃናነ ያቆባና ሳሉዋ ካዉተ ጋይታን እትፐ ኡታናዋንታ ያጋይ።

11 ታን ህንተንቶ ቱሙዋ ኦዳይ፤ አት ኡሉዋፐ የለቴዳ አሳ ኡባን ጻማቅያ ዮሃንሳፐ አያዌ ኦንነ ደንድቤና፤ ሽን ሳሉዋ ካዉተን ኡባፐ ላፍያዌ አፐ አና። 12 ጻማቅያ ዮሃንሳ ዎድያፐ ዶሚደ፥ ሀቼ ጋካናዉ፥ ሳሉዋ ካዉተታ ዳሮ ናቀታዉ፤ ምን ባጸትያዋንቱ እዞ ደሚኖ።

28 ኑን ቃጻናዉ ዳንዳየና ካዉተ አክያ ድራዉ፥ አነ ጾሳ ጋላቶይተነ አ ናሸቾይተ፤ አዉ በስያዋዳን ቦንቹዋንነ ያሻተን አዉ ጎይኖይተ። 29 አያዉ ጎፐ፥ ኑ ጾሳይ ቱሙ ባይዝያ ታማ።✝

11 ኡንቱንቱ ነ ካዉተ ቦንቹዋባ ሃሳያና፤

ነ ዎልቃባ ኦዳና።

12 ሄዌነ፥ ነ ዎልቃማ ኦሱዋባነ

ነ ካዉተ ቦንቹዋ አንጋባ

አሳ ኤርሳና።

13 ነ ካዉተይ መና ካዉተ፤

ነ ማታይ የለታ ኡባ ጋካናሳ።

መና ጎዳይ ባረ ጌዳ ቃላዉ ኡባዉ አማነትያዋ፤

እ ባረ ኦሱዋ ኡባን ቃረትያዋ።

10 ሄዋ ድራዉ፥ ታናዳን ጾሳ ካልያዋንቶ፥ ህንተና ጾሳይ ጼሴዳዋነ ዶሬዳዋ ሎይ ኤርሳናዉ፥ ካሰዋፐ አ ምንተ፤ አያዉ ጎፐ፥ ህንተ ሄዋ ኦያዋ ግዶፐ፥ በትክታ።* 11 ሄዋዳን ቃይ ኑ ጎዳነ ኑና አሽያ የሱስ ክርስቶሳ መና ካዉተ ገልያ ኩመን ማታይ ህንተንቶ እመታና።

18 ጎዳይ ታና ኢታባ ኡባፐ አሺደ፥ ባረ ሳሉዋ ካዉተ ሳሮተን አፋና፤ አዉ መ መናዉ ቦንቹ ግዶ። አመንእ።

ሳኣን ባረ ዱረተን አማነቶዌ ሳሉዋን ዋኒ?

32 "ህንተንቱ ጉ ግድንቶነ፥ ሳሉዋ ህንተንቱ አዉ ባረ ካዉተ ህንተንቶ እማናዉ ናሸቴዳ ድራዉ ያዮፕተ።

5 ሀዋ ኤርተ፤ ኦንነ ዎሹምያዋ ዎይ ቱናባ ኦያዋ፥ ዎይ ሚሻ አሞትያዋ ግዶፐ፥ ክርስቶሳ ካዉተነ ጾሳ ካዉተ ላታናዉ ዳንዳየና፤ ሚሻ አሞትያዌ ኤቃዉ ጎይንያዋፐ ዱማተና።