Reino dos céus

लूक्यो धन को दुष्टान्त

44 स्वर्ग को राज्य खेत मे लुकायो हुयो धन का जसो हइ, जेखे कोय इंन्सान ने लिखे लुकय दियो, अरु आनन्द का मारे जयखे अपनो सब कुछ बेचीखे उ खेत खे मोल ली लियो.

अनमोल मोती को दुष्टान्त

45 फिर स्वर्ग को राज्य एक धंदा आला का जसो हइ जो अच्छो मोतिहोन का खोज मे हइ. 46 जब ओखे एक बहुमूल्य मोती मील्यो ते ओने जयखे अपनो सब कुछ बेची डालयो अरु उ मोति खे मोल ली लियो.

रईका बीज को दृष्‍टान्‍त

31 ओने उनसे एक अरु दृष्‍टान्‍त दियो, "अरु स्वर्ग को राज्य रइ को एक दाना का जसो हइ, जेने कोय इंन्सान ने लीखे अपना खेत मे बोय दियो. 32 उ सब बीजहोन से छोटो ते हइ पर जब बडो होस हइ, तब सब बगीचो को रोप से बडो होस हइ. अरु असो झाड हुये जास हइ, की बद्दल की पक्षिहोन अयखे ओकी डग्यान पर अपनो घोसलो बनय खे ऱ्हेन लग्या."

खमीर को दृष्‍टान्‍त

33 ओने अरु एक दृष्‍टान्‍त उनखे सुनायो, "अरु स्वर्ग को राज्य खमीर का जसो हइ जेखे कोय बय ने लीखे तीन पस आटा मे खमीर हुइ गयो."

जंगली बीज को दृष्‍टान्‍त

24 यीशु ने उनखे एक अरु दृष्‍टान्‍त दियो, "स्वर्ग को राज्य उ इंन्सान का जसो हइ जेने अपना खेत मे अच्छो बीज बोयो हइ. 25 पर जब दुन्या सोय रा था ते ओका दुसमन आयखे गहु का जंगली बीज बोयी खे चली गया. 26 जब गहु को कोम नीकली अरु बाली लगी, ते जंगली दाना का झाड भी दिखय दियो." 27 येका पर गृहस्थ का सेवक ने अय खे ओकासे बोल्यो, "हे स्वामी, का तोने अपना खेत मे अच्छो बीज नी बोयो थो? फिर जंगली का दाना का झाड ओमे खा से आयो?" 28 ओने ओकासे बोल्यो, "ह्या कोय दुसमन को कोय काम नी हइ. सेवक ने ओकासे बोल्यो, का तरी इच्छा हइ, की हम उनखे उखाडि खे फेकी दे?" 29 ओने बोल्यो, नी, असो नी हुये कि जंगली दाना का झाड जमा हुये तुम उनका साथ गहु भी उखाडी दी सकस ते. 30 "काटना तक दोय खे एक साथ बडन दे, अरु काटन का टेम मी काटन वाला से बोल्यु. पैयले जंगली दाना का झाड जमा करीखे जलान का लिये उनका गठ्टा बांदी ले, अरु गहु खे मरा खेत मे जमा करी देस."

जंगली बीज को दृष्‍टान्‍त की व्याख्या

36 तब वे गर्दी खे छोडी खे अपना घर मे आया, अरु ओका सेवक होन ने ओका पास अयखे बोल्यो, "खेत का जंगली दाना को दृष्‍टान्‍त हमखे समझ्य दे."

37 ओने उनखे उत्तर दियो, "अच्छो बीज खे बोनआलो इन्सान को बेटो हइ. 38 खेत जगत हइ, अरु अच्छो बीज राज्य को बेटो हइ, अरु जंगली बीज दुष्ट को बेटो हइ. 39 जो दुसमन ने ओखे बोयो उ सैतान हइ. काटना से जगत को अन्त: हइ अरु काटन वलो स्वर्गदूत हइ. 40 अत: जसो जंगली दाना खे जमाकरी जास अरु जलाया जास हइ असो हि जगत का अन्त: मे होस. 41 इन्सान को बेटो अपनो स्वर्गदूतहोन खे भेजस, अरु वे ओका राज्य मे से सब ठोकर का कारण खे अरु बुरो करणवाला खे जमा करस." 42 अरु उनखे अंगार का कुव्वा मे डालस, व्हा रोनो अरु दात पिसानो हुये. 43 उ टेम परमेश्वर का धर्मी दुन्या अपना बाप का राज्य मे सुर्य का जसो चमकस. जेको कान हुये उ सुनी लेस.

जाल को दृष्‍टान्‍त

47 फिर स्वर्ग को राज्य उ बडा जाल का जसो हइ, जो समुदर मे डाल्यो गयो, अरु हर प्रकार की मछलिहोन खे जमाकरी लायो. 48 अरु जब जाल भरी गइ, ते मच्छीहोन ओखे किनारा पर खीची खे लायो, अरु बैठिखे अच्छी-अच्छी बर्तन मे जमाकरी अरु बेकार-बेकार फेकी दि. 49 जगत को अन्त: मे असो ही हुये. स्वर्गदूत अयखे पापीहोन खे धर्मीहोन से अलग करी दिये, 50 अरु उनखे अंगार का कुव्वा मे डाली दिये. व्हा रोनो अरु दात पीसनो हुये.

धन्य वचन

3 "अच्छो हइ उ, जो आत्मा से दीन हइ,

क्योकि स्वर्ग को राज्य उनका मे हइ."

4 "अच्छो हइ उ." जो शोक करस हइ,

क्युकी वे दुनीया शांती पाये.

5 "अच्छो हइ उ, जो नम्र हइ,

क्योकि उ धरती को वारीस दार हुये."

6 "अच्छो हइ उ, जो धार्मीकता को भूको अरु प्यासो हइ,

क्युकी वे तृप्त धन्य कर्‍यो जाए."

7 अच्छो हइ उ, जो दयावन हइ,

किक्यु उन पर दया करी जाये.

8 अच्छो हइ उ जोको मन अच्छो हइ

क्योकि उ परमेश्वर खे देखे.

9 अच्छो हइ उ जो शांती को काम करनवाला हइ;

क्योकि वे परमेश्वर का बच्चा बोल्या जाये!

10 "अच्छो हइ उ जो धार्मीकता करनआला खे सतायो जास हइ;

क्योकि स्वर्ग को राज्य उनकोय हइ!

11 "अच्छो हुये तुम जब इन्सान मरा कारन तुम्हारी मजाक उडाये अरु सताये अरु झुठ बोली खे तुम्हारा विरोध मे सब प्रकार की बुरी बात बोलस. 12 तब खुसी अरु मगन होनु, क्योकि तुम्हारा लिये स्वर्ग मे बडो प्रतीफल हइ. येका लिये कि उनने उ भविष्यव्दक्ता खे जो तुम से पैयले थो या रीति से सतायो थो.

स्वर्ग का राज्य मे बडो कोन?

1 उ टेम सेवक होन यीशु का पास अय खे ओखे पुछन लग्या, "स्वर्ग का राज्य मे बडो कोन हइ?"

2 येका पर ओने एक बच्चा खे ओका पास बुलय खे उनका बिच मे खडो कऱ्यो, 3 अरु तुम बोल्य, "मी तुम से सच्ची बोलुस हइ, अगर तुम नी बदलनु अरु बच्चाहोन का जसो नी बने, ते स्वर्ग का राज्य मे नी जय सकी पाये. 4 जो कोय अपना आप खे यो बच्चा का जसो छोटो कर्‍हे, उ स्वर्ग का राज्य मे बडो हुये.

14 यीशु ने बोल्यो, "बच्चाहोन खे मरा पास आन दे, अरु उन खे मना नी करणु क्युकी स्वर्ग को राज्य इनका जसो ही हइ."

23 तब यीशु ने अपना सेवक होन से बोल्यो, "मी तुम से सच्ची बोलुस हइ, कि धनवान इन्सान खे स्वर्ग का राज्य मे प्रवेश करणो भोत कठीन हइ. 24 फिर मी तुम से बोलुस, कि परमेश्वर को राज्य मे धनवान इन्सान को प्रवेश करणा से उट, सूइ का नाक मे से नीकली खे जानो सहज हइ."

25 यो सूनी खे, सेवक होन भोत चकीत हूइ खे बोल्यो, "फिर कोय को उध्दार हुइ सकस?"

26 यीशु ने उनका तरप देखी खे बोल्यो, "इन्सानहोन से तो यो नी हुये सकस, पन परमेश्वर से सब कुछ हुये सकस हइ."

5 हे मरो प्रिय भैइ, सुन का परमेश्वर ने यो जगत का गरीबहोन खे नी चुनी कि विश्वास मे धनी अरु उ राज्य को अधिकारी हुयो, जेकी प्रतीज्ञा ओने ओकासे करी हइ जो ओकासे प्रेम रखस हइ?

18 पन परममुखिया का पवित्र दुनिया राज खे पाये, अरु जमाना से जमाना तक ओका अधिकारी बन्या ऱ्हीहे.✝

मी तुमखे कभी नी चिनू

21 "जो मरासे, हे ‘प्रभु, हे प्रभु’ बोलस हइ, ओमे से हर एक स्वर्ग का राज्य मे प्रवेश नी करस, पन वा जो मरा स्वर्गीय बाप कि इच्छा पर चलस हइ.

19 येका लिये जो कोय या छोटी सी छोटी आज्ञाहोन मे से कोय एक खे पालन नी कर्‍हे, अरु असो मे दुन्याहोन खे सिखास उ स्वर्ग का राज मे सबसे छोटो बोल्यो जाह्ये पन जो कोय वा आज्ञाहोन को पालन कर्‍हे अरु उनखे सिखाए, उ स्वर्ग का राज्य मे महान बोल्यो जाये. 20 क्युकी मी तुम से बोलुस हइ, कि अगर तुमारी धार्मीकता पंडीतहोन अरु फरीसीहोन की न्यायीपन से बडीखे नी हुये ते तुम स्वर्ग का राज्य मे कभी प्रवेश करणो नी पाये.

9 अन्नत तुम या रिती से प्रार्थना कऱ्यो कर्‍हे हे, हमारा बाप

तु जो स्वर्ग मे हमारा बाप हइ.

तरो नाम पवित्र मान्यो जास;

10 "तरो राज्य आयो.

तरी इच्छा जसी स्वर्ग मे पुरी होस हइ" असो पृथ्वी पर भी हुये.

बपतिस्मा देन आलो यहून्ना की शिक्षा

1 उ दिन मे यहून्ना बपतिस्मा देनवालो अयखे यहूदीया का जंगल मे यो प्रचार करण लग्यो. 2 अपना पाप से मन फिराव. क्युकी स्वर्ग को राज्यो नजीक अय गयो हइ.

17 वो टेम से यीशु ने प्रचार करणो अरु यो बोलनो सुर्वात कऱ्यो, "कि हमारा पाप से मन फिराव क्युकी स्वर्ग को राज नजीक आयो हइ."

7 अरु चलते-चलते प्रचार करीखे बोल्यो की स्वर्ग को राज्य बाहेर अय गो हइ.

11 अरु मी तुम से बोलुस हइ, कि भोत सारा पूर्व अरु पश्चिम से अयखे अब्राहम अरु इसहाक अरु याकूब का साथ स्वर्ग का राज्य मे बठ.

11 मी तुम से सच्ची बोलुस हइ, की जो बयहोन से जन्मो हइ, ओमे से यहून्ना बपतिस्मा देनआला से कोय बडो नी हुयो. पर जो स्वर्ग का राज्य मे ऱ्हेस वे छोटा से छोटा हइ उ ओकासे बडो हइ. 12 यहून्ना बपतिस्मा देनआला का दिनहोन से अभी तक स्वर्ग का राज्य मे बलपूर्वक अय रोस हइ, अरु बलवान ओखे छुडय रोस हइ.

28 यो कारण हम यो राज्य खे परइ जो हलन को नी कृतज्ञ हुये कि अरु भक्ति अरु डर सहित परमेश्वर की असी आराधना कर्ये जेका से उ प्रसन्न होस हइ. 29 क्युकि हमारो परमेश्वर भस्म करण आलो अंगार हइ.

10 येका लिये हे भैइहोन, अपनो बुलायो जानो, अरु चुनी लियो जानो, सिध्द करण को भली भाती इजा करते जाव, क्युकी अगर असो कर्हे ते कभी भी ठोकर नी खानको. 11 क्युकी या रीति से तुम हमारो प्रभु अरु उद्धारकर्ता यीशु मसीह का सदा राज मे बडो सम्मान का सात प्रवेश करण मील्हे.

18 अरु प्रभु मेखे हर एक बुरा काम से छुडाये, अरु अपनो स्वर्गीय राज्य मे सुरक्षा पोचय दिये. ओकी महिमा पिडमपिडि से जानो ऱ्हेस. आमीन.

यरुशलेम का लिये यीशु को प्रेम

32 यीशु ने उकासे बोल्यो. जयखे उ लाडग्या से बोल्यो बाप खे दे. कि देख मी आज अरु कल बुरीआत्माहोन खे नीकालतो अरु बिमारी खे अच्छो करुस हइ राज्य देन को तत्पर हइ अरु तिसरा दिन अपनो काम पुरो कर्‍हु.

5 क्युकि तुम या अच्छी रीति से समजस हय कि कोय भी व्यभिचारी, मलिन अरु लोभी इन्सान कि जो मूर्तिपूजक ही हइ, मसीह अरु परमेश्वर का राज मे मीरास नी हइ.