Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
री:नसिन्या धनल आहान
"स्वर्गला राज्य तोलोअ खेएल मोअसिन्या धनमन ताइन्या हो, जो तोलोअ रुले ओलसं लेन्या सोगलै यएस्यु, तपाला नका खेए लङवा ओटन आनन्दै ताइस्यु हिना।
मोटील आहान
"फरि स्वर्गला राज्य चान्या मोटीयाङ रोअन्या तोलोअ बैपारीमन ताइन्या ज्या। नकाले तोलोअ बअकरन्या मोटी डोएवापाइना हिनस्यु आल्योङ लिज्यान्या सोगल जन्तु यएस्यु नका मोटी आलङौ।
काथ्याल धूरल आहान
येशुले नकाङजन छुट्टै आहानङन आपानस्योवाङ, "स्वर्गला राज्य काथ्याल जाए मनताइन्या हो, जो तोलोअ रुले लाङस्यु आयेङल आवाहौ। ना सोगल धूरयाङतन इङन्या ताहा, तर जब नका बदिना, तब नका सोगलै ङनयाङतन घिन्या टुङ ताहा। ओटन नमत भुरन्या बायाङ रा:स्यु नकाल हाङ्गात रा:सिप जाएरा।"
येशुले रुयाङ हुलजन आहानङन आपानस्योवाङ, "स्वर्गल राज्य सोडा मनताइन्या हो, तोलोअ काङ्का मेएमाले तिस किलोग्राम मढमल भामवा, ओटन ना सोगल सोडाले फुल्लिस्यु ठिक्कै आमाटाहौ समन नाजन तपोईल आनाटौ।"
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
साम्बाअल आहान
येशुले फरि नकाङजन छुट्टै आहान आसथएवाङ, "स्वर्गल राज्य तोलोअ रुमन ताइन्या हो, जोले चान्या खेएल धूर आवाहौ।" तर सोगल रुयाङ रारुउज्याऔक ओलं आशत्तुर रांऔ, ओटन पलीमाल आखार-खार्ल साम्बाअल धूर वाइस्यु हिनौ। जब पलीमाल बिरवा परिइस्यु घिस्यु सहौ तअसिऊ, तब साम्बाअल टुङ बै रंनौ तअसिऊ। "नका साहूल आनोक्करयाङ रा:स्यु ओलजन ऐराढोव, ‘औ सायब, नैति नङ नखेएल चान्या धूर नवाइनु माङडी का?’ नल साम्बाअ काङन रांऔ?" नका झिमला साहूले नकाङजन ऐआढोवाङ, "काङ्का शत्तुरले नैआजाटौ। नोक्करयाङै ओलजन ऐराढोव, ‘गे हिनस्यु नका साम्बाअयाङ’ भोअया?" "तर नकाले आढोवाङ, ‘नै तालेच्यो, मानकन्ता जे साम्बाअ जेभोकौक पलीमा समेत ऐभोअच्यो।’ अन दुकौ बेला समन नेंलोअझन्जै तचोएकै घिऊ योंचिते। अन दुकौ बेला खानन्याङजन ङा ऐलेस्यु थाकङरा, ‘हादेए साम्बाअ भोअस्यु मील हिपौ नाल्ट मुठा पोअचिते, तर पलीमाजन ङा धन्सारल नाएचिते’।"
येशुले साम्बाअल आहानल अर्थ आपानन्या
तब येशुले रुयाङ हुलजन बनाएस्यु झिम भितरलं हिनौ, ओटन सिइयाङ आल्योङ रा:स्यु ऐराढोव, "खेएला साम्बाअल बारेल नपानन्या आहानल अर्थ गेजन पानस्यासिन्ते।"
येशुले नकाङजन जबाक आयोवाङ, "चान्या धूर वाइन्या रुल ज़ा हो। खेए सङ्सार हो। चान्यावाला धूर राज्यल सन्तान हो, ओटन साम्बाअ दुस्टआत्मालं ज़ा हो।" ओटन साम्बाअ लाइन्या शत्तुर दियाबलस हो। अनल समायकने जुगल अन्त हो। अन दुउन्याङ स्वर्गदुतयाङ हो। "जोमनलेस्यु साम्बाअ भोअस्यु मीले भसम जाएसि, जुगल आसापट नैज ताइन्या लेया। नकाछिम्क रुल ज़ाले आस्वर्गदुतयाङ परिङन्या लेया, ओटन पाप ढाऔ परिङन्या रु सनर दुस्ट काम ढान्या ईका राज्यभरिला सोगलै रुयाङजन दुउन्या लेरा, ओटन ओयाङजन मील भुबराल क्याइन्यालेरा। नल रुयाङ व्रन्यालेरा ओटन रांह्वाजिङ कैन्यालेरा। तब धर्मि रुयाङ रांबौल राज्यला नमिउमन चम्किन्यालेरा, जोल नां ले, ओले ग्याथटौत्या।
जालल आहान
"स्वर्गला राज्य तोलोअ जाल मनताइन्या हो, जो रुयाङै रहल होर्रा ओटन तबर खाल्ला ङा:स्याङ परिरा। ओटन जालल ङा:स्याङ फाङ ताहापाइनाई रुयाङै नकाजन आवङल सेलस्यु हाएरा, ओटन चुङस्यु चान्या चान्याभरिजन जायाङल छेल्स्यु दुउरा, ओटन माचान्याङजन बाहेर देए क्याइरा। जुगल आसापट नैज ताइन्यालेया, स्वर्गदुतयाङै रा:स्यु घुर्बीयाङजन धर्मियाङ खार्लन छेल्स्यु क्याइन्यालेरा, ओटन नकाङजन मील भुबराल क्याइन्यालेरा। ओलं रुयाङ व्रन्यालेरा ओटन रांह्वाजिङ कैन्यालेरा।"
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
मछ्यु हेसाङन्या
"बअचाऔ आत्माल गरिब लेन्याङ, स्वर्गल राज्य नकाङल ज्या।"
बअचाऔ आतिइ ढान्याङ, दानाङभन्या नकाङै सानत्वना ढोएन्यालेरा।
बअचाऔ नम्रयाङ, दानाङभन्या नकाङै पिरथ्बीला अढिकार डोएन्यालेरा।
बअचाऔ परमेस्वरलं इच्छ्याला कामल नाल्ट करेन्या सनर ओइन्याङ, दानाङभन्या नकाङ पटिपन्न ताइन्यालेरा।
बअचाऔ दयालुयाङ, दानाङभन्या नकाङै परमेस्वरङन दया डोएन्यालेरा।
बअचान्याङ चोखा यिङ वालाङ, दानाङभन्या नकाङै परमेस्वरजन रङन्या लेरा।
बअचावाङ जो शान्तिल काम ढान्याङ, दानाङभन्या नकाङ परमेस्वरलं सन्तान ऐढासिरा।
बअचाऔ सत्यल नाल्ट सटाइस्युनीर, दानाङभन्या स्वर्गला राज्य नकाङल ज्या।
"बअचाऔ जे, जब रुयाङै ङा कारनले जे बाए ढान्यालेरा ओटन सटाइचिरा, ओटन ग्वारस्यु छ्योङस्यु जे बिरोदत सोगलै खालला माचान्या छेन छ्योङन्या लेरा। तब हेसाङचिते, ओटन भ्याई आनन्द ताइचिते, दानाङभन्या स्वर्गल जे इनाम घिन्या लेया। दानाङभन्या ऐलेस्यु जै जेतन हाका अगमबक्ताङजन नकाङै रा:सटाईवाङ।"
सोगलैतन घिन्या काङ्का
नाइ बेला सिइयाङ येशु ल्योङ रा:स्यु रांगिनौ, "स्वर्गला राज्यल सोगलैतन घिन्या काङ्का?"
येशुले तोलोअ इङन्या लुलजन नेराक खुल्स्यु नकाङल खार्ल आसच्यानौ, ओटन ऐआढोवाङ, "ङा मछ्यु जेजन ऐढाच्या, यिङ फिरिसिस्यु जे इङन्या लुलल्याङमन माताइदुच्या भन्या खकै स्वर्गला राज्यल पसिन्या माल्चिदी। नैताइस्यु जोले ईका इङन्या लुलमन ओलझन्जै नरम जाटौ, नका स्वर्गला राज्यल सोगलैतन घिन्या ताइन्यालेया।
तर येशुले ऐआढोवाङ, "लुलल्याङजन ङाल्योङ रांऔ योंचिरते, नकाङजन तारुखिचिर। दानाङभन्या स्वर्गला राज्य ऐटाइन्याङलै ज्या।"
ओटन येशुले आ सिइयाङजन ऐआढोवाङ, "ङा मछ्यु, जेजन ऐढाच्या, स्वर्गला राज्यल धनी रुयाङजन पसिन्या गारो ताइन्यालेया। फरि ङा जेजन ऐढाच्या, धनी रुयाङजन परमेस्वरलं राज्य भितरलं पसिन्यातन ता बरु ऊटजन व्पल नायलन छिरिन्या सजिलो ताहा।"
सिइयाङै ईका थएस्यु भ्याई अचम्म मानिस्यु रांगिनौ, "नैताहकन काङ्काले उद्दार डोटौ ढुदुऊ का?" येशुले नकाङ लेऊदेए ब्याएस्यु ऐआढोवाङ, "रुयाङल नाल्ट ईका असम्भब लेया, तर परमेस्वरलं नाल्ट सोगलै छेन सम्भब लेया।"
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
ङा नङजन खकै शईस्यु ङामालेनु
"ङाजन प्रभु, प्रभु लेन्याङ सोगलै स्वर्गल राज्यल पसिऊ डोएन्या मालेरदी। तर ङामि परमेस्वर बौल इच्छा मानिन्या रुयाङ याएज स्वर्गला राज्यल पसिऊ ढुदुरा।
जोले ब्यबस्थाला आग्याङ मध्य सोगलैतन इङन्याजन मिचिस्यु, रुयाङजन बै नैलेव ह्युउकौर, नका स्वर्गला राज्यल सोगलैतन इङन्या ठहरिया। तर आग्या ओल बै मानिन्या सनर अपुऱ्याङजन बै मानिन्या ह्युउकौर, नका स्वर्गला राज्यल घिन्या ठहरिन्यालेया। नैताइस्यु ङा जेजन ऐढाच्या, यदि जेढान्या सत्यल काम ब्यबस्थाला शास्त्रीयाङ सनर फरिसीयाङतन भ्या माताइदा भन्या जे कैलेस्यु बै स्वर्ग राज्यल पसिन्या माल्चिदी।
"तर जे ऐलेस्यु प्रार्थना ढोचिते,
‘औ, स्वर्गल लिज्यान्या गे बौ,
नमिन पबित्र ग्यामानिसित्या।
न राज्य ग्यारांत्या। नइच्छ्या स्वर्गल जोमनताइन्या ले, नामन्ज ईका पिरथ्बील पुरा ग्याताइत्या।
बप्तिस्मा-यांन्या यहुन्नाल प्रचार
नकाए बेला बप्तिस्मा यांन्या यहुन्ना यहूदिया प्रदेसला हरहरताइन्या पोल रा:औ, ओटन ऐलेस्यु प्रचार ढाऔ तअसिऊ, "ओले ऐआढोवाङ, पस्चाताप ढोचिते, दानाङभन्या स्वर्गला राज्य नेराकै रा:स्यु लेया।"
नवाए बेलाकन येशुले ऐलेस्यु प्रचार ढाऔ तअसिऊ "पस्चाताप ढोचिते, दानाङभन्या स्वर्गल राज्य नेराकै ताप्रा:स्यु लेया।"
स्वर्गलं राज्य नेराकै ताप्रा:स्यु लेया, ऐलेस्यु प्रचार ढोचिते।
ङा जेजन ऐढाच्या, पुर्ब सनर पच्छिमङन तबर जना रांन्या लेरा, ओटन अब्राहाम, इसहाक सनर याकूबस स्वर्गला राज्यल भोसलं चुङन्या लेरा।
ङा मछ्यु, जेजन पानस्याच्या, मेएमाङन जर्मिन्याङ्ङन बप्तिस्मा-यांन्या यहुन्नातन घिन्या अपुर काङ्काई ताइस्यु माल्दी। तर बै स्वर्गला राज्यल जो सोगलैतन इङन्या ले, ना ईका तन घिन्या हो।
बप्तिस्मा यांन्या यहुन्नाल प्रचारल बेलाकन आकअ समन स्वर्गल राज्य चोएसै हादेए बदिस्यु लेया, ओटन बलल्याङै नकाजन जोरसकाए कोलोअरा।
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.