Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
लुकयो हुयो खजानो को उदाहरन
"सरग को राज खेतमा लुकयो हुवो, धन को जसो सेत। जेनला कोनी मानूस ला भेटयो अना उ ना पाय लेइस अना उ तिजोरी मा लूकाय देइस, अना खुसी लक जायके आपरो सब काही बीक देइस अना ओना खेत ला ले लेईस।"
अनमोल मोती को बोधकथा
"अखीन सरग को राज वोना सेठ को जसो से, जोन सब लक बढ़िया मोती को खोजमा होतो। जबा वोला एक किमती मोती मिलयो, ता आपरो सब काही बिकके, ना उ मोती ला ले लेइस। "
राई को बीज को बोधकथा
यीसु उनला अखिन एक बोधकथा सांगिस "सरग को, राज राई को बीज जसो से जेनला कोनी मानूस ना आन कन, आपरो खेत मा पेरिस। उ बीज सब लक नहानो बीज होवासे पर जब बढ जासे, ता सब साग-भाजी लक मोठो भय जासे; अना असो झाड़ बन जासे की बदल को पक्सी, भी ओको डगाली पर बसेरा करसेति।"
खमीर को बोधकथा
यीसु ना उनला एक अखीन बोधकथा सांगयो "सरग को राज डबल रोटी मा डाखन वालो खमीर पावडर जसो से। जोन ला आन कन एक बायको ना दहा किलो कनीक मा डाख दियो, अना सफा दहा किलो कनीक खमीर बन गयो। "
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
जँगली बीज को उदाहरन
यीसु ना उनला एक अखीन बोधकथा सागंयो।" सरग को राज ओना मानूस को जसो से जोन आपरो खेतमा साजरो बीज बोयो। पर जबा लोकगीन झोपत होतीन, तबा उनको बयरी आयो, अना गहुँ मा जँगली गवथ को बीज बोयके चली गयो। जबा अँकुर फुटयो अना फसल लगयो तबा जँगली गवथ भी दिसयो"। एको साठी दास गीन आयके मालिक लक बिनती करन लगीन, "मालिक का तु ना खेत मा साजरो बीज नही बोयो होतो ता ओमा जँगली गवथ को बीज कसो आ गई?" मालिक ना जवाब देइस, का "यो सब बयरी को करामत से" तबा दास पुसीन, "अबा तोरी मनमा काजक सेत? आमी जायके उनला जमा करबीन?" मालिक ना जवाब दियो "नही, कही असो ना होयेत, का निंदत-निंदत जँगली गवथ को संग साजरो गहुँ झाड भी उखड़ जाहेत, तबा ज्यादा नुकसान भई जाहेति, यो साठी अबा फसल आवन देव।" "कापन को बेरा मा मि साँगु का जँगली गवथ ला काप लेव अना जलान काजी बोझा बान्ध लेव अना साजरो वालो गहुँ ला खरीयान मा ठेव देव।"
जँगली बीज को उदाहरन ला सांगनो
यीसु लोकगीन ला सार करके घर आयो। वोको चेला गीनना, ओको कठा आयके साँगन लगीन, का "खेत को जँगली गवथ को बीज को कथा को मजे काजक सेत अमीला समजाव?"
यीसु ना उनला जवाब देइस "साजरो बीज बोवनवालो मानूस को टूरा आय।" अना खेत सारो जग सेति साजरो बीज राज को सँतान सेत। अना जँगली गवथ को बीज सैतान बुराई को सन्तान सेत। जोन बैरी ना ओला बोइस, उ इबलीस से कटनी जेनको मतलब दुनियाँ को आखीर अना काटनवारा सरगदूत सेति। एकोसाठी जसो जँगली गवथ समटो जासेत अना जलायो जासेत वसोच दुनियाँ को आखीर होयेत। मानूस को टूरा सरगदूत ला धाड़ेत, अना वय ओको राज मा लक सब ठोकर को कारन गीनला अना बुरो करम करन वालो ला समटेत, अना उनला स्तो को कुन्ड मा डाकेत, जिता रोवनो अना दाँत पीसनो होहेत। ओनो बेरा नेक मानूस आपरो बाप को राज मा दिवस जसो चमकेत जेनला आयकनो से आयक लेव।
जाल को बोधकथा
"अखीन सरग को राज सागर मा डाख्यो, जाल को जसो से जो हर जात को मसरी ला धर आनीस। अना जबा जाल भर गयो तबा धिवर वोला झिकसे अना किनार मा आन के साजरो-साजरो मसरी ला बेचके, आपरो ढुटी मा डाख लेवासे, अना खराब मसरी ला फेक देसे।" दुनियाँ को आखीर असोच होयेत। सरगदूत गीन आयके न्यायी गीन लक, दूस्टगीन ला अलग करहेती। अना उन ला स्तो को कुन्ड मा डाख देहेत, वहान लोकगीन रड़त अना दात किटकिटात रहेत।
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
धन्यवचन
"धन्य सेत वय, जो मन को गरीब सेत।
काहे का सरग को राज उनको सेत।"
"धन्य सेत वय, जो सोक करासेत,
काहे का वय सान्ती पाहेत।"
"धन्य सेत वय, जोन नरम सेत!
काहे का वय धरती का मालीक होयेत।"
" धन्य सेत वय जो धरम का भुको अना तहान सेत,
काहे का वय, अघा जाहेत।"
"धन्य सेत वय जोन रहमदिल सेत,
काहे का वोको पर रहम कियो जाहेत।"
"धन्य सेत वय, जोनको मन सुध्द सेत,
काहे उ परमेस्वर ला, चोहेत।"
" धन्य सेत व, जो मेल करानवारा सेत,
काहेका उ परमेस्वर का टूरा कहलाहेत।"
"धन्य सेत वय, जोन धरम को कारन लक तगांयो जासेत,
काहेका सरग को राज उनको च से।"
"धन्य सेव तुमी, जबा, मानूस मोरो कारन, तुमरो बेज्जाती करेहत। तुमरो पर अत्याचार अपमान करेहत अना अखीन झुठो, दोस लगाहेत। तबा खुसी लक मगन होवना, काहे का तुमरो लाई सरग मा, मोठो फर से तुमरो पूढा को भविस्यवक्ता गीन ला भी एनाच रीत लक सतायो होतीन।"
सरग राज मा मोठो कोन?
वय बेरा चेला गीन यीसु को जवर आयके, पुसन लगीन "सरग राज मा सब लक मोठयो कोन से?"
तबा यीसु ना एक लेकरा ला आपरो कठा, बुलाईस अना बीच मा उभो करके कहीस। "मी तुमरो लक खरो कव्हसू, का जबा तकन तुमरो मन लेकरा गीन को जसो नही होयेत, तुमी सरग को राज मा कभी नही धस सकत। सरग को राज मा सब लक महान वा से जोन खुद ला नरम राखा सेत, अना लहान लेकरा जसो बन जासे।
यीसु ना कव्हयो "लेकरा गिनला मोरो, जवर आवन देव, उनला रोको नोको, काहे का सरग को राज असोच हुनको से।"
मंग यीसु ना अपरो चेला गिनला कहीस, "मी तुमला खरो सांगासू, का धनी को सरग को राज मा धसनो लगत कठीन से।" मि मंग तुमला कव्हसू, "का परमेस्वर को राज मा धनी लोक को धसनो लक सरल ऊट को सुई, को छेद लक बाहेर सरल हिटनो से।"
यो आयक के चेलाहुन लगत चकित भई गईन, "अना उनना पुसिन, मंग कोन को बचाव होय सकासे"
यीसु ना उनको कन चोवके जवाब दियो "यो ता मानूस लक नामुमकिन सेत, पर परमेस्वर को लाई, सब काही सरल से।"
ओ मोरो चहेतो भाऊगीन, आयको। का परमेस्वर न संसार को नजर मा ओना गरीबहून ला भरौसा मा धनी अना ओना राज को वारसाना को रूप मा नही निवड़ीसेस, जेनला परमेस्वर ना, जोन ओला माया करासेत, देवनो को बचन देयीसेस।
यो सब लक वरता परमेस्वर को भविस्यवक्ता च ला राज मिलहेत। वय सदा वोना राज मा अधिकार करहेत,जूग-जूग तक।"
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
" जोन मोला हे पिरभु, हे पिरभु! कव्हसे, उनमा लक हरेक सरग को राज मा नही जाय सकत। पर जोन मोरो, परमेस्वर बाबूजी को मरजी लक चलासे, उ जाय सकासेत।
एको लाई जो कोनी, एना नहानो लक नहानो , हुकूम ला कोनी एक ला तोड़के अना वसोच लोक गीन ला सिखाहे, उ सरग को राज मा सब लक नहानो कहलाहे पर जो कोनी एना हुकूम ला मानहेत अना उनला वसोच सिखाहे, उ सरग को राज मा मोठो कहलाहे। काहे की मि तुम लोक गीन कव्हसु, की अदी तुमरो नेकी को काम, मोसे को नियम को गुरू लक अना, फरिसी गीन लक बड़के नही होहेत। ता तुम्हि सरग को राज मा कदीच भीतर नही धस सकेत।"
एकोलाय तुम्हि लोक गीन असो रित लक पिराथना करने,
"ओ आमरो परमेस्वर बाबूजी तू जोन सरग मा सेव
तोरो नाव पवीतर मानो जाय।"
"अखीन तोरो राज आय,
तोरो मनसा जसो सरग मा पूरो होवासेत वसोच धरती मा पूरो होहे,"
योहन बप्तिस्मा देवनवारा
ओनो दिवस मा, योहन बप्तिस्मा देवन वालो, यहुदिया देस को सुनसान जंगल मा आयो अना परचार करन लगयो। "अपरो पाप लक दुहूर भय जाव, काहे की सरग को राज कठा आय गई से।"
ओना बेरा लक यीसु ना पिरचार करन लगयो का "पाप लक मन ला हटाव मन फिराओ काहे का सरग को राज जवर आई से।"
"अना चलता-चलता यो गोस्टी करो, का ‘सरग को राज जवर से।’
अना मि तुमी लक कव्हसु, की "दिवस उगती अना दिवस बुड़ती लक लगत सा लोक आयके अबराहम अना इसहाक अना याकूब को संग सरग को राज मा बसेत।
"मि तुमी लक खरो-खरो सागांसू, योहन बप्तिस्मा देवन वालो लक कोनी मोठो मानूस जलम नही लियो सेत। मंग सरग को राज मा सब लक, लहान मानूस योहन बप्तिस्मा देवनवारो लक मोठो सेत। योहन बप्तिस्मा देवन वालो को दिवस लक, अबा तकन सरग को राज भयानक लड़ाई झेलत आयो से, अना हिन्सा को ताकत लक एला हिसकन को कोसीस चालू सेत।"
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
एकोलाय जबा अमीला असो अटल राज भेटनवारा सेत। तो आव आमी परमेस्वर को धनवाद मानके भेव को संग, परमेस्वर को असो भगती करबीन जोन वोला पावन भई जाय। कारन आपरो परमेस्वर भस्म करनवारा स्तो सेत।
यो कारन अगो बंधूनो! आपरो आपला हाकलनो अना निवाड़ो लाय पक्को करन लाय साठी सप्पा तो परी कोसीस करा। आपरो असो करन्यास, तुमी कधीच विचलित होनार नाही। अना आपरो पिरभु अना तारनहार यीसु मसीह को अमर काल को राज मा तुम्हीला धसाहेत।
अना पिरभू मोला हर एक बुरो काम लक छुड़ाय लेहेत, अना अपरो सरगीय राज मा सुरक्सित पहुचायहे वोकी महिमा जुगनजुग होवती रह आमेन।
अखट्ट नमस्कार
हे नान्हो हेड़ डराव नोको! परमेस्वर को इक्सा सेत, का तुम्ही ला राज देहेत।"
कायसेकि तुमी पिक्को लक जानसेव का असो कोनी भी मानूस जोन दुराचारी सेत, अपवितर अना लोभी सेत, जो एक मुरतिपूजक होवन जसो से। मसीह को अना परमेस्वर को राज को वारसाना नही पाय सका।