Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
Priča oto garavdo blago
"O carstvo e nebosoroi sar o blago garavdo ki njiva. Kad o manuš arakhi le, palem garaj le hem radosno džala te biknel sa so isi le hem činela adaja njiva."
Priča oto dragoceno biseri
"Palem, o carstvo e nebosoroi sar kad o trgovco rodela šuže biserja. Kad arakhi jekh dragoceno biseri, džala hem biknela sa so isi le hem činela le."
Priče oto zrno e gorušicakoro hem oto kvasco
O Isus dinđa len hem aver priča: "O carstvo e nebosoroi slično e zrnose oti gorušica save o manuš lelja hem sejinđa pese ki njiva. Ovi čače najtikoro oto sa semenja, ali kad barjola ovela po baro oto sa o biljke ki bašta, ovela kaš, i o čiriklja avena hem ćerena gnezdija upro lesere granke."
Phenđa lenđe hem aver priča: "O carstvo e nebosoroi slično e kvascose save i đuvli lelja hem čhivđa ano but baro čaro vareja, i ov ćerđa sa o humer te uštel."
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
Priča oto điv hem oto kukolj
O Isus dinđa len hem aver priča: "O carstvo e nebosoroi slično sar kad o manuš pese ki njiva sejinđa o šukar seme. Ali, sar sare sovena ine, alo lesoro neprijatelj, sejinđa kukolj maškaro điv hem dželo. A kad barilo o điv hem kad anđa bijandipe, dikhlilo hem o kukolj.
O sluge ale koro domaćini hem pučle le: ‘Gospodarona, ini tu sejinđan šukar seme tuće ki njiva? Kotar onda adava kukolj?’
A ov phenđa lenđe: ‘O neprijatelj adava ćerđa.’
Tegani o sluge pučle le: ‘Mangeja li te dža te ikala o kukolj?’
A ov phenđa: ‘Na, adalese so tumen ko ikaliba o kukolj šaj te ikalen hem o điv. Muken soduj te barjon đi ki žetva. I kad ka avel o vreme e čedibnasoro, ka phenav okolenđe kola čedena: Ikalen najangle o kukolj hem phanden le ko kupe te tharel pe, a o điv čeden hem čhiven le maje ki šupa.’ "
Sostar vaćeri i priča oto điv hem oto kukolj
Tegani o Isus bičhalđa e manušen čhere, i đerdinđa ko čher. Lesere učenici ale koro leste hem phende: "Vaćer amenđe sostar vaćeri pe ani priča oto kukolj ki njiva."
Ov phenđa lenđe: "Okova kova sejinđa o šukar semei o Čhavo e manušesoro, a i njivai o sveto. O šukar semei o čhave e carstvosere, a o kukolj o čhave e Bišukaresere. O neprijatelj kova sejinđa o kukolj – adavai o beng. I žetva – adavai o kraj e svetosoro, a okola kola čedena – adalai o anđelja.
Sar so o kukolj ikali pe hem tharela pe, ađahar ka ovel hem ko kraj e svetosoro. Me, o Čhavo e manušesoro, ka bičhalav mle anđelen te ikalen taro mlo carstvo sarijen kola ćerena averen te grešinen hem kola ćerena bišukaripe hem ka frden len ani jagali peć, kote ka ovel baro rojba hem krciba e dandengoro tari dukh. Tegani o pravednici sar o kham ka sijajinen ano carstvo pumare Dadesoro. Kas isi kana, nek šunel!"
Priča oti mreža zako maćhe
"Palem, o carstvo e nebosoroi sar i mreža frdimi ano jezero ani savi dolinde pe maćhe oti svako vrsta. Kad i mreža pherđola, o manuša ikalena la ki phuv. Tegani bešena hem e šukare maćhen čhivena ano čare, a e bišukaren frdena. Ađahar ka ovel hem ko kraj e svetosoro. Ka aven o anđelja hem ka ciden e bišukare manušen e pravednikonendar hem ka frden len ani jagali peć, kote ka ovel baro rojba hem krciba e dandengoro tari dukh.
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
"Bahtalei o čorore duhoja
adalese soi olengoro o carstvo e nebosoro!
Bahtalei okola kola tugujinena,
adalese so o Devel ka utešini len!
Bahtalei o krotka,
adalese so olenđe ka ačhol i phuv!
Bahtalei o bokhale hem o žedna zaki pravednost,
adalese so o Devel ka čaljari len!
Bahtalei o milosrdna,
adalese so o Devel ka mothoj lenđe milosrđe!
Bahtalei o manuša bimelale vilesere,
adalese so ka dikhen e Devle!
Bahtalei okola kola ćerena mir,
adalese so ka vičinen pe čhave e Devlesere!
Bahtalei o progonime zaki pravednost,
adalese soi olengoro o carstvo e nebosoro!
Bahtale injen kad zbog mande o manuša vređinena tumen, kad progoninena tumen hem kad hovavne vaćerena protiv tumende! Radujinen tumen hem oven bahtale, adalese so bari nagrada adžićeri tumen ko nebo. Adalese so ađahar progoninde e prorokonen kola inele angleder tumendar!"
O poniznai najbare ano carstvo e nebosoro
Tegani o učenici ale koro Isus hem pučle le: "Koi, onda, najbaro ano carstvo e nebosoro?"
O Isus vičinđa kora peste jekhe čhavore, čhivđa le maškar olende hem phenđa: "Čače vaćerava tumenđe, te na obratinđen tumen hem te na uljen sar o čhavore, naka đerdinen ko carstvo e nebosoro. Adalese, ano carstvo e nebosoroi najbaro okova kova ovela ponizno sar akava čhavoro.
A o Isus phenđa: "Muken e čhavoren te aven kora mande hem ma braninen lenđe, adalese so esavkenđe pripadini o carstvo e nebosoro!"
Tegani o Isus phenđa ple učenikonenđe: "Čače vaćerava tumenđe, phareste o barvalo ka đerdini ko carstvo e nebosoro. I palem vaćerava tumenđe: Po lokhei e kamilaće te nakhel maškaro kan e suvjakoro nego e barvalese te đerdini ko carstvo e Devlesoro."
Kad šunde adava, o učenici ule but začudime, i pučle: "Ko onda šaj te ovel spasime?"
O Isus dikhlja len šukar, i phenđa: "E manušenđe adava nane moguće, ali e Devlese sai moguće."
Šunen, mle volime phraljalen: Na li o Devel birinđa okolen kolai čorore ano sveto te oven barvale ani vera hem te nasledinen o Carstvo savo o Devel obećinđa okolenđe kola volinena le?
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
O carstvo e nebosoroi zako poslušna učenici
"Ano carstvo e nebosoro naka đerdinen sare kola vaćerena maje ‘Gospode, Gospode’, nego samo okola kola ćerena i volja mle Dadesiri kovai ano nebo.
Adalese, ko phagela hem jekh oto najtikore naredbe, hem averen sikaj te ćeren ađahar, ka ovel najtikoro ano carstvo e nebosoro. A ko ićeri o naredbe, hem averen sikaj te ćeren ađahar, ka ovel baro ano carstvo e nebosoro. Adalese vaćerava tumenđe, na ovela li tumari pravednost po bari oti pravednost e učiteljengiri e Zakonestar hem e farisejengiri, nisar naka šaj te đerdinen ano carstvo e nebosoro!"
Adalese ađahar molinen:
‘Dade amareja, kova injan ano nebo,
to sveto anav barjardo te ovel.
To carstvo te avel.
Ti volja te ovel,
sar soi ano nebo, ađahar te ovel hem ki phuv.
O Jovan o Krstitelj pripremini o drom e Isusese
Ko adala dive o Jovan o Krstitelj lelja te propovedini ani pustinja e judejakiri vaćerindoj: "Pokajinen tumen zako tumare grehija, adalese soi o carstvo e nebosoro paše!"
Otegani o Isus lelja te propovedini: "Pokajinen tumen zako tumare grehija, adalese soi paše o carstvo e nebosoro!"
Džan hem vaćeren lenđe dai o carstvo e nebosoro paše.
A vaćerava tumenđe hem akava: but džene ka aven tari sa i phuv, taro istok hem taro zapad, hem ka oven uzalo astali e Avraameja, e Isaakeja hem e Jakoveja ki gozba ano carstvo e nebosoro.
Čače vaćerava tumenđe: maškar okolende kolai bijande e đuvljendar nijekh nane po baro e Jovanestar e Krstiteljestar, a o najtikoro manuš ano carstvo e nebosoro po baroi olestar. Taro dive e Jovanesere kad lelja te propovedini i sa đi akana o carstvo e nebosoro trpini nasilje hem o nasilna manuša prelena le.
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
I adalese so isi amen Carstvo savo našti ovel potresime, te ova zahvalna! Ani adaja zahvalnost ka slavina e Devle ađahar sar soi lese ugodno – ani dar hem ano poštujiba. Adalese so, "amaroi Devel jag savi tharela".
Adalese, phraljalen, den sa tumendar tumare dživdipnaja te potvrdinen da o Devel vičinđa tumen hem izabirinđa tumen; te ćerđen ađahar, nikad naka otperen, hem ka ovel tumenđe mothovdi bari dobrodošlica ano večno Carstvo amare Gospodesoro hem Spasiteljesoro e Isuse Hristesoro.
O Gospod ka ikali man taro svako bišukaripe hem bezbedno ka legari man ko plo carstvo e nebosoro. Olese nek ovel slava zauvek. Amen.
Ma daran, mlo tikoro stado! Tumare Dadesiri volja inele te del tumen o carstvo.
Adalese so, akava šukar te džanen: nijekhe bludniko, nečistone ili pohlepniko – soi isto sar hem o idolopokloniko – nane nasledstvo ano Carstvo e Hristesoro hem e Devlesoro.