Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
ಲಪೈರ್ಹೂತೆ ನಿಧಿನಿ ಮತ್ಲಬ್ನಿ ಬಾರೇಮ
"ಸೊರ್ಗನು ರಾಜ್ಯ ಅಮ್ ಹುಯಿರ್ಹೂಸ್. ಕಿಮ್ಕತೊ, ಏಕ್ ಜ಼ಣಾನೆ ಖೇತರ್ಮ ಲಪಿರ್ಹೂತೆ ನಿಧಿನ ದೇಖಿನ್, ಇನ ಪಾಛು಼ ಖೇತರ್ಮಾಸ್ ಖೋಂದಿ ಘಾಲಿದೀನ್, ಇನೇಥಿ ಘಣು ಖ್ಹುಶಿಹುಯಿನ್ ಜೈ಼ನ್, ಇನಾಕನ ಥೂತೆ ಖ್ಹಾರುಸ್ ವೇಚಿನಾಖಿದೀನ್, ಆಯಿನ್ ಯೋ ಖೇತರ್ನ ಮೋಲ್ಲೀಲಿದೊ.
ಮುತ್ನ ಬಾರೇಮಾನು ಮತ್ಲಬ್ನಿ ಖೇಣಿ
"ಸೊರ್ಗನು ರಾಜ್ಯ ಅಮ್ ಹುಯಿರ್ಹೂಸ್. ಕಿಮ್ಕತೊ, ಅಛ಼್ಛು ಮುತ್ಅಖ್ಖಾನ ಢೂಂಡಾಸ್ತೆ ಏಕ್ ಧಂದೊ ಕರಾವಾಳೊ, ಘಣ ಮೋಲ್ನು ಏಕ್ ಮುತ್ನ ದೇಖಿನ್, ಹಿಜ್ಜಾ಼ಥೊ ಜೈ಼ನ್, ಇನಾಕನ ಥೂತೆ ಖ್ಹಾರುಸ್ ವೇಚಿನ್, ಯೋ ಮುತ್ನ ಮೋಲ್ಲೀಲಿದೊ.
ರಾಯಿನಿ ಬಾರೇಮನು ಮತ್ಲಬ್
ಯೇಸುನೆ ಬಿಜೇಕ್ ಮತ್ಲಬ್ನ ಇವ್ಣುನ ಬೋಲ್ಯೊ: ಯೋ ಶಾತ್ಕತೊ, "ಸೊರ್ಗನು ರಾಜ್ಯ ಅಮ್ ಹುಯಿರ್ಹೂಸ್. ಕಿಮ್ಕತೊ, ಏಕ್ ಜ಼ಣಾನೆ ರಾಯಿನ ದಾಣಾನ ಲೀಜೈ಼ನ್, ಇನ ಖೇತರ್ಮ ಛಿಡ್ಕ್ಯೊ. ಯೋ ರಾಯಿನೊ ದಾಣೊ ಖ್ಹಾರಾಸ್ ಬಿಂಜೋ಼ಳಾಥೀಬಿ ನ್ಹಾನು ಹುಯಿರ್ಹುಸ್, ತೋಬಿ ಯೋ ಫುಟಾನ ಬಾದ್ಮ ಖ್ಹಾರಸ್ ಭಾಜಿಪಾಲಾನ ಝಾ಼ಡ್ಥೀಬಿ ಮೋಟು ಹುಯಿನ್, ಝಾ಼ಡು ಹುವ್ವಾಸ್, ತದೆ ಆಬ್ಪರ್ ಉಡಾತೆ ಜಿನಾವರ್ ಖ್ಹಾರು ಆಯಿನ್, ಇನಿ ಡಾಳಿಯೇಮ ಮ್ಹಾಳೊ ಭಾಂದಿನ್ ವಖ್ಹಸ್" ಕರಿಬೋಲ್ಯೊ.
ಶೋಡಾನಿ ಬಾರೇಮ ಮತ್ಲಬ್
ಯೇಸುನೆ ಅಜೂ಼ಬಿ ಏಕ್ ಮತ್ಲಬ್ನಿ ಖೇಣಿನ ಬೋಲ್ಯೊ: ಯೋ ಶಾತ್ಕತೊ, "ಸೊರ್ಗನು ರಾಜ್ಯ ಅಮ್ ಹುಯಿರ್ಹುಸ್. ಕಿಮ್ಕತೊ, ಏಕ್ ತಯೇಡಾನೆ ಶೋಡಾನ ಲೀಜೈ಼ನ್, ತೀನ್ ಶೇರ್ ಆಟಾಮ ಕಲೈನ್ ಮ್ಹೇಲಾಖ್ಹತರ್, ಯೋ ಆಟೊ ಖ್ಹಾರುಸ್ ಫುಗಿಆಯು.
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
ಶತ್ತೇನಿ ಮತ್ಲಬ್
ಯೇಸುನೆ ಬಿಜ್ಜೇಕ್ ಮತ್ಲಬ್ನಿ ಖೇಣಿನ ಇವ್ಣುನ ಬೋಲ್ಯೊ: ಯೋ ಶಾತ್ಕತೊ, "ಸೊರ್ಗನಿ ರಾಜ್ಯ ಅಛ಼್ಛ ದಾಣಾನ ಖೇತರ್ಮ ನಾಖ್ಯೋತೆ ಏಕ್ ಅದ್ಮಿನಿಪರಕ್ ಘೋಣಿ ಛಾ಼. ಕತೋಬಿ ಏಕ್ ರಾತೆ ಅದ್ಮಿಖ್ಹಾರು ಖ್ಹುತುರ್ಹವಾನಿ ವಖ್ಹತ್ಮ, ಯೋ ಅದ್ಮಿನು ದುಶ್ಮನ್ ಐನ್, ಘವ್ನ ಮಹಿ ಶತ್ತೇನ ಛಿಡ್ಕಿನ್ ಚ಼ಲೆಗಯೊ. ಘಾವ್ ಫುಟಿನ್ ಬುಟ್ಟಾ ನಿಕ್ಳಾದಿನ್, ಇನಜೋ಼ಡೆ ಶತ್ತೇಬಿ ಫುಟಿ ಆಯು. ತದೆ ಯೋ ಅದ್ಮಿನು ಆಳ್ಖ್ಹಾರು ಇನಾಕನ ಆಯಿನ್, "ಯಜಮಾನ್, ತುನೆ ತಾರ ಖೇತರ್ಮ ಅಛ಼್ಛ ದಾಣಾವ್ನ ನಾಖ್ಯೋಥೋನಿ; ಶತ್ತೇ ಕಿಜ್ಗಾ಼ಥು ಆಯು?" ಕರಿ ಫುಛಾ಼ಯು. ಯೊ ಯಜಮಾನ್ನೆ, "ಆ ಏಕ್ ದುಶ್ಮನ್ನೆ ಕರ್ಯೊತೆ ಕಾಮ್" ಕರಿ ಬೋಲ್ಯೊ. ತದೆ ಆಳ್ನೆ, "ಹಮೆ ಜೈ಼ನ್, ಶತ್ತೇನ ಉಖ್ಡಿನಾಖೇಕಿ ಶು?" ಕರಿ ಫುಛಾ಼ಯು. ತದೆ ಇನೆ, "ನಕೊ, ಶನಕತೊ ಶತ್ತೇ ಉಖ್ಡಾನಿ ವಖ್ಹತ್ಮ, ತುಮೆ ಘವ್ನಾಬಿ ಉಖ್ಡಿನಾಕ್ಶು. ಇನಖ್ಹಾಜೇಸ್ ಖ್ಹುಗ್ಗೀನು ದನ್ ಆವಾತೋಡಿ ಭೇಬಿ ಜೋ಼ಡ್ಮಾಸ್ ಫುಟಾದೆ. ಖ್ಹುಗ್ಗೀನ ದನ್ಮ ಮೇ ವ್ಹಾಡವಾಳನ, ‘ಪಹಿಲೆ ಶತ್ತೇನ ಉಖ್ಡಿನಾಖಿನ್, ಇನ ಭಾರೊ ಭಾಂದಿ ಬಾಳಿನಾಖೊ, ಅಜು಼ ಘವ್ನ ಎಕ್ಟು ಕರೀನ್, ಮಾರಿ ಕಣ್ಗಿಮ ಭರೊ’ ಕರಿ ಬೋಲಿಶ್" ಕರಿ ಬೋಲ್ಯೊ.
ಶತ್ತೇನಿ ಬಾರೇಮ ಯೇಸುನೆ ಮತ್ಲಬ್ನ ಬೋಲಿ ವತಾಳ್ಯೊತೆ.
ಯೇಸು ಅದ್ಮಿನ ಮ್ಹೆಂದಿನ್, ಘರೆ ಜಾ಼ವಾನ ಬಾದ್ಮ, ಇನ ಶಿಷ್ಯರ್ ಇನಾಕನ ಆಯಿನ್, "ಖೇತರ್ಮಾನು ಶತ್ತೇನಿ ಬಾರೇಮಾನು ಮತ್ಲಬ್ನ ಹಮೂನ ಬೋಲಿವತಾಳ್" ಕರಿ ಬೋಲ್ಯ.
ಯೇಸುನೆ, "ಅಛ್ಛು಼ ಪಂಡು ನಾಖವಾಳೊ ಕತೊ ಅದ್ಮಿನೊ ಛಿಯ್ಯೊ; ಖೇತರ್ಕತೊ ಆ ಜಗತ್; ಅಛ್ಛು಼ ಪಂಡುಕತೊ ದೇವ್ನಿ ರಾಜ್ಯನು ಅದ್ಮಿಖ್ಹಾರು; ಶತ್ತೆಕತೊ ಶೈತಾನ್ ಭಣಿವಾಳು ಕರಿ; ಶತ್ತೇ ನಾಖ್ಯೋತೆ ದುಶ್ಮನ್ಕತೊ ಶೈತಾನ್ ಕರಿ. ಖ್ಹುಗ್ಗೀನ ದನ್ಕತೊ ಜಗತ್ನು ಖ್ಹರ್ತಿನ ದನ್ಕರಿ ಅಜು಼ ವ್ಹಾಡವಾಳುಕತೊ ದೇವ್ನು ದೂತರ್ ಕರಿ. ಕಿಮ್ ಶತ್ತೇನ ಉಖ್ಡಿನ್ ಬಾಳಿನಾಖಸ್ಕಿ, ಇಮ್ಮಸ್ ಜಗತ್ನು ಖ್ಹರ್ತಿನ ದನ್ಮ ಚಾ಼ಲ್ಷೆ. ಅದ್ಮಿನೊ ಛಿಯ್ಯೊ ಇನ ದೂತರ್ನ ಮೋಕ್ಲಿನ್, ಇವ್ಣೆ ಇನ ರಾಜ್ಯಮ ಕೋಣ್ ಪಾಪ್ ಅಜು಼ ಖರಾಬ್ಕರಾನಿತರ ಕರ್ಯುಕೀ ಇಮ್ನ ಅದ್ಮಿಖ್ಹಾರನ ಎಕ್ಟು ಕರೀನ್, ಅಜು಼ ಇನಿ ರಾಜ್ಯಮಾಥು ಭಾರ್ ಕಾಡಿನ್ ಆಗ್ನ ಕುಂಡಾಮ ನಾಕ್ಶೆ. ಹಿಜ್ಜಾ಼ ಇವ್ಣೆ ರೊವ್ಶೆ ಅಜು಼ ಕರ್-ಕರ್ ದಾತ್ಚಾ಼ವ್ಶೆ ತದೆ ನೀತಿವಾಳು ಅದ್ಮಿಖ್ಹಾರು ಚಾ಼ಂದ್ನಿಘೋಣಿ ಚ಼ಮಕ್ತುಹುಯಿನ್ ಇವ್ಣ ಬಾನಿ ರಾಜ್ಯಮ ರ್ಹಿಶೆ. ಖ್ಹಮ್ಜಾ಼ನ ಕಾನ್ ರ್ಹವಾಳು ಖ್ಹಮ್ಜಾ಼ದೆ" ಕರಿ ಬೋಲ್ಯೊ.
ಜಾ಼ಳಾನಿ ಬಾರೇಮ ಮತ್ಲಬ್ನಿ ಖೇಣಿ
"ಸೊರ್ಗಾನು ರಾಜ್ಯ ಅಮ್ ಹುಯಿರ್ಹೂಸ್. ಕಿಮ್ಕತೊ, ಥೋಡು ಜ಼ಣು ಮಾಛ್ಲು಼ ಧರಾವಾಳಾನೆ ಜಾ಼ಳಾನ ದರ್ಯಾವ್ಮ ನಾಖ್ಯು, ತದೆ ಖ್ಹಾರಿಸ್ ರಖ್ಹಮ್ನು ಮಾಛ್ಲು಼ ಇನಾಮ ಖ್ಹಪ್ಡ್ಯು. ಜಾ಼ಳು ಭರಾವಾನ ಬಾದ್ಮ, ಇನ ಕನಾರೆ ಖೇಚಿಲೈನ್, ಬೇಶಿನ್, ಅಛ಼್ಛ ಮಾಛ್ಲಾ಼ವ್ನ ಟೋಕ್ರಾವ್ಮ ಭರಿಲೀನ್, ಖರಾಬ್ ಮಾಛ್ಲಾ಼ವ್ನ ಫೇಕಿನಾಖಿದಿದು. ಅಮ್ಮಸ್ ಜಗತ್ನ ಖ್ಹರ್ತಿಮ ಚಾ಼ಲ್ಷೆ. ದೇವ್ನು ದೂತರ್ ಆಯಿನ್, ಧರ್ಮಿ ಅದ್ಮಿಯೇನ ಮಹಿಥು ಖರಾಬ್ ಅದ್ಮಿಯೇನ ಅಲಕ್ ಕರೀನ್, ಇವ್ಣುನ ಆಗ್ನ ಕುಂಡಾಮ. ಹಿಜ್ಜಾ಼ ಇವ್ಣೆ ರೊವ್ಶೆ ಅಜು಼ ಕರ್-ಕರ್ ದಾತ್ಚಾ಼ವ್ಶೆ" ಕರಿ ಬೋಲ್ಯೊ.
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
ಖ್ಹಾಚಿ ಖ್ಹುಶಿ
"ಕೋಣ್ ಆತ್ಮಮ ಗರೀಬ್ ಹುಯಿರ್ಹವಾಳ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್;
ಸೊರ್ಗ ರಾಜ್ಯ ಇವ್ಣುಸ್ ಹುಯಿರ್ಹುಸ್!
ಕೋಣ್ ದುಖ್ಮ ಛಾ಼ಕಿ, ಇವ್ಣೆ ಧನ್ಯ ಹುಯಿರ್ಹುಸ್
ದೇವ್ ಇವ್ಣುನ ಸಮಾಧಾನ್ ದಿಶೆ.
ಖ್ಹಮಾಳಿಲ್ಯವಾಳು ಧನ್ಯ, ಇವ್ಣೆ ಧರ್ತಿಪರ್ ಖ್ಹುಶಾಲಿವಾಳು ಹುಯಿರ್ಹುಸ್.
ದೇವ್ನೆ ಶಾತ್ ವಾತೆ ದೀರಾಖ್ಯೊಸ್ಕಿ, ಯೋ ಇವ್ಣುನ ಮಳ್ಶೆ.
ಕೋಣ್ ದೇವ್ನಿ ಮರ್ಜಿನಿಘೋಣಿ ಕರಾನ ಘಣು ಆಖ್ಹ್ ಕರಾಸ್ಕಿ, ಇವ್ಣೆ ಧನ್ಯ ಹುಯಿರ್ಹಾಸ್;
ದೇವ್ ಇವ್ಣುನ ಹಕ್ಲಾಲ್ ಹುವಾನಿತರ ಕರ್ಶೆ.
ಕೋಣ್ ಬಿಜಾ಼ನ ಗೋರ್ ಕರಾಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್.
ದೇವ್ ಇವ್ಣಾಪರ್ ಗೋರ್ ಕರ್ಶೆ!
ಕೋಣ್ ದಿಲ್ಮ ಪಾಕ್ ರ್ಹೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್.
ಇವ್ಣೆ ದೇವ್ನ ದೇಕ್ಶೆ;
ಕೋಣ್ ಸಮಾಧಾನ್ ಕರಾನ ಮ್ಹಿನತ್ ಕರಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್,
ಇವ್ಣೆ ದೇವ್ನ ಲಡ್ಕಕರಿ ಬೋಲೈಲಿಶೆ.
ಕೋಣ್ ದೇವ್ನಿ ಮರ್ಜಿನಿಘೋಣಿ ರ್ಹವಾನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿಲೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್.
ಸೊರ್ಗ ರಾಜ್ಯ ಇವ್ಣುಸ್ ಹುಯಿರ್ಹುಸ್!
"ಮಾರ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್ ಕಾಡಿನ್, ಖ್ಹತೈನ್, ತುಮಾರಪರ್ ಖ್ಹಾರಿಸ್ ತರ್ಹಾನು ಖರಾಬ್ನ ಬೋಲಿನ್, ಝೂ಼ಟಿ ಲಗಾಡ್ಯುತೊ, ತುಮೆ ಧನ್ಯ ಹುಯಿರ್ಹಾಸ್. ಖ್ಹುಶಿ ಕರೊ ಅಜು಼ ಖೇಲ್ಕೂದ್ ಕರೊ, ಶನಕತೊ ಸೊರ್ಗಾಮ ತುಮೂನ ಘಣು ಇನಾಮ್ ಮಳ್ಶೆ. ತುಮಾರೇಥೀಬಿ ಅಗಾಡಿ ಥೂತೆ ಪ್ರವಾದಿಯೆನಾಬಿ ಅಮ್ಮಸ್ ಖ್ಹತಾಯುನಿ.
ಖ್ಹಾರೇಥಿ ಮೋಟು ಕೋಣ್?
ಯೋ ವಖ್ಹತ್ಮ ಶಿಷ್ಯರ್ ಯೇಸುಕನ ಆಯಿನ್, "ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟು ಕೋಣ್?" ಕರಿ ಪುಛಾ಼ಯ.
ಇನಖ್ಹಾಜೆ ಯೇಸುನೆ ಏಕ್ ಅಡ್ಡಾಣಿ ಲಡ್ಕಾನ ಬುಲೈನ್, ಶಿಷ್ಯರ್ನ ಖ್ಹಾಮ್ಣೆ ಭಿರಾಖಿನ್, "ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಪಾಛು಼ ಫರೀನ್, ಆ ಅಡ್ಡಾಣಿ ಲಡ್ಕಾನಿ ಘೋಣಿ ನಾ ಹುಯಾತೊ, ತುಮೆ ಸೊರ್ಗಾನು ರಾಜ್ಯಮ ಜಾ಼ಶುಸ್ ಕೊಯ್ನಿ. ಕೋಣ್ ಅಡ್ಡಾಣಿ ಲಡ್ಕಾನಿಘೊಣಿ ಇನು ಯೋ ಝು಼ಕೈಲೇಸ್ಕಿ, ಯೋಸ್ ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟೊ.
ತದೆ ಯೇಸುನೆ, "ಅಡ್ಡಾಣಿ ಲಡ್ಕಾವ್ನ ಮ್ಹೇಲೊ, ಮಾರಕನ ಆವಾನ ಇವ್ಣುನ ಭೀರಾಖೊ ನಕೊ, ಶನಕತೊ ಸೊರ್ಗಾನು ರಾಜ್ಯ ಇಮ್ವಾಳನೂಸ್" ಕರಿ ಬೋಲಿನ್,
ತದೆ ಯೇಸುನೆ ಇನ ಶಿಷ್ಯರ್ನ, "ಮೇ ತುಮೂನ ಖ್ಹಾಚ ಬೋಲುಸ್: ಶೌಕಾರ್ ಅದ್ಮಿ ಸೊರ್ಗಾನು ರಾಜ್ಯಮ ಜಾ಼ವಾನು ಘಣು ಮುಶ್ಕಿಲ್. ಒಹೊ, ಶೌಕಾರ್ ಅದ್ಮಿ ದೇವ್ನು ರಾಜ್ಯಮ ಜಾ಼ವಾಥೀಬಿ, ಊಟ್ ಖ್ಹುಯಿನ ಡೋಳವಾಟೆಕರಿ ಪೇಶಿಜಾ಼ವನು ಶುಲ್ಬ ಕರಿ ಮೇ ತುಮೂನ ಪಾಛೊ಼ ಬೋಲುಸ್" ಕರಿ ಬೋಲ್ಯೊ.
ಅನ ಖ್ಹಮ್ಜಿನ್, ಶಿಷ್ಯರ್ನೆ ಘಣು ಆಶ್ಚರ್ಯಥಿ, "ಇಮ್ಕತೊ, ಕಿನ ರಕ್ಷಣೆ ಮಳ್ಶೆ?" ಕರಿ ಪುಛಾ಼ಯ.
ಯೇಸುನೆ ಇನ ಶಿಷ್ಯರ್ ಭಣಿ ಠರ್ಕೈ ದೇಖಿನ್, "ಆ ಅದ್ಮಿಥಿ ಹುವ್ವಾಕೊಯ್ನಿ, ಕತೋಬಿ ದೇವ್ಥಿ ಖ್ಹಾರುಸ್ ಹುವಾಸ್" ಕರಿ ಬೋಲ್ಯೊ.
ಮಾರ ಪ್ಯಾರ್ನ ಭೈಯೇ ಭೇನೆವೊ ಖ್ಹಮ್ಜೊ ದೇವ್ ಆ ಜಗತ್ನು ಗರೀಬ್ನ ವಿಶ್ವಾಸ್ಮ ಶೌಕಾರ್ ಬಣೈನ್ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ್ಯೊತೆ ರಾಜ್ಯನ ಭಾದ್ಯ ಬಣೈನ್ಬಿ ರ್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
ತು ಕೋಣ್ಕರಿ ಮನ ಮಾಲುಮಸ್ ಕೊಯ್ನಿ
"ಮನ, ‘ಪ್ರಭು, ಪ್ರಭು’ ಕರಿ ಬೋಲವಾಳು ಖ್ಹಾರು ಸೊರ್ಗ ರಾಜ್ಯಮ ಜಾ಼ಶೆಕರಿ ನಕೊಲ್ಹಾವೊ. ಕತೋಬಿ ಸೊರ್ಗಾಮ ಛಾ಼ತೆ ಮಾರ ಬಾನಿ ಮರ್ಜಿನಿಘೋಣಿ ಚಾ಼ಲವಾಳುಸ್ ಸೊರ್ಗ ರಾಜ್ಯಮ ಜಾ಼ಶೆ.
ಇನಖ್ಹಾಜೇಸ್, ಆ ಹುಕುಮ್ನಿ ನ್ಹಾನಿಶಿ ಏಕ್ ವಾತ್ನಬಿ ಮ್ಹೇಲಿನ್ ಚಾ಼ಲವಾಳೊ ಅಜು಼ ಬಿಜಾ಼ನಾಬಿ ಇಮ್ಮಸ್ ಚಾ಼ಲಾನ ಶಿಕಾಡವಾಳೊ, ಸೊರ್ಗ ರಾಜ್ಯಮ ಖ್ಹಾರೇಥಿ ನ್ಹಾನೊ ಕರಿ ಬೋಲೈಲಿಶೆ. ಕತೋಬಿ ಯೋಸ್ ಯೋ ಹುಕುಮ್ನಿಮತ್ ಚಾ಼ಲಿನ್, ಬಿಜಾ಼ನಾಬಿ ಇಮ್ಮಸ್ ಚಾ಼ಲಾನ ಶಿಕಾಡವಾಳೊ, ಸೊರ್ಗ ರಾಜ್ಯಮ ಮಹಾನ್ ಕರಿ ಬೋಲೈಲಿಶೆ. ಮೇ ತುಮೂನ ಶಾತ್ ಬೋಲುಸ್ಕತೊ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಪಂಡಿಥ್ಥಿಬಿ ಅಜು಼ ಫರಿಸಾಯರ್ನಿ ನೀತಿಥೀಬಿ ತುಮಾರಿ ನೀತಿ ಜಾ಼ಖ್ಹತ್ ನಾ ಹುಯಿರ್ಹೀಕತೊ, ತುಮೆ ಸೊರ್ಗ ರಾಜ್ಯಮ ಜಾ಼ಶುಕೊಯ್ನಿ.
ಇನಖ್ಹಾಜೇಸ್, ತುಮೆ ಸೊರ್ಗಾನ ಬಾನ ಅಮ್ ಪ್ರಾರ್ಥನೆ ಕರ್ನು:
ಸೊರ್ಗಾಮ ಛಾ಼ತೆ ಮಾರೊ ಬಾ:
ತಾರು ನಾಮ್ ಪರಿಶುದ್ಕರಿ ಗಣ್ತಿ ಹುವಾದೆ. ತಾರಿ ರಾಜ್ಯ ಆವಾದೆ;
ತಾರಿ ಮರ್ಜಿ ಸೊರ್ಗಾಮ ಚಾ಼ಲಾಸ್ತೆ ಇಮ್ಮಸ್, ಧರ್ತಿಪರ್ಬಿ ಚಾ಼ಲಾದೆ.
ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ್ನಿ ಬೋಧನೆ
ಯೋ ದನೂಮ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ಯೂದಾಯಾನಿ ಉಜ್ಜಾ಼ಡಿ ಝ಼ಗೋಮ ಬೋಧನೆನ ಬೋಲ್ತೊಹುಯಿನ್, "ಪಾಪ್ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗೈ!" ಕರಿ ಬೋಲ್ತೊನಿಕ್ಳ್ಯೊ.
ತಪ್ಥೊ ಯೇಸು, ಪಾಪ್ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗು!" ಕರಿ ಖಬರ್ನ ಬೋಲ್ತೊನಿಕ್ಳ್ಯೊ.
ಜೈ಼ನ್, ‘ಸೊರ್ಗನು ರಾಜ್ಯ ಖನ್ನೆ ಐಗು’ ಕರಿ ಬೋಲಿವತಾಳೊ.
ಅತ್ರೇಸ್ ಕಾಹೆತೆ, ಮೇ ತುಮೂನ ಬೋಲುಸ್ಕಿ, "ಪೂರಬ್ ಪಶ್ಚಿಮ್ ದಿಕ್ ಭಣೀಥು ಅದ್ಮಿ ಐನ್, ಸೊರ್ಗನು ರಾಜ್ಯಮ ಅಬ್ರಹಾಮ್, ಇಸಾಕ್ ಅಜು಼ ಯಾಕೋಬನ ಜೋ಼ಡೆ ಖಾಣನ ಬೇಖ್ಹ್ಶೆ;
ತಯೇಡಾನ ಪೇಟೆ ಪೈದಹುಯುತೆ ಖ್ಹಾರಾನ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ್ಥಿ ಮೋಟು ಕೋಣ್ಬಿ ಕೊಯ್ನಿ. ತೋಬಿ ಪರ್ಲೋಕ್ ರಾಜ್ಯಮ ಛಾ಼ತೆ ನ್ಹಾನೊ ಜಿನ್ಕುಬಿ ಯೋಹಾನ್ಥಿ ಮಹಾನ್ ಹುಯಿರ್ಹೋಸ್ ಕರಿ ಮೆ ತುಮೂನ ಖ್ಹಾಚಮಾಬಿ ಬೋಲುಸ್. ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ್ನ ಹಗಾಮ್ಥು ಧರೀನ್ ಹಂಕೆತೋಡಿ ಸೊರ್ಗ ರಾಜ್ಯನಿ ಘಣು ಜು಼ಲಮ್ನ ಝೇಲ್ನು ಪಡ್ಯು, ಅಜು಼ ಜು಼ಲಮ್ ಕರಾವಾಳು ಅದ್ಮಿ ಇನ ಛಿನೈಲೇಣು ಕರಿ ಕರಾಸ್.
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
ಇನಖ್ಹಾಜೆ ಕೋಣ್ ಖ್ಹರ್ಕಾವನ ಕೊಹುವಾನಿತೆ ರಾಜ್ಯನ ಲೀಲಾವವಾಳ ಹುಯಿರ್ಹಾತೆ ಅಪ್ಣೆ ಧನ್ಯವಾದ್ ಕರಾವಾಳ ಹುಯಿನ್ ದೇವ್ನ ಬರಬರ್ನಿ ಆರಾದನೆಬಿ ಭಕ್ತಿಥೀಬಿ ಅಜು಼ ಡರ್ಥೀಬಿ ಕರಿಯೆ. ಶನಕತೊ "ಅಪ್ಣೊ ದೇವ್ ಭುಂಜಾ಼ವತೆ ಆಗ್ ಹುಯಿರ್ಹೋಸ್".
ಇನಖ್ಹಾಜೇಸ್ ಮಾರ ಭೈಯೆ, ಭೇನೆವೊ ದೇವ್ನೆ ತುಮೂನ ಬುಲಾಯೋತೆ ಅಜು಼ ಚೂ಼ಣಿಲಿದೊತೊ ಖ್ಹಾಚ ಕರಿ ವತಾಳನಖ್ಹಾಜೆ ಬಿಜೂ಼ಬಿ ಜಾ಼ಖ್ಹತ್ ಮ್ಹಿನತ್ಕರೊ, ತುಮೆ ಅಮ್ಕರ್ಯಾತೊ, ಕದೇಬಿ ಠೋಕರ್ಖೈನ್ ರಡಕ್ಶು ಕೊಯ್ನಿ. ಅನೇಥಿ ಅಪ್ಣೊ ಪ್ರಭು ಅಜು಼ ರಕ್ಷಕ್ ಹುಯಿರ್ಹೋತೆ, ಯೇಸು ಕ್ರಿಸ್ತನಿ ಹಮೇಶಾನ ರಾಜ್ಯಮ ಜಾ಼ವಾನಿಮತ್, ತುಮುನ ಅರಾಮ್ಥಿ ಜಾ಼ವಖ್ಹರ್ಕು ಉಷೆ.
ಖ್ಹರ್ತಿನಿ ಖ್ಹಲಾಮ್
ಅಜು಼ ಪ್ರಭು ಮನ ಖ್ಹಾರ ಖರಾಬ್ಥಿ ಬಚಾ಼ಡಿನ್, ಇನಿ ಸೊರ್ಗ ರಾಜ್ಯಮ ಲೀಜಾ಼ಶೆ. ಜ಼ಗ್ಜ಼ಮಾನಮಾಬಿ ಇನ ಮಹಿಮೆ ಹುವಾದೆ! ಆಮೆನ್.
ಸೊರ್ಗಮಾನು ಶೊತ್ನಿ ಬಾರೇಮ
"ನ್ಹಾನಿ ಝೂ಼ಂಡ್, ಡರ್ನಕೊ; ಯೋ ರಾಜ್ಯನ ತುಮೂನ ದ್ಯವಾನ ತುಮಾರೊ ಬಾನ ಖ್ಹುಶಿ ಛಾ಼.
ಪಾಪೇಲ ಕಾಮ್ಮ ಜಾ಼ವಳೊ , ಖರಾಬ್ ಕಾಮ್ ಕರವಾಳು, ಮೂರತ್ನ ಪೂಜ಼ ಕರವಾಳನಿ ಘೋಣಿನೊ ನಿಕ್ಳ್ಯ ಜಾನ್ನೊ ರ್ಹವೊ ಇವ್ಣುನ ಕ್ರಿಸ್ತನಿ ಅಜು಼ ದೇವ್ನ ರಾಜ್ಯಮ ವಾಟೊ ಕೊಯ್ನಿಕರಿ ತುಮಾರ ದಿಲ್ಮ ಘಟೈರ್ಹವಾದೆ.