Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
Thurupaw Sisua Tousenaw
"Te vaawlang peenaw tuh loo kya thuruhpaw sisua te nynh aloku; tuh-e tuh ccungccapaw nynh he a muih tuh zya a thuruh, te tuh-e elang lungtuanaw te cceih zah a hoipaw balyn kha zua zah tuh-e loo tuh a re.
Palee Tousenaw
"Vaawlang peenaw tuh myarya ahoypaw palee hae a ccungkuhpaw kungkupaw te nynh aloku. Tuh-e paw nynh myarya aphutepaw palee kha he a muih tuh, cceih zah a hoipaw balyn kha zua zah tuh-e palee tuh a re.
Mungngia Cii Tousenaw
Jesu nynh ccangpaw tousenaw phungpaw a hopya hae paw tuh: "Vaawlang peenaw tuh ccungccapaw lu kheit nynh mungngia cii kha lah zah a loo kya a vuapaw te nynh aloku. Mungngia cii tuh ccacii hae balyn kyaze adih huapaw nynh thua; thuasalama tuh-e nynh he yn le vae tetuh enaw-eho hae lakuze ale huapaw lang te thingku lang phe a tang; te vaawlang e pavaw hae nynh oun zou hae zah tuh-e aran hae kyakhe bu a luaku hae," a ci.
Ransi Tousenaw
Ccangpaw tousenaw phungpaw a hopya hae paw tuh: "Vaawlang peenaw tuh ransi te nynh aloku; nopi lu kheit nynh ransi kha lah zah vaepoi ke kethum kya phing zah, tuh-e vaepoi phe a thosahpaw ransi te nynh aloku," a ci.
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
Looh te Lonua Tousenaw
Jesu nynh ccangpaw tousenaw phungpaw a hopya hae paw tuh: "Vaawlang peenaw tuh a loo kya ccacii hoypaw a vuapaw ccungccaw te nynh aloku. Ccungccaw hae a i lya hae khe a rhawpaw nynh yn cceih zah looh hae kyakhe lonua mung hae kha vua zah a cciataw. Thuasalama looh tuh yn po zah avui he yn pou tuh lonua hae mah oun langkuh bua hae. Tukeiccuze inn hoitu a see hae nynh a kalan oun cceih hae zah, ‘Bawipaw, na loo kya ccacii hoypaw khaw na vua? Paw kyate mou lonua hae hynh oun pou hae?’ cite a khia hae. Tuh-e paw nynh, ‘Rhaw lu kheit nynh e hynh a cyih,’ a cipya hae. See hae nynh, ‘Tuhteze kaening nynh kae la ccianua sah lah, lonua hae kha kae la khaee ze na ry tou?’ a ci hae. Thuasalama aning nynh, ‘Tuhte thua khyh, lonua hae na khaee lya oh khe, looh kha na khaeebia sei cih oh. Loohrue ccyh azaw makhia pynkheihlan lekheih hin hae sah; loohrue ccyh kya loohruetu hae kha, Nanning nynh lonua hae kha khaee ty oh lah maee te soi khylan tung oh, te looh kha ka byng lungkhu lang ruin oh,’ ka cipah cih hae," a cipya hae.
Lonua Tousenaw Ccaesahnaw
Jesu nynh ccungccaw zapi kha cciataw hae zah inn lungkhu lang a tee; a zuitu hae nynh amaw kalan oun thua hae zah, "Loo kya-e lonua hae tousenaw phungpaw kong kha asuilan beih oun hopya tua," a cipya hae. Jesu nynh, "Ccacii hoypaw a vuatupaw tuh Ccungccaw Ccapaw nynh thua. Loo tuh laephi nynh thua; ccacii hoypaw tuh peenaw ccaaw hae nynh thua; lonua hae tuh mihoy leipaw ccaaw hae nynh thua. Tuh-e lonua mung hae a vuapaw rhaw tuh Satan nynh thua; loohrue ccyh tuh laephi she athangnaw nynh thua; te loohruetu hae tuh vaaw hae nynh thua hae. Tukeiccuze lonua hae tuh suelua hae zah maee kya a soi hae hawte laephi she athangnaw kya acyikuh bua cih. Ccungccaw Ccapaw nynh a vaawccungccaw hae kha yn saw cih hae zah ccungccaw seinaw a raesah hae paw te hoyleinaw a rae hae paw balyn kha a peenaw kyate oun suelua cih hae. Te minmin kha maeephupi lungkhu lang a phung cih hae, tuin kya rawkhuinaw te hawzynaw a um cih. Te adingpaw ccungccaw hae tuh mih Paaw peenaw kya khuanin hawte a paw vae cih hae. Thaenaw nakaring a hoipaw tuh thae sah!
Mia te Ngasaw Tousenaw
"Te vaawlang peenaw tuh: rili lungkhu lang vua hae zah ngasaw aphuinphuin a kyngpaw mia te nynh aloku. Ngasaw te he abeih tuh ngasaw kyngtu hae nynh mia kha varang langkhe a sue hae, te haung hae zah ahoypaw ngasaw hae kha shua lungkhu lang sang hae zah ahoy leipaw kha a vua hae. Tuh-e hawte laephi she athangnaw kya athua cih; vaaw hae nynh oun rung cih hae zah ccungccaw hoylei hae paw kha miding hae laku kyate thoh a phia cih hae. Minmin kha maeephupi lungkhu lang a vua cih hae; tuin kya rawkhuinaw te hawzynaw a um cih," a ci.
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
Thinlung zakawsangsakuh hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.
A rah a khui hae paw tuh lungtua hae paw nynh thua; pawccecize minmin tuh soihbia athua cih hae.
Lungne hae paw tuh lungtua hae paw nynh thua; pawccecize minmin tuh laephi rho a ccou cih hae.
Dingnaw kha vuelaw tuihaw hawte a ry hae paw tuh lungtua hae paw nynh thua; pawccecize mih rynaw kha ccingsah athua cih.
Ngaethyaumsahnaw a hoi hae paw tuh lungtua hae paw nynh thua; pawccecize minmin tuh ngaethyaumsahnaw kha a mue cih hae.
Thinlung athyaa hae paw tuh lungtua hae paw nynh thua; pawccecize minmin tuh Pachia kha a muih cih hae.
Daenaw raetu hae tuh lungtua hae paw nynh thua; pawccecize minmin tuh Pachia ccaaw hae cite ko athua cih hae.
Dingnaw keiccuze tuaasahnaw a ing hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.
"Kae ka keiccuze nanning kha ae sarya oh, ae tuaa ae sah oh zah ahme lei lante ahoy leipaw hynbya aphuinphuin ae be oh ze, nanning tuh lungtua hae paw nynh na thua oh. Nae lungtua sah lah nae lungpaw sah, pawccecize vaawlang khua kya nae ryalaw mee tuh ale; pawccecize nanning maw e profeh hae kha mah minmin nynh tuhmaminte a tuaa a sah hae.
Hummou A Lesaehua?
Tuh ccyh lyakhe zuitu hae nynh Jesu kalan oun thua hae zah, "Vaawlang peenaw kya hummou a lesaehua?" cite a khia hae. Jesu nynh imua taraw lu kheit kha a kalan ko zah minmin ngaelaku khe nung zah, "Byaccaccing kae hopya oh, nanning nynh na rulaeku khyh oh zah imua taraw hawte na thua khyh oh ze, vaawlang peenaw lungkhu lang papin na tee lan khyh oh. Tukeiccuze humhung zemah e imua hawte zakaw a sangsakuhpaw tuh vaawlang peenaw kya a lesae huapaw nynh thua.
Thuasalama Jesu nynh, "Imua hae kha ka kalan oun cceih hae sah, khee nan oh; pawccecize vaawlang peenaw tuh hynhcihawpaw ccungccaw hae elang nynh thua," a ci.
Te Jesu nynh a zuitu hae kha, "Byaccaccing kae hopya oh, mihoipaw hanlan vaawlang peenaw kalan tee lanpaw tuh kou aru. Te bua kae hopya oh, mihoipaw nynh Pachia peenaw kalan tee lae tuh kalauh nynh phynbang khu kya tee nynh azoihua," a cipya hae. A zuitu hae nynh tuh-e bya he a thae hae tuh myaryamaw mih ngaeangthua zah, "Tuhteze hummou khumnaw tuh a mue kho cih?" a ci hae. Thuasalama Jesu nynh minmin kha do hae zah, "Ccungccaw hanlan tuh hynh-e hynh thua kho khyh, thuasalama Pachia hanlan tuh pawpaw balyn athua kho," a ci.
Ka sungsahpaw uteno hae, la ngaetua oh. Hynh-e laephi kya-e ryachi hae hynh zynnaw kya hoirum khylan thuasah, amaw a sungsah hae paw hanlan bya a kinpyaku vae hae paw, peenaw rho kha ccou khylan thuasah Pachia nynh po khyh hae tou?
Thuasalama Ahang Huaccepaw Pachia mithyaa hae nynh peenaw kha a mue cih hae zah, tuh-e peenaw kha zungzae te zungzae cia a ccou cih hae.
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
Bawipaw, Bawipaw
" ‘Bawipaw, Bawipaw’ cite yn kopaw miakaw nynh vaawlang peenaw lungkhu lang tee lan khyh hae, thuasalama vaawlang umpaw ka Paaw rynaw a raepaw nynh a tee cih.
Tukeiccuze humhung zemah hynh-e kawbya hae kyaze adih huapaw ccangkheit kha lawe zah ming hae kha mah tuhcite a ccangpah hae paw tuh vaawlang peenaw kya adih huapaw lang a tang cih; thuasalama humhung zemah tuh-e tuh zui zah ming hae kha a ccangpah hae paw tuh vaawlang peenaw kya alepaw lang a tang cih. Pawccecize kae hopya oh, nae dingnaw nynh kawbya sazae hae te Farasi hae dingnaw kha a lawe khyh lanze vaawlang peenaw kya papin na tee lan khyh oh.
"Tukeiccuze hynhcite sawsang oh:
Vaawlang khua umpaw kaening Paaw,
na min sawtuanaw um sah.
Na peenaw thua ccavae sah.
Vaawlang khua kya
na rynaw rae athua hawte
laephi vawlan mah
raebua thua sah.
Laanpi Paccynpyanaw
Tuh ccyh lyakhe Baptisma pyatu Johan tuh yn langkuh zah Judea pee ramkaw khe phungho zah, "Ngaesikuh oh, pawccecize vaawlang peenaw tuh anae vae," a ci.
Tuin ccyh kyate Jesu nynh, "Ngaesikuh oh, pawccecize vaawlang peenaw tuh anae vae," cite phungho lan a tho takaw vae.
Na ccia vae oh ze, ‘Vaawlang peenaw tuh anae vae,’ cite thehoypaw kha la siakhae oh.
Nanning kae hopya oh, ccungccaw patae tuh nithua langte, niccaw langte oun thua cih hae zah vaawlang peenaw kya Abraham, Isak te Jakob ryte a aekheih cih hae.
Byaccaccing kae hopya oh, nopi hae kyate a puipaw ccungccaw hae kyaze Baptisma pyatu Johan laeze alesae huapaw lu kheit san langkuh loh khyh; thuasalama vaawlang peenaw kya adih huapaw ccungccaw tuh aning laeze a lesaehua. Baptisma pyatu Johan ccyh kyate tho zah atu cia vaawlang peenaw tuh doukunaw teing zah a doutu hae nynh nangsete a lawkude hae.
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
Tukeiccuze ahy kho leipaw peenaw kha ah ccou oh keiccuze lungpawte um oh sih, sawtuanaw te rawrinaw ryte douccah lante Pachia kha beik oh sih. Pawccecize aening ah Pachia tuh aruapaw maee nynh thua.
Minmin nynh na peenaw a phu-enaw te
na huhan kong kha a ho cih hae,
tetuh ccungccaw hae balyn nynh
ngaeangthua lan umpaw na cyipaw te
na peenaw huhan
aphu-epaw kha a nyh cih hae.
Na peenaw tuh zungzae tynpaw
peenaw thua zah,
na uknaw tuh she takyh atyn.
Bawipaw tuh a hopaw
bya balyn kya a lungzi zah,
a cyipaw balyn kya thawccinaw a hoi.
Tukeiccuze uteno hae, nanning konaw te ponaw kha tynsah khylan zuakuh paleih oh; pawccecize tuhte na cyi oh ze, na khuliakuh boi lan khyh oh. Tuhcite nanning tuh ah Bawipaw te oun Khumtu Jesu Khri kya-e zungzae atynpaw peenaw lungkhu lang teenaw kaw kha phe ccing lan ae pya cih oh.
Bawipaw nynh ahoy leipaw ryalaw miakaw kyate kae kha yn luesah cih zah, a vaawlang peenaw kalan khyndadyh lan yn cciakhae cih. Amaw kya phu-enaw tuh zungzae te zungzae cia um sah. Amen.
"Tuuphu taraw hae, rih nan oh; pawccecize peenaw kha nanning pya lanpaw tuh nae Paaw a lungrypaw nynh thua.
Pawccecize, a ohhuakuhpaw, athyaa leipaw, zohtuh beik zah a karankuhpaw ccungccaw tuh Khri te Pachia peenaw kya rho uccaw kharouh hoibua khyh cipaw ccaerarih lan na ny oh.