Como era a relação de Jesus com pedro: os maiores ensinamentos de Cristo ao seu seguidor

O Yesus o Petrus wisiputuru la Awi manara wadofa kali

15 So ona yaoḋo ḋaboloka, de o Yesus wotemo o Simon Petruska, <<Simon, o Yohanes ma ngopa, idodooha nakoso ngona ani sininga de ona manena ma binukali manga sininga gena, ngona ifoloi noidodara Ngohika.>>

De o Petrus wotemo, <<Iya, Jou, komagena. Ngona masirete ka noinako igogou ngohi manena tonidodara de tonisininga Ngonaka.>>

So wotemo, <<Nako komagena, de ngona bilasu najaga de nasiputuru ḋaloha o nyawa Ngohi imomote, imatero maro to Ngohi Ai duba-duba manga gogoho o sowohi moi wojaga de watuda.>>

16 De o Yesus wotemo wosidadu kali, <<Simon, o Yohanes ma ngopa, ngona gena igogou Ngohi noidodarasi?>>

De o Petrus wotemo, <<Iya, Jou, komagena. Ngona masirete ka noinako igogou ngohi manena tonidodara de tonisiningasi Ngonaka.>>

So wotemo kali unaka, <<Nako komagena, de ngona bilasu najaga de nasiputuru ḋaloha o nyawa to Ngohi Ai duba-duba ona magena.>>

17 De kanaga ma para saangeka Una wotemo kali, <<Simon, o Yohanes ma ngopa, ngona gena igogou Ngohi noisiningasi?>>

De kanaga ma para saangeka to Una Awi sano komagenali, so o Petrus awi sininga ipeleso so wagogou-gogou wotemo, <<Iya, Jou, komagena. Ngona masirete lo o bi moi-moi ḋangodu kanaga ka nanako, so ka nanako igogou ngohi manena tonisosiningasi Ngonaka.>>

So o Yesus asa wotemo kali, <<Nako komagena, de ngona bilasu najaga de nasiputuru ḋaloha o nyawa to Ngohi Ai duba-duba ona magena.

28 Kagena de o Petrus wotemo, <<Ya Jou! Nako igogou Ngona o Yesus, noisisulo la ngohi lo o ake ma ḋokuko totagi takahika Ngonaka.>>

29 De o Yesus wosango de wiaso, <<Nahino!>> De o Petrus o deruku wouti, so o ake ma ḋokuko wotagi wakahika o Yesuska.

30 Duma ma orasi una o moku-moku ilalago wakelelo, de una wimodo so he wilutu, de woore womasigaso, <<Jou, noiriwo!>>

31 Kagena de o Yesus Awi gia watoa so wicoho o Petrus, de wotemo unaka, <<Ngona ani piricaya ikurangi. Ḋadoohaso ani sininga ḋaceke.>>

O Petrus womanosu o Yesus

54 So o nyawa ona magena o Yesus iwitago de iwingaho ma Imam Wilalamo awi tahuka. O Petrus manga duduno wototuuru o Yesus iwimote. 55 O loloha magena ma sidongirabaka o uku itatahu la ma dateka imarahu isigilolino, de o Petrus lo kagena wogogeku dede ona. 56 Kanaga o ngopeḋeka moi moleleleani ma Imam Wilalamoka mowikelelo o Petrus kagena womararahu, de mowinako so motemo, <<O nyawa una magena o Yesus wimomote moi!>>

57 Duma una womanosu de wotemo moleleleanika, <<Ngohi towinakowa o nyawa Una magena!>>

58 Itekawa, de o nyawa moili wikelelo de itemo, <<He! Nagala ngona manena lo Una nowimomote.>>

Duma o Petrus wotemo kali, <<Hiwa!>>

59 Done nagala o orasi moi ipasaka, de o nyawa moili wotemo, <<Igogou, una manena to Yesus Awi dodiao moi, sababu una lo o Galilea ma nyawa.>> 60 Kagena de o Petrus wotemo, <<Ngohi tanakowa o kia ngona notetemo gena!>> O orasi magena ḋabolo una ka wobicarasi, de o toko isore, 61 de o Jou womabulutu de winano o Petruska. De o Petrus gena womasininga igogou ma nonomasi o Jou asa wisitemo ḋabolo unaka, <<O toko isore waasi, de ngona he nomanosu nosipara ma saange.>> 62 La una wosupu de woari wosodu-sodu.