9 यसकारण परमेश्‍वरका जनहरूका निम्ति शब्बाथको विश्राम बाँकी नै छ; 10 किनकि जसले परमेश्‍वरको विश्राममा प्रवेश गर्नेछन्, परमेश्‍वरले आफ्ना कामबाट विश्राम गरेझैँ तिनले पनि आफ्ना कामबाट विश्राम लिनेछन्।

13 "यदि तिमीहरूले आफ्ना खुट्टाहरूलाई शब्बाथ दिन उल्‍लङ्घन गर्नबाट,

र मेरो पवित्र दिनमा आफूखुशी गर्नबाट रोक्यौ भने,

तिमीहरूले शबाथ दिनलाई प्रसन्‍नता,

र याहवेहको पवित्र दिनलाई आदरणीय ठान्यौ,

र तिमीहरूले आफ्ना इच्छाअनुसार नचली, आफ्नो इच्छाअनुसार नगरी,

अथवा व्यर्थको कुरा नबोलेर त्यस दिनलाई चाहिँ आदर गर्‍यौ भने,

14 तब तिमीहरूले आफ्नो आनन्द याहवेहमा पाउनेछौ,

र म तिमीहरूलाई देशका उचाइहरूमा सवार हुन लाउनेछु;

तिमीहरूका पुर्खा याकोबको पैतृक सम्पत्ति उपभोग गर्न दिनेछु।"

म याहवेहको मुखले बोलेको हुँ।

31 यसकारण चाहे तिमीहरू खाओ वा पिओ अथवा जेसुकै गर, सबै कुरा परमेश्‍वरका महिमाको निम्ति गर।

8 म शान्तिसँग पल्टिनेछु र निदाउनेछु;

किनकि हे याहवेह, तपाईंले मात्र

मलाई सुरक्षित राख्नुहुन्छ।

5 म पल्टन्छु र निदाउँछु;

म फेरि उठ्छु; किनकि याहवेहले नै मलाई सम्हाल्नुहुन्छ।

2 बिहानै उठ्नु,

र अबेरसम्म जागो रहनु,

अनि शोकको भोजन गर्नु व्यर्थै हुन्छ—

किनकि जसलाई उहाँले प्रेम गर्नुहुन्छ, तिनीहरूलाई उहाँले निद्रा दिनुहुन्छ।

5 तिमी रातको त्रासदेखि डराउनेछैनौ,

न त दिउँसो उडेर आउने काँडदेखि नै डराउनेछौ,

24 जब तिमी ढल्किनेछौ, तब तिमीलाई डर लाग्नेछैन,

जब तिमी ढल्किनेछौ, तिमीलाई मिठो निद्रा लाग्नेछ।

12 परिश्रम गर्नेको निद्रा मिठो हुन्छ;

चाहे त्यसले थोरै खाओस् वा धेरै खाओस्,

तर धनीको प्रचुर धनले गर्दा

त्यसलाई निद्रै लाग्दैन।

18 अनि आशा भएको कारण सुरक्षित हुनुहुनेछ;

हो, तपाईं ढुक्‍क हुनुहुनेछ र सुरक्षासाथ निदाउनुहुनेछ।

19 तपाईं आनन्दसाथ ढल्किनुहुनेछ, कसैले तपाईंलाई भयभीत पार्नेछैन;

र धेरैले तपाईंको निगाह चाहनेछन्।

2 धर्मको मार्गमा हिँड्नेहरू

शान्तिमा प्रवेश गर्छन्;

तिनीहरू मृत्युमा सुत्दा विश्राम पाउनेछन्।