9 Therfor the sabat is left to the puple of God.10 For he that is entrid in to his reste, restide of hise werkis, as also God of hise.

13 If thou turnest awei thi foot fro the sabat, to do thi wille in myn hooli dai, and clepist the sabat delicat, and hooli, the gloriouse of the Lord, and glorifiest him, while thou doist not thi weies, and thi wille is not foundun, that thou speke a word;14 thanne thou schalt delite on the Lord, and Y schal reise thee on the hiynesse of erthe, and Y schal fede thee with the eritage of Jacob, thi fadir; for whi the mouth of the Lord spak.

31 Therfor whether ye eten, or drynken, or don ony other thing, do ye alle thingis in to the glorie of God.

8 Thei ben multiplied of the fruit of whete, and of wyn; and of her oile.

5 With my vois Y criede to the Lord; and he herde me fro his hooli hil.

2 For thou schalt ete the trauels of thin hondis; thou art blessid, and it schal be wel to thee.

5 For thou, Lord, hast delitid me in thi makyng; and Y schal make ful out ioye in the werkis of thin hondis.

24 If thou schalt slepe, thou schalt not drede; thou schalt reste, and thi sleep schal be soft.

12 Also anothir sijknesse is ful yuel, which Y siy vndur the sunne; richessis ben kept in to the yuel of her lord.

18 And thou schalt haue trist, while hope schal be set forth to thee; and thou biried schalt slepe sikurli.19 Thou schalt reste, and noon schal be that schal make thee aferd; and ful many men schulen biseche thi face.

2 Pees come, reste he in his bed, that yede in his dressyng.