Ressurreição

5 स्वर्गदूत ने बयहोन से बोल्यो, "मत डर, मी जानुस हइ की तुम यीशु खे जो क्रुस पर चेढायो गयो थो ढुढस हइ. 6 उ ह्या नी हइ, पन अपना वचन का जसो उ जिन्दो उठ्यो हइ. आख या जगा खे देख कि झा प्रभु खे रख्यो गयो थो.

6 "ओने उनखे बोल्यो," चकाय मत. तुम यीशु नासरी खे क्रुस पर चडायो गयो थो, ढुंढस हइ उ जिन्दो हुइ गो उ ह्या नी हइ देख या वा जगा आयो झा उनने ओखे रख्यो थो.

6 उ ह्या नी. पन जिन्दो हइ. याद कर कि ओने गलील मे र्‍हेते हुये तुम से बोल्यो थो. 7 ‘यो जरुरी हइ कि इन्सान को बेटो पापीहोन का हात मे पकडायो जाह्ये. अरु क्रुस पर चडायो जाह्ये अरु तीसरा दिन जिन्दो हुये.’"

8 तब दूसरो चेलो भी जो कब्र पर पैयले पहुच्यो थो, अंदर गयो अरु देखीखे विश्वास कर्यो. 9 वे तो अब तक पवित्रशास्त्र की वा बात नी समझता था, कि ओखे मर्या हुया मे से जी उठनो हुये.

3 या करण मेने सबसे पैयले तुमखे उ बात पहुचय दी, जो मेखे पहुचैइ थी, कि पवित्रशास्त्र को वचन का जसो यीशु मसीह हमारो पापहोन का लिये मरी गयो. 4 अरु गाड्यो गयो. अरु पवित्रशास्त्र का जसो तीसरे दिन जिन्दो भी उठ्यो,

25 यीशु ने ओकासे बोल्यो, "पुनरुत्थान अरु जिवन मी आय, जो कोय मरा पर विश्वास करस हइ उ अगर मरी भी जाये ते भी जीये. 26 अरु जो कोइ जिन्दो हइ, अरु मरा पर विश्वास करस हइ, उ पिडमपिडि तक नी मर्येका तू या बात पर विश्वास करस हइ?"

21 क्युकि जब इन्सान, वजेसे मरन आयो. ते इन्सान ही, वजेसे मर्या हुया खे पुनरुत्थान भी आयो.

14 क्युकी विश्वास करस हइ कि यीशु मऱ्यो हुइ अरु उ जिन्दो हुये खे ते यो प्रकार जेने भी परमेश्वर मे गयास हइ, ओका सात लिजाह्ये,

14 क्युकि मसीह को प्रेम हमखे मजबुर करी देस हइ. येकालिये कि हम यो समझस हइ, कि जब एक सब का लिये मर्यो ते सब मरी गया. 15 अरु उ या बारे मे सब खे लिये मर्यो, कि जो जिन्दो हइ, वे आगे को अपना लिये नी जीये पर ओका लिये जो उनका लिये मर्यो अरु फिर जी उठ्यो

5 क्युकी अगर हम ओको मरन कि समानता मे ओका साथ जुडि गयो हइ, ते नीश्चय ओको जिन्दो उठस को समानता मे भी जुडि जाए. 6 हम जानस हइ की हमारो पुरानो इंन्सान ओका साथ क्रुस पर चेडायो गयो तेभी पाप को आंग व्यर्थ हुइ जास, अरु हम आगे का पाप का दास मे नी ऱ्हेस.

एक जिन्दी आस

3 हमारो प्रभु यीशु मसीह का परमेश्वर बाप खे धन्यवाद दे, जेने यीशु मसीह खे मर्‍यो हुया मे से जिन्दो हुय खे उठन का वजेसे अपनी बडी दया से हमखे जिन्दी आस का लिये नवो जन्म दियो.

21 यो बपतिस्मा का जसो हइ जेका से अब तुमारो उध्दार होतो हइ, येमे आंग को मैल धोनु नी जबकी एक अच्छो विवेक का लिये परमेश्वर से कसम हइ, अब तो तुमखे यीशु मसीह को पुनरुत्थान बपतिस्मा का वजेसे बचास हइ.

आखरी कि दो बात

20 अब शांती दाता परमेश्वर जो हमारो प्रभु यीशु को मेडाहोन को महान रखवालो हइ सनातन वाचा को खुन का गुन से मर्या हुया मे से जिलाय खे लि आयो. 21 तुम खे हर एक अच्छी बात मे सिध्द कर्ये जेका से तुम ओकी इच्छा पूरी करणू, अरु जो कुछ ओका पास हइ ओखे यीशु मसीह का वजेसे हम मे पइदा कर्येका ओकी महिमा पिडमपिडि होती र्‍हियेका आमेन.

10 ताकि मी ओखे अरु उनखे कि सामर्थ्य खे अरु ओका साथ दुखहोन मे हिस्सेदार होना को मर्म खे जान्यु, अरु ओको पुनरुत्थान की समानता कि मील्हे कर्यु.

6 धन्य अरु पवित्र हइ, जो या पयलो पुनरुत्थान को भागी हइ. असा पर दुसरो मरना का थोडा भी अधिकार नी, पन वे परमेश्वर अरु को मसीह याजक हुये अरु वोका हात हजार बरस तक राज कर्‍हे.

12 फिर मे ने छोटो बडा सब मर्‍या हुया खे राजगद्दी का सामने खडो हुयो देख्ये का अरु किताब खोली गय. अरु फिर एक अरु जसो वे किताब मे लिख्यो हुयो थो, वोसो य वुनको काम का जसो मऱ्यो हुयो को न्याय कर्‍यो गयो. 13 नद्दी ने वोमे मर्‍यो खे जो वोमे थो दि दियो, अरु मरनो अरु अधोलोक ने वे मर्‍या हुयो खे काम का जसो वुन सब को न्याय कर्‍यो गयो.

22 पन परमेश्वर की मद्दत से मी आज बन्यो हइ अरु छोटा बडा सभी का सामने गवाही देस हइ, अरु वे बातहोन खे छोड कुछ नी बोलतो, जो भविष्यव्दक्ताहोन अरु मूसा ने भी बोल्यो कि होनआली हइ. 23 कि मसीह खे दुख उठानु पड्ये का अरु उ सबसे पैयले मर्या हुया मे से जिन्दो उठस अगर खे हमारा दुन्या मे अरु गैरयहूदिहोन मे ज्योती को प्रचार कर्ये."

18 "देख, हम यरुशलेम खे जास हइ. अरु इन्सान को बेटो मुख्य याजकहोन अरु पंडीतहोन का हात पकडि जानो अरु वे ओखे मृत्यु दण्ड का योग्य ठहरास. 19 अरु ओखे गैरयहूदीहोन का हात मे सोपे, कि वे ओखे मजाक मे उडाये जाये, अरु कोडा मारी खे, अरु क्रुस पर चेडाये अरु उ तीसरा दिन जिन्दो कर्ह्यो जाह्ये."