Ressurreição
A ressurreição é o pilar da fé cristã. Se Cristo não ressuscitou, é vã a nossa fé. Mas Ele venceu a morte, e essa é a garantia da nossa própria ressurreição.
Cristo ressuscitou
O túmulo está vazio! Os anjos declararam: 'Ele não está aqui; ressuscitou!' A ressurreição de Cristo é o fato mais transformador da história.
Ana abu suo ede magigl ubriko, angelo yegl di togwa, Ene kudugl goglkriro. Ene Jisas ede prak mina si geglkwa i, dokibrika i, prika ba ye magigl i ta moglkrukwa. Ene u ye ogo nagie yeimara i, kaniro! Ye okna dumere yegl ere, adigl u kor omiwe dugwa.
Kudugl geglko, yagl i yegl di togwa, Ene kudugl goglkrio! dugwa. Ene Jisas, dumo Nasaret nem, ye ede prak mina si geglkwa i dokigwa ba ye magigl i ta moglkrukwa. Ye adigl u kor ogwa. Ene u ye ogo nagie yeimara i, kanio! dugwa.
Ye adigl u kor ogwa. Magigl i ta pai moglkrukwa. Ye okna distrik Galili moglsre, ene ka ta di togwa i, pre meglmo? Ye yegl dugwa, Yoba ere mogl, Na Yoba Wam moglka i, i pi tadaglme yoba ogono mina yenaiglkwa paugwa. Ogono mina yebi, yoba i na ede prak mina si goraiglkwa ba na ege suota pai mogl, adigl u kor enaglka pamiwe di, Jisas ene okna yegl di tome di, angelo suo i yegl dibrika.
Ana Pita yegl kanugo, Jisas duglo boglkwa yagl ta ede okna ugwa i, ama ede yugugl pi kandre, Jisas kaima adigl u kor omedi pre meduglkwa. Igne i, God kamo bage ta Jisas adigl u kor enabe dugwa i, ye prikrikwa.
I siragl pre ka ta ede okna kaima ogwa God di naruko, ene beke teiga i yegl mere paugwa. God kamo beglkwa pamere mere Krais nono tadaglmeno pre goglko, ye ogo nagie maugl yeigo, ege suota ede ogo, ye adigl u kor ogwa. I God kamo beglkwa pamere mudu plau dugwa.
Ressurreição e vida eterna
Jesus disse: 'Eu sou a ressurreição e a vida.' Quem crê nele viverá, mesmo que morra. A morte foi derrotada na cruz e no túmulo vazio.
Yegl dugo, Jisas ye aglke kor yegl di togwa, Yoba na swara mina adigl u kor pidre, kor moraiglkwa. Yoba na ta pre mediglsre, goran, ta goglkrabuka. Kor mogl pai morabuka. Te, yoba ta kor moglsre, na pre medran, ye kaima ta goglkrabuka. Na ene di teiga i, ene pre mediglno? Jisas yegl di prukwa.
Yagl Adam swara tadaglme ersre, geglkwa mabuno i nogugl edumere mere yegl, Krais swara nono adigl u kor enamga mabuno i, i nogugl edugwa.
Nono Jisas goglsre, adigl u kor omiwedi pre medunga pre nono ama pre pogl sinamga i, Jisas ede ikne unabuka igne, yoba okna Jisas pre mediglsre, geglkwa i, ye mudu kiano mina Jisas bogl akie heven ibo kide kodo, ede makandigle unaiglmedi God dedenan, ye mudu Jisas bogl ede ikne unaiglkwa.
Siragl pre Krais dem muduo podo norukwa i, no batno sugo, no ye kogonmo erumga. Te, no prumga i, ye swara nono mudu pre goglkwa pre nono mudu akie gunga mere yegl pamedi prumga. Krais ye yoba mudu pre goglkwa i, yoba u kor pidre, kor moraiglkwa yobamo i, ye yene primere mogl pai erekre, Krais prumere mere mogl pai eraiglkwa pre goglkwa. Ye nono pre goglsre, adigl u kor ogwa pre nono kaima yegl eramga paugwa.
Ana nono Jisas bogl u swara omga pre ye goglmere mere yegl nono ama gunga. Nono ye bogl akie gunga pre ye adigl u kor omere yegl nono ama adigl u kor enamga keme paugwa. Ka kaima nono ye bogl akie adigl u kor omga. Nono prumga, Jisas ede prak mina goglkwa igne, God ye nono okna tadaglme yugobunomo mina atne munga i, ede prak mina si dudugwa. Ye yegl erukwa i, tadaglme yobuglomo dudinan, nono tadaglme niglmo kogonmo erekraiglmedi erukwa.
Nossa esperança futura
A ressurreição de Cristo garante nossa esperança viva. O Deus de paz trouxe dos mortos o grande Pastor das ovelhas para nossa salvação.
Taragl wakai wakai okuo inamga paugwa
Ana nono God kagie kade tenamga paugwa. I siragl pre ye nono mitno podo goglsre, Jisas Krais adigl u kor omara i mina nono ama u kor enaiglmedi ersre, te nono taragl wakai wakai inamga i, praiglmedi pre erukwa. God Nem nono Yaglno Kade Jisas Krais Godmo moglsre, ye Nem moglkwa.
Kuno ere ene nigl biglkwa igne, nigl atne pidre, ede egli wigwa i, piksa mere yegl paugwa. Piksa i, God Noa yobama ake ple di togo, sip yugugl wakai meglmere ene ama wakai moraiglmedi ake ple di togwa mere yegl paugwa pre diga. Te, ene nigl biglkwa i, ogono nagino deglbi i, nigl si kake ede enabuka pre buglkrikwa ba ene nomano mina kaima God duglo boramnedi prikwa i, i nogugl edinamnedi nigl biglkwa. Ene nigl biglko, Jisas Krais adigl u kor omara i mina God ene wakai moraiglmedi ake ple di te moglkwa.
Ka dudumara
Ana ka las dinaglka i, yegl dinariwa. God ene deno muduno wida di inaiglmedi ersre, nono Yaglno Kade Jisas ere i kor edugwa. Ye Jisas yobuglomo mina ene yobuglo bogl tenan, mabuno wakai kane kane, ye wakai kandre, ene eraiglmedi prukwa i, ene kaima eraiglmedi erabiwa. Jisas sipsip sugl moglkwa yagl kade kaima moglkwa. Te, promis kor aimadi kamin panabedi ye bormaimo suru edumara i mina nono ye kagie kade aimadi kamun te pai moramga. Kaima.
Te, na erme prika i, na Krais swara pre kan eragledi prika. Ye goglsre, adigl u kor ogwa pre ye yobuglomo swara i mina na tege te moglsre, ye nomanemo pamere yegl, na nomana yegl panabedi prika. Krais prukwa i, ye giugl kane kane prisre, nono pre gorabuka i pra we di prumere yegl, na ama ye nomanemo idre, giugl pre, ye pre goraglka i ama pra we dinagledi prika.
Ana yoba komnaye kana adigl u kor enaiglmara i, ye taragl wakai wakai idre, gun podo yebi, te God ye yene pre i pere edenabuka. Yoba i, namba 2 dai ikra ye ta akekrabuka ba ye tawa teigwa yoba mere yegl, God ya Krais kogono ersre, bugla yugu 1,000 Krais bogl akie yoba suglno moraiglkwa.
Ana na ama kaniga i, yoba geglkwa, yoba kade ya yoba yoko meglkwa i pra, ye sia king yomara gumamugl adigl meglko, God buk tau, yoba mabunono buk i mina bogl atne edugwa i, pogl edugwa. Buk i poglsre, yoba geglkwa i mabuno siragl mere ta erikwa i kere kandre, ye erimere mere yegl kot ere togwa. Te, ye buk ta ama poglkwa i, yoba aimadi kamin kor moraiglkwa buk ikra ama poglkwa. Ana igne i yoba ta geglko, ogono nagino mudi nigl atne yogwa i, adiglko, te yoba mudu ta goglsre, ede pi geglkwa yoba meglmara eigwa i, adiglko, God ye mudu mabuno siragl mere erimere yegl, kot ere tedre,
Ye yegl erikwa ba God ye na di narumere ere, okna ede u erme ugwa i pra na ake ple di naruko, na erme adigl moglsre, yoba kade meglkwa ya yoba yoko meglkwa i pra Jisas kamo di teiwe dugwa. Na yoba ka di teiga i, God ka kep yobama ya te Moses ama taragl tau plau dinabe dimere kuno yegl keme di teiga. Ye okna digwa i, God Kere Yugwa Yagl ye komono kana giugl prisre, gogl, adigl u kor enan, okuo yoba goraiglkwa ama adigl u kor enaiglmiwe di, yegl digwa. Ka kep yoba i okna ka yegl didre, ama yegl digwa, God Kere Yugwa Yagl unan, ye God kamo, ken abuglage mere yogwa i, Juda yoba di tedre, yoba yugobuno pere pere meglkwa i ama di tenabiwe di, ka kep yoba okna yegl digwa. Ka kep yoba okna dimere kuno yegl na ama yoba di te wan moluwe dugwa.
Ene prio. Nono ede ido Jerusalem enauniwa. Omun, yoba ta na Yoba Wam moglka i, i pi tawa teigwa yoba bitno meglkwa i ya God lomo beke teigwa yoba i ogono mina yenabuka. Na i pi ye ogono mina yenan, yoba i na kotna prisre, Ene goratniwe dinaiglkwa. Didre, na i pi yugobuno pere, Juda yoba moglkrikwa i ogono mina yebi, ye na agai goratnedi ersre, ama duglnai sidre, ede prak mina na si goraiglkwa paugwa. Si geglbi, na ege suota pai mogl, adigl u kor enaluwe dugwa.