Ressurreição
A ressurreição é o pilar da fé cristã. Se Cristo não ressuscitou, é vã a nossa fé. Mas Ele venceu a morte, e essa é a garantia da nossa própria ressurreição.
Cristo ressuscitou
O túmulo está vazio! Os anjos declararam: 'Ele não está aqui; ressuscitou!' A ressurreição de Cristo é o fato mais transformador da história.
Manang piglongan na anghil ya manga ka͡ubayan, "Diliꞌ kamu magkallek! Kya-ede-an ku na pyaninaw mayu si Jisus na pigkalabuwan adti krus. Walaꞌ da sakanan asini, kay nyataw da kasiling na piglong nan idtu muna! Seled kamu aw inunuwa mayu ya pigpakulangan kanan.
Manang miglong ya utaw kanilan, "Diliꞌ kamu magkallek! Kya-ede-an ku na pyaninaw mayu si Jisus na taga Nazarit na pigkalabuwan adti krus. Walaꞌ da sakanan asini. Nyataw da! Inunuwa mayu ya pigpakulangan kanan iyan.
Walaꞌ da sakanan asini! Nyataw da saba! Unu, kyalingawan da mayu kadiꞌ ya piglong nan kamayu idtu muna sa kenneꞌ pa nan adti Galiliya? Miglong sakanan na ‘Ka-ilangan na tumbay aku na Iseꞌ na Utaw adti manga makasasalaꞌ, aw papatay nilan adti krus, manang pagkatlu na allaw matawun aku lekat adti nyangkamatay.’ "
Pagkatigkas yan, ya umagakan na nyaka-una dyumateng adti ilib, syumeled da uman. Aw sa pagkitaꞌ nan na walaꞌ da ya lawas dun, nyangintu-u sakanan na nyataw da si Jisus, pangkay walaꞌ pa nilan kalabeti ya kakawasan na pigpasulat na Tyumanem asini muna na ka-ilangan mataw si Jisus lekat adti nyangkamatay.
Kay pigpalna-u ku kamayu ya nyadawat ku idtu muna aw ini ya kaliman ku na to-o mayu ka-ede-an: Nyatay si Kristu asuntu sa manga salaꞌ tadun kasiling na pigpasulat dadan na Tyumanem asini muna. Piglebeng sakanan manang pagkatlu na allaw nyataw da kasiling na pigpasulat na Tyumanem sa un ma-imoꞌ kanan.
Ressurreição e vida eterna
Jesus disse: 'Eu sou a ressurreição e a vida.' Quem crê nele viverá, mesmo que morra. A morte foi derrotada na cruz e no túmulo vazio.
Pagkatigkas yan, miglong si Jisus kanan, "Aku ya magpakamataw sa utaw na nyatay, aw aku uman ya mag-atag sa ginawa na walaꞌ ya katigkasan. Kun singalan ya mangintu-u kanak, pangkay matay pa sakanan manang mataw pa uman salut. Aw pangkay singalan ya nyakatagtun da sa ginawa na walaꞌ ya katigkasan asuntu sa pagpangintu-u nan kanak, diliꞌ da sakanan ka-eletan adti Tyumanem. Unu, nyangintu-u kaw sa piglong ku yeiy?"
Kay ya salaꞌ na sambuk na utaw na si Adan asini muna, yan ya du-an na dyatengan ya kadég na utaw na pagkamatay. Manang magi uman sa sambuk na utaw na si Kristu, un matawun ya manga nyangkamatay.
Kay pyangintu-uwan tadun na pangkay nyatay si Jisus manang nyataw sakanan, aw yeiy saba ya indeganan sa pagpangintu-u tadun na matawun na Tyumanem ya manga mangintu-uway lekat adti pagkamatay aw pa-agad nan silan.
Ya kadég na pig-imoꞌ tadun lekat saba adti kadakulaꞌ na pagginawa ni Kristu kanaten. Kay kya-ede-an nami na nyatay si Kristu pada sa kadég na utaw. Aw ya kadég tadun na nyangintu-u kanan, kasiling na nyaka-agad da kitadun dun ni pagkamatay nan. Aw yan ya du-an na nyatay sakanan asuntu sa kadég na utaw, pada sa pag-eyaꞌ pa tadun asini tas na lupaꞌ diliꞌ da tadun dalugun ya pagkaliman na kanaten pagka-utawun. Manang yan baling ya dalugun tadun ya pagkaliman ni Kristu kay yan ya nyatay pada kanaten aw nyataw uman.
Aw kun nyakasambuk da kitadun kan Kristu dun ni pagkamatay nan, makasambuk saba uman kitadun dun ni pagkataw nan. Kya-ede-an tadun na ya dadan na pagka-utawun tadun nyaka-agad da dun ni pagkamatay ni Jisus adti krus pada matay ya dadan na pagka-utawun tadun aw ya salaꞌ diliꞌ da mag-allang kanaten.
Nossa esperança futura
A ressurreição de Cristo garante nossa esperança viva. O Deus de paz trouxe dos mortos o grande Pastor das ovelhas para nossa salvação.
Ya pag-iman na diliꞌ kabullugan
Na, deyen ya Tyumanem na yan ya Ama na kanaten Matas na Pangulu na si Jisu-Kristu. Asuntu sa dakulaꞌ na kallat na Tyumanem, pig-atagan nan kitadun na bagu na pagka-utawun na awun pag-iman magi dun ni pagkataw ni Jisu-Kristu lekat adti pagkamatay, aw diliꞌ saba kitadun kabullugan.
Aw adun na allaw yeiy, ya tubig yeiy pundinganan sa pagba͡utismu kanaten na ya kakawasan nan na nyakaluwaꞌ da kitadun magi sa pagkataw ni Jisu-Kristu. Aw ya ba͡utismu yeiy, bekeꞌ na pagkamang sa taping na lawas tadun manang yan baling ya paglinis sa kanaten anenganeng adti asdangan na Tyumanem.
Ya katigkasan na sulat
Pigpanawagtawagan ta kamu adti Tyumanem na lyekatan sa kalinaw na yan ya migmataw sa kanaten Matas na Pangulu na si Jisus. Si Jisus ya magdadiyaga͡ay kanaten na palangad karniro nan. Aw asuntu sa duguꞌ ni Jisus, pigpa-iganget nan ya bagu na pakang na walaꞌ ya tyamanan. Tagilanen galu na Tyumanem ya kamayu anenganeng pada ma-imoꞌ mayu ya pagkaliman nan. Aw tabangan kamu ni Jisus sa pag-imoꞌ sa makatutuk sa Tyumanem. Yanagaw umbaꞌ atag adti kan Jisu-Kristu ya dengeg aw pagdeyen na walaꞌ ya tyamanan. Amén.
Yan ya kaliman ku na to-o ku ka-ede-an si Kristu aw ya katulus na pagkataw nan lekat adti pagkamatay. Aw kaliman ku agiyan ya pagti-is na kya-agiyan ni Kristu, aw masiling kanan dun ni pagkamatay nan.
Madyaw ya kana manga mangintu-uway na maka-eped sa tagnaꞌ na pagkataw. Kay ya kadwa na pagkamatay walaꞌ da ya katundanan adti kanilan. Pigtani la silan na un ma-imoꞌ magdadugsu-ay na manga utaw adti Tyumanem aw kan Kristu, aw un silan maghariꞌ eped ni Kristu seled na sammalalan (1,000) ka umay.
Aw kyinitaꞌ ku ya manga nyangkamatay na nyataw da, dala alag ya manga mangkalangkaw aw manga tagituꞌ, aw nyindeg silan dun ni asdangan na trunu. Aw pig-ulad ya manga libru, dala ya sambuk na libru na pigsulatan sa ngalan na manga utaw na nyakatagtun sa ginawa na walaꞌ ya katigkasan. Aw pig-ukuman ya manga nyangkamatay umbaꞌ sa manga pig-imoꞌ nilan na alag nyakasulat adti manga libru. Ya kadég na awun ni banwa na Kaludukan dala ya nyatay dun ni dagat aw adti lupaꞌ, alag silan pigtipun adti asdangan na Tyumanem aw pig-ukuman umbaꞌ sa manga pigpan-imoꞌ nilan.
Manang pigtabangan aku na Tyumanem taman adun na allaw yeiy, yanagaw ini aku ni asdangan mayu. Aw piglong ku kamayu ya matinaw, pangkay dengganen kamu aw pangkay tagituꞌ na utaw. Aw walaꞌ ku dugangi ya pigsulat na manga propita aw ni Moysis sa un ma-imoꞌ: na ya Misiyas un saba magti-is aw matay, aw yan ya muna mataw lekat adti nyangkamatay pada ka-ilawan nan ya anenganeng na manga utaw pangkay Judiyu aw pangkay manga Héntil."
"Pada ka-ede-an mayu, migpasinan da kitadun adti Jérusalim, aw aku na Iseꞌ na Utaw un da tumbay adti manga mangkatas na magdadugsu-ay aw manga magpalna-uway sa Uldin, aw ukuman aku nilan na patayen. Pagkatigkas yan, tumbay aku uman nilan adti manga utaw na Héntil, aw odoy-odoyun aku nilan aw badasan uman na lalabet, aw pakalabu nilan adti krus. Manang pagdateng na katlu na allaw, matawun aku lekat adti pagkamatay."