Roupas
A Bíblia fala sobre roupas em sentido literal e espiritual. Deus vestiu Adão e Eva, nos veste de salvação e nos chama a revestir-nos de Cristo e de virtudes santas.
Deus provê as vestes
Desde o Éden, Deus cuidou das necessidades dos seus filhos. Ele nos veste de salvação e de justiça, cobrindo nossa vergonha com sua graça.
आग आ येढ्ढु मुंदुरव कण्णगोळ खुलसेदव, अदिक आंदरी मालुम आत कि आंदुर ऊगळा आर; इदुरसाटी आंदुर अंजीर इन याल्ला जोळ्स जोळ्सकु लंगोट माळदुर.
अदिक यहोवा परमेश्वर आदम अदिक आऊन हिंग्स उन साटी तोगुल इन अँगरखा माळकु आंदरी हाकसुस बुट्टुन.
Revestidos de Cristo
Pelo batismo, somos revestidos de Cristo. A Bíblia nos exorta a vestir compaixão, bondade, humildade, mansidão e paciência.
यतिकी नीव सप्पा आ विश्वास इन द्वारा जो मसीह यीशु मा आद, परमेश्वर उन औलाद हुईर. अदिक नीम दा टु यास मुंदुर मसीह दा बपतिस्मा ताकोंडार आंदुर मसीह अक हाक्क कोंडार.
अदिक नीव परमेश्वर उन लॉकुर हुईर आव नीम से प्यार माळतान अदिक आव तान पवित्र आगोर साटी नीम चुनाव माळ्यान. रा बाक सहानुभुती, दया, नम्रता, कोमलता अदिक धीरज इक धारण माळी.
जो विजय हासिल माळ्यान आऊक हिंगा बिळेव फळक्या हाकसुसकु आदीत, अदिक ना आऊन हेसुर जीवन इन किताब दा टु यातोदु रीति देल कडुतिदिल; लेकीन आऊन हेसुर तान आप्प अदिक आऊन स्वर्गदूतगोळ मुंद मान्स कोमाईन.
Modéstia e confiança
A beleza verdadeira não está no exterior. A Escritura valoriza o caráter interior acima de adornos e nos ensina a não nos preocupar excessivamente com roupas.
हांग अच आर्तेर भी नम्रता अदिक खुद: नियंत्रण इन सांगुळ साधासुधा कपळागोळ देल तान तान इक सवारसुल; ना कि चुट्टी सवारसकु अदिक ना व्हान्ना अदिक मोती अदिक किमती कपळा देल, लेकीन भला क्याल्सा देल, यतिकी परमेश्वर उन भक्ति माळावळतेर आर्तेरी भी ईदा वळ्लीद आद.
तान तान इक सुंदर माळोर साटी व्हार्या अन साझ श्रृंगार इन इस्तेमाल माळबाळी, जसा कि चुट्टी गुथसोर साटी, या बाक व्हान्ना अन बांगळागोळ, या वळ्लेव-वळ्लेव कपळा हाक्कोर साटी, बल्की नीमी सुंदर नीम्द भितरी व्यक्तित्व माळतद, मुलायम मन अदिक शांत आत्मा अन्द अविनाशी सुंदरता देल युक्त आगी, परमेश्वर उन नजर दा जो किमती आईर.
"इदुरसाटी ना नीम से अनतीन कि तान जीवा अन्द साटी ईद चिन्ता माळबाळी कि नाव येन तिनदेव अदिक येन कुळदेव; अदिक तान मय इन साटी फळक्यागोळ्द चिन्ता माळबाळी. येन जीव भोजन देल, अदिक मय फळक्यागोळ देल अनमोल हैलेच?
यतिकी नाव रा ना दुनिया दा येनारा हुडुकु बंदेव अदिक ना येनारा वय सकतेव. अगर नाम हात्ती तिनली अदिक हाकली आद, रा ईऊर्दा का सन्तोष ईर पायजे.
"ख्वाटा भविष्यवक्तागोळ से सावधान ईरी, जो लांडग्या अन भेष दा नीम हात्ती बरतार, लेकीन आंदुर बुळ्क टु हरूकु तिनावाळेर म्यांडागोळ उर.
ईट्टुर दा याग हजारो लॉकुर्द भीळ हत्तेत, ईल ताका कि आंदुर आबुर दाबुर मा बिळली आगतोगोर, रा यीशु सब से पयले तान चेलागोळ से अनली कुरतुन, "फरीसीगोळ्द कपटरूपी खमीर देल सावधान ईरतीर. येनु होचकु हैलेच, जो तेरूकु आगतीदील; अदिक ना येनारा होचकु आद, जो जान्सकु आगतीदील. इदुरसाटी जो येनारा नीव अंधार दा अंदीर, अद ऊजुळ दा केळकु आदीत; अदिक जो नीव बुळ्क इन कमरागोळ दा कानो कान अंदीर, अद छत मा टु प्रचार माळकु आदीत.
"ना नीम से जो नान संगी हुईर अनतीन कि जो मय इन घात माळतार लेकीन अदुर्द हिंद मात्त येनु माळ सकालुर, आंदुर से अंजबाळी. ना नीमी चेतावनी कोळतीन कि यार से अंज पायजे, घात माळदुर बाद्दा यार इक नरक दा हाक्कोद अधिकार आद, आ परमेश्वर से अच अंजी; हव, ना नीम से अनतीन, आऊन से अच अंजी.
"येन येढ्ढ पैस्या अन्द अईद चिमणी पक्षी मारालव? तरी भी परमेश्वर अऊर दा टु ऊंद जीव इक भी मारालुन. नीमव ताल्ला अन्द सप्पा चुट्टी भी आळुकु आव, इदुरसाटी अंजबाळी, नीव हापाळ चिमणीगोळ से भी किमती आईर.
"ना नीम से अनतीन जो यावारा मंळसागोळ मुंद नानी मान्स कोंडान आऊक मंळसा अन पार भी परमेश्वर उन स्वर्गदूतगोळ्द मुंद मान्स कोंडान. लेकीन जो मंळसागोळ्द मुंद नान इनकार माळुल आऊन परमेश्वर उन स्वर्गदूतगोळ्द मुंद इनकार माळकु आदीत.
"जो यावारा मंळसा अन पार उन विरोध दा यातोवारा मात अनुल, आऊन अद अपराध माफ माळकु आदीत, लेकीन जो पवित्र आत्मा अन्द अपमान माळुल, आऊन अपराध माफ माळकु आगतीदील.
"याग लॉकुर नीमी सभागोळ अदिक न्यायाधीशगोळ अदिक अधिकारीगोळ्द मुंद ओतार, रा चिन्ता माळबाळेतीर कि नाव याता रीति देल या येन उत्तर कोट्टेव, या येन अंदेव. यतिकी पवित्र आत्मा अदा समय नीमी कल्स बुट्टीत कि येन अनोद आद."
बाक भीळ दा टु ऊंद मंळसा यीशु से अंदुन, "हे गुरु, नान वार्ट से अन कि आप्प उन संपत्ती नान सांगुळ वाट्स कोमुल."
आव आऊन से अंदुन, "हे मंळसा, याव नानी नीन न्यायी या बटवारा माळावाळा नियुक्त माळ्यान?" अदिक आव आंदुर से अंदुन, "सावधान ईरी, अदिक हर प्रकार इन लोभ देल तान तान इक ऊळ्सकु ईटी; यतिकी यारदारा जीवन आऊन संपत्ती मा निर्भर ईराल्द."
यीशु आंदुर से ऊंद उदाहरण अंदुन: "यावारा धनवान उन जमीन मा धोळ उपज आत. आग आव तान मन दा विचार माळली कुरतुन, ‘ना येन माळाईन? यतिकी नान अल जागा हैलेच यल तान उपज ईट सकाईन.’ अदिक आव अंदुन, ‘ना ईद माळाईन: ना तान लेल इन खर्यान मुर्दकु अदुर से वळ्लीद माळाईन; अदिक अल तान सप्पा अन्न अदिक संपत्ती ईटाईन; अदिक ना खुद तान जीव से अनाईन कि, नीन हात्ती हापाळ वर्ष इन साटी हापाळ संपत्ती ईटकु आद; चैन ईट, तिन, कुडू, वळ्लीद देल ईर.’ लेकीन परमेश्वर आऊन से अंदुन, हे मूर्ख! ईदा ईळ्लक नीन जीव नीन से ताकोमकु आदीत; आग जो येनारा नी जमा माळ्या अद यार्द आदीत?
"हिंग अच आव मंळसा भी आन जो तान साटी धन जमा माळतान, लेकीन परमेश्वर उन नजर दा धनी हैलेच."
बाक यीशु तान चेलागोळ से अंदुन, "इदुरसाटी ना नीम से अनतीन, तान जीव इन चिन्ता माळबाळी कि नाव येन तिनदेव; ना तान मय इन कि येन हाक्केव. यतिकी भोजन से जीव, अदिक फळक्यागोळ से मय किमती आद. आकाश ईनव पक्षीगोळी नोळी; अव ना बींजा हचताव, ना कोयताव; ना तान तिना जागा दा संगरूस्कु ईटताव; तरी भी परमेश्वर अवरी पाल्सतान. नीम किमत रा पक्षीगोळ से हापाळ यक्कुल आद! नीम दा टु हिंग याव आन जो चिन्ता माळकु तान जिंदगी दा ऊंद घळी भी वाळुस सकतान? इदुरसाटी अगर नीव सब से स्यांळ्द क्याल्सा भी माळ सकालीर, रा दुसरा मातगोळ्द साटी येती चिन्ता माळतीर? आळी दाकळव फूलगोळ मा ध्यान माळी कि अव ह्यांग वाळुसताव, ना तान साटी फळक्यागोळ माळताव; तरी भी ना नीम से अनतीन कि सुलैमान राजा भी तान पुरा जीवन दा, अऊर दा टु यारदु घाई कपळा हाक्कु ईला ईरोन. इदुरसाटी अगर परमेश्वर मैदान इन काड्डा अक, जो ईंद आद अदिक नाळ बेक्की दा झोक्सकु आदीत, हिंग कपळा हाकसुसतान; रा हे अल्पविश्वासीगोळा, आव नीमी येती हाकसुसतिदिल?"
"अदिक नीव ई मात इन खोज दा ईरबाळी कि येन तिनदेव अदिक येन कुळदेव, अदिक विचार भी माळबाळी. यतिकी ई दुनिया अन्द लॉकुर ई सप्पा वस्तुगोळ्द खोज दा ईरतद: अदिक नीम आप्प जान्सतान कि नीमी ई वस्तुगोळ्द जरवत आद. लेकीन आऊन राज्य अन्द खोज दा ईरी, रा ई वस्तुगोळ भी नीमी सिक्केदव."
"हे नान स्यांळ्द झुण्ड इन लॉकुरा, अंजबाळी; यतिकी नीमव आप्प प्रसन्नता देल, नीमी राज्य कोळोद चाहास्यान. तान संपत्ती मारकु दान माळबुळी; अदिक तान साटी हिंग चीलागोळ माळी जो हाळोदव आगालव, मतलब स्वर्ग दा धन जमा माळी जो कम आगाल अदिक यऊर हात्ती काळ्ल होगालुन, अदिक किळा भी बिगळुसाल. यतिकी यल नीम धन आद, अल नीम मन भी हतकु ईत्तीत."
नीम नेळुगोळ कटकु ईरूल अदिक नीम दिंग्या होत्ताकु ईटी, अदिक नीव आ मंळसागोळ घाई बन्सी, जो तान स्वामी इन हादी कायेत्यार कि आव मदा दा टु याग बंदान, कि याग आव बंदकु दरवाजा ठोकसुल रा तुरन्त आऊन साटी तेरू बुळुल धन्य आर आ दासगोळ यारी स्वामी बंदकु च्याता नोळुल; ना नीम से खरा अनतीन कि आव नेळु कटकु आंदरी भोजन माळली कुरस्यान, अदिक हात्ती बंदकु आंदुर्द स्यावा माळ्यान. अगर आव ईळ्लक इन दुसरा पहर या तिसरा पहर इक बंदकु आंदरी च्याता नोळुल, रा आ दासगोळ धन्य आर.
लेकीन "नीव ईद ध्यान ईटी कि अगर मान्ना अन्द स्वामी अरायदुन कि काळ्ल याता समय बंदान, रा च्याता ईरायदुन अदिक तान मान्या मान्ना अन काळ्लपनी ईला आग गोळायदुन." नीव भी तयार ईरी; यतिकी याता घळी नीव भी सोचालीर, अदा घळी ना मंळसा अन पार होट बंदान.
आग पतरस अंदुन, "हे प्रभु, येन ईद उदाहरण नी नाम से अच या सप्पा मुंदुर से अनत्या."
प्रभु अंदुन, आव विश्वासलायक अदिक बुद्धिमान सेवक याव हुन, यार्द मुनीम आऊक नौकर चाकरगोळ्द म्याकुच अधिकारी नियुक्त माळुल कि आंदरी समय मा भोजन सामग्री कोळुल. धन्य आन आव दास, यारी आऊन स्वामी बंदकु हिंग अच माळ्त नोळुल. ना नीम से खरा अनतीन, आव आऊक तान सप्पा संपत्ती मा अधिकारी नियुक्त माळ्यान. लेकीन अगर आ दास तान मन दा ईद अनुल कि नान स्वामी हापाळ समय देल बंदान, अदिक दास अदिक दासीगोळी बडुली-मेटली हतुल अदिक तिंदुर-कुळदुर दा हत्त ईतकु नशा दा चूर ईरूल. रा आ दास उन स्वामी हिंग दिन, याग आव आऊन हादी ईला कायतीदान, अदिक हिंग समय यदरी आव जान्सालुन, बंदान अदिक आऊक भारी दण्ड कोटकु आऊन जागा अविश्वासीगोळ्द सांगुळ ठहरूस्यान.
आ दास जो तान स्वामी इन इच्छा जानसोन, पर तयार आगकु आऊन इच्छा अन्द अनुसार कार्य माळीदिल, हापाळ बळ्सकोंडान. लेकीन जो ईद ईला जान्सकु बळ्सकोमोद कार्य माळुल आव कम बळ्सकोंडान. इदुरसाटी यारी हापाळ कोटकु आग्याद, आऊन से हापाळ बेळकु आदीत; अदिक यारी हापाळ सौप्सकु आग्याद, आऊन से हापाळ ताकोमकु आदीत.
"ना पृथ्वी मा बेक्की हचली बंदीन; अदिक नान हापाळ इच्छा आद कि अद बेक्की ईगल्या हत्तेगाईत! नानी रा दुसरा प्रकार देल बपतिस्मा ताकोमोद आद, अदिक यागासताका अद पुरा आगाल आगासताका ना ह्यांग दुविधा दा ईराइन! नीव येन सम्सतीर कि ना धरती मा मिलाप माळसुसली बंदीन? ना नीम से अनतीन; ईला, उलटा ब्यार्र माळसुसली बंदीन. यतिकी ईगी टु ऊंद मान्या दा अईद मुंदुर आपस दा दुश्मनी ईट्यार, मुर मुंदुर येढ्ढ मुंदुर से अदिक येढ्ढ मुंदुर मुर मुंदुर से. आप्प पार उन, अदिक पार आप्प उन खिलाप होदान; मोय पोर इन, अदिक पोर मोय इन, आत्त सास्सा अन्द, अदिक सास्स आत्ता अन्द खिलाप होदार."
यीशु भीळ से अंदुन, "याग नीव बादल इक पश्चिम टु येळ्त नोळतीर रा तुरन्त अनतीर कि माळ बंदीत, अदिक हांग अच आगतद; अदिक याग दक्षिण टु हवा नळुत नोळतीर रा अनतीर कि बिसुल हत्तीत, अदिक हांग अच आगतद. हे कपटीगोळा, नीव पृथ्वी अदिक आकाश इन रूप-रंग दा भेद माळ सकतीर, लेकीन ई युग इन बारा दा भेद माळोद येती जान्सालीर?
"नीव खुद अच निर्णय येती माळ कोमालीर कि उचित येन आद? याग नी तान मुद्दई इन सांगुळ न्यायाधीश उन हात्ती होगेत्या रा हादी मा अच आऊन से बिळसुसोद प्रयत्न माळकोम, हिंग आगबाळुल कि आव नीनी न्यायी इन हात्ती जेडुकु वोईल, अदिक न्यायी नीनी सिपाही इक सोप्सुल अदिक सिपाही नीनी बंदीगृह दा हाक बुळुल. ना नीम से अनतीन कि यागासताका नी कवळी-कवळी तुम कोळतीदील आगासताका नी तान तान इक अल टु बिळ्स सकतीदिल."
ईव यूहन्ना ऊँट इन चुट्टीगोळ्द फळक्या हाक्कु अदिक नेळु मा तोगुल इन पट्टा कटकु ईरतोगोन. फाफा अदिक आळी दाकळोद शयद तिनतोगोन.