Sacrifício

45 Sababu kalaha Ngoi nena-ne Manusia ma Ngowa’a Nau’u, Ngoi to sapolo di’a ngowa-ngowa’a 'aḏi de-de’oso Ngoi ua. Mada’a Ngoi to sapolo di’a To de-de’oso ngowa-ngowa’a re Ta sidoa’a 'Ari 'ahu di’a To tuusu ngowa’a repe tamanga ḏosa."

28 So’o gena-ge ḏi’i ma tero sa’olo Ngoi, Manusia ma Ngowa’a Nau’u. Ngoi to sapolo di’a ngowa-ngowa’a 'aḏi de-de’oso Ngoi ua. Mada’a Ngoi to sapolo di’a To de-de’oso ngowa-ngowa’a, re Ta sidoa’a 'Ari 'ahu di’a To tuusu ngowa’a repe tamanga ḏosa."

18 " 'Isene! Ngene nange-ne wo si’a toma limau Yerusalem. I’a da’a Ngoi, Manusia ma Ngowa’a Nau’u, ḏuanga i’a sipula’a toma 'imam-'imam ma sae’e re guru-guru 'agama. Re Ngoi ḏuanga i’a ananga Ri singe-ngeta’a hukumu sengene. 19 Gena ḏua, Ngoi sipula’a ḏi’i toma ngowa-ngowa’a Yahudi ua. Ngoi, ananga Ri sije-jengere re Ri sipo, kara Ri sisalib. Mada’a toma wangere ma soi ro’ange, Ngoi dadunu to 'ahu moju."

28 Ananga ya woi’i Unanga 'ai baju re 'U sipake Unanga reo juba 'ungu. 29 Ḏua, ananga 'aḏi 'oro ate ma umanga rema dodowo’o ya tuhu sa’olo lastari, kara ya siteru ra Unanga 'ai sae’e. Gena ḏua, ya siteru i’a didiki ra Unanga 'ai giama ma kuwiḏa, kara 'aḏi maḏipolono Tai biono re 'aḏi je-jengere Unanga re 'aḏi kanau, "Suba, Ngana Yahudi manga 'olana!"

46 Ḏua Yesus 'o poa’a 'a siduga-duga, "Baba, Tani giama ma dara Ngoi ta sidoa’a 'Ari nyawa." Gena ḏua, Unanga 'ai sangagara 'i togumu.✝

13 Dadalara ga’a lai lamo’o so’o ne: Matengo i’a ga’a 'o dadalara 'ai ḏagilomu, singadolo 'o sipula’a 'ai 'ahu, la 'ai ḏagilomu 'o 'ahu.

6 Toma 'orasa ga’a Ma Jou’ongu Madutu ra sitantukanga pasala ḏua, wakutu ngene nga’unu wo sisalamata ua ngene masiretene, Kristus 'o sengene di’a ngene ga’a wo kiḏanga ra Ma Jou’ongu Madutu.

18 Ninga 'ahu balasu 'i 'ofi-'ofi sababu ngini ni waro ḏua ma duhu sa’olo Ma Jou’ongu Madutu ro sibebasa ngini toma 'ahu ma faeda 'i cua, ga’a ninga ete re dotumu sisoi’i tala ra ngini. Ma Jou’ongu Madutu 'o tuusu ngini reo guraci re salaka ua. Enanga gena-ge 'i tahana kasingado-ngadolo i’a ua. 19 Mada’a Kristus 'a fangu rai ngaunu masiretene. Enanga gena-ge lai hali ma pari cua. Unanga gena-ge 'o dadi ma tero sa’olo 'o doba ma ngowa, kama faja ceka’a i’a mai ua, sa’olo jou-jou di’a ngini.

28 So’o gena ḏi’i, Kristus ro sidoa’a 'Ai lese masiretene soi moi ḇato sa’olo jou-jou ra Ma Jou’ongu Madutu, la 'O singi-ngiranga ngowa’a repe manga ḏosa. Re ḏuanga i’a Unanga dadunu 'o sapolo moju ma soi ḏiḏi, Unanga 'o singi-ngiranga ḏosa riwara, mada’a 'O gasa salamata di’a ngowa’a ga’a 'aḏi totoma Unanga.✝

14 Na’o ngaunu re 'omanga gena-ge nga’unu 'i sigofi ngowa’a manga lese, Kristus 'ai ngaunu ma kuasa lebe lamo’o i’a: Unanga 'ai ngaunu nga’unu sigofi nanga 'akala re sinyingara ma kanau ga’a 'i faja moju sababu ngene wo mete’e 'agama ma 'atoranga ga’a ma faeda 'i cua, la ngene nga’unu wo silamo’o re siḏubuso Ma Jou’ongu Madutu ga’a 'O 'ahu-'ahu. Kristus nga’unu 'o sidoa’a 'ai lese ga’a kama ḏosa ua ra Ma Jou’ongu Madutu, sababu ri-riono toma Ngagara 'Ofi-'Ofi ga’a 'ahu kasingado-ngadolo i’a.

7 Mada’a siḏibo ḏi’i, na’o ngene wo 'ahu toma tarangi ma dara ma tero Ma Jou’ongu Madutu toma tarangi ma dara, ngene wo 'ahu marimoi reo ngowa-ngowa’a ngaku Yesus ma lelegu. Re Ma Jou’ongu Madutu 'ai Ngowa’a Nau’u, Yesus Kristus, 'a si’ofi ngene nanga ḏosa-ḏosa mo-moini Rai ngaunu masiretene.

3 'Oru ga’a ngoi reta dawongo ra Ma Jou, ngoi reto singadolo ra ngini ḏi’i. Enanga ma la-lamo’o ma re’u i’a nena-ne: Kristus 'o sengene di’a 'O tuusu ngene tananga ḏosa-ḏosa, gena-ge 'i silefo pasala ḏua toma Boku 'Ofi-'Ofi,✝ 4 Unanga 'u siotomo mada’a pasala i’a toma wangere ma soi ro’ange dadunu 'O 'ahu moju. Gena-ge ḏi’i 'i silefo pasala ḏua toma Boku 'Ofi-'Ofi.✝

2 Taninga 'ahu ma dara balasu romanga reo dadalara, ma tero sa’olo Kristus ḏi’i 'O dadalara ngene. Unanga 'ai lese 'a sidoa’a sa’olo jou-jou di’a ngene sa’olo jou-jou rimoi ga’a ma bounu lai sa’i re sisanangi Ma Jou’ongu Madutu 'ai 'akala re sinyingara.✝

14 Yesus Kristus 'a sipula’a 'ai 'ahu 'i dadi jou-jou di’a ngene, la 'O siwoi’i ngene toma kuasa ma jira re 'O si’ofi tananga ḏosa-ḏosa, la sidadi ngene wo dadi Unanga 'ai 'umata ga’a wo cufala madaga’a 'ori i’a ma la-la.✝

13 Awa ni sidoa’a moju ninga lese ma bageanga rimoi i’a toma ḏosa ma kuasa, di’a 'i 'a’a 'ori i’a ma jira. Mada’a siḏibo ḏi’i, ngini balasu ni sidoa’a ninga 'ahu ra Ma Jou’ongu Madutu sa’olo ngowa’a ga’a raḏi bebasa toma sengene re raḏi sanga 'ahu su-sungi. Ni sidoa’a ninga lese ma bageanga mo-moini ra Ma Jou’ongu Madutu, la Unanga nu pake di’a 'a’a 'ori i’a ga’a loasa re banari,

24 Sababu 'a guna ḇato ga’a 'o kadiarata pa’i 'ai 'ahu toma dungia nena-ne, unanga gena-ge 'o sanga ua 'ahu kasingado-ngadolo i’a. Mada’a 'a guna ḇato 'o mete’e 'ai mau masiretene riwara sababu 'o mau mete’e Ngoi, unanga gena-ge ḏuanga i’a 'o sanga 'ahu kasingado-ngadolo i’a.✝

9 Silamo’o Ma JOU rani harata re gasa 'ani jou-jou tani tana’a ma hasili mo-moini ga’a ma mulaingi ra Unanga,

3 'A’a 'ori i’a ga’a ba-banari re 'adili

gena-ge Ma JOU lebe sanangi reo jou-jou.

13 So’o gena ḏi’i, Ngoi to sapolo ua di’a 'aro’o ngowa’a loasa re banari mada’a to sapolo di’a 'aro’o ngowa’a baraḏosa. Dadi ngini ni disa waro toma Boku 'Ofi-'Ofi ma dara bu-bula’a nena-ne ma ngale: ‘Ngoi to mau ngowa’a 'aḏi sijumu manga 'akala re sinyingara ma la-la toma ngowa’a lelegu, awa pa’i 'aḏi pula’a jou-jou haiwani ra Ngoi!’ "✝

32 'Ai Ngowa’a Nau’u masiretene Unanga 'a sidoa’a toma ngowa’a ma jira, la ananga 'U sisengene di’a sisalamata ngene mo-moini ga’a ngowa’a baraḏosa. Dadi, tantu ḏua Unanga 'o pula’a 'oru ḇato ga’a ngene wo paralu!

36 Dadi Unanga 'o kanau, " 'Ari Ḇaḇa! 'Ori i’a rimoi ua, 'i osama 'akala ua ra Ḇaḇa. Na silalo’o sangisara nena-ne ra Ngoi. Mada’a mete’e Ngoi 'ari mau awa, mete’e Ḇaḇa 'ani mau ḇato."

24 Mada’a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga’a Ma Jou Yesus 'a siwatasa ḏua ra ngoi di’a ta singadolo Habari Roanga mangale Ma Jou’ongu Madutu 'ai mura re dadalara singadolo 'ari 'ahu ma ḏo-ḏogumu.✝