Salvador
Jesus é o Salvador do mundo. Desde a manjedoura até a cruz e a ressurreição, toda a Escritura aponta para Aquele que veio buscar e salvar o que se havia perdido.
O Salvador nasceu
Na plenitude dos tempos, Deus enviou seu Filho ao mundo. O anjo declarou: 'Hoje vos nasceu um Salvador, que é Cristo, o Senhor.'
Ka wakai i yegl pre diga, Erme Devit taunmo dumo Betlehem i mina, abu ta gak kuglmiwa. Gak i ene Ere Inabuka Yagl moglkwa. Ye Yagl Kade moglsre, God Kere Yugwa yagl ama moglmiwe dugwa.
Krais moglkwa i, God bogl kuno kaima miurka, ba ye prukwa i, ye God moglmere moglsre, mogl mitna keme edenabuka i, i taragl podo pamedi pre i mitna edekrukwa. Krais ye yene ake atne kaima edidre, u yoba ogwa. Ye u yoba pidre, yoba mudu niglno kogono yoba mere yegl moglkwa. Nono ogono nagino pamere kuno yegl ye yoba ogo nagie idre, God kamo duglo bogl pi goglkwa. Te, ye goglkwa i, ye mogl atne edidre, ede prak mina goglkwa.
O sacrifício redentor
Jesus deu a própria vida por nós. Ele é a propiciação pelos nossos pecados e o autor da salvação eterna para todos os que lhe obedecem.
Moglsre, ye God dem muduo aragan erabedi nono tadaglmeno kumap tedre, te yoba mudu uglo koglo koglo meglkwa i, ama kumapno te kodugwa moglkwa.
Deno muduno tenamga mabuno i, yegl paugwa, nono komono kana God wakai kankrumga ba ye komono kana nono wakai kaima kandre, ye Wam nono tadaglmeno kumapmo tenabedi dedugwa i paugwa.
Ene prio! Nono okna God kudamo ikne munga ba ye Wam goglmara i mina aglke kor nono yu yene moglmara magigl edugo, nono ye bogl deno muduno swara yei, akie munga. Jisas goglmara i mina God nono yu yene moglmara magigl edugwa pre Jisas erme adigl u kor pidre, kor moglmara i mina nono aimadi kamun wakai kaima moramga keme paugwa. God okuo nono ka tage norabuka i ta kuno erekrabuka.
Enene prikwa i, okna ene nenoma ene mabuno tau eraiglmedi beke teigo, erikwa i, mogo wakai ta koglkrukwa. Ana mabuno i mina ene atne mogl dinaiglmedi God ene topo si ikne edugwa i, ye taragl ta bugl kide erabuka, silva mo gol mo ki ta idre, ene topo si ikne edekrukwa ba Krais bormaimo, wakai kaima yogwa i mina ene topo si ikne edugwa. Krais ye sipsip wakai, kide ta sikruko, ogo nagie mina num ta dekrukwa mere yegl moglsre, bormaimo suru edugwa.
God ye dem muduo podo norsre, ye yoko kaima nono ere inagledi prukwa pre ye Wam Jisas u bormaimo suru edidre, goglmara i God nono topo si ikne edidre, nono tadeglmeno gugl ede noro kodugwa.
Na Krais bogl akie ede prak mina guglka pre nana kor moglkrika ba Krais na moglmara suna moglko, no akie kor muglka. Te, erme na mogl pai erika i, God Wam swara pre medigl mogl pai erika. Jisas dem muduo podo narsre, na ere inagledi goglkwa.
O caminho da salvação
Jesus é o mediador da nova aliança. Ele vive para interceder por nós e pode salvar perfeitamente todos os que se achegam a Deus por meio dele.
Ye kuno ere beke yugwa pre God ye nono tawa teigwa bitno yagle morabedi padiglsre, Ene Melkisedek okna tawa togwa moglmere mere moratne dugwa. Yegl pre yoba ta Jisas duglo beglkwa i, ye tawa teigwa bitno yoba moglsre, aimadi kamin wakai kaima moraiglmedi ake ple di norukwa.
Te, ye aimadi kamin nono tawano togwa yagle morabuka pre yoba ye mina ede God moglmara enaiglkwa i, ye ege swara ere inan, aimadi kamin wakai kaima moraiglkwa i, kuno erukwa. I siragl pre ye aimadi kamin kor moglsre, God yoba i ake ple di tenabedi kamage ere moglkwa.
Ana nono God bogl u swara pi, akie si dakagl moramga i pre Jisas suna wom adigl mogl, ka kor aimadi panabedi bo buko dugwa. Okna i, yoba tadaglme ersre, lo komono paugwa i, si biglki digo, Jisas goglsre, kumapno togwa. Yegl pre God di gaglkwa yoba okuo taragl wakai wakai ye inaiglmedi di paduglkwa i, inaiglkwa kuno kaima erukwa.
Te, nono kan Jisas moglmara swara iro edidre, muku dinamga paugwa. Nono pre medramga i, Jisas mabuno moglsre, ere kodinabuka ama moglkwa. Jisas okuo gun podo yenagledi prukwa pre ye agai podo goglsre, ede prak mina gorabuka i, siragl kebra yomedi pra we dugwa. Pra we didre, erme God ogo wo kra ame di moglkwa.
I siragl pre yoba mudu pra pra tadaglme ersre, God yagl du kaima mogl, abuglagemo podo kide sugo, moglmara enamga i, yage sumga. Ba God yene wakai prumere ere wakai ere norsre, Krais Jisas nono topo si ikne edumara i mina God yoko kaima no yoba du meglme dugwa.
Ye yegl erikwa ba God ye na di narumere ere, okna ede u erme ugwa i pra na ake ple di naruko, na erme adigl moglsre, yoba kade meglkwa ya yoba yoko meglkwa i pra Jisas kamo di teiwe dugwa. Na yoba ka di teiga i, God ka kep yobama ya te Moses ama taragl tau plau dinabe dimere kuno yegl keme di teiga. Ye okna digwa i, God Kere Yugwa Yagl ye komono kana giugl prisre, gogl, adigl u kor enan, okuo yoba goraiglkwa ama adigl u kor enaiglmiwe di, yegl digwa. Ka kep yoba i okna ka yegl didre, ama yegl digwa, God Kere Yugwa Yagl unan, ye God kamo, ken abuglage mere yogwa i, Juda yoba di tedre, yoba yugobuno pere pere meglkwa i ama di tenabiwe di, ka kep yoba okna yegl digwa. Ka kep yoba okna dimere kuno yegl na ama yoba di te wan moluwe dugwa.
Ana abu suo ede magigl ubriko, angelo yegl di togwa, Ene kudugl goglkriro. Ene Jisas ede prak mina si geglkwa i, dokibrika i, prika ba ye magigl i ta moglkrukwa. Ene u ye ogo nagie yeimara i, kaniro! Ye okna dumere yegl ere, adigl u kor omiwe dugwa.