O sangue de Jesus

22 वास्तव दा व्यवस्था अन अनुसार लगभग रक्ता द्वारा अच सप्पा वस्तुगोळ शुद्ध आगताव, अदिक बिना रक्ता वाहुस्द पापगोळी माफ हैलेच.

13 यतिकी याग व्हातगोळ अदिक वस्तागोळ्द रक्ता अदिक होद्द पाड्डगोळ्द राकळ इक विधी इन अनुसार अशुध्द लॉकुर मा छिळकुसदुर देल आंदुर शुद्ध आगेगतार अदिक विधी इन अनुसार आंदुर अशुध्दता व्हार्यागोळ्द रीति देल होटोगतद. 14 याग ईद सही आद रा मसीह अन रक्ता याट प्रभावशाली ईतीदाद, आव अनन्त आत्मा अन द्वारा तान तान इक ऊंद संपुर्ण बली इन रूप दा परमेश्वर उक समर्पित माळ बुट्टुन. रा आऊन रक्ता नाम चेतना अक आ कर्मगोळ देल कोळसुसित जो मृत्यु दी ओयतार कि नाव जित्‍ता परमेश्वर उन स्यावा माळ सक्‍केव.

4 यतिकी वस्तागोळ अदिक व्हातगोळ्द रक्ता पापगोळी दुर माळुल, ईद संभव हैलेच.

12 ईदा कारण, यीशु भी नगर इन व्हार्या सोत्‍तुन ताकी लॉकुर पापगोळ देल आऊन रक्ता अन द्वारा शुद्ध आग सकुल.

24 अदिक ऊंद व्हाशोद वाचा अन मध्यस्थ यीशु अदिक छिळकाव इन आ रक्ता अन हात्‍ती होट बंदीर, जो हाबील उन रक्ता अन अपेक्षा वळ्लीद वस्तुगोळ्द प्रतिग्या माळतान.

7 लेकीन अगर ह्यांग आव प्रकाश दा आन, हांग अच नाव भी प्रकाश दा नळदेव, रा आबुर दाबुर से सहभागीता ईटतेव, अदिक आऊन पार यीशु उन रक्ता नामी सप्पा पापगोळ देल शुद्ध माळतद.

7 ✝नामी अदुर्दा आऊन रक्ता अन द्वारा छुटकारा, मतलब अपराधगोळ्द माफी, आऊन आ अनुग्रह अन्द धन इन अनुसार सिक्याद,

13 लेकीन ईग मसीह यीशु दा नीव जो पयला दुर ईरीर, मसीह अन्द रक्ता अन द्वारा हात्‍ती आगेगीर.

28 यतिकी ईद वाचा अन्द नान अद रक्ता हुन, जो सप्पा लॉकुर पापगोळ माफ अन्द साटी वाहुसकु आगतद.

5 अदिक यीशु मसीह दी टु जो विश्वासयोग्य गवाह अदिक सोत्‍तुर दा टु जीत्‍ता आगावाळेर दा पयला अदिक पृथ्वी इन राजागोळव न्यायाधीश हुन, नीमी अनुग्रह अदिक शांती सिकतेला ईरूल.

आव नाम से प्यार ईटतान, अदिक आव तान रक्ता अन द्वारा नामी पापगोळ देल बिळसुस्यान,

25 यीशु उक परमेश्वर आऊन रक्ता अन द्वारा ऊंद हिंग प्रायश्चित बली ठहरूसदुन, जो विश्वास माळदुर देल कार्यकारी आगतद, कि जो पाप पयले माळकु आग्याव अदिक यऊर मा परमेश्वर तान सहनशीलता अन कारण ध्यान कोटीदील. यीशु उन रक्ता अन बारा दा आव तान न्यायीपन प्रगट माळुल.

9 इदुरसाटी याग कि नाव ईग आऊन रक्ता अन कारण न्यायी ठहरूसदेव, रा आऊन द्वारा परमेश्वर उन सिट्ट देल येती ऊळ्सकु आगतीदील?

पयला फसह अन हाब्‍ब

21 आग मूसा इस्त्राएल इन सप्पा पुरनिगोळी कारूकु अंदुन, "नीव तान तान कुल इन अनुसार ऊंद ऊंद पाड्डा ब्यार्र माळकु ईटी, अदिक फसह हाब्ब इन पाड्डा बलि माळेतीर. 22 अदिक एजोब मार्र इन ऊंद जळी हुडुकु अद पात्र दाकळोद रक्ता दा मुळकुळसेतीर अदिक अदुर देल अदुर दाकळोद रक्ता दरवाजा अन पट्टी इक अदिक येढ्ढु बाजु दा हचेतीर; अदिक व्हातुर ताका नीम दा टु याऊ मान्या टु व्हार्या होळबाळुल. 23 ✝यतिकी यहोवा द्याश इन बीच दा आगकु मिस्त्रीगोळी कोनतेला होदान; इदुरसाटी यल यल अव चौखट इन क्वानागोळ, अदिक येढ्ढु बाजु मा आ रक्ता अक नोळ्यान, अल अल आव आ दरवाजा अक बिळतेला होदान, अदिक नाश माळावाळेरी नीम मान्नगोळ दा कोन्नोर साटी होगगोळतीदील.

11 यतिकी मय इन जीव रकत दा ईरतद; अदिक अदरी ना नीम लॉकुरी वेदी मा येरसोर साटी कोट्टीन कि नीम्द जीवगोळ साटी प्रायश्चित माळकु आगुल; यतिकी जीव इन साटी रकत टु उच प्रायश्चित आगतद.

4 लेकीन मास इक जीव इन सांगुळ मतलब रक्‍ता अन सांगुळ नीव तिनबाळेतीर.✝ 5 अदिक सही दा अच ना नीम्‍द रक्‍ता मतलब जीव इन बदला ताकोमाईन: सप्‍पा जनावरगोळ अदिक मंळसागोळ, येढ्‍ढु मुंदुर से अदरी ताकोमाईन; मंळसा अन जीव इन बदला ना ऊंद ऊंद वार्ट बंधु से ताकोमाईन. 6 जो यावारा मंळसा अन रक्‍ता वाहुस्‍यान आऊन रक्‍ता मंळसा से अच वाहुसकु आदीत, यतिकी परमेश्वर मंळसा अक तान अच स्‍वरूप इन अनुसार माळ्‍यान."✝

11 "आंदुर म्यांडा अन्द पाड्डा अन कारण

अदिक तान गवाही इन वचन इन कारण

आऊन मा जयवन्त आदुर,

अदिक आंदुर तान जीव इक प्रिय जानसीदिल,

ईल ताका कि मृत्यु भी सहन माळ कोंडुर."

18 यतिकी नीव जान्सतीर कि नीम्द निकम्मा चाल चलन तरीका जो आप्प दादागोळ हाती टु नळुतेला बरेत्याद, अदुर देल नीम्द छुटकारा व्हान्ना बेळ्ली मतलब नाशवान चिजगोळ द्वारा आगीदील; 19 बल्‍की किमती मसीह अन्द अर्पण इन द्वारा जो ऊंद निर्दोष अदिक कलंक रहित म्यांडा अन पाड्डा अन रक्ता अन घाई ईरोन.

28 तान अदिक तान लॉकुर्द पुरा गुट इन देखभाल माळावाळेर बन्सी यतिकी पवित्र आत्मा आंदुर दा टु नीमी आंदुर्द चिंता माळावाळा माळ्यान, कि नीव परमेश्वर उन मंडली अन्द रखवाली माळी, यारी आव तान खुन देल कोंडीदुन.

53 यीशु आंदुर से अंदुन, "ना नीम से खरा खरा अनतीन कि यागासताका नीव मंळसा अन पार उन मय तिनालीर, अदिक आऊन खुन कुडालीर, नीम दा जीवन हैलेच. 54 जो नान मास तिनतान अदिक नान खुन कुडुतान, अनन्त जीवन आऊंदा आद; अदिक ना आऊक आखरी दिशी बाक जित्‍ता माळाईन.

यीशु मसीह अन्द बारा दा गवाही

6 ईवा हुन आव जो नीर अदिक खुन अन द्वारा बंदीदुन, मतलब यीशु मसीह: आव सिर्फ नीर इन द्वारा ईला लेकीन नीर अदिक रक्ता येढ्ढु चिज इन द्वारा बंदीदुन ईद गवाही सच्चाई हुन.