O sangue de Jesus
O sangue de Jesus é o fundamento da redenção cristã. Através do seu sangue derramado na cruz, recebemos perdão, purificação e acesso à presença de Deus.
O poder redentor do sangue
O sangue de Cristo é o preço do nosso resgate. Sem derramamento de sangue não há remissão de pecados, e Cristo ofereceu o sacrifício perfeito e definitivo.
Ana God lomo dumere kuno yegl taragl tau mudu bormai keme ere i wakai edugwa mere yegl pamedi kamga. Te, bormai suru edigo keme God ye tadaglmeno kide kodo togwa.
Ana God gumuglo mina yoba ta deglbi yeigwa igne, tawa teigwa yoba ere mogl, meme bormaino idre, kau kumugl bormaino idre, kau abai ta si gagl tege erikwa i, nir idre, yoba i mina si plai sigo, ye ogono nagino meda i, u wakai eigwa. Ba Krais bormaimo i, taragl yegl mere mudu egre atne edidre, nagino swara ere wakai erekrukwa. Bormaimo nono lo duglo boglsre, gogl dinaiglmedi ere wakai ersre, te God kor aimadi moglkwa kogonmo ere pai moraiglmedi ere wakai ere norukwa. Krais aglaumo swara ta paikruko, Mudu Murubuglo aimadi moglkwa i yobuglo tomara mina ye yene i pi God tawa togwa.
I siragl pre kau ya meme bormaino i, yoba tadaglmeno ta gugl edenan, kuno erekrabuka.
Yegl gaiglkwa pre Jisas ye yene bormaimo mina yoba ere i du edenagledi giugl prukwa i, ye togl meda pidre, giugl prukwa.
Heven ibo Jisas moglko, bormaimo ama yogwa. Abel goglkwa igne, ye bormaimo God Kein si gorabedi agle dugwa ba Jisas bormaimo nono mina si plai si edidre, ka wakai keme di moglkwa. Te, nono God bogl kuda ikne ikne munga ikra, promis kor ake ple di norabedi Jisas suna mogl, bo buko di norsre, deno muduno wida di inaiglmedi erukwa. Taragl mudu i, heven ibo yogo, ene heven ibo ede suna u kodigwa mere yegl paugwa.
Perdão e purificação
O sangue de Jesus nos purifica de todo pecado. Nele temos redenção e perdão, segundo as riquezas de sua graça.
Ba God ye abuglage mina moglmere yegl, nono ama abuglage sumara wan mun, God yobama bogl akie si dakagl moramga, te, ye Wam Jisas bormaimo i, nono tadaglmeno mudu koko ede norabuka.
God ye dem muduo podo norsre, ye yoko kaima nono ere inagledi prukwa pre ye Wam Jisas u bormaimo suru edidre, goglmara i God nono topo si ikne edidre, nono tadeglmeno gugl ede noro kodugwa.
Ene okna yegl ere, meda meglkwa ba erme God Kere Yugwa Yagl Jisas bormaimo suru edidre, kogon erumara i mina God ene agre yu God yene moglmara edugo, ene erme God bogl akie meglkwa.
I siragl pre wain nuglo i, na bormaina mere yegl yomiwe dugwa. Na ene yoba mere kumapno tenagledi bormaina suru ede meda edibo, God ka kaima ta okna di te paduglkwa ikra, ka kaima plau dinabuka. Plau dinan, ene tadaglmeno ama gugl ede tenabuka.
Ene God yobama, provins Esia suna, taun kade 7-pela yomara suna meglkwa i, Na Jon, pepa magigl i, ene bogl teiga. Na prika i, God ya Jisas Krais yebr, te, God Murubuglo ye yobuglomo 7-pela paugwa moglkwa i, ye pra pra ene yoko kaima ere wakai ere tedre, deno muduno wida di padigl tenaiglmedi prika. God moglkwa i, ye okna ibo aimadi kamun moglsre, erme ama mogl pai moglsre, okuo yene ama unabuka. God Murubuglomo ye yobuglo 7-pela paugwa molkwa i, ye God siamo king yomara gumamugl moglkwa. Te, Jisas Krais moglkwa i, ye God kamo pamere di norukwa yagle moglkwa. Ye komnaye kana goglsre, adigl u kor ogwa te, erme king makandigle meglkwa i mudu i swara ede, Yaglno Kade moglkwa.
Ana nono aimadi kamin Jisas kagie kade tenamga paugwa. Nono tadaglme erumga pre kane pamgo, ye dem muduo norsre, ye bormaimo suru edumara i mina nono i meda edugwa.
Didre, yoba ira pre medraiglkwa i, ye kumapno Jisas moglmara edugo, ye bormaimo suru ede, tawano moglkwa.
I mina God yagl du moledi i nogugl edugwa. I siragl pre ye okna ibo yoba tadaglmeno kanige erukwa i, aglau erekrukwa. Ye Jisas okuo dedinagledi prisre, tadaglmeno si bi di togwa.
Ana nono erme pre pogl sinamga. Jisas ye bormaimo suru edidre, goglmara i, God ye nono yoba du meglmedi kan kodugwa. Yegl pre okuo God kor dem kubro noro, ka tage norabo? Ta manabuka. Jisas kogon erumara i mina nono ere i kodugwa pre nono okuo ka tage norabuka i ta kuno erekrabuka.
O sangue da aliança
Desde o Êxodo, o sangue é sinal de aliança entre Deus e seu povo. O sangue do Cordeiro pascal prefigurava o sacrifício supremo de Cristo.
Israel yoba God no kanige erabedi sipsip ya meme nagro si geglkwa
Ana Moses ere mogl, Israel yagl kade mudu di makai sidre, ye yegl di togwa, Ene swara swarade ede pi sipsip nagigle mo meme nagigle idre, ebino gagroma bogl akie nenaiglkwa pre si goraiglkwa. God ye Isip yoba si goglsre, nono kanige erabuka egemo erme yogwa pre diga. Ene sipsip mo meme i si goglsre, bormai tau dis mina kogl yenaiglkwa. Kogl yedre, ene ede kebra hisop we digwa i, yogagle tau buko di yudre, ede hisop yogagle wagle bormai tau si bai, yugu dua yomara guglo koglo koglo kra i egrisre, te dua mina ede prak mitna pamara i ama egrisre, eraiglkwa. Yegl ersre, ene eduer meda pikre, yugugl keme mogl ebi, kamun tagenabiwe dugwa.
Taragl mudu bormai mina kor meglkwa
Taragl mudu bormai mina kor meglkwa. Yegl pre na ene tadaglmeno si bi dinaglka i, tawa teigwa yagle bormai kogl i pi tawa naraiglmara bogl i mina si plai si edinaiglmedi di teiga. Taragl mudu bormai mina kor meglkwa i pre bormai swara i mina na ene tadeglmeno si bi dinaluwe di, God yegl dugwa.
Ene nenaiglkwa pre teiga ba taragl kane kane bormai wagle kor meglkwa pre ene mie bormai pai moglkwa bogl nekrio. Te, agl bugla mo dua kabu ta ere mogl, yoba ta si goran, yoba taragl i si goraiglkwa. Te, yoba ta ere mogl, yoba ta si goran, yoba ye ama si goraiglkwa. Yoba na moglmere moraiglmedi beke yeiga pre yegl eraiglkwa.
Vitória pelo sangue
Os cristãos vencem o acusador pelo sangue do Cordeiro e pela palavra do seu testemunho. O sangue comprou para Deus gente de toda tribo e língua.
Te, nono agroma abaroma meglkwa i, ye sipsip nagigle bormaimo suru edumara i mina yobuglo idre, ye kamo yoba di nogugl ede te meglkwa. Te, ye yene kor moraiglkwa i, pre i mitna edekre, sipsip nagigle pre goraiglkwa ama pra we digwa pre ye Yagl Kide yobuglo ere teimiwe dugwa.
Enene prikwa i, okna ene nenoma ene mabuno tau eraiglmedi beke teigo, erikwa i, mogo wakai ta koglkrukwa. Ana mabuno i mina ene atne mogl dinaiglmedi God ene topo si ikne edugwa i, ye taragl ta bugl kide erabuka, silva mo gol mo ki ta idre, ene topo si ikne edekrukwa ba Krais bormaimo, wakai kaima yogwa i mina ene topo si ikne edugwa. Krais ye sipsip wakai, kide ta sikruko, ogo nagie mina num ta dekrukwa mere yegl moglsre, bormaimo suru edugwa.
Ana Pol ka yegl didre, ka tau ama yegl di pai moglkwa, Pre mediglkwa yoba meglkwa i, ene sugl meglkwa yoba, na ene ka yegl di tenaluwe dugwa. Ene enene suglno wakai moglsre, te God yugobunomo mudu ama suglno wakai molo dugwa. Siragl pre yoba God yugobunomo mina meglkwa, yene Wam bormaimo mina topo si yugwa i, Mudu Murubuglo ye ene sipsip sugl meglkwa yoba mere yegl suglno wakai moraiglmedi dedugo, meglmiwe dugwa.
Juda yoba yegl digo, Jisas ye di te, yegl dugwa, Na ene ka kaima di teiga, Na Yoba Wam moglka i, ene na ogona nagna nedre, bormaina nedre keme kor moraiglkwa. Ta manan, ene kor moglkraiglkwa i ta ikraiglkwa. Yoba ta na ogona nagna ya bormaina nogwa i, ye aimadi kamin kor morabuka i, i kodugwa. Te, ege okuo yenabuka igne, na ye ogo nagie ere i kor edenaglka.
Ana Jisas Krais udre, ye yene God Wam moledi i nogugl ede norukwa i, ye nigl buglmara ya bormaimo suru edumara i mina i nogugl edugwa. Ye nigl burabuka swara ta manugwa ba bormaimo ama suru edenabuka i mina ye yene i nogugl edugwa. Te, God Murubuglomo ye Jisas ira moglkwa di pogl norukwa i, ka kaima keme dinabuka pre ka i kaima paugwa.