O sangue de Jesus
O sangue de Jesus é o fundamento da redenção cristã. Através do seu sangue derramado na cruz, recebemos perdão, purificação e acesso à presença de Deus.
O poder redentor do sangue
O sangue de Cristo é o preço do nosso resgate. Sem derramamento de sangue não há remissão de pecados, e Cristo ofereceu o sacrifício perfeito e definitivo.
Maaŋ muuŋgiap, nza kaŋgi, Fhe Bakɨme Moses ga nɨɨŋgi tɨvi zɨn vui tɨvi, vɨzɨn nduara mba bigi vhɨrvera muuŋgim, nta Fhe Bakɨme nɨman za ŋgarar za muuŋgi. Mbe maaŋ muuŋgip, bigɨn the shogirim, ana rimgip, vɨzɨn sisuarga fhu, Fhe Bakɨme kha gumgi gu mbigi muuŋgi tɨvi mbatɨgi vhɨzgirga tuktɨgi fhuvara.
Maaŋ muuŋgip, gumgi gu mbigi Fhe Bakɨme nɨman nzaŋnzaŋgirga, Fhe Bakɨme rotu gari gumgi, mbe meme vɨzɨnan mba gumgi gu mbigi buui o, mbe borombaga pura vɨzɨnan mbe buui o, mbe vhɨra borombaga meen ga pooŋgip, anan vherɨna ndigap, anan mbe buui. Mbe mba tɨvar muuŋgirga, mba fhum Fhe Bakɨme nɨman nzaŋnzaŋgi gumgi gu mbigi, mbe Fhe Bakɨme nɨman taagiap ŋgarigi. Mbe mba mbui tɨv, Zisas vɨzɨn, ana guigi guarara mba tɨva kambarigi. Nta nza fhum muuŋgi tɨvi mbatɨgi vhɨzav, nzan kurkurigi fhu. Krais, ana bigɨn mbatɨga thueŋ muuŋgim, nen simtɨk anan ki fhuvara. Zakɨra fhuvara! Ana mba zazera mbara muuŋgiap ki Ŋina Ŋaara ŋkasŋkar panan, ana wo ndim, Fhe Bakɨme nɨɨŋgiap, ana nza nzuav ofa muuŋgi. Maaŋ muuŋgiap, ana vɨzɨn, nza ndavi vherira mbuim, nta ŋgarigi fhuvara. Zakɨra fhuvara! Ana nza fhum rotu muuŋgi tɨvi, nza wom nta ndɨkndɨgi fhu, nza Fhe Bakɨme nɨman za guigira ŋgarigi. Maaŋ muuŋgiap, nza mba zazera mbara muuŋgiap ki Fhe Bakɨme tɨvi, nza nta zɨn ŋgɨp, anan ŋaarar muunga.
Ne nɨɨeŋ khaŋ muuŋgi. Mba borombaga pura vɨzɨn gum mba meme vɨzɨn, ni mbe muuŋgi tɨvi mbatɨgi vhɨzgirga tuktɨgi fhuvara.
Maaŋ muuŋgiap, Zisas vhɨra ana ŋgu bakɨme bɨna thɨmkamanin kɨrar zaa ndigi. Ana maaŋ muuŋgim, ana vɨzɨn kha gumgi gu mbigir muuŋgirim, mbe guigira Fhe Bakɨme nɨman guigira ŋgararga.
Nde Zisasan hɨgi, ana rɨgagera kav, ana rimgi ŋaarar panan, Fhe Bakɨme suaŋgi kaman kameŋ ndi hiaŋtɨgi. Nde vhɨra Zisasan vɨzɨnan hɨgi. Ana fhum mba kaman kameŋ havharɨr zav wo vɨzɨna, nde buiŋgi. Mba vɨzɨn, ana ntige nza nzuai, ana nza nzuai kameŋ ne fhum Aber vɨzɨn suaŋgi kameŋ fara muuŋgi fhuvara. Zisas vɨzɨn, ana guigira kaman vhuuŋ guareŋra bun nza nzuai.
Perdão e purificação
O sangue de Jesus nos purifica de todo pecado. Nele temos redenção e perdão, segundo as riquezas de sua graça.
Zisas, ana vhava ŋaarar ki. Nza maaŋ muuŋgip vhava ŋaarar kɨrga, nzan tɨvi vhɨra ŋgarav kɨrga, nza vhɨra ana fara muuŋgiap vhava ŋaarar ki. Nza vhɨra Fhe Bakɨme zɨn vui gumgi gu mbigi phorga ndava bavira ki. Nza wari tɨgɨp ndava bavira kɨrga, anan Kama Zisas Krais vɨzɨn, nza mbui tɨvi mbatɨgi ruai, nza ŋgarav ki.
Fhe Bakɨmen kora muumbar, ana guigira kɨvgi. Krais nza bɨkbɨɨgir zav, ana nza nzuav rimgi. Ana rimgim, ana vɨzɨn nza muuŋgi tɨvi mbatɨgi vhɨzɨ zav sia suagim, Fhe Bakɨme ana vɨzɨna panan nza muuŋgi tɨvi mbatɨgi, ana nta vhɨzgiap, nta ndɨkndɨk ŋangi.
Nde fhum Fhe Bakɨme thav shama guarara kegi. Krais nde nzuav wo vɨzɨna siasuagi. Nde ntigem Krais vɨzɨn nde ndiga zim, nde Krais Zisas phorgap nde guigira Fhe Bakɨme hara ki.
Khe na vɨzɨn ma. Fhe Bakɨme fhum nde nzuav suaŋgi vɨzɨn ma. Gu gumgi gu mbigi vhɨrve muuŋgi tɨvi mbatɨgi vhɨzɨ zav ana siasuagi.
Zisas Krais, ana za Fhe Bakɨme buni guarira bun nzuai guma ma. Ana za kha gumgi kharav, rimgiap, fhara khavgi guma ma. Ana vhɨra za kha nuianan ki ŋgui vhɨrve gari gumgir panin guma bakɨme ma. Ana vhɨra fhura nden korar muuŋv, nden ndavir muuŋrim, nde ndavi mbɨrav wari kɨri.
Ana guigira won ndavar nza nɨɨŋgiap, ana wo vɨzɨnra ana nza muuŋgi tɨvi mbatɨgi, ana nta vhɨzgim, nza bɨkbɨɨgi.
Fhe Bakɨme Zisas farasarigi, ana rimgip won vɨzɨna siasuarga, guigira ana khothɨgi gumgi gu mbigi, ana vɨzɨn mbe muuŋgi tɨvi mbatɨgi ruagiri, nta vhɨzgirga. Ana won tɨvar vhuun nza khɨvɨr zav maaŋ muuŋgi. Fhum, Fhe Bakɨme mbarara kha gumgi gu mbigi ga mbuav, ana mbe muuŋgi tɨvi mbatɨgi ga nzuav vheza mbatɨgar mbe ndɨɨi fhuvara.
Krais rimgim, ana vɨzɨn sia suav, nza muuŋgi tɨvi mbatɨgi, ana nta ruagim, Fhe Bakɨme ntigem tɨvir vhuuiaŋ mbui gumgi gu mbigir nzan kaai. Maaŋ muuŋgiap, nza ntigem guigira kaŋgi. Ana khaŋ tɨgɨp guigira nzan kurkurarga. Fhe Bakɨme mba tɨvi mbatɨgi ga mbui gumgi gu mbigi ga nzuav guigira ndav shirga tuk hɨrga. Ana muumbara mbatɨgar mben muunga. Nza mba tugen, nza Krais muuŋgi ŋaarar panan, nza guigi guarara nzerara kɨrga.
O sangue da aliança
Desde o Êxodo, o sangue é sinal de aliança entre Deus e seu povo. O sangue do Cordeiro pascal prefigurava o sacrifício supremo de Cristo.
Vitória pelo sangue
Os cristãos vencem o acusador pelo sangue do Cordeiro e pela palavra do seu testemunho. O sangue comprou para Deus gente de toda tribo e língua.
Nza phorgap guigira Zisas khothɨgi gumgi gu mbigi, mbe ntara mbuav, wari won pana guma kambarav, ana mbevigi. Mbe Sipsiva Ŋguga vɨzɨn gum mbe Fhe Bakɨme buna vhuueŋ bun nzuai, nen panan ana mbevigi. Mben pana guma mbe shogim, mbe vhɨzi, mbe nen rɨvi fhu. Mbe nzerara kha nuianan kɨrga ndɨkndɨk havhargi fhuvara. Mbe guigira Zisas khothɨgav, ana zɨn ŋgɨp, rɨmɨn zavra ki.
Nde ntige kaŋgi, nde fhum, nde wari won nzɨgi han ndigi tɨvi mbatɨgi, nde nta zɨn vegi. Fhe Bakɨme ntigem taagia nde vhezgiap, ana mba bigi tɨn nde ndigi. Ana nde ndigap, ana kha nuianan mbarɨgi bigi, gor gu sirva, ana ntan nde vhezgi fhuvara. Zakɨra fhuvara! Ana Krais vɨzɨnra nde vhezgi. Mba vɨzɨn, ana guigira vhez vun ndagi vɨzɨn ma. Krais, ana sum kav, bigɨna mpɨga thaneŋ ki fhuv sipsiva ŋguga fara muuŋgi.
Nde tuituigira wari ganɨv, vhɨra Fhe Bakɨmen gumgi gu mbigi ganɨri. Ana mba gumgi gu mbigi, ana won kama vɨzɨnra mbe vhezgi. Anan Ŋina Ŋaar mba gumgi gu mbigi ganɨ zav nde farasegi, nde ana sipsivi ganɨri.
Zisas mbara khaŋ mbe nzuai, "Gu guigira nde nzuai, nde maaŋ muuŋgip, Fhe Bakɨme Guma Guarar fhavar mbegɨrga fhu, nde vhɨra ana vɨzɨnan mbegɨrga fhu, nde zazera mbara muuŋgiap ki bɨɨŋbɨɨŋ nden kegɨrga fhu. Guma, ana na fhava sɨk gu vɨzɨna pi, ana zazera mbara muuŋgiap ki bɨɨŋbɨɨŋ ki. Gu zumgum, kha nuian gu bigi vhɨzi tugar, gu taagi ana khavgirga.
Kha guma Zisas Krais, ana mbɨ ruav, ana vhɨra rimgip, wo vɨzɨna siv khanarareŋ ga sur zav zergi. Ana mbɨra ruar zav zergi fhuvara. Ana mbɨ ruav, ana vhɨra rimgip, wo vɨzɨna sisur zav zergi. Fhe Bakɨme Ŋina Ŋaar ana buni guari nɨɨŋge ma, ana Zisas muuŋgi bigi bun nza nzuai.