O sangue de Jesus

22 ह़ाचलीन मे कायदा नी लारे लोय सी लग-भग आखी चीज चोखी हये; अने लोय वयाड़्‌या वगर माफी नी हये।

13 काहाके जत्‌यार बोकड़ा अने बोळद्‌या नु लोय अने धपाड़ला केवड़्‌या नो रोखड़ो वीटळ्‌ळा माणहु पोर छाटवा सी तीहया चोखा हय जता हता, 14 जत्‌यार आहयु ह़ाचली से ता मसी नु लोय केतरु आखा पोर राज करे एवु हहे, तीहयो अमरकाय आत्‌मा नी लारे आह़फा ने एक आखी बादान तेम भगवान ने आप देदा। ता तीनु लोय अमारी ह़मज ने तीहया कामु सी छुटकारो अपाड़हे जे मोत बणीन ली जाय, के आमु जीवत्‌ला भगवान नी सेवा कर सकया।

4 काहाके बोळद्‌या अने बोकड़ा नु लोय पाप ने छेटु कर देय, आहयु हय नी सके।

12 आनी कारण, ईसु बी माणहु ने आपणा लोय नी लारे चोखला करवा नी लेदे झापला ना बारथो दुख उठायो।

24 अने एक नवला वायदा नी लारे ईसु अने छीटला तीहया लोय नी धेड़े आय लागला से जे हाबील ना लोय सी वारु वात केय।

7 पण कदीम जेम भगवान वीजाळा मे से, तेमेत आपणु बी वीजाळा मे चालो, ता एक-बीजा ह़ाते साजल्‌या बणहु, अने तीना सोरा ईसु मसी नु लोय आपणु ने आखा पाप सी चोखा करे।

7 ✝आमने तीनी मे तीना लोय नी लारे छुटकारो, मतलब गुना नी माफी, तीनी तीहयी संयबरकत ना धन नी अनसारे जड़ली से,✝

13 पण हाव मसी ईसु मे तमु जे पेले सेटा हता, मसी ना लोय नी लारे ह़ाते हय जेला से।

28 काहाके आहयो पीयालो मारा वायदा नु लोय से, जे आखा माणहु ना पाप नी माफी नी लेदे वयवा वाळु से।

5 अने ईसु मसीन तां गेथी जे भरहो करे एवी गवाय से अने मरला मे गेथो आखा सी पेल जीवतो हय्‌न उठवा वाळो से अने धरती पोर ना राजा नो डायलो से। तमने दया अने सांती जड़ती रेय। तीहयो आपणी ह़ाते मोंग करे, अने तीहयो आह़फा ना लोय नी लारे आपणु ने पापु मे गेथा सोड़ावलो से,

25 ईसु मसी ने भगवान तीना लोय ना लेदेत पाप नो डंड उचलन्‌यो बणाय देदो, अने ईसु मसी पोर भरहो करवा सीत आपणु ने छुटकारो जड़े, अने जे पाप माणहु पेले करला अने भगवान वेठतो र्‌यो अने तीमना पाप पोर ध्‌यान नी देदो। पण हाव तीहयो ईसु ना लारे आह़फा नु धरमपण उजन्‌तु कर्‌यो।

9 अने हाव आमु तीना लोय ना कारण धरमी ठेर्‌या, ता तीना लारे भगवान नी रीह सी काहा नी बचया?

पेल्‌नो फसह नो तीवार

21 ता मुसो ईस्‌रायल ना आखा डायला ने बोलावीन केदो, "तमु आह़फा-आह़फाम ना घोराणा नी अनसारे गाडरु टाळो, अने फसह तीवार नु गाडरु बादा चड़ावजो। 22 अने तीनु लोय जे टगारा मे रेहे तीने जुफा नो एक गुच्‌छो डुबाड़ीन तीहयात टगारा मे ना लोय वेर झापला ना डेहळ ना सींडे अने बेम ह़ोड़ लगाड़जो; अने ह़वारे तक तमारी माय्‌न कोय बी घोर मे गेथा बारा नी नीकळे। 23 काहाके यहोवा देस नी वच मे हय्‌न मीस्‌री माणहु ने मारतो जहे; एतरे जां-जां तीहयो झापला ना सींडे, अने बेम धेड़े तीहयु लोय ने देखहे, तां-तां तीहयो तीहया झापला ने छोड़ देहे, अने मारवा वाळा दुत ने मारवा करीन तमारा घोर मे जवा नी देय।✝

11 काहाके डील नो जीव लोय मे रेय; अने तीने मे तमने वेदी पोर चड़ाव्‌वा करीन आपलो से के तमारा जीव ना लेदे पछतावो कर सके; काहाके जीव ना कारण लोय सीत पछतावो हये।

4 पण मांह ने जीव भेळ मतलब लोय भेळ नी खाजो।✝ 5 अने पक्‌को मे तमारा लोय नो मतलब जीव नो बदलो लेही: आखा जानवरु, अने माणहु, बेम सी मे लेही; माणेह ना जीव नो बदलो मे एक-एक माणहु सी लेही। 6 जे कोय माणेह नु लोय वयाड़हे तीनु लोय माणेह सी वयाड़हे काहाके भगवान माणेह ने आह़फा सीका नी लारे बणावलो से।✝

11 तीहया गाडरु ना लोय ना कारण सी अने तीमनी गवाय ना बोल ना कारण सी तीनी सी जीक ज्‌या, अने तीहयो आह़फा ना जीव ने मोंगाळ्‌ळो नी जाण्‌यो आञे तक के मोत ने बी वेठ लेदो।

18 काहाके तमु जाणो के तमारी फालतु चाल-चलण तमारा आड़ा-बुड़ा गेथी चालती आय री, आनीन करते तमारो छुटकारो ह़ोना-चांदी अने खत्‌तम हयवा वाळी चीज सी नी हयो। 19 पण वण-गुनाळ्‌ळु अने चोखलु गाडरु अने मसी ना कीमती लोय ना लारे हयु।

28 तमु तमारी अने तमारी मंडळी नी रखवाळी करता रेवो, काहाके चोखली आत्‌मा तमने तीमनी फीकर करवा वाळा बणावली से; के तमु भगवान नी तीहयी मंडळी नी रखवाळी करो, जीने तीहयो आह़फा ना लोय नी बदले वेचातो लेदलो हतो।

53 ईसु तीमने केदो, "मे तमने ह़ाची-ह़ाची केम, जत्‌यार लग तमु मनख्‌या ना बेटा नु माह नी खावो, अने तीनु लोय नी पीवो, तां लग तमारी मे जीवाय नी हय। 54 जे कोय मारु माह खाय, अने मारु लोय पीतो हय, अमर जीवाय तीनीत से, अने आखरी दाड़े तीने मे मर्‌या-ह़र्‌या मे गेथो पासो जीवतो कर देही।

ईसु मसी ना बारा मे गवाय

6 आहयोत से तीहयो, जे पाणी अने लोय नी लारे आवलो; मतलब ईसु मसी: तीहयो पाणी नी लारे नी, पण पाणी अने लोय बेम नी लारे आवलो से; अने आहयी आत्‌मा से, जे गवाय देय काहाके आत्‌मा खरली से।