Santa ceia

प्रभु भोज

26 "याग आंदुर ऊमोर रा यीशु रोट्टी ताकोंडुन, अदिक आशीष बेळकु मुरदुन, अदिक चेलागोळी कोटकु अंदुन, हुडी, तिनी; ईद नांद मय हुन."

27 बाक यीशु कटोरा हुळकु धन्यवाद माळदुन, अदिक आंदरी कोटकु अंदुन, "नीव सप्पा लॉकुर इदुर दा टु कुडी, 28 यतिकी ईद वाचा अन्द नान अद रक्ता हुन, जो सप्पा लॉकुर पापगोळ माफ अन्द साटी वाहुसकु आगतद.

प्रभु-भोज

22 याग यीशु अदिक आऊन चेलागोळ ऊमतेला अच ईरोर, आव रोट्टी ताकोंडुन, अदिक परमेश्वर उक धन्यवाद कोटकु मुरदुन, अदिक आव चेलागोळी भी कोट्टुन, अदिक अंदुन, "हुडी, ईद नान शरीर हुन."

23 बाक यीशु कटोरा हुळकु परमेश्वर उक धन्यवाद माळदुन, अदिक आंदरी कोट्टुन; अदिक आंदुर सप्पा मुंदुर अदुर दा टु कुळदुर. 24 अदिक यीशु चेलागोळ से अंदुन, "अद नान खुन हुन, जो हापाळ मुंदुर साटी वाहुसकु आगतद," ईद प्रमाणित माळतद कि परमेश्वर अदिक मंळसा अन न्याड्या व्हाशोद वाचा अक दर्शुसतद. 25 "ना नीम से खरा अनतीन कि अंगुर इन रास्सा आ दिन ताका बाक यागलु कुडुतीदील, यागासताका परमेश्वर उन राज्य दा ना व्हाशोद अंगुर इन रास्सा ना कुडुतीदील."

19 बाक आव रोट्टी हुळदुन, अदिक धन्यवाद माळकु मुरदुन, अदिक आंदरी ईद अनतेला कोट्टुन, "ईद नांद शरीर हुन जो नीम साठी कोटकु आगतद: नांद याद इन साठी ईदा माळतोगी." 20 ईदा रीति देल आव भोजन इन बाद्दा कटोरा भी ईद अनतेला कोट्टुन, "ईद कटोरा नांद आ खुन इन व्हाशोद वाचा हुन. जो नीम साठी वाहुसकु आगतद.

51 जीवन इन रोट्टी जो स्वर्ग टु ईळुत, ना हुईन. अगर यावारा ईद रोट्टी दा टु तिंदान, रा सदा जित्‍ता ईत्‍तान; अदिक जो रोट्टी ना दुनिया अक जित्‍ता ईरोरसाटी कोळाईन, अद नान मय हुन."

53 यीशु आंदुर से अंदुन, "ना नीम से खरा खरा अनतीन कि यागासताका नीव मंळसा अन पार उन मय तिनालीर, अदिक आऊन खुन कुडालीर, नीम दा जीवन हैलेच. 54 जो नान मास तिनतान अदिक नान खुन कुडुतान, अनन्त जीवन आऊंदा आद; अदिक ना आऊक आखरी दिशी बाक जित्‍ता माळाईन. 55 यतिकी नान मास सही दा तिनोद चिज हुन, अदिक नान खुन सही दा कुडोद चिज हुन. 56 जो नान मास तिनतान अदिक नान खुन कुडुतान आव नान दा संची बन्सकु ईरतान, अदिक ना आऊन दा. 57 ह्यांग जित्‍ता आप्प नानी कळ्यान, अदिक ना आप्प उन कारण जित्‍ता आईन, हांगा आव भी जो नानी तिंदान नान कारण जित्‍ता ईत्‍तान. 58 जो रोट्टी स्वर्ग टु ईळुत अदा हुन, आ रोट्टी अन घाई यारी आप्प दादागोळ तिंदुर अदिक सोतोदुर; जो यावारा ईद रोट्टी तिंदान, आव सदा जित्‍ता ईत्‍तान."

24 अदिक परमेश्वर उन धन्यवाद माळकु अदरी मुरदुन अदिक अंदुन, "ईद नान शरीर हुन, जो नीम साटी कोटकु आग्याद: नांद याद साटी ईदा माळतेला ईरी." 25 ईदा रीति देल आव कटोरा भी हुळदुन अदिक अंदुन, "ईद कटोरा नांद खुन दा व्हाशोद वादा हुन: जब यागल्यारा कुडी, रा नांद याद साटी ईदा माळतेला ईरी."

26 यतिकी जब यागलु नीव ईद रोट्टी तीनतीर अदिक ई कटोरा दा टु कुडुतीर, रा प्रभु उन मृत्यु इक यागासताका आव बरालुन, प्रचार माळतेला ईरी. 27 इदुरसाटी जो यावारा अनुचित रीति देल प्रभु उन रोट्टी तिनुल या आऊन कटोरा दा टु कुडुल, आव प्रभु उन मय अदिक खुन उन पापी ठहरूस्यान. 28 इदुरसाटी मंळसा तान तान इक जाँच कोमुल अदिक ईदा रीति देल ई रोट्टी दा टु तिनुल, अदिक ई कटोरा दा टु कुडुल.

26 यतिकी जब यागलु नीव ईद रोट्टी तीनतीर अदिक ई कटोरा दा टु कुडुतीर, रा प्रभु उन मृत्यु इक यागासताका आव बरालुन, प्रचार माळतेला ईरी.

42 अदिक आंदुर प्रेरितगोळ से शिक्षा ताकोमली, अदिक संगत ईटली, अदिक भोजन माळली, अदिक प्रार्थना माळदुर दा मग्न ईरतोगोर.

पौलुस उन त्रोआस दा आखरी मुलाकात

7 बाक नाव शण्यार इन द्यावगा याग ऊमोर साटी आपस दा जमा आदेव, रा पौलुस आंदुर से मातचीत हेळली कुरतुन, आऊक दुसरा दिशी इच होगोद ईरोद, इदुरसाटी आव आर्धा ईळ्लक ताका मातगोळी हेळतेला ईत्‍तुन.

30 याग आव आंदुर सांगुळ ऊमली कुरतुन, रा आव रोट्टी हुळकु परमेश्वर उन धन्यवाद माळदुन अदिक अदरी मुरूकु आंदरी कोळली कुरतुन.

27 इदुरसाटी जो यावारा अनुचित रीति देल प्रभु उन रोट्टी तिनुल या आऊन कटोरा दा टु कुडुल, आव प्रभु उन मय अदिक खुन उन पापी ठहरूस्यान. 28 इदुरसाटी मंळसा तान तान इक जाँच कोमुल अदिक ईदा रीति देल ई रोट्टी दा टु तिनुल, अदिक ई कटोरा दा टु कुडुल. 29 यतिकी जो तिनोद-कुडोद समय प्रभु उन मय इक अरालुन, आव ई तिनोद अदिक कुडोर देल तान म्याकुच दण्ड तरतान.