15 पन हुनी तुस ज़ैन किछ केरतथ तैस मां पवित्र भोथ, ज़ेन्च़रे परमेशर पवित्रे ज़ैने तुस अपने बच्‍चे भोनेरे लेई च़ुनोरेथ। 16 किजोकि पवित्रशास्त्रे मां परमेशरे ज़ोवरूए, "पवित्र बना, किजोकि अवं पवित्र आईं।"

15 पन हुनी तुस ज़ैन किछ केरतथ तैस मां पवित्र भोथ, ज़ेन्च़रे परमेशर पवित्रे ज़ैने तुस अपने बच्‍चे भोनेरे लेई च़ुनोरेथ। 16 किजोकि पवित्रशास्त्रे मां परमेशरे ज़ोवरूए, "पवित्र बना, किजोकि अवं पवित्र आईं।"

4 ज़ेन्च़रे तैने अस दुनिया बनानेरे पेइली मसीह मां च़ुने, कि अस तैसेरी नज़री मां प्यारे मां पवित्र ते बेइलज़ाम भोम।

3 परमेशर चाते, कि तुस पवित्र बना, मतलब बदमाशी केरने करां बच़ोरे राथ। 4 ते तुसन मरां हर केन्चे ज़ानेरू लोड़े कि केन्च़रां अपने कुआन्शी सेइं पवित्रता ते आदरी सेइं ज़िन्दगी ज़ीयोरी लोड़े। 5 ते इन कम खुवैइशी सेइं नईं, ते न गैर कौमां केरे ज़ेरे, ज़ैना परमेशरे न पिशानन। 6 कि इस गल्‍ली मां कोई अपने विश्वासी ढ्लाए न ठगे, ते न तैस पुड़ हुकूमत च़लाए; किजोकि प्रभु इन सब गल्‍लां केरि सज़ाह देलो, ज़ेन्च़रे कि असेईं पेइलू तुसन सेइं ज़ोवरू थियूं, ते खबरदारी भी दित्तोरी थी। 7 किजोकि परमेशरे अस अशुद्ध ज़िन्दगी ज़ींनेरे लेई नईं, पन पवित्र ज़िन्दगी ज़ींनेरे लेई कुजेवरेम।

9 परमेशरे असन मुक्ति दित्ती, ते अस पवित्र ज़िन्दगी ज़ींनेरे लेई कुजाए, तैने अस एल्हेरेलेइ नईं कुजेवरे कि असेईं रोड़ां कम्मां कियां, किजोकि दुनिया बनाने करां पेइलो परमेशरेरो ई मकसद थियो कि तै यीशु मसीह इश्शे लेई इस दुनिया मां भेज़तां असन पुड़ अनुग्रह हिराए।

3 पन तू ज़ै इस्राएलेरी तारीफ़रे तखते पुड़ बिशोरोस,

तू त पवित्र परमेशरस।

2 यहोवारो ज़ेरो कोई पवित्र नईं,

किजोकि तेरे अलावा कोई अथ्थी नईं;

ते इश्शे परमेशरेरी ज़ेरि कोई चट्टान नईं।

15 किजोकि ज़ै महान ते उत्तम ते हमेशा कायम रहते, ते ज़ेसेरू नवं पवित्रे, तै एन ज़ोते, "अवं उच्‍ची ते पवित्र ठैरी बास केरताईं, ते तैस सेइं साथी भी रहताईं ज़ै दुखी ते हलीम आहे, कि अवं हलीम लोकां केरे दिल ते दुखी लोकां केरे मन खुश केरि।

23 एस तरीके अवं अपनो आप महान ते पवित्र ठहरेइलो ते बेड़ि कौमां केरे सामने अपनो आप बांदो केरेलो। तैखन तैन्न पतो लग्गेलो कि अवं यहोवा आईं।"

23 अवं अपने महान नंव्वे पवित्र ठहरेइलो, ज़ैन कौमन मां अपवित्र कियो जेव, ज़ैन तुसेईं तैन मां अपवित्र कियूं, ज़ैखन अवं एन केरि नज़री मां तुश्शे सामने पवित्र भोल्हो, तैखन कौमन पतो लग्गेलो कि अवं यहोवा आईं, परमेशर यहोवा एन ज़ोते।

14 सेब्भन सेइं मेल मिलापे सेइं राथ, ते तै पवित्रताई हासिल केरनेरी हर वक्त कोशिश केरा ज़ेसेरे बगैर कोई प्रभु न लेई सके।

14 सेब्भन सेइं मेल मिलापे सेइं राथ, ते तै पवित्रताई हासिल केरनेरी हर वक्त कोशिश केरा ज़ेसेरे बगैर कोई प्रभु न लेई सके।

1 किजोकि हे ट्लारव परमेशरे वाधो कियोरो कि तै असन अपने बच्‍चां केरे रूपे मां कबूल केरेलो, त एज्जा, अस अपने आपे ते जिसमेरी ते आत्मारी सब गन्दगी शुद्ध केरम, ते परमेशरेरो डर मेनतां ते इज़्ज़त केरतां, ते परमेशरेरी बत्तां च़लनेरे लेई पूरे तरीके सेइं पवित्र ज़िन्दगी ज़ींम।

1 किजोकि हे ट्लारव परमेशरे वाधो कियोरो कि तै असन अपने बच्‍चां केरे रूपे मां कबूल केरेलो, त एज्जा, अस अपने आपे ते जिसमेरी ते आत्मारी सब गन्दगी शुद्ध केरम, ते परमेशरेरो डर मेनतां ते इज़्ज़त केरतां, ते परमेशरेरी बत्तां च़लनेरे लेई पूरे तरीके सेइं पवित्र ज़िन्दगी ज़ींम।

22 पन हुनी तुस पापे करां आज़ाद भोवरेथ ते तुस परमेशरेरे दास बनोरेथ। किजोकि इना गल्‍लां तुसन पवित्र बनैली ते तुसन हमेशारी ज़िन्दगी मैल्हेली।

19 अवं ई मिसाल एल्हेरेलेइ इस्तेमाल केरने लगोरोईं, किजोकि तुश्शे लेई इन समझ़नू मुश्किले। ज़ेन्च़रे तुसेईं पेइले अपनो आप गुलामेरे ज़ेरो बुरां कम्मां केरे लेई अधर्मे ते बुरैइारे लेई सौंफोरे थियो, तेन्च़रे हुनी तुस अपने आपे परमेशरेरी सेवारे लेई सौंफा ताके तुस पूरे तरीके सेइं तैसेरे भोथ।

1 एल्हेरेलेइ हे ढ्लाव ते बेइनव, अवं तुसन कां परमेशरेरी दया याद केरताईं बिनती केरतां ज़ोताईं, कि अपनि ज़िन्दगी पवित्र, ते ज़ेरू परमेशरे पसंद एइते, बलिदान केरतां च़ाढ़ा; ईए परमेशरेरी आराधना केरनेरो सही तरीकोए।

17 हुनी हे ढ्लाव ते बेइनव, अवं तुसन कां बिनती केरताईं, कि ज़ैना लोक तैस शिक्षारे खलाफ ज़ै तुसन मांए, खलबली बनातन, ते ठोकर खानेरी वजा भोतन, तैन करां खबरदार राथ; ते तैन करां दूर राथ।

3 ते ज़ेरू परमेशरेरे लोकां केरे लेई ज़रूरीए, तेन्च़रे तुसन मां भी बदमाशी, ते कोन्ची किसमेरू बुरू कम न भोए, या लालच़ेरे बारे मां गल भी न भोए।

3 ते ज़ेरू परमेशरेरे लोकां केरे लेई ज़रूरीए, तेन्च़रे तुसन मां भी बदमाशी, ते कोन्ची किसमेरू बुरू कम न भोए, या लालच़ेरे बारे मां गल भी न भोए।

22 कि तुस पेइले चाल चलनेरे पुरानी इन्सानयती ज़ै टपलाने बैली इच्छां केरे मुताबिक भ्रष्ट भोइ गातीए, खोल्‍ला। 23 इसेरे बदले पवित्र आत्मा तुश्शे खियालन ते निज़िरियो बदले। 24 परमेशरे तुसन नव्वों सुभाव दित्तोरोए, ज़ै तैसेरे स्वभावेरे ज़ेरोए। त तुस नव्वें स्वभावेरे ज़ेरे ज़ीथ। सच़्च़े तुस धर्मी ते पवित्र भोथ।

21 ते तुस ज़ैना पेइले परमेशरे करां दूर थिये, ते बुरे कम्मन सेइं मने सेइं बैरी थी। 22 फिरी भी परमेशर अपने मट्ठे यीशुएरे मैन्हु बन्ने सेइं ते क्रूसे पुड़ मौतरे ज़िरिये तुश्शो मेल कराव, ताके तुसन एप्पू कां पवित्र ते बे दाग ते बेइलज़ाम हज़ार केरे। 23 पन तुस मसीह पुड़ विश्वास केरनेरे मां बुनियादरे ज़ेरे मज़बूत राथ, ते तैस खुशखेबरारे उमीदी पुड़ ज़ै तुसेईं शुनोरी एन शारथ, ज़ेसेरो प्रचार अम्बरे करां बुन सैरी सृष्टि मां कियो जेव; ते ज़ैस मां अवं पौलुस सेवक बनो।

17 तेरू वचन सच़्च़े। सच़्च़ेरे ज़िरिये सेइं तैन पवित्र केर।

9 जुवान अपनि चाल केन्च़रे सेइं शुद्ध रख्खे?

तेरू वचन मन्ने सेइं।

23 हे परमेशर, मीं पेरखतां ज़ान!

मीं पेरखतां मेरी फिकरां ज़ान!

24 ते हेर कि मीं मां कोई बुरी चाले कि नईं,

ते हमेशारी बत्ती मां मेरी अगवाई केर।

1 हे मेरे मन यहोवारी तारीफ़ केर;

ते ज़ैन किछ मीं मांए, तैसेरे पवित्र नंव्वेरी तारीफ़ केर।

16 कुन तुस न ज़ानथ, कि तुस परमेशरेरू मन्दरथ, ते परमेशरेरो आत्मा तुसन मां रहते?

2 तुस ज़ैना कुरिन्थुस नगरेरे कलीसियारे विश्वासी आथ, परमेशरे तुस यीशु मसीह मां अपने लोकां केरे रूपे मां अलग कियोरेथ, ते कने पवित्र भोनेरे लेई कुजोरेथ। तैन सेब्भी केरां नंव्वे ज़ैना हर ठैरी इश्शे त कने अपने प्रभु यीशुएरे नंव्वे सेइं प्राथना केरतन।

5 ज़ेन्च़रे यीशु मसीहेरो सुभाव थियो तेन्च़रे तुश्शो भी भोए।

1 अगर मसीह मां किछ तसल्‍ली ते प्यारे सेइं हिम्मत ते आत्मारी मौजूदगी, ते किछ दर्द ते दयाए। 2 ते मेरो ई आनन्द पूरो केरा कि अक्‍के मन राथ ते अक्‍के प्यार, ते अक्‍के खियाल, ते अक्‍के सोच रखा। 3 खुदगरज़ या झूठी बड़यैयरे लेई किछ न केरा, पन नर्म भोइतां एक्‍की होरि एप्पू करां रोड़ो समझ़ा। 4 तुसन मरां हर कोई सिर्फ अपने भलैइयरे लेई न सोचे, बल्के होरि केरि भलैइयरे लेई भी सोचे। 5 ज़ेन्च़रे यीशु मसीहेरो सुभाव थियो तेन्च़रे तुश्शो भी भोए।

6 ज़ैने परमेशरेरे बराबर भोइतां भी परमेशरेरे बराबर भोनू अपने कब्ज़े मां रखनेरी चीज़ न समझ़ू। 7 बल्के अपनो आप खाली केरो, ते गुलामेरू रूप धारण केरू, ते मैन्हु केरे ज़ेरो बनो। 8 ते मैन्हेरे रूपे मां बांदो केरतां दीन केरो, ते इड़ी तगर हुक्म मन्ने बालो राव, कि मौत, हाँ, क्रूसेरे मौत भी झ़ेल्‍ली। 9 एल्हेरेलेइ परमेशरे तै बड़ो महान भी केरो, ते तैस तैन नवं दित्तू ज़ैन सेब्भी नंव्वन करां बड्डूए। 10 कि सुर्गे मां ते धेरती पुड़ ते धेरतलरे बुने; तैना सब यीशुएरे नंव्वे पुड़ ज़ैधूए टेकन। 11 ते बाजी परमेशरेरी महिमारे लेई हर अक ज़िभ मन्ने कि यीशु मसीह प्रभुए।

12 ते हे मेरे ट्लारव, ज़ेन्च़रे तुस सदा हुक्म मन्ते एवरेथ, तेन्च़रे हुना भी न सिर्फ मीं सेइं साथी रेइतां पन खास केरतां ज़ैखन अवं दूर भोताईं फिरी भी डरते राथ ते थरकते अपने मुक्तरू कम पूरू केरते गाथ। 13 किजोकि परमेशर ज़ै तुसन मां कम केरते, ते तुसन इच्छा ते शक्ति तैन केरनेरे लेई देते, ज़ैस सेइं तै खुशी भोते। 14 त सब कम्मां बगैर शकैइतां ते बगैर बेंसी सेइं केरा। 15 ताके तुस बेइलज़ाम ते शरीफ भोइतां टारे ते ढीठ लोकन मां परमेशरेरे बेइलज़ाम बच्‍चे बना, ज़ैन मां तुस ज़िन्दगरो वचन घिन्तां दुनियाई मां बलते दीयां केरे ज़ेरे लेइहोते रातथ, 16 कि मसीहेरे वापस एजनेरे दिहाड़े घमण्ड केरनेरी वजा भोए, कि न मेरी दौड़-धूप ते न मेरी मेहनत बेकार भोए। 17 अगर मीं तुश्शे विश्वासेरे बलिदाने या सेवारे लेई अपनो खून भी बगानो पे, त फिरी भी अवं खुशी आईं, ते तुसन सेब्भी साथी खुशी आईं। 18 तेन्च़रे तुस भी खुशी भोथ, ते मीं साथी आनन्द केरा।

19 मीं प्रभु यीशु मां उमीदे, कि अवं तीमुथियुसे तुसन कां जल्दी भेज़ेलो, ताके तुश्शो हाल शुन्तां मीं शान्ति मैल्हे। 20 किजोकि मीं कां एरे ज़ेरे सुभावेरो कोई नईं, ज़ै साफ दिले सेइं तुश्शी फिक्र केरे। 21 किजोकि सब अपने फैइदो तोपतन, न कि यीशु मसीहे। 22 पन तुसेईं तै परखो ते पिशानो भी, कि ज़ेन्च़रे मट्ठू बाजी साथी केरते, तेन्च़रे तैनी मीं सेइं साथी खुशखबरी फैलाने मां मीं सेइं साथी मेहनत केरि। 23 ते मीं उमीदे, कि ज़ैखन मीं पतो च़लेलो कि मेरी कुन हालत भोल्ही, तैखन अवं तैस लूशी भेज़ेलो। 24 ते मीं प्रभु मां भरोसोए, कि अवं एप्पू भी जल्दी एज्जेलो।

25 पन मीं इपफ्रुदीतुस ज़ै मेरो ढ्लाए, ते मद्दतगार, ते साथी योधो ते तुश्शो दूते, ते ज़रूरी गल्‍लन मां मेरी सेवा टेल केरनेबालोए, तुसन कां भेज़नो ज़रूरी समझ़ो। 26 किजोकि तैसेरो मन तुसन सेब्भन मां लग्गोरो थियो। एल्हेरेलेइ बेचैन रहतो थियो किजोकि तुसेईं तैसेरे बिमैरारो हाल शुनोरो थियो। 27 ते तै सच़्च़े बिमार त भोवरो थियो, इड़ी तगर कि मरने पुड़ थियो, परमेशरे तैस पुड़ दया की; ते सिर्फ तैस्से पुड़ नईं, पन मीं पुड़ भी, कि मीं दुखे पुड़ दुख न भोए। 28 एल्हेरेलेइ अवं तैस भेज़नेरी होरि भी कोशिश केरि, तुस फिरी तैस सेइं मिलतां खुश भोइयथ ते मेरो भी दुख घटे। 29 एल्हेरेलेइ तुस प्रभु मां बड़े आनन्दे सेइं तैस सेइं मुलाकात केरा, ते एरे ज़ेरे लोकां केरि आदर केरा। 30 किजोकि तैए मसीहेरे कम्मेरे लेई अपनि जान खतरे मां छ़ेडतां मौतरे नेड़ो पुज़ोरो थियो, ताके ज़ै घाटो तुश्शे तरफां मेरी सेवा मां भोव, तैस तै पूरो केरे।

48 तुसन तैन लोकन सेइं प्यार केरनेरी ज़रूरत आए, ज़ैना तुसन सेइं प्यार न केरन, एन्च़रां तुस सिद्ध भोल्हे ज़ेन्च़रे सुर्गे मां रानेबालो तुश्शो बाजी सिद्ध आए।"

16 "कोई दीयो बैलतां केन्ची भांडे हैठ ओड़कतां न रख्खे, ते न खट्टी हैठ रख्खे बल्के उच्‍ची ठैरी रखतन ताके दीयो अन्तर एजनेबालन लौ दे।

14 हे लोकव, बुराई नईं, बल्के भलियाई तोप्पा, ताके तुस ज़ींते राथ; ते तुश्शू इन ज़ोनू सच़ भोए कि सेना केरो परमेशर यहोवा तुसन सेइं साथी आहे।

10 यहोवारो डर मन्नो अक्लरी शुरुआते,

ते परमपवित्र परमेशर ज़ाननो ही समझ़े।

25 ज़ै मैन्हु बगैर विचार केरतां कोन्ची चीज़ी परमेशरे जो देनेरो वाधो केरे,

ते ज़ै मिन्नत मेनतां पुछ़ ताछ केरे, तै फंदे मां फसेलो।

26 तुस मेरे लेई पवित्र बेनतां रेइयथ; किजोकि अवं यहोवा एप्पु पवित्र आईं, ते मीं तुस होरि मुल्खां केरे लोकन मरां एल्हेरेलेइ अलग कियोरेथ कि तुस लगातार मेरे बनोरे राथ।

26 तुस मेरे लेई पवित्र बेनतां रेइयथ; किजोकि अवं यहोवा एप्पु पवित्र आईं, ते मीं तुस होरि मुल्खां केरे लोकन मरां एल्हेरेलेइ अलग कियोरेथ कि तुस लगातार मेरे बनोरे राथ।

7 एल्हेरेलेइ तुस अपने आपे पवित्र केरा; ते पवित्र बनोरे राथ; किजोकि अवं तुश्शो परमेशर यहोवा आईं।

4 परमेशरेरां गीतां ज़ोथ, तैसेरे नंव्वेरू भजन ज़ोथ;

ज़ैना बगैर पैनेरे मुल्खन मां सुवार भोइतां च़लतन,

तैसेरे लेई सड़क बनाथ;

तैसेरू नवं यहोवाए, एल्हेरेलेइ तुस तैसेरे सामने खुश भोथ!

5 परमेशर अपने रानेरे ठैरी* मां,

अनाथां केरो बाजी ते विधवां केरो न्याय केरनेबालोए।