Santidade
A santidade é o chamado supremo de Deus para o seu povo. 'Sede santos, porque eu sou santo' — essa ordem ressoa por toda a Escritura, convidando-nos a uma vida separada para Deus.
O chamado à santidade
Deus nos escolheu antes da fundação do mundo para sermos santos. A santificação é sua vontade expressa e nosso destino em Cristo.
tit tɛ ayɔng fɛ́ a ki yes yin di se jɛrɛ, won iyin ace yin ni i sot yin jɛrɛ na akaakyi fi i da nye yin. Nek i se ni ijɛk ye, <<Sot yin jɛrɛ, nek imi se jɛrɛ.>>
tit tɛ ayɔng fɛ́ a ki yes yin di se jɛrɛ, won iyin ace yin ni i sot yin jɛrɛ na akaakyi fi i da nye yin. Nek i se ni ijɛk ye, <<Sot yin jɛrɛ, nek imi se jɛrɛ.>>
Nek iwu mang ki kasa yit ayɛt Anet-Isheshek dang na nye kazatse, nɔng in da sot yit jɛrɛ, vit inɛn anu ashon wu. Nek ishim wu,
Ayet ishim Adakunom fok ni se yin cɛ́l, fok ni teng yin kujang; fok kaangan yin na a tekap kurɔm wu ni irèn fi i se jɛrɛ fɛ́ Adakunom shim, da i bi won yin kurɔm ki kɔk yin ti Ícɛn-iduk fɛ́ da ba rēn Adakunom awo; azaton ifɛ̀ deng, won akak bi beseng kɛ na mɔɔt arunyining awo. Adakunom bi tabak ngma banet fɛ́ ba nyes kuri anɛn nang, kyɔn ti in kin di fɛ̀ yit ni yin, in ki kɔrɔk yin kuto. Nek Adakunom ki yes yit ni nyes yit nggɔn nsum awo tit sak ni kusot ku jɛrɛ me.
Iwu fɛ́ a ki sheshek yit, a ki yes yit sak ni kusot ajɛrɛ, da nek ikyikak itek fi in nye yit awo, tit nek inye wu, ni itek wu. Ba ki nɔk yit itek e deng na Anet-Isheshek aYeso neme ni itumung izen.
O Deus santo
O Senhor é santo em toda a sua natureza. O universo testemunha sua santidade, e os anjos proclamam: Santo, Santo, Santo.
A prática da santidade
A santidade se expressa em pensamentos puros, ações corretas e separação do pecado. É um processo contínuo de purificação e dedicação a Deus.
Nye nyɛk yin, sot yin kyang na akaangan, sot yin jɛrɛ, nek vit anet fɛ́ a da kyem a di aTisa ke da a se jɛrɛ awo.
Nye nyɛk yin, sot yin kyang na akaangan, sot yin jɛrɛ, nek vit anet fɛ́ a da kyem a di aTisa ke da a se jɛrɛ awo.
Nek anɔng, nek ikyɛng fɛ́ ba mi tak yit, ábaruneng, won ni in kusu yit ace yit ne kaakyi kuri ikyɛng fi i da ki beseng yit nrɔm nɛ kabik, won ni in sot yit bafɛ́ ajɛrɛ ayɛt ngma ikyɛng fi in da nye yit, ni in foos yit nnyim Adakunom.
Nek anɔng, nek ikyɛng fɛ́ ba mi tak yit, ábaruneng, won ni in kusu yit ace yit ne kaakyi kuri ikyɛng fi i da ki beseng yit nrɔm nɛ kabik, won ni in sot yit bafɛ́ ajɛrɛ ayɛt ngma ikyɛng fi in da nye yit, ni in foos yit nnyim Adakunom.
Awɛt yɔkɔnɔng fɛ́ ba mi ki bisik yin washak ni bɔk inɛn, i mi sot yin basam Adakunom, itek fi i mi sɛ yin, yet kusot ajɛrɛ, fi nkum ko yet kutset vit igang.
In tsin cɛɛt ni yin ni irèn fɛ́ banet mi di mɛɛ, nek nggɔn anet awe in yet nfi kurat. Kyɔn ti fi i mi di mɛɛ yin ni nasap yin nkap nrɔm yin ni iras ntomong isam ngbɛk-gbɛk nɛ ntomong iboroso anyas, won yɔkɔnɔng nasap yin ina ni in sot nfi isam kusot kutabat fi ku bɛ́s ni kusot ajɛrɛ.
Nek anɔng ábaruneng, in tsin ra awon ni iyin nek angmishish fɛ́ Adakunom mi nye, nasap nrɔm yin tɛ kunang kutset, kuyɔng fi ku se jɛrɛ, ikyɛng fɛ́ Adakunom shim, nek anɔng e yet irèn iya ntong abik yin in fɛ́ atsak.
Ábaruneng, in tsin ra awon ni yin, nye yin yɛɛt na bayɔng fɛ́ ba bɛ́s ni ikaba, na ba ki ro yin inye ikyɛng fɛ́ ba man ki tees yin. Nyeseng yin atsitse ni iba.
Awɛt ba bi fok ikyi ikak ti kujang, kɛ kaakyi kuri nggɔn in gbɛk-gbɛk e, kɛ kuhwye nate yin awo, nek anɔng e se gyat na banet ajɛrɛ bafɛ́ Adakunom awo.
Awɛt ba bi fok ikyi ikak ti kujang, kɛ kaakyi kuri nggɔn in gbɛk-gbɛk e, kɛ kuhwye nate yin awo, nek anɔng e se gyat na banet ajɛrɛ bafɛ́ Adakunom awo.
Ba kin ki tees yin ni iwobok yin nggɔn anɛn, ni kusot fi i tsang di se yin, kuyɔng fi ku beseng banet ni irèn ikɔk irɔm ni mbɔs; nɔng i da sok yin nggɔn nfas ayɛt ayɛ yin; nɔng i da te yin anet afas, ayɔng fɛ́ Adakunom mi ku nye na a sot ti iwu, ayɛt atsak, ni kusot kutabat nɛ ajɛrɛ.
Ayame iyin tsang se yin yik-yik na Adakunom. Áyɛ yin se ni ifa na Adakunom, iras yin anyas. Awɛt yɔkɔnɔng, a mi nosong-ashi ni iyin, ni irèn iku aKristi, fɛ́ a nye ni kurɔm wu, nɔng a da ki nabak yin ashon Adakunom, jɛrɛ, vit inɛn, vit ikyɛng itsɛt inɛn. I se gbing-gbing ni ya yin kashon ni inɔɔk atsak yin, ni kuta yin aney tsik, nyeseng yin gey, vit iserek ni ite iyɛ fi i mi sɛ yin ni Ifɛ itek. Ifɛ Itek e deng fi i kin fok yin, idɔng fɛ́ ba mi taas sak na akaangan azatse, fi imi aBulus mi di sot asam.
A Palavra que santifica
Jesus disse: 'Santifica-os na verdade; a tua palavra é a verdade.' A Bíblia é o instrumento de Deus para nos purificar e transformar.
Ka ba te cɛ́l, nɔng ba bin sot bafɔɔn ne atsak e. Nek ifɛ̀ ngɔn de iyet atsak e.
Templo do Espírito Santo
Nosso corpo é templo de Deus. Devemos honrá-lo com santidade, guardando mente e coração e buscando a semelhança com Cristo.
Iyin rēn yin fok, iyin ice yin yet yin karɔ iya Adakunom ntong awɛ? I rēn yin fok Kabik Adakunom sosok ayɛt yin awɛ?
Sak na bafi ikuus Adakunom fɛ́ ba se na aKorinti, bayɔng fɛ́ ba mi ka ba te jɛrɛ ayɛt Anet-Isheshek aYeso, ba mi ka ba yes nek kusot aJɛrɛ, ngma nɛ bayɔng fɛ́ ba yes iyerek aTisa yit aYeso Kristi kaakyɛ, tɛ aTisa bá nɛ afiit.
Won nggɔn yin ni in tas nfɛ́ Anet-Isheshek aYeso,
Ki i sɛs yin igbingding fi ines nek kusot kufiri yin na Anet-Isheshek, ki i sɛs yin imen iyɛ nek ishim wu, ki ibɛ yin inyis nɛ Kabik, ki ibɛ yin ishim nɛ angmishish, in tsin ra won ni yin, sak yin iyɛ ikan hom ni di barang dot, won kuyiring yin ni kusot kuzining, ni shim yin bafidang, sot yin bazining ayɛt abik ni ikyɛng fi i da nye yin. I bi nye yin ikyikak nek ishim ice kɛ nek ito ice awo, tit ayɛt nggɔn imen ice ni kok yin bafidang se kashon ni iyin. Akak yin bi tsɛt ikyikak ifi ishim ice wu kyɛk awo, tit idɔng fɛ́ bakak di ki sɛ itek bà. Won nggɔn yin ni in tas nfɛ́ Anet-Isheshek aYeso,
Iwu fɛ́ ngma ni kusɛ wu
tɛ Adakunom,
da a sok nagbirigbɔng wu tɛ
na Adakunom.
Ti ikyɛng fɛ́ a di ki
tekap shɛng awo.
Awɛt, a sok ice wu
tɛ a yet ikyikak awo,
a sok nse kusot asam,
a bɛ azatse
ni kurɔm anet awe.
Ayɛt nse wu tɛ anet awe,
a men ice wu,
a nabak ice wu sak ni iku,
sak ni iku, kuri ifi itekak!
Nek anɔng, Adakunom
ku sok garang,
sak narɔ fɛ́ ka dung wat.
A ku nɔk iyerek fi
i wat kaakyi iyerek.
Nɔng, ni iyerek aYeso,
kaakyɛ anet da te guk akuut,
azanɛn nɛ azatse,
nɛ aben na kazatse.
Nɛ kaakyɛ anet da taas
ni ilem wu fok,
aYeso Kristi yet aTisa,
na Ada Adakunom
di sɛs iratek.
Nek anɔng, bacɛk iyɛ hom, kyɔn ti fi i mi di mɛɛ yin ni ifok-ifɛ́, da ma nek in se azɔng ni iyin kyɛk awo. I wat foos yin ide yɔkɔnɔng fi da in se azɔng ni iyin awo. Ya yin kashon ni i rasak ni kutomong isheshek yin. Ni nnyim ni itiim irɔm ashon Adakunom, sak ni igang e. Nek Adakunom wu a se ni kutomong ayɛt ayɛ yin, nek iwu fɛ́ a ki saas yin ni ras yin ikyɛng fi iwu shim. Na ki nesek yin agap iras kpaf ikyɛng itek dɔng fɛ́ a mi sak ni iyɛ wu.
Ras yin kaakyi ikyɛng vit ikɔk ke nanan ayi, nɔng i da sot yin vit inɛn, ni se yin halal, nnon Adakunom fɛ́ na se vit karìk, fɛ́ ba se ayɛt banet azatse kang fɛ́ ba se kangang, kuzam banet fi nhwyɛ mi wuruk ni ba, in shim ni iron yin nate ba tɛ ádat. Ama anɔng bà, ni iberese yin ifɛ̀ fi i nesek kutset e gak, na anɔng wu in bi di tsot kugwɔm atuk ibɛ́ Anet-Isheshek, fok da i tsi hom ni kutomong hom kin yet kufɛ́ abap awo. Awɛt ama inabak ashosh, ki kutset hom da sot inosong-ashi igang e, nek kutomong inɔɔk atsak yin, in bi iyɛ ikan ni ifeng ni iyin ngma. Nek anɔng, i se gyat ni bɛ yin iyɛ ikan ni ifeng ni imi bá.
In bi ite iyɛ na aTisa aYeso, fok ngmash ni in tom aTimoti sak ni yin, nɔng imi bin di sɛ iyɛ ikan ama fi in mi fok ikyɛng fi i se yin ayɛt e. Da imi ti in bɛ̀ akak fɛ́ a bɛ́ kuyiring kutek naton yin ti iwu awo. Nek ngma ishɛrɛp e tsɛsɛk ikyɛng fɛ́ ba di ki sɛ ice bá da ikyɛng fi i di ki sɛ aYeso Kristi awo. Awɛt iyin rēn yin fok, aTimoti mi tonong ice wu fok iwu se zɛɛt, nek ti nggon na ada ka, aTimoti mi ra isam gung ni imi ayɛt kutomong ishara ifɛ̀ deng. Nek anɔng, in bi ite iyɛ fok ngmash ni in ku tom sak ni yin, ki in sɛ irēn ikyɛng fi i da te ni imi. In bi nɔɔk atsak na aTisa, fok imi ice hom, ngmash ni in bɛ́.
Awɛt imi di i se gyat ni in ti in ki tom yin Apaforiditus, aruneng, afidang itomong nɛ afi ifiri hom ni itsom, fɛ́ a tɛ a yet atom yin, ayɔng fi iyin ku tun yin na a bɛ́ a di ses mo. A bi iyɛ ngash ku di yin, a nɔ kudaam nek iyin fok yin fok a kurɔ. Ey, na tsak e a kin se ni rɔk, bakat na a ku. Awɛt Adakunom fok angmishish wu, da angmishish wu kyɛk awo, ngma ni imi. Adakunom di tun kafa kawe naton kafa kawe. Nek anɔng, a di se ki in mi ku yirik na a bun, nɔng ki i ku di yin, i da nye yin iyɛ ikan ni kudaam hom di kyɛk. Ku shan yin ni iyerek aTisa ayɛt kafa kakan. Nesek yin banet ti iwu iratek. Nek gyet kyɛk ke a ku nek kutomong Anet-Isheshek. A nɔɔk nwaa kutset wu ayɛt igbingding hom, a ki faam yin mo kawat ikyɛng fi iyin kyem i nye yin awo.
Nek anɔng, tseng yin kpaf, kyɔn tɛ Ada yin di se kpaf.