25 तुस अपने परमेशर यहोवारी सेवा केरथ, तैखन तै तेरे अन्न-पैनी पुड़ बरकत देलो, ते तुसन मरां बिमारी दूर केरेलो।

3 यहोवा दुखी दिलेरे बिमारन बझ़ाते,

ते तैन केरे ज़खमन पुड़ पट्टी बन्धते।

8 बिमारन बज़्झ़ेइयथ, मुड़दन ज़ींते केरथ, कोढ़ी केरू कोढ़ साफ केरथ, ते भूतां केरो सैयो केढथ, तुसन एन सब किछ मुफ्त मैल्होरूए ते मुफ्त देइयथ।

12 एन शुन्तां यीशुए तैन मिसाल देइतां ज़ोवं, "सझ़र लोकन डाक्टरेरी ज़रूरत न भोए, पन बिमारन भोचे।"

19 कुन तुस न ज़ानथ, कि तुश्शी जान पवित्र आत्मारू मन्दरे; ज़ै तुसन मां आहे, ते तुसन परमेशरेरी तरफां मैल्होरोए? ते तुस अपने नईं पन तुस परमेशरेरे आथ; 20 किजोकि प्रभुए अपनि जानरी कीमत देइतां तुस घिनोरेथ, एल्हेरेलेइ अपने जानरे ज़िरिये सेइं परमेशरेरी आदर केरा।

8 किजोकि जिसमानी वर्जिशी सेइं जानी फैइदो त भोते, पन भक्ति सब गल्‍लां केरे लेई रोड़ी आहे, किजोकि इस वक्तेरी ते एजने बाले वक्तेरी ज़िन्दगरो फैइदो इस्से मांए ज़ेसेरो वाधो परमेशरे कियोरोए।

2 मेरे ट्लारे दोस्त, मेरी प्राथना ईए, कि ज़ेन्च़रे तू आत्मिक तरक्‍की केरि राहोरोस, तेन्च़रे तू सेब्भी गल्‍लन मां तरक्‍की केरतो रास, ते तेरी जान भी राज़ी राए।

7 अपने नज़री मां अक्लमन्द नईं बन्नू;

यहोवारो डर मन्नो, ते बुरैई करां अलग रानू।

8 एरू केरने सेइं तेरी जान नीरोग,

ते तेरी हेड्डी तंदरुस्त रहेली।

22 मनेरो आनन्द रोड़ी दूवाई आहे,

पन मनेरे ट्लुटने सेइं हेड्डी शुक्‍की गैतिन।

24 मन पसंद वचन मैछ़ी सेइं भेरतां कशेरे ज़ेरे प्राणन मिट्ठे लगतन,

ते हेड्डन हेरी-भेरि केरतन।

12 ज़ैखन उमीद पूरी भोने मां च़िर भोते, त मन परेशान भोते,

पन ज़ैखन इच्छा पूरी भोतीए, तैखन ज़िन्दगरो बुट लगते।

10 बस गम अपने दिले मरां दूर केर, ते एपनी जानी करां दुख दूर केर, किजोकि लड़कपन ते जुवानी दूईये बेकारन।