25 याहवेह तिमीहरूका परमेश्‍वरलाई आराधना गर्नू, र तिमीहरूका अन्‍नपानीमा उहाँको आशिष् रहनेछ। म तिमीहरूका बीचबाट रोगहरू हटाइदिनेछु;

3 उहाँले हृदय टुटेकाहरूलाई निको पार्नुहुन्छ,

र तिनीहरूका चोटहरूमा मलमपट्टी बाँधिदिनुहुन्छ।

8 रोगीहरूलाई निको पार, मरेकाहरूलाई जीवित बनाओ, कुष्‍ठरोगीहरूलाई निको बनाओ; भूतआत्माहरू धपाओ। तिमीहरूले सित्तैँमा पायौ, सित्तैँमा देओ।

12 यो सुनेर येशूले भन्‍नुभयो, "निरोगीलाई त चिकित्सकको आवश्यकता पर्दैन, तर रोगीहरूलाई मात्र पर्छ।

19 के तिमीहरू जान्दैनौ, तिमीहरूका शरीर पवित्र आत्माको मन्दिर हो, उहाँ तिमीहरूभित्र बास गर्नुहुन्छ र उहाँलाई तिमीहरूले परमेश्‍वरबाट प्राप्‍त गरेका छौ? तिमीहरू आफ्नै होइनौ; 20 किनभने तिमीहरू मोल तिरेर किनिएका हौ। यसकारण आफ्नो शरीरद्वारा परमेश्‍वरको आदर गर।

8 किनकि शारीरिक तालिम केही मूल्यको मात्र हुन्छ, तर ईश्‍वरभक्ति त हरकिसिमले लाभदायक हुन्छ। यो वर्तमान जीवन र आउने जीवन दुवैका निम्ति उपयोगी हुन्छ।

2 प्रिय मित्र, म प्रार्थना गर्दछु, जसरी तिम्रो आत्माको उन्‍नति भएको छ, त्यसरी नै तिमी स्वस्थ बस र सबै कुरामा तिमीलाई भलो होस्।

7 आफ्नै दृष्‍टिमा बुद्धिमान् नबन;

याहवेहको डर मान, र दुष्कर्मलाई त्याग!

8 यसले तिम्रो शरीरलाई स्वस्थ तुल्याउनेछ

र तिम्रा हड्डीहरूलाई पोषण दिनेछ।

22 प्रसन्‍न हृदय असल औषधी हो,

तर पेलिएको आत्माले हड्डीहरूलाई सुकाइदिन्छ।

24 मिठा वचनहरू महको चाकाजस्तै हुन्छन्,

जो प्राणको निम्ति मिठो र हड्डीलाई निको पार्ने हुन्छ।

12 ढिलो भएको आशाले हृदय दुर्बल पार्छ,

तर पूरा भएको चाहना जीवनको रूख हो।

10 यसकारण अब आफ्ना हृदयबाट चिन्ता-फिक्रीलाई पर राख,

र शरीरका कष्‍टहरूलाई पनि फ्याँकिदेऊ;

किनकि युवावस्था र जोश पनि अर्थहीन हुन्।