19 Ɔ ghɔ̀ŋ tʉ bɔŋ mbɔ, "B̈ii gwè hə bɔ̌ŋ mɔ, mɔ bu dàhə bii ndə məyá bʉəməsʉʉ." 20 Haʼ ndʉʉmɛ, bɔ̂ŋ mɛ̀ʼtə bəkasinɛ-bʉə, gɛ̀ hə bɔ̌ŋ ɔŋ.

9 Jiso kʉ̂ʉ lɔ̀ hə chɔ, kə́ tòʼ gɛ̀, nyíɛ wobɛʼ ndə bə kə́ tíi ɔ nə Matia, ɔ kə́ dùʼ mu vaa-njaa fí tashi, ghɔ̀ŋ tʉ ɔŋ mbɔ, "Gwè hə bɔ̌ŋ mɔ." Ɔ lɔ̀ hə sê gɛ̀ hə bɔ̌ŋ ɔŋ.

43 Mbi kʉ̂ʉ sɛŋ fíi, Jiso kə́ kʉ́ʉ ndə məfyú gɛ̀ mu Galili, nyíɛ Fili ghɔ̀ŋ tʉ ɔŋ mbɔ, "Gwè hə bɔ̌ŋ mɔ."

57 Ndʉʉ ndə bɔ̂ŋ tʉʼ tòʼ sêfia, wobɛʼ ghɔ̀ŋ tʉ ɔŋ mbɔ, "Mɔ bu gwè hə bɔ̌ŋ aŋ ndə yəŋkə təmiyɔŋ ndə a tʉʼ gɛ̀ chɔ."

58 Jiso bə̀ŋhə mbɔ, "Bəsəŋyaŋgwo nɔ kie mbyuʼhə-ʉə ndə məchí chɔ, nuɔ-mbi-mə kie njaahə-ʉə, bɔŋ Vaa-Woməsʉʉ, kie yəŋ-mɔ̀ʼ-kətʉ-kə-i fɛ."

59 Ɔ gìe tʉ ibɛʼ-yə wo mbɔ, "Gwè hə bɔ̌ŋ mɔ."

Mbʉ wo-ghɔ̄ bə̀ŋhə mbɔ, "Tiekətʉ, mɛ̀ʼtə m̈ɔ fəŋ gɛ̀ tyúu tie-ɔ."

60 Jiso ghɔ̀ŋ tʉ ɔŋ mbɔ, "Mɛ̀ʼtə ŋkwu-bʉə-bə tyúu ŋkwu-bʉə-bʉə-bə. A gɛ̀ lɔ̀ʼ Sɔ́ʼ-Nyii tʉ bʉə."

61 Ibɛʼ-yə wo bìʼ ghɔ̀ŋ mbɔ, "Mɔ bu gwè hə bɔ̌ŋ aŋ, Tiekətʉ, bɔŋ fəŋ mɛ̀ʼtə m̈ɔ gɛ̀ tíŋhə bʉə-bɔŋ."

62 Jiso bə̀ŋhə mbɔ, "Wo ndə ɔ yá sʉʉ-bənaʼa-tyúu-mutɔ-kə kə́ bʉ̀nə lɛ́nə bɔ̌ŋ liɛŋ-bi, kʉ̀ʼnə ndə məbɛ kəyəŋ ndə Nyii tʉʼ sɔ́ʼ fɛ."

24 Ndʉʉmɛ, Jiso ghɔ̀ŋ tʉ vâafɔʼɔ-bi mbɔ, "Kaʼ wo mu bii kʉ̀ʉ ndə məgwè hə bɔ̌ŋ mɔ, ɔ nɔ kie ndə mətɛ́ŋ ŋwɔŋ-ɛŋ, bɛ̀ʼ tyʉntɔɔnəkə-i, gwè hə bɔ̌ŋ mɔ.

26 "Kaʼ wotəmiyɔŋ kə́ gwè hə bɔ̌ŋ mɔ, təmə bàa tie-e, bàa ŋkwê-i, bàa vi-i, bàa vâa-bi, bàa bəliŋ-bi tə buŋ kɔmə yi-yə ŋwɔŋ ghɔ fɛ, ɔ mə kʉ̀ʼnə ndə məbɛ vaafɔ̀ʼ-ɔ fɛ. 27 Wotəmiyɔŋ ndə ɔ gòʼ təmə bɛ̀ʼ tyʉntɔɔnəkə-i, gwè hə bɔ̌ŋ mɔ fɛ, kʉ̀ʼnə ndə məbɛ vaafɔ̀ʼ-ɔ fɛ.

28 Bita chʉ́ʉhə kə́ ghɔ̀ŋ tʉ ɔŋ mbɔ, "Nyíɛ! Baʼa nɔʼ mɛ̀ʼtə fɔbə inchəŋ ndə məgwè hə bɔ̌ŋ aŋ."

29 Jiso gìe tʉ bɔŋ mbɔ, "Nɔʼ m̈ɔ shyíi bii nə shʉəŋ mbɔ, wo kaa ghɔ ndə ɔ nɔʼ mɛ̀ʼtə fɔbə nə njaa-ɛ byuunɔ bəliŋ-bi, bələŋ ghɔŋbə bəke, byuunɔ ŋkwê-i byuunɔ tie-e byuunɔ vâa-bi byuunɔ tɔ̂bə-i bʉʼka mɔ leʼnə ntəŋjyujyu, 30 ndə ɔ bu gòʼ təmə kie yɔ́ŋyɔ́ŋ tə dàa nə vɛʼ ghyʉʉ tíŋ ndə ɔ kə fəŋ kie ndə mbi-laa-ɔ̄ nɔ fɛ, ndə njaahə leʼnə bəliŋ-bi, bələŋ ghɔŋbə bəke, leʼnə bənaa-bi leʼnə vâa leʼnə tɔ̂bə leʼnə ŋgʉəʼ ghɔŋbə məchímbi təmə liʼ-i ghɔ fɛ ndə i bɛ bəshʉ gwè. 31 Bɔŋ bʉə buŋmbi ndə bɔ̂ŋ bɛ fəŋtə bu yi bɛ ndyiʼtəbə, ndyiʼtəbə bɛ fəŋtə."

12 Jiso bìʼ kwə́ʼ tʉ bɔŋ ghɔ̀ŋ mbɔ, "Mɔ nɔ bɛ kɛʼɛ-kəwʉʉnəmbi. Wotəmiyɔŋ ndə ɔ gwè hə bɔ̌ŋ mɔ, kʉʉ tòʼ mu kənjəŋ fɛ, bɔŋ bu kie kɛʼɛ-məchímbi."

26 Kaʼ wo kʉ̀ʉ ndə məfɔ̀ʼ tʉ mɔ, ɔ̈ gwè hə bɔ̌ŋ mɔ, yəŋkə ndə mɔ bu bɛ chɔ, vaafɔ̀ʼ-ɔ nɔ kie ndə məbɛ chɔ ghɔ. Kaʼ wo kə́ fɔ̀ʼ tʉ mɔ, mbʉ Tie bu kɔ́ kuŋhə tʉ ɔŋ.

21 Bə nɔ kə tíi bii bʉʼka yɔ̄ŋ-yə, bʉʼka Klai nɔ kə nyíɛ ŋgʉəʼ yie-bii ghɔ ndə mədʉ̀ʼ wukə tʉ bii, mbɔ b̈ii chʉʼ lʉ̀ hə kəwu-ɔ. 22 Ɔ kə chìi bʉ̂ʼʉ fɛ, təmə bɔŋ kə kie fə́ʼhə chu-ɔ fɛ. 23 Ndʉʉ ndə bə kə́ chɛ̀ŋtə ɔŋ, təmə ɔ byʉ̀hə fɛ, ndʉʉ ndə ɔ kə́ nyíɛ ŋgʉəʼ, təmə ɔ ŋìitə ndə mətyú fɛ, ɔ kə́ mɛ̀ʼtə haʼ ŋwɔŋ-ɛŋ tʉ Nyii, wo ndə ɔ̃ kwɛ̀ nubə ndyʉndyʉ.

15 Ndə mətə̀nə ndəŋ shʉəŋ mu ŋkʉ̂ʉ, bʉʼʉ nɔ kie ndə mə-kə́-kʉ̀ʼ ndəŋ fiatə inchəŋ mu mbəŋ-ɛŋ Klai ndə ɔ bɛ tʉ-mbʉ-chɔshi-kə.