Seguir a Jesus

19 Sinabi niya sa kanila, "Halikayo, sumunod kayo sa akin at gagawin ko kayong mangingisda ng mga tao." 20 Kaagad nilang iniwan ang mga lambat nila at sumunod sa kanya.

Tinawag ni Hesus si Mateo

9 Umalis roon si Hesus at habang siyaʼy naglalakad, nakita niya ang isang lalaking nagngangalang Mateo na nakaupo sa lugar kung saan siya naniningil ng buwis. Sinabi ni Hesus sa kanya, "Sumunod ka sa akin." Tumayo naman si Mateo at sumunod sa kanya.

Tinawag ni Hesus sina Felipe at Natanael

43 Kinabukasan, nagpasya si Hesus na pumunta sa Galilea. Dooʼy nakita niya si Felipe at sinabi niya rito, "Sumunod ka sa akin."

Ang mga Nagnais Sumunod kay Hesus

57 Habang naglalakad sila, may isang lalaking nagsabi kay Hesus, "Susunod po ako sa inyo kahit saan."

58 Ngunit sinagot siya ni Hesus, "May mga lungga ang mga asong-gubat, at may mga pugad ang mga ibon, ngunit ang Anak ng Tao ay walang sariling tahanan na mapagpapahingahan."

59 Sinabi ni Hesus sa isa, "Sumunod ka sa akin."

Ngunit sumagot siya, "Panginoon, pauwiin po muna ninyo ako upang maipalibing ko ang aking ama."

60 Ngunit sinabi sa kanya ni Hesus, "Ipaubaya mo sa mga patay ang paglilibing ng kanilang patay. Ngunit ikaw, humayo ka at ipangaral ang tungkol sa kaharian ng Diyos."

61 May isa ring nagsabi kay Hesus, "Susunod po ako sa inyo, Panginoon, pero hayaan nʼyo muna po akong magpaalam sa pamilya ko."

62 Sinabi ni Hesus sa kanya, "Ang nagsimulang mag-araro ngunit lingon naman nang lingon ay hindi kapaki-pakinabang sa kaharian ng Diyos."

24 At sinabi ni Hesus sa kanyang mga alagad, "Ang sinumang gustong maging alagad ko ay kinakailangang itakwil ang kanyang sarili, pasanin ang kanyang krus at sumunod sa akin.

26 "Ang sinumang nais sumunod sa akin, ngunit mas mahalaga sa kanya ang kanyang ama at ina, asawa at mga anak, mga kapatid at maging ang kanyang buhay ay hindi maaaring maging alagad ko. 27 Ang sinumang ayaw sumunod sa akin dahil natatakot siyang mamatay para sa akin* ay hindi maaaring maging alagad ko.

28 Sinabi sa kanya ni Pedro, "Paano naman po kami? Iniwan namin ang lahat upang sumunod sa inyo."

29 Sumagot si Hesus, "Sinasabi ko sa inyo ang totoo, ang lahat ng nag-iwan ng bahay, mga kapatid, mga magulang, mga anak, o mga lupa dahil sa akin at sa Magandang Balita 30 ay tatanggap sa panahong ito ng mas marami pa kaysa sa kanyang iniwan: mga bahay, mga kapatid, mga ina, mga anak, mga lupa, pati mga pag-uusig. At tatanggap din siya ng buhay na walang hanggan sa darating na panahon. 31 Maraming dakila ngayon ang magiging hamak, at maraming hamak ngayon ang magiging dakila."

Si Hesus ang Ilaw ng Mundo

12 Muling nagsalita si Hesus sa mga tao, "Ako ang ilaw ng mundo. Ang sinumang sumusunod sa akin ay hindi na mamumuhay sa kadiliman, dahil nasa kanya na ang ilaw na gumagabay patungo sa buhay."

26 Ang sinumang gustong maglingkod sa akin ay dapat sumunod sa akin, at kung nasaan ako ay naroon din dapat siya. Ang sinumang naglilingkod sa akin ay pararangalan ng Ama.

21 Ang mga pagdurusa ni Kristo para sa atin ang halimbawang dapat nating tularan. Ito ang dahilan kung bakit tayo tinawag, upang tularan natin ang buhay ni Kristo.

22 "Hindi siya nagkasala o nagsinungaling man."*

23 Ininsulto siya ngunit hindi siya gumanti ng insulto. Pinahirapan siya ngunit hindi siya nagbanta. Ipinagkatiwala niya ang lahat sa Diyos na humahatol nang makatarungan.

15 Sa halip, ipapahayag natin ang katotohanan nang may pag-ibig, upang sa lahat ng bagay ay higit tayong maging katulad ni Kristo na siyang ulo ng iglesya.

4,5 Dapat ninyong sundin ang aking mga utos at mga tuntunin dahil ang sinumang susunod dito ay mabubuhay. Ako ang Panginoon na inyong Diyos.