A segunda vinda de Cristo
A segunda vinda de Cristo é a esperança suprema da Igreja. Jesus prometeu que voltará com poder e grande glória para julgar os vivos e os mortos e estabelecer seu Reino eterno.
A promessa do retorno
Jesus prometeu voltar. Os anjos declararam que Ele virá da mesma forma como ascendeu. A Igreja aguarda esse dia glorioso com expectativa.
ye yegl di pribrika, Yagl wagle, ene distrik Galili nem meglkwa i, ene siragl pre adigl mogl, kan mina ibo ede meglme? dibrika. God ye Jisas agre i ede heven ibo ogo, ene kan meglkwa. Ege swara ta ye omere kuno yegl mere, Jisas aglke kor ikne unabiwe di, yegl dibrika.
Ana ye Jisas kanamnedi ye omara i toro kan mina ibo ede meglko, yagl suo kugugl gagl kruo eribrika tabre u, ye meglmara plau dibriko, ye kandre, nagino keglkwa. Kandre, nagino keglko, yagl suo i adigl moglsre, ye yegl di pribrika, Yagl wagle, ene distrik Galili nem meglkwa i, ene siragl pre adigl mogl, kan mina ibo ede meglme? dibrika. God ye Jisas agre i ede heven ibo ogo, ene kan meglkwa. Ege swara ta ye omere kuno yegl mere, Jisas aglke kor ikne unabiwe di, yegl dibrika.
Ana Jisas ka ta ama yegl dugwa, Ene deno muduno yubun dekrano. Ene God pre mediglsre, na ama pre medilo. Na Nina yugumogl i, ene againo mogl pai eraiglkwa mere yogwa. Ta yekruma, ene di teigo. Na pi ene moraiglmara ere wakai eraglka. Te, na pi ene moraiglmara ere wakai ere tebo, na aglke ede ikne u ene na moglmara akie moramnedi agre i ede enaglka.
Ana yoba ta ka i di narukwa yobamo i yegl dugwa, Na tabre unaluwe dugwa. I pra. Yagl Kade Jisas, ene ede wo.
Ana yoba ta ka i di narukwa yobamo i yegl dugwa, Na tabre unaluwe dugwa. I pra. Yagl Kade Jisas, ene ede wo.
Ana mokomugl i, Jisas yegl dugwa, Kanio! Na tabre unaglka. Te, na unaglka igne, na topo wakai ake idre, u yoba swara swarade mabuno wakai ta eraiglmere i, topo tenaluwe dugwa.
Os sinais dos tempos
Jesus descreveu os sinais que precederão sua volta: falsos profetas, guerras, fome, terremotos e tribulação. Devemos discernir os tempos sem nos alarmar.
Yubun podo podo okuo plau dinaiglkwa
Ana Jisas ede muglo meglbi Muglo Oliv we dimara pi ame di moglko, ye duglo beglkwa yagl yoba ta pre dinaiglmedi ugl mage ere pi kira pogl, yegl di prikwa, Tisa yo, taragl yegl mere plau dinabe dinga i, aunake plau dinabe? Te, no siragl taragl kandre, ene unatnga igne i umedi prisre, ege erme munga i, dudunabuka magigl erumedi pramne? digwa. Yegl digo, Jisas yegl dugwa, Yoba ta ene bakagl te dinaiglmedi kan kun erio. I siragl pre yoba tau mere na kagna mina udre, Na Krais moliwe didre, yoba mere bakagl tenaiglkwa. Te, yoba tau kuda beglme dibi, prisre, kuda yegl yegl plau dinarume dibi, ene ama praiglkwa ba ene kudugl goglkrio. I siragl pre taragl yegl mudu plau dinaiglkwa paugwa ba taragl pra pra dudunabuka ege i, okuo kaima unabuka.
Jisas yegl didre, ama yegl dugwa, Igne i, yoba ene gudu i pi yoba pere ogono mina yedre, ene ama si goraiglkwa. Te, ene na kagna mina kogon eraiglmara i pre yugobuno mudu meglkwa i, ene kide kanaiglkwa. Yegl panan, yoba mere na pre mediglkwa i, yage sidre, agroma abaroma tau i pi kuda ikne ogono mina yedre, ikne ikne kide kanaiglkwa. Te, ka kep yoba kibi tau mere ede nogugl udre, yoba mere bakagl tenaiglkwa.
Te, igne i yoba God lomo kide kodinaiglkwa mabuno i, u podo enan, yoba mere God deno muduno teigwa i, dudunabuka. Ba yoba ta adigl gigledi mogl enan, ege kide i dudinan, God ye ere inabiwe dugwa.
Te, God yoba kingno mogl, suglno morabuka ka wakai i, ede yoba yugobuno pere pere u koglo koglo meglmara enan, mudu praiglkwa paugwa. Ye pre kodibi, taragl mudu dudunabuka ege i, okuo ime unabiwe di, Jisas yegl dugwa.
Igne i, yubun podo kide kaima plau dinabuka. God dumo makan ere yogwa igne, ede u erme pra, yubun yegl mere ta plau dikrukwa. Te, okuo ama yegl ta plau dikrabuka. Ege kide plau dinabuka i, God tabre ta ere i sugunagle edekran, yoba mudu goraiglkwa mere yegl panabuka pre ye ere i sugunagle edenabuka. Ba ye yoba tau kere igrawa we di prisre, ege i, ere i sugunagle edenabiwe dugwa.
Ege i, yoba tau ene yegl di tenaiglkwa, Ene kanio! Krais magigl i moglmiwe didre, Ye bage ta iro moglmiwe dinaiglkwa. Ba ye yegl dibi, ene ye pre mediglkrio. I siragl pre yoba ka kibi didre, Krais muniwe dinaiglkwa i, mere unaiglkwa. Te, ka kep yoba kibi meglkwa i, mere udre, kimagl ya diu podo ere, yoba bakagl tenaiglkwa. Te, ta kuno eran, God yoba ta kere i pere edugwa meglkwa i, ama bakagl tenaiglkwa. Ene prio. Na erme eglke pai moglko, siragl taragl okuo plau dinabuka i, ene di te kodiga.
Ege i, yoba tau ene yegl di tenaiglkwa, Ene kanio! Krais magigl i moglmiwe didre, Ye bage ta iro moglmiwe dinaiglkwa. Ba ye yegl dibi, ene ye pre mediglkrio. I siragl pre yoba ka kibi didre, Krais muniwe dinaiglkwa i, mere unaiglkwa. Te, ka kep yoba kibi meglkwa i, mere udre, kimagl ya diu podo ere, yoba bakagl tenaiglkwa. Te, ta kuno eran, God yoba ta kere i pere edugwa meglkwa i, ama bakagl tenaiglkwa. Ene prio. Na erme eglke pai moglko, siragl taragl okuo plau dinabuka i, ene di te kodiga. Yegl pre yoba ta ere mogl, Prio! Krais dumo wau yomara suna moglmiwe dinaiglkwa i, ene pi kankrio. Mo, ye ere mogl, Ye yugugl teke moglme ta dibi, ene ye pre mediglkrio.
Jisas ye ka kep yoba kibi ene bakagl te dinaiglmiwe dugwa
Ene ka kep yoba kibi moraiglkwa i pre kan kun erio. Ka kep yoba kibi ene meglmara unaiglkwa i, yoba ye meda kanaiglkwa i, sipsip mere yegl meglmedi kanaiglkwa ba ye deno muduno suna i, agl are, ene si nenamnedi prikwa mere yegl moraiglkwa.
Kantri ikne ikne kuda beglbi, te, king ikne ikne ama kuda boraiglkwa. Imem podo podo unan, bage tau kidan podo kaima panaiglkwa. Taragl yegl mere mudu plau dinaiglkwa i, abu ta gak kuragledi mabuno bogl gagie giugl prumere mere yegl mere panabuka.
Te, ene yoba pre kan kun erio! Ye ene si kane sidre, kot ere tedre, ka mabuno yuguno yenabara ene duglnai sinaiglkwa. Yegl ersre, ene na duglo beglmedi ene gudu i pi king ya gavana moraiglmara edenaiglkwa. Edibi, na kana yoba kade wagle ya yugobuno pere pere ta moraiglkwa i, ama di tenaiglkwa. Yoba na kana wakai yogwa i komono kana di tebi, yoba yugobuno pere pere uglo koglo koglo meglkwa i pribi, taragl mudu dudunabuka ege ikra okuo plau dinabuka.
Ana yegl panan, yoba yene agroma i pi kot wagle edibi, ye si goraiglkwa. Te, yoba gagroma ere mogl, yene neno mano kano sedidre, i pi kot wagle edibi, yoba ye si goraiglkwa. Te, ene na duglo beglmedi yoba mudu ene kide kanaiglkwa. Ba yoba ta ibun idre, adigl gigledi mogl enan, ege kide i dudinan, God ye ere inabiwe dugwa.
Imem podo podo unan, bage tau kidan podo kaima panaiglkwa. Paibi, bage tau yoba kide sinan, mere geglbi, diu ama tau kamun mitna ibo plau dibi, yoba kandre, kudugl podo goraiglmiwe dugwa.
A vinda gloriosa
Cristo virá nas nuvens com poder e grande glória, enviará seus anjos e reunirá seus escolhidos dos quatro ventos.
Yoba Wam ede ikne unabuka
Ana Jisas yegl didre, ama yegl dugwa,
Yubun podo kide yegl unan, mokomugl i taragl tau tabre plau dinabuka. Ade ake mim eran, ba ama abuglage sikrabuka. Kugl kuri paigwa i, yage makandigle sibi, taragl tau heven ibo gigledi paigwa i, ama piga kar dinaiglkwa. Igne i, na Yoba Wam moglka i, kamun mitna ibo plau didre, na yobuglna ya abuglagena podo paugwa i nogugl edibo, kanaiglkwa. Yoba yugobuno mudu meglkwa i, na kandre, kai eraiglkwa. Eribi, biugel podo ta boran, na angelona dedibo, ye ede uglo koglo koglo pidre, na yoba ta kere i pere edigo, meglkwa i, yu makai sinaiglkwa. Ye ade umara ya ade beimara pidre, te nigl bre ya nigl beye pidre, na yobanama yu makai sinaiglmiwe di, Jisas yegl dugwa.
Yoba ede fik kandre, nomane inaiglkwa ka padum
Ana Jisas ka yegl di kodidre, ye ka ebrie swara ta yegl di togwa, Ede fik paugwa i, poglo di prisre, nomane io. Ede fik yogagle ake wida dugo, yaudo sugwa igne, ene kandre, niga dinabuka ege i yenabiwe di primere na taragl tau plau dinaiglme diga i plau dibi, ene kandre, na ede ikne unaglka igne i ede magigl u kodumedi praiglmiwe dugwa.
Na Yoba Wam moglka i, na Nina abuglagemo mina angelo bogl ede atne unamga. Umun, nana yoba swara swarade mabuno erimere kuno ere te ikne edinaluwe dugwa.
Yoba Wam ede ikne unabuka
Jisas yegl didre, ama yegl dugwa, Ade ba ya kugl kuri mina diu podo plau dinan, mudi nigl ama podo kaima si pepigl didre, mu podo dinan, yoba yugobuno pere pere moraiglkwa i nomane sidre, kudugl podo goraiglkwa. Te, ege i, taragl podo podo kamun mitna ibo paigwa i, gua gua wanibi, yoba dumo makan dudinabedi kandre, kudugl goglsre, gumuglno magran, yage sinaiglkwa. Ana igne i na Yoba Wam moglka i, kamun kua mitna ibo udre, na yobuglna ya abuglagena podo paugwa i nogugl edibo, kanaiglkwa. Taragl yegl mere plau dinagledi erabuka igne, ene adigl gigledi mogl, kan mitna ede, sugl kan molo. I siragl pre God ene ikne edenabuka ege ede magigl u kodumedi praiglme di, Jisas yegl dugwa.
Ana igne i na Yoba Wam moglka i, kamun kua mitna ibo udre, na yobuglna ya abuglagena podo paugwa i nogugl edibo, kanaiglkwa.
Taragl yegl plau dinan, na Yoba Wam moglka i, kamun mitna ibo plau didre, na yobuglna ya abuglagena podo paugwa i nogugl edibo, na kanaiglmiwe dugwa. U plau dibo, yoba na kanibi, na angelo dedibo, ye ede uglo koglo koglo pi, yoba God kere yugwa meglkwa i, yu makai sinaiglkwa. Ye ade umara ya ade beimara pidre, te nigl bre ya nigl beye pidre, na yobanama yu makai sinaiglmiwe di, yegl dugwa.
I siragl mere plau dinabuka i, yegl mere paugwa, nono Yaglno Kade Jisas yene heven ibo kide kodo, ede atne udre, ka podo kide kaima ta dinabuka. Dinan, angelo swara ta angelo tau bitno moglkwa i ama ka podo dinan, God biugelmo borabuka. Boran, taragl komono kana plau dinabuka i, yoba ta Krais pre mediglsre, geglkwa i, ye ogono nagino mina adigl u kor enaiglkwa. Adigl u kor ebi, nono pre medunga yoba tau goglkre, kor mogl pai moramga i, ye bogl u swara pidre, ede egli ibo pi, kamun kua mina suna pidre, Yaglno Kade kamun mitna unabara i, ye tegigl yenamga. Nono Yaglno Kade Jisas tegigl yedre, ye bogl aimadi kamin akie moramga. Taragl yegl mere okuo plau dinabuka pre enene ka i poglo di pramnedi di ikne ikne edidre, deno muduno ikne ikne si gigle di teo.
Vigilância e preparo
Ninguém sabe o dia nem a hora. Jesus nos ordena a vigiar, orar e estar prontos, pois Ele virá quando menos esperamos.
Ene Yaglno Kade aunake unabuka i, ene pre kan erekrikwa pre kwi ere molo.
Ene Yaglno Kade aunake unabuka i, ene pre kan erekrikwa pre kwi ere molo.
Yegl paugwa pre ene aimadi kwi ere molo. I siragl pre na Yoba Wam moglka i, ege ta prikraiglkwa ege ikne unagliwe di, Jisas yegl dugwa.
Jisas duglo beglkwa yoba i, ye Jisas unabedi sugl kan moraiglkwa paugwa
Jisas yegl didre, ka ta ama yegl dugwa, Ene kan kun erio. I siragl pre ene gua gua ere, spak ersre, erme makandigle siragl mere mogl pai eraiglkwa i pre yubun debi, taragl i ene nomano mina kau sinabuka. Kau sinan, ege i tabre plau dinan, dua kabu kigln keglko, simere mere yegl, ene wai kuraiglkwa. I siragl pre ege i, makandigle yoba mudu moraiglmara plau dinabuka. Yegl pre ene ege ege sugl kan moglsre, God yobuglo bogl norabedi kamage erio. God ene yobuglo bogl tenan, yubun i ene si atne edekran, ene na Yoba Wam gumuglna mina adigl mogl, wakai moraiglme di, Jisas yegl dugwa.
God kogon kane kane norabuka i, eramga paugwa
Ana taragl mudu dudunabuka ege i, ede magigl u kodugwa pre ene nomane wakai idre, mabuno kide ta deno muduno mina pogglau borabuka i mane di tenaiglkwa paugwa. Ene yegl ersre, kamage eribi, kuno erabuka.
Agrama abarama wagle, na ene pre kamage erika i, nono deno muduno wida di padigl norukwa God i, ene yobuglo bogl tenan, ene mabuno du keme ersre, yoba du moraiglmedi kamage erika. Na yegl mere kamage ersre, ama ene deno muduno mina ya kiano mina ya ogono nagino mina aglau ta erekre, mabuno wakai duglo bogl meglbi, Jisas ede ikne unabedi kamage erika.
Yegl erukwa pre God ere mogl, ene ye kogonmo pere pere eraiglmedi nomane ya yobuglo te kodugwa. Yegl pre ene erme nono Yaglno Kade Jisas Krais unabedi kie ere mogl, sugl meglkwa ege i, ene ye kogonmo eraiglkwa kuno erukwa. Taragl swara ta okuo idre, kogonmo eramnedi sugl moraiglkwa i ta kuno erekrukwa.
Ana nono Yaglno Kade Jisas Krais, ye ene adigl giglede moraiglmedi aimadi kamin yobuglo bogl te pai moglsre, okuo ye ikne unabuka. Ye ikne unabuka igne i God ye ene yoba du meglmedi kandre, ka tage tekrabuka.
A esperança bendita
A aguardamos a bendita esperança e a manifestação da glória do nosso grande Deus e Salvador Jesus Cristo.
Ana God ye yoba mudu yoko kaima ere inagledi prukwa i, erme ede nogugl u kodugwa. Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
Beke norsre, te Krais Jisas ede ikne unabedi kie ere moraiglmedi beke norukwa. Krais ye nono Godno yobuglomo podo paugwa i, moglsre, nono Ere Yugwa yagl ama moglkwa i, ye ede ikne unabuka igne ye abuglagemo podo kide nogugl sinabuka pre nono ye unabukra we di prisre, gun yenamga paugwa.
Krais Jisas nono pre goglkwa i, ye prukwa, Na yoba pre goglsre, ye tadagmeno mudu koko ede te, ye deno muduno ere edibo, pe sinan, ye na yobanama kaima moraiglmiwa. Moglsre, mabuno wakai ta panabuka i keme gun yei tedre, eraiglmiwe di, yegl prisre, nono pre goglkwa.
Te, na pre kan erika i, God, ye ene deno muduno mina kogon wakai mabuno bogl erukwa i, ere kodinabedi prika. Ye ene deno muduno mina kogon ere pai mogl enan, Krais Jisas ede ikne unabiwe di, na yegl pre kan ersre, ene pre gun keme yeiga.
God ene okuo agre i ede enagledi Mudu Murubuglo muno gane mere yegl ene ere padigl togo, ene meglmara suna moglkwa i, ene ye kide prabedi erekrio.
Kuno yegl mere, Krais ege swara keme yoba mere kide tadaglmeno idre, tawano tenagledi ye yene togwa. Te, ye okuo ege namba 2 unabuka i, yoba tadaglmeno gugl edenagledi pre ukrabuka ba yoba ye unabedi kie ere meglkwa i, ere inan, wakai kaima moraiglkwa i pre unabuka.
Te, nono siragl mere agrama abarama wagle wakai kandre, mabuno wakai boramga i, nono wakai ere kinano gudu prisre, ka di pre eramga paugwa.
Ana pre mediglkwa yoba tau ye yene akie makai sinaiglkwa i, kide kodigwa ba nono mabuno yegl ta erekramga paugwa. Nono akie makai sinamga paugwa. Te, Yaglno Kade ede ikne unabuka magigl erukwa pre nono kogon podo ersre, deno muduno ikne ikne si gigle di tenamga.
Yagl Kade God yegl dugwa, Na moglka i, na taragl mudu plau dinabedi ersre, te, na taragl mudu ama si dudinaglka moglka. Na okna ibo aimadi kamun moglsre, erme ama mogl pai moglsre, te okuo na nana unaglka moglka. Na yobuglna pai kawa togwa moluwe di, yegl dugwa.
Na ede ikne unaglka i, magigl erukwa pre ene na mabunona erikwa i, ake gi di molo. Ake gi di meglbi, yoba swara ta ene praisno i eglke edenaiglkwa i, kuno erekrabuka.
Ana agrama abarama wagle, dena muduna suna meglkwa i, God okuo yoba kotno prisre, dumo makan ere kide erabuka ba ene ka swara ta pre moraiglkwa paugwa. Ka i yegl mere paugwa, Yagl Kade gumuglo mina ege swara ta yogwa i, bugla yugu 1,000 bogl kuno yogwa. Te, bugla yugu 1,000 i, ama ege swara bogl kuno yogwa.
Na gagrama wagle, Krais u plau dinabuka igne, nono ye gumuglo mina kudugl gogl, agai gogl dinamnedi Krais bogl si dakagl molo!