1 Ye ogono sisip bre mina padiglko, agl bugla againo yugo, Yawe tadaglmeno si bi di togwaAna Yawe ye Israel yoba ye sel yugumo keimara i yugugl mogl, Moses agle dugo, ugwa. Moses ugo, Yawe ye di te, yegl dugwa, 2 Ene Israel yoba di te, yegl dinatniwa, Ene we, ene Yawe tawa tenatnga igne i ene sipsip mo meme mo kau ta idre, tawa tenatnga. 3 Ana ene tawa mudu gagl tenatnga i pre kau ta idre, tenatnga panan, kau kumugl wakai ta morabuka inatnga. Ogo gagie wagle num dekre, kide ta paikrabuka i, inatniwa. Idre, ede pi Yawe ene wakai kanabedi sel yugumo dua wagle edinatniwa. 4 Edidre, ogon agl bugla bre mina padratniwa. Padigln, agl bugla i ene againen inan, Yawe ene tadaglmenen si bi di tenabuka. 5 Ene yegl ersre, Yawe gumuglo wagle kau i si gotn, Aron wama, tawa teigwa yagle meglkwa i, ye bormai kogl i pi tawa gagl naraiglmara bogl i koglo koglo bage 4-pela si plai si edinaiglmiwa. Bogl ta tawa gagl naraiglmara sel yugu dua yomara magigl yogwa i pre die dugwa.