A segunda vinda de Cristo
A segunda vinda de Cristo é a esperança suprema da Igreja. Jesus prometeu que voltará com poder e grande glória para julgar os vivos e os mortos e estabelecer seu Reino eterno.
A promessa do retorno
Jesus prometeu voltar. Os anjos declararam que Ele virá da mesma forma como ascendeu. A Igreja aguarda esse dia glorioso com expectativa.
«Nitto Galiilaki asu! Awagan den sama kootkira biyet yeretirinso? Han den sama hamfeen biyeti Yesus den sama hamfeen biyetiisimato wolle dey yoonirwa.»
Bar den sama hamfeen baasso dey den sama kootkire biyefeen diinqone foro maama mayo hep asu baasso tesha yerefaat: «Nitto Galiilaki asu! Awagan den sama kootkira biyet yeretirinso? Han den sama hamfeen biyeti Yesus den sama hamfeen biyetiisimato wolle dey yoonirwa.»
Den Abaaski Taamni Ugna Yesuswa
Yesus ekka yi: «Nibnitiis nawonaata, Ha’oosik amanoti. Taak dey amanoti. Showo fooni dima Abataasa keeruk faar. Ekka sina shakaanane: ‹Footi dima nittok hoossunak hamanarwa› yira nittok makona kabatawa. Hamma footi dima hoossinanneen orfo ta faanaasta nitto dey footik hepsa wolla yaara nittotin ephpha hamana.
Han wuzaasikitoni zaal sina bar: «Aa; tai’nin yoonawa!» yife.
Aamin; Daam Yesusno tai’nin yowa!
Han wuzaasikitoni zaal sina bar: «Aa; tai’nin yoonawa!» yife.
Aamin; Daam Yesusno tai’nin yowa!
«Ese! Ta tai’nin yoona! Isarba isarbaasik wostobaasimato imana waagaason kushunaassi ephaatu faan.
Os sinais dos tempos
Jesus descreveu os sinais que precederão sua volta: falsos profetas, guerras, fome, terremotos e tribulação. Devemos discernir os tempos sem nos alarmar.
Daamiis Yoonanneen Zeemma Kar’ni Kabugtonewa Shanane
Bar Dabrazayitini kumaasta diifen nawobaas baasso baasso barki tai’sesere: «Innok makowa; han bar aagenso sinanari? Ne yoosewa han daasi koi’ni besone aambanso?» yit mamussete.
Yesus wolgire: «Oonu nittotin eshanaatawa! Showobesiis ‹Ta Kiristooswa!› yit ta sunaasik yoosone. Showobesiisin dey eshone. Neebonewa neeboni odune odoti. Es bar dey sinanak sholsu sinna boor’a digotiita. Sinuntano koi’baas hanneengwa.
Es kabaasik asuni meya nitto shana ephphatootik aatire imone dey worsone. Ta sunaasi boor’a dara zuuttambaase asi sina oomtester sinati. Es kabaasik showoni meya tuusa’sere orfo wolsone. Isaas oomiisin aatire imana. Asuni meya dey baassotna baassotna wal oomtososone. Showo esh raajjuni meya kabsone. Showo meyanon dey eshone.
Manguusi aatamtan kabi chowa showoni meeni keeshtanaas koochona. Sinuntano koi’ba kar’ananneen chimme yere bar faruna.
Dara zuuttambaase asik zaala sinanak Ha’oosi taatoni misirachchuni kaamaas daa zuuttambaase asiista maktona. Es kabaasiktu koi’baas yoona.
Es kabaasik han daas testenanneen kabira hawung kar’a sinnor hanneen ekalo dey isanne sinnor akama shana sinanawa. Es wonaasikito kawuna shaki sinfaanane asha mayoos zuuttere fui’tona kabatawa. Sinuntano kortere fe asuni meeni boor’a es wonaasikito kawunana.
«Es kabaasik oonu: ‹Ese Kiristoos hanta feer› wedey ‹Ekesta feer yifaanane amanotiitawa› Eshni Kiristoosni meenawa eshni raajjuni meena kabsone. Baassok chimtefaanane kortere feese baassotinnu daagsuk akama akama biistera artonoy wuznewa diinqine bessone.
«Ese han baron zuutira zeemma nittok makengwa.
«Es kabaasik oonu: ‹Ese Kiristoos hanta feer› wedey ‹Ekesta feer yifaanane amanotiitawa› Eshni Kiristoosni meenawa eshni raajjuni meena kabsone. Baassok chimtefaanane kortere feese baassotinnu daagsuk akama akama biistera artonoy wuznewa diinqine bessone.
«Ese han baron zuutira zeemma nittok makengwa. Es bari boor’a: ‹Zaboossitu fewa› yisefaatene kesatiita. ‹Aacho dimsitu fewa› yisefaatene amanotiitawa.
I’o Gaanbaastaktu Artefa
«Sikalobesiissi bo’inynya iririkane feer sinefaat fantuni koma mayye nitto ganeyaassi yoosonek fe esh raajjuni meyakin teetnitiison oodtiwa.
Daraas daraasata; taatoos taatoosta kabuna. Showo dimta dey daani shorkonewa makne sinana. Es bar dey akama keektoni tesuwa.
«Nitto dey teetnitiison oodtiwa. Shonggoni kuphamaasta nitto aattera imtoti. Ayhudni shiiphoni keyaassik ichchosoti. Zaala sinatik taakwa iyaat ha’sife baasso sinanawa taate meena asi sinana yeroti. Es bar sinbaasneen zeemma misirachchuni kaamaas dara zuuttambaase asik maktonak sholsuwa.
Ayiis aybaasin, abaas naabaasin kituk aatire imana. Naanggotaas kooni aba intoosta manguk kabsera worsona. Asu zuuttambaase asi sina ta sunaasi boor’a oomtester sinati. Sinuntano koi’ba kar’ananneen chimme yere bar faruna.
Akama daani shorko sinana. Daadaassi dey maknewa, showo tesa merone sinana. Den saman akama deessu beso sinana.
A vinda gloriosa
Cristo virá nas nuvens com poder e grande glória, enviará seus anjos e reunirá seus escolhidos dos quatro ventos.
Kiristoosni Hepsa Wolle Yoo
«Es shanani wonaasikito aatnanneen orfo geregere awaas talmona; assaas dey chaarefbaason kalana; baakuraasikito dey samastan kere woottona; samaastaki hugnaasikito shorkona. Estan Asuni Naani beso samaasta bestona. Es kabaasik han daasta fe daraas zuuttere waassone. Asuni Naa dey akama hugnaknawa akama ulfinakna shaaruusikitota yeefeen biyone. Akama markatani kaama odsuni Ha’oosi wosiyaasikitonon wosuna. Baasso dey samaasi diltan hamma dilbaasta kar’a fa acheech fashaassi hamere barik kortere feese baassotin zuutusone» yi.
Belesini I’oosi Beso
Tusire dey Yesus: «Han belesini i’oosi besostan biira aruti. Waa’baas boodera tosha kotfana kabaasik begani assa ta’baason arutiwa. Esiisimato nitto dey es baron zuutira biyefeti kabaasik wonaas yaara finynyi tai’namato arutiwa.
Asuni Naa Ababaasa ulfinak wosibaasneen ane yoonirwa. Es kabaasik zuuttambaase asik wostobesisimato baassok kaasuna.
Asuni Naani Hepsa Wolle Yoo
Tusire dey Yesus ekka yi: «Awaasta, assaastanawa baakuraastana diinqi beso sinana. Baariisewa akaasi guubone asi deessu kaamaasikna daa zuuttambaase asiista fe daraasin tiir’o ephana. Samaastaki testoni shorkotan kabi chowa asuni meya han daasta yooni wuzason oodak digak shorkosone. Es kabaasik Asuni Naa akama hugnaknawa akama ulfinakna shaaruusta yeefeen biyone. Nitto dey es wuzaasikito sinanak tesifana kabaasik fui’tontiis tai’sena boor’a den kaanna biiti.»
Es kabaasik Asuni Naa akama hugnaknawa akama ulfinakna shaaruusta yeefeen biyone.
Es kabaasik Asuni Naa akama hugnaknawa ulfinakna shaaruussi yeefeen biyone. Bar dey Ha’oosi wosiyanon wosire daa daassin, daasi diltan kabira daasi koi’ta kar’e fe barik korte asuni meyanon zuutuna.
Ajajini kaamak; Ha’oosi wosini gaanynyani kaamak; dey Ha’oni markata odtona; Daamiis dey teetbaasik es baassok geeptere saman kerona. Kiristoosnin amanere kiti baasso zeemme kabsone. Esseen orfo kaak fe inno Daamiisneen ane sirusta uphok baassoneen ane shaaruusta den oottoni, koi’ba foontonon dey Daamiisneen ane fooni. Es bari boor’a han kaamaasik nittotna nittotna wol chimoti.
Vigilância e preparo
Ninguém sabe o dia nem a hora. Jesus nos ordena a vigiar, orar e estar prontos, pois Ele virá quando menos esperamos.
Ese nitto Daamiis aro sa’atita yoonamato aane aruweti sinna boor’a guzira oodti.
Ese nitto Daamiis aro sa’atita yoonamato aane aruweti sinna boor’a guzira oodti.
Esiisimato Asuni Naa dey nitto arunoyti sa’atiista yoonir sinna boor’a hoorera oodtiwa.»
Chimme Ooda
Tusire dey Yesus ekka yi: «Nibnitiis ushak, zayyak, han daastaki fooson safarok hopunoynamato arutiwa. Es baron shakaatine es wonaas dey diinqo eshminimatotu nittotin ephanawa. Es wonaas han daasta fe asu zuuttambaase asin ephana. Es bari boor’a yooni mangu wuzaassin aatatiknawa Asuni Naani sina dey yerok chimatikna wonna wonna chimma shiiphotiwa.»
Ese zuuttambaase asi ko’aas tai’sewa; guzire shiipho chimatik nibama kanunti foongwa; teetnitiison ha’sir sinti.
Nagani Ha’oos bar teetbaasik sina chowa zuuttambaase asik nittotin korto zagawungwa. Ayyanantiis, kaantiisewa atuntiise zuuttera Daamni Yesus Kiristoos yeefena wono zinaba foonto sinna oodtera foon.
Es bari boor’a Daamni Yesus Kiristoosni ammanon yooson oodet faasefeti kabaasik Ha’oosi Ayyanani imaassin isarnu nittok aafa yo’una wuza. Daamni Yesus Kiristoos wolle yoona wono zinniti foonto sinna koi’baasta kar’ananneen chimma footik nittotin zagawowa.
A esperança bendita
A aguardamos a bendita esperança e a manifestação da glória do nosso grande Deus e Salvador Jesus Cristo.
Asu zuuttambaase asin fatuni Ha’oosi otma ammanon kessa beste. Es Ha’oosi otma dey mormosonnawa ashaasi eenantosonna beyya teetniison oodda Ha’ooson girsuni fo han daasta fooniktu innotin assifawa. Esiisimato eebbisto abdiniison dey arkitto Ha’oniisi; innotin fati Yesus Kiristoosni ulfinak yooson oodtifenirwa. Kiristoos mangu wuza zuuttambaase asiissin innotin fu’onaknawa ma’a wostooson wostok chimma barik kortera kessa kayim dara sinaniknatu bar innotin kaynunak teetbaason aatire imi.
Han ma’a wostooson wostotik zagi Ha’oos; Yesus Kiristoos wolle yoona koi’ni wonaasta katunamato mai’sira arifawungwa.
Furtoti wonaasik maatama ichcheti Korto Ha’oosi Ayyana suumonak zagutiita.
Esiisimato Kiristoos showoni meeni boor’aason tishkunak isarga kiti. Dey boor’aason wor’anak sinnoynaron barin oodet fe baassotin fu’onak hepsa wolle yoonir.
Keeshtanaknawa ma’a wostokna guzira foonik isaas isaasik yaadassuwo. Wonna wonna uphefaafa innotna innotna zaguniistano isa isa meya zagsefeesimato zuuttefeni baron beyaniita; arkissiranu dey Daamiis yoona wonaas ta’baason yaadatefaat es baron mai’sira zaguti.
Feyiis, fe bar, yooni barnawa zuuttambaase asin chimfe Daam Ha’oos «Alfanewa oomegane; tesuni barnawa koi’ni barna tawa» yife.
Ese taptera yoona; aklilineeson oonu neyistan ephnoynamato neeki fa baron mai’sira ephwa.
Inno meyane! Daamiiskik isa wonaas isa kuma wogga; isa kuma woggaas dey isa wona sinnamato es baron daagotiitawa.
Ese naanggotnaasikitone! Bar ammanon yoona wono digonoy chimma barin biyaniknawa yoona wonaasta iichchonoynimatona barik footi.