Separação

18 मै तुहुरिन्हे टुअर नै छोरम। मै तुहुरिन्के थेन फिर्ता अइम।

प्रभुक फेनदोस्रे अइना

13 हे मोरिक विश्वासी भैयो, हम्रे चहथी कि तुहुरे यी जानलेऊ कि उ विश्वासीनके संग का हुइहिन, जेने पैलेहेँ मुसेकल बताँ। ताकि असिन ना होए, कि तुहुरे फेन दोसुर अविश्वासी मनैनके हस शोक मनाऊ। जेनहे आशा नै हुइतिन, कि मुके सेकके ओइने फेनदोस्रे जित्ती होजिहीँ।

दुःखमेसे अइना महिमा

18 मै पक्का बतुँ, कि जोन महिमा पाछे परमेश्वर हम्रिहिन्हे दिहीँ, उ महिमा उ दुःखसे बहुत भारी बा, जोन दुःख अब्बे हम्रे सहती।

4 परमेश्वर हमार सक्कु मेरके दुःखमे सान्त्वना देथाँ, ताकि हम्रे दोसुर जहनहे सान्त्वना देहे सेकी। परमेश्वर हम्रिहिन्हे सान्त्वना देहल हस हम्रे दोसुर जहनहे सान्त्वना देहे सेक्थी।

36 अब्बे तुहुरिन्हे स्थिर रहे परी, ताकि तुहुरे लगातार परमेश्वरके इच्छा अनुसार काम करे सेको। तब तुहुरे परमेश्वरके वाचा कर्लक सक्कु चिज भेटाई सेक्बो।

7 यी समस्यनके उद्देश्य यी देखाइक लग हो कि तुहुरे जात्तिकमे परमेश्वरकेमे भरोसा करथो। येशू ख्रीष्टकेमे तुहुरिन्के विश्वास सोनसे फेन धेउर मोलके बा। जसिके नाश होजिना सोनहे आगीलेके जाँचजाइत और निखारजाइत। ओस्तेहेँके जब तुहुरिन्के विश्वास समस्यामे फेन बल्गर पलिरहत कलेसे, येशू ख्रीष्ट फिर्ता अइना दिनमे यी तुहुरिन्हे बहुत्ते प्रशंसा, महिमा और सम्मान लेके आई।

7 पर ख्रीष्ट महिन्हे देखैले बताँ कि एकथो समयमे जोन चिजहे मै सोँचुँ कि यी मोरिक फाइदक लग हो। पर ख्रीष्टके कर्लक कामके कारण आज उ चिज मोरिक लग कौनो कामके नै हुइँत। 8 काकरेकी मै अपन प्रभु येशू ख्रीष्टहे चिन्हे चहथुँ, जे बाँकी सक्कु चिजसे अमूल्य बताँ। तबेकमारे मै सक्कु चिजहे बेकार मानके छोरदेले बतुँ। और ओइन्हे मै कुरकुट हस सम्झथुँ, ताकि मै ख्रीष्टहे जाने सेकुँ।