45 किजोकि मैन्हेरू मट्ठू, यानी अवं एस दुनियाई मां एल्हेरेलेइ नईं एवरो कि कोई मेरी सेवा केरे, पन एल्हेरेलेइ एवरोईं कि अवं होरि लोकां केरि सेवा केरि त कने बड़े लोकां केरे लेई अपनि जान बलिदान केरि, ताके तैन अपने पापां केरे सज़ाही करां छुटकारो मैल्हे।"

28 ज़ेन्च़रे कि मैन्हेरू मट्ठू एल्हेरेलेइ नईं एवरू कि कोई तैसेरी सेवा केरे, बल्के एल्हेरेलेइ कि सेवा केरे, ते अपनि जान बड़े लोकां केरे छुटकारेरे लेई दे।"

26 पन तुसन मां एरू न लोड़े भोरू, बल्के तुसन मां ज़ै बड्डो बन्नो चाते, तै सेब्भी केरो सेवक बने। 27 ज़ै कोई तुसन मां प्रधान बन्नू चाए, तै सेब्भी केरो सेवक बने,

14 अगर मीं तुश्शो गुरू त कने प्रभु भोइतां तुश्शे पव धोए, त तुश्शो भी फर्ज़े कि एक्‍की होरेरे पव धोथ।

35 तैखन यीशुए तल्‍ले बिशतां अपने 12 चेले कुजाए ते तैन सेइं ज़ोवं, "अगर कोई परमेशरेरी नज़री मां बड्डो बन्नू चाते, त तै सेब्भन करां निकड़ो बने, ते कने सेब्भी मैन्हु केरो सेवक बने।"

15 ते अगर यहोवारी सेवा केरनी तुसन बुरी लगे, त अज़ तुस च़ुना कि तुस केसेरी सेवा केरेले चाहे तैन देबतां केरि ज़ैन केरि सेवा तुश्शे बुज़ुर्ग बड्डे समुन्दरेरे तैस पार केरते थिये, ते चाहे एमोरी लोकां केरे देबतां केरि सेवा केरा ज़ैन केरे मुल्खे मां तुस रहतथ; पन अवं त अपने घराने समेत यहोवारी सेवा केरेलो।"

5 सिर्फ एस गल्‍लरी पूरी एहतियात केरनी कि ज़ैना-ज़ैना हुक्म ते कानून परमेशर यहोवारे दासे मूसे तुसन दित्तोरेन तैना मेनतां अपने परमेशर यहोवा सेइं प्यार केरा, तैसेरे बत्ती पुड़ च़ला, तैसेरे हुक्म मन्ना, तैसेरी सेवाई मां लगोरे राथ, ते अपने सारे मन ते सारे प्राणे सेइं तैसेरी सेवा केरा।"

12 "हुनी, हे इस्राएल, तेरो परमेशर यहोवा तीं करां इसेरे अलावा होरू कुन चाते, कि तू अपने परमेशर यहोवारो डर मन्नस, ते तैसेरे सारे बत्तन पुड़ च़लस, तैस सेइं प्यार केरस, ते अपने पूरे मने ते अपने सारे प्राणे सेइं तैसेरी सेवा केरस, 13 ते यहोवारे ज़ैना-ज़ैना हुक्म ते विधि अवं अज़ तीं शुनाताईं तैन्न मन्नस, ज़ैस सेइं तेरू भलू भोए?

4 तुस अपने परमेशर यहोवाए पत्ती च़ेलथ, ते तैसेरो डर मेन्नथ, ते तैसेरे हुक्मन पुड़ च़ेलथ, ते तैसेरू वचन मेन्नथ, ते तैसेरी सेवा केरथ, ते तैस सेइं लिपटोरे रेइयथ।

11 मेहनत केरने मां आलस न केरा; आत्मिक जोशे सेइं भरोरे राथ; पूरे दिले सेइं प्रभुएरी सेवा केरते राथ।

14 त मसीहे सनातन आत्मारे ज़िरिये सेइं अपनो आप परमेशरे कां बगैर पापेरू बलिदान केरतां च़ाढ़ू, ते तैसेरो खून असन इश्शे ज़मीरेरे तैन कम्मन करां होरो भी जादे पवित्र केरेलो, ज़ैन केरो तलक मौती सेइं आहे, ताके अस ज़ींते परमेशरेरी आराधना केरम।

13 हे ढ्लाव ते बेइनव, तुस आज़ाद भोनेरे लेई कुजेवरेथ पन एरू न भोए, कि ई आज़ादी जिसमानी कम्मां केरे लेई मौको बने, बल्के प्यारे सेइं एक्‍की होरेरे सेवक बना।

16 हुनी तुस पापेरे गुलाम नईं किजोकि तुस इश्शे प्रभु यीशु मसीहेरे ज़िरिये आज़ाद कियोरेथ। पन अपनि ई आज़ादी बुरे कम्मां केरे लेई इस्तेमाल न केरा, पन तुस भला कम्मां केरे ज़िरिये इन हिराथ कि तुस सच़्च़े परमेशरेरे दास आथ।

26 ज़ै कोई मेरी सेवा केरनि चाते त तैसेरेलेइ ज़रूरीए तै मेरो चेलो बने, ताके ज़ैड़ी अवं आईं तैड़ी मेरो सेवक भी भोए, ज़ै मेरी सेवा केरते मेरो बाजी परमेशर तैस इज़्ज़त देलो।"

24 "कोई मैन्हु दूई मालिकां केरि सेवा एक्‍की वक्ते मां न केरि सके। न त एक्‍की सेइं दुश्मनी केरेलो ते होरि सेइं प्यार केरेलो, या एक्‍केरो बेनतां रालो त होरि न सुखालो। तुस परमेशरेरी ते दौलतरी, दूईयां केरि सेवा न केरि सकतथ।

13 ते अपने जिसमेरे अंगन बुरे कम्मां केरे लेई पापे न सौंफा, पन अपने आपे मुड़दन मरां ज़ींते सेमझ़तां परमेशरे सौंफा। ते अपने जिसमेरे अंगन धार्मिकतारे कम्मां केरे लेई परमेशरे सौंफा।

21 मालिके तैस सेइं ज़ोवं, ‘शाबाश ईमानदार नौकरा तीं थोड़ी ज़ेरि रकमी पुड़ ईमानदैरी सेइं कम कमाव, अवं तीं बेड़ि चीज़ां केरो मुख्तियार बनालो, ते अपने मालिकेरी खुशी मां शामल भो।’"

58 हे मेरे ट्लारे ढ्लाव ते बेइनव, विश्वासे मां मज़बूत राथ ते गलत शिक्षाई सेइं न टेपलोथ, ते हमेशा प्रभुएरू कम जोशे सेइं केरा, किजोकि तुस इन ज़ानतथ, कि ज़ैन किछ तुसेईं प्रभुएरे लेई कियूं तैन बेफैइदू नईं।

16 सारू पवित्रशास्त्र परमेशरेरे अगवैई सेइं लिखोरू, ते इन लोकन शिखालनेरे लेई मद्दतगारे, तैन ज़ोनेरे लेई कि ज़ैन तैनेईं कियूं तैन गलते, तैन केरि गेलती सुधारनेरे लेई, ते तैन केरनेरे लेई शिखालनेरे लेई ज़ैन सही आहे। 17 ताके परमेशरेरो मैन्हु हर किसमेरां रोड़ां कम्मां केरनेरे लेई तियार भोए।

23 मैन्हेरी चाल यहोवारे तरफां

मज़बूत भोतीए,

ते तैसेरे चाल चलने सेइं तै खुश रहते।

22 यहोवा अपने दासां केरि जान कीमत देइतां बच़ाते;

ते ज़ेत्रे तैस पुड़ भरोसो रखतन

तैन मरां कोई भी दोषी न ठहरेलो।