Servir

45 मै असिके तबे कहतुँ, काकरेकी मै, मनैयक छावा, दोसुर जहनके सेवा करक लग आइल बतुँ। मै यकर लग नै अइनु कि दोसुरजाने मोरिक सेवा करिँत्। मै बहुत्ते मनैनहे ओइन्के पापसे छुटाइक लग मुए आइल बतुँ।"

28 मै असिके तबे कहतुँ, काकरेकी मै, मनैयक छावा, दोसुर जहनके सेवा करक लग आइल बतुँ। मै यकर लग नै अइनु कि दोसुरजाने मोरिक सेवा करिँत्। मै बहुत्ते मनैनहे ओइन्के पापसे छुटाइक लग मुए आइल बतुँ।"

26 तुहुरिन्के बिच्चेम असिन नै हुई, पर जे तुहुरिन्मे भारी हुइना इच्छा करत, उ तुहुरिन्के सेबक हुइक परत। 27 जे तुहुरिन्मेसे आघे हुई चाहत, उ तुहुरिन्के नोकर हुई परत।

14 यदि तुहुरिन्के प्रभु और गुरु होके मै तुहुरिन्के गोरा धुइल बतुँ कलेसे तुहुरे फेन अपनहे नम्र बनाके एकदोसर जहनके गोरा धुई परत।

35 येशू बैठ्गिलाँ, और बाह्रथो चेलनहे बलाके अपन चारु ओहोँर जमा करलाँ और कलाँ, "यदि तुहुरिन्केमेसे केऊ भारी हुई चाहत कलेसे, अपनहे उहि अतरा नम्र बनाई परी कि ऊ सक्कुहुनसे छुटी बा।"

11 कर्रा मेहनत करो, और अल्छि ना बनो; अपन पूरा मनसे परमेश्वरके सेवा करो।

14 पर ख्रीष्ट बिना पापके रहिँत। और ऊ अपनहे सदाकालके लग और आत्मिक बलिक रुपमे परमेश्वरहे चह्रैलाँ। तबेकमारे हुँकार खुन शक्तिशाली बतिन, और हमार सोँचाईहे शुद्ध बनैथिन। आब हम्रे जित्ती परमेश्वरके सेवा करे सेक्थी, और उ काम नै कर्बी जोन काम मृत्यु ओहोँर लैजाइत।

पवित्रआत्मामेसे जीवन

13 हे मोरिक विश्वासी भैयो, परमेश्वर तुहुरिन्हे स्वतन्त्र करक लग बलैले बताँ, तबेकमारे तुहुरिन्हे आब मोशक नियम कानुन पालन करे परना कौनो जरुरी नै हो। पर तुहुरे उ स्वतन्त्रताहे अपन शरीरके खराब इच्छा पूरा करक लग पापी स्वभावहे मौका ना देऊ। बेन एकदोसर जहनहे प्रेम करो और एकदोसर जहनके सेवा करो।

16 तुहुरिन्के चाहल अनुसार काम करनासे तुहुरिन्हे रोके सेकुइया केऊ नै हो। काकरेकी तुहुरे हमार प्रभु येशू ख्रीष्टके माध्यमसे पैलेहेँ स्वतन्त्र होसेकल बतो। पर खराब काम करक लग यिहिहे बहाना ना बनैहो। बेन तुहुरे अपन कामसे यी देखाई परत कि तुहुरे जात्तिके परमेश्वरके सेबक हुइतो।

26 केऊ मोरिक सेवा करत कलेसे उ मोरिक चेला बने। तब मै जहाँ बतुँ, वहाँ मोरिक सेबक फेन रही। केऊ मोरिक सेवा करी कलेसे बाबा ओकर कदर करी।

24 कौनो फेन मनैया एकथो समयमे दुईथो मलिक्वनके सेवा करे नै सेकत। काकरेकी ऊ एकथोहे घृणा करी, और दोसुरहे प्रेम करी या ऊ एकथोक कहल मानी, और दोसुरके कहल नै मानी। तुहुरे परमेश्वर और धनसम्पति दुनुहे सेवा करे नै सेक्बो।"

13 और ना अपन शरीरके अङ्गहे खराब उद्देश्यक लग प्रयोग हुई देऊ। पर अपनहे मुअलमेसे जित्ती हुइल बती कहिके अपन जीवन परमेश्वरहे दैदेऊ। और अपन शरीरके अङ्गहे सही काम करक लग पूरा रुपमे परमेश्वरहे दैदेऊ।

21 मलिक्वा उहिहे कहल, ‘स्याबास, मजा और विश्वासी नोकर! तैँ थोरचे बातमे विश्वासयोग्य हुइले, आब मै तुहिहे बहुत्ते बातके जिम्मा देहम। तैँ अपन मलिक्वक खुशीमे शामिल होजा।’

58 तबेकमारे हे मोरिक प्रिय विश्वासी भैयो, अपन विश्वासमे पक्का रहो, और गलत शिक्षासे ना भट्कोहो। प्रभुक लग तुहुरे ज्या काम करथो, उ काम आकुर मजासे करो। काकरेकी तुहुरे यी जन्थो, कि प्रभुक लग तुहुरिन्के कर्लक मेहनत बेकारमे नै जाई।

16 सारा पवित्र शास्त्र परमेश्वरके ओहोँरसे हो। मनैनहे सच्चा सिद्धान्त सिखाइक लग, गलत काम करुइया मनैनहे चेतावनी देहक लग, मनैनके नेंग्ना गलत डगरहे सुधारक लग, एकथो मजा जीवन कसिके जिए परत कहिके मनैनहे देखाइक लग हम्रे यी पवित्र शास्त्रमे लिखल बातके प्रयोग करे सेक्थी। 17 ताकि परमेश्वरके सेवा करुइया मनैया सक्कु मेरके मजा काम करक लग तयार और सिपार हुई सेके।