1 पुरान करारमे आराधना सम्बन्धी कानुन इजरायलके मनैनके लग रहिन। और मनैनके बनाइल आराधना करक लग एकथो तम्बू फेन रहे। 2 यी तम्बू पशुनके छल्रीलेके बनाइल रहे। उ तम्बूक बिच्चेम ओइने पर्दा झुलाके दुईथो कोठा बनैले रहिँत। सुरुक कोठामे सातथो शाखा रहल दिउँत रहे। वहाँ एकथो टेबुल रहे, जेम्ने परमेश्वरहे चह्रैलक रोटी रहे। यी कोठाहे पवित्र ठाउँ कहिजाए। 3 तम्बूक भित्तर पर्दक पाछेक दोसुर कोठाहे महापवित्र ठाउँ कहिजाए। 4 वहे कोठामे धूप बरना सोनक वेदी धारल रहे। और वहाँ एकथो वाचक सन्दूक फेन रहे, जोन भित्तर बाहेर सोनक रेपन लगाइल रहे। उ सन्दूकमे तीनथो सामान रहिँत: मन्न*9:4 मन्न मन्न: मन्न धनियक गुदा हस एकथो छुटिमुती गुल्यार-गुल्यार चिज हो, जेकर स्वाद मध्रीक सहद हस रथिस। यिहिहे धुर बनाके खाना पकाईबेर प्रयोग करे सेकजाइत। उजाड़-ठाउँमे चालीस सालसम इजरायलीनके मुख्य खाना यहे रहिन। इजरायल देशके मनै उजाड़-ठाउँमे खानक कमि हुइल समयमे गनगन करलाँ ते परमेश्वर ओइन्हे यी रोटी स्वर्गमेसे देलिन (प्रस्थान 16:4)। धारल सोनक भाँरा, तेम्ह्री*9:4 तेम्ह्री तेम्ह्री लागल: तेम्ह्री लागल बात यी बातके सबुत हो कि हारुन परमेश्वरके चुनल पुजारी रहे (गिन्ती 16 और 17)। लागल हारुनके एकथो लट्ठी, और मोशाहे परमेश्वरके देहल दशथो आज्ञक दुईथो ढुंगक पाटी रहिँत, जिहिहे परमेश्वर लिखल रहिँत। 5 सोनक सन्दुकके टिप्पामे पख्ना रहल दुईथो करुब*9:5 करुब करुब: यी स्वर्गमे रहल प्राणीक पख्नक मूर्ति हो।के मूर्ति रहिँत, जोन यी बातहे जनाए कि परमेश्वर वहाँ बताँ। ओइन्के खुलल पख्ना सन्दूकके उपरका हिस्साहे छोपत। जेम्ने खुन छिटजाए ताकि मनैनके पाप माफ होजाइन। पर हम्रे यी महिमक सक्कु बातके व्याख्या अब्बे करे नै सेकब।

6 असिके यी सक्कु तयार होके सेकत ते पुजारीनके उ तम्बूक आराधना करना सुरुक कोठामे जाके अपन रीतिरिवाज पूरा करिँत। 7 पर सालमे एकचो किल प्रधान पुजारी महापवित्र ठाउँमे जाए। जब ऊ भित्तर पैँठे, तब ऊ अपन संग जानबरके खुन लेके जाए। प्रधान पुजारी उ खुनहे अपन पापके माफिक लग और मनैनके नै जानके कर्लक पापके माफिक लग परमेश्वरहे चह्राए। 8 यी रीतिरिवाजसे पवित्र आत्मा हम्रिहिन्हे यी बुझाइतताँ कि जबसम यी धर्तीमे उ तम्बू बा, और यकर रीतिरिवाज यी धर्तीमे पालन हुइता। तबसम स्वर्गक महापवित्र ठाउँमे परमेश्वरके थेन जैना डगर नै खुली। 9 यिहिसे यी फरछ्वार होजाइत कि परमेश्वरहे चह्रैलक बलिमे मनैनके मनहे सिद्ध बनाई सेक्ना शक्ति नै हो। अब्बे यी हमार लग एकथो शिक्षा हो। 10 काकरेकी ओइने ते मनैनहे खैना और पिना और मनैनहे बाहिरी रुपमे शुद्ध बनैना बहुत मेरिक पुरान चलनके लहैनक बारेमे किल कथाँ। यी रीतिरिवाज ओइन्हे परमेश्वरके लावा करार सुरु नै हुइतसम पालन करे परिन।

11 पर आब ख्रीष्ट प्रधान पुजारी होसेकल बताँ, जे लावा करारके सक्कु मजा चिज देथाँ। ऊ स्वर्गमे रहल आकुर महान और सिद्ध तम्बूमे गैल बताँ। जोन तम्बू मनैनके बनाइल नै हो, और यी संसारके फेन नै हो। 12 ख्रीष्ट स्वर्गमे रहल महापवित्र ठाउँमे छेग्रा और बछरवनके खुन लेके नै गैलाँ। पर ऊ अपने खुनेलेके गैलाँ। असिके येशू एक्केचोमे करदेलाँ। और फेनदोस्रे यकर जरुरी नै हो। उहिसे हम्रे सदाकालके मुक्ति भेटैली। 13 मोशक नियम कानुनके चलन अनुसार छुटिह्या मनै परमेश्वरके आराधना करना लायकके नै रहिँत। पर उ छुटिह्या मनैनकेमे यदि छेग्रा और बर्धक खुन और होमबली चह्रैलक बछर्वक भुवा छिटदेलेसे ओइन्के चलन अनुसार ओइने चोखा मानजाइँत। 14 पर ख्रीष्ट बिना पापके रहिँत। और ऊ अपनहे सदाकालके लग और आत्मिक बलिक रुपमे परमेश्वरहे चह्रैलाँ। तबेकमारे हुँकार खुन शक्तिशाली बतिन, और हमार सोँचाईहे शुद्ध बनैथिन। आब हम्रे जित्ती परमेश्वरके सेवा करे सेक्थी, और उ काम नै कर्बी जोन काम मृत्यु ओहोँर लैजाइत।

15 तबेकमारे ख्रीष्ट परमेश्वरके बिच्चेमसे मनैनके लग लावा करार नन्लाँ। परमेश्वरके बलाइल मनै हुँकार वाचा कर्लक आशिष भेटाई सेक्थाँ। उ आशिष सदादिनके लग पलिरही। ख्रीष्ट मुलक कारण ओइने उ आशिष भेटाई सेक्थाँ, ताकि सुरुक करारमे रहुइयन पापमेसे स्वतन्त्र हुई सेकिँत।

16 उदाहरणके लग, कौनो एकथो मनैया किहुहे इच्छापत्र लिखक लग अनुरोध करत। जहाँ ऊ वाचा कर्ले बा कि ऊ अपन सम्पति कौनो एकथो निश्चित मनैयाहे हकदारके रुपमे देहक लग बा। कलेसे उ सम्पतिक मलिक्वा मुके सेकी, तब किल उ मनैया ओकर सम्पतिक हक भेटाई। 17 काकरेकी सम्पतिक मलिक्वा जित्ती रहतसम उ इच्छापत्रक कौनो महत्त्व नै रहत। उ मनैया मुके सेकत, तब किल उ इच्छापत्रक महत्त्व रहत। 18 तबेकमारे सुरुक करार*9:18 करार करार: यहूदी मनैनके चलन रहिन कि यदि दुईथो मनै करार बहन्हीँ कलेसे ओइने अपन बाँधल करार पक्का करक लग कौनो जानबरहे मारके बलि चह्राइत। उत्पत्ति 15 अध्यायमे परमेश्वर असिके यी पक्का करक लग करलाँ कि परमेश्वर अब्राहामसे बहन्लक करार पूरा करहीँ। कौनो जानबरके खुन छिटके किल पक्का हुइल रहे। 19 तबेकमारे मोशा नियम कानुनके हरेक आज्ञा मनैनहे कहिके सेकके बछरवा और छेग्रनके खुनहे लेके पानीमे मिलैलस। ऊ लाल ऊनहे हिसपके दहियाँमे बाँधल। और उहिहे उ खुनमे डुबाके नियम कानुनके किताबमे और सक्कु मनैनके उप्पर छिटल। 20 मोशा असिके करेबेर मनैनहे कहल, "तुहुरिन्के पालन करना आज्ञक बारेमे परमेश्वर तुहुरिन्के संग करार बहन्ले बताँ। यी खुन उ करारहे पक्का करत।" 21 अस्तेहेँके मोशा पवित्र तम्बूमे और आराधनामे चलैना सक्कु भाँरामे वहे मेरसे खुन छिटल। 22 मोशक नियम कानुन कहत कि लगभग सक्कु चिजहे खुन छिटके चोखा बनाई परत। और खुन बिना चह्रैले पाप माफ हुई नै सेकत, जे मृत्युहे देखाइत।

23 तबेकमारे उ तम्बूहे और ओम्ने रहल सक्कु चिजहे जानबरके बलिलेके चोखा करे परना जरुरी रहे। और यी चिज स्वर्गक चिजके नक्कल किल हुइँत। पर स्वर्गमे रहल चिजनहे रीति पुगाके चोखा करक लग जानबरके खुनसे आकुर धेउर मजा बलिक जरुरी रहे। 24 तबेकमारे ख्रीष्ट मनैनके बनाइल उ तम्बूमे नै गैलाँ, जोन खास बातके नक्कल किल हो। पर ऊ ते सक्ली ठाउँ स्वर्गमे गैलाँ, ताकि ऊ हमार फाइदक लग परमेश्वरके आघे जाई सेकिँत। 25,26 प्रधान पुजारी हरेक साल पशुनके बलि चह्रैलक खुन लेके उ तम्बूक दोसुर कोठामे जैथाँ। पर ख्रीष्ट ओसिके नै करलाँ। ओसिके करे पर्तिन कलेसे संसारके सुरुवातेसे ख्रीष्टहे घनीघनी अपनहे बलि करे परना रहिन। पर आब अन्त्यक समयमे ऊ एक्केचो सक्कु जहनके लग अइलाँ। ताकि ऊ अपनहे बलि करके हमार पापहे उठालैजाइँत। 27 हरेक मनैनहे एकचो मुए परना पक्का बा। और मुके सेकब ते परमेश्वर हरेक मनैनके न्याय करहीँ। 28 ओस्तेहेँके बहुत्ते मनैनके पाप उठाके लैजाइक लग ख्रीष्ट अपनहे एकचो बलि करलाँ। और ऊ दोसुरचो फेनदोस्रे मनैनके पापके बलिदान हुइक लग नै अइहीँ। पर हुँकार डगर हेरके बैठुइयनहे बँचाइक लग अइहीँ।