Sexo

27 फेर परमेसवर नै अपणे स्वरूप म्ह माणस ताहीं रच्या, अपणे ए स्वरूप म्ह परमेसवर नै माणस ताहीं बणाया; नर अर नारी के रूप म्ह उसनै माणस की सृष्टि करी। 28 अर परमेसवर नै उन ताहीं आशीर्वाद दिया; अर उनतै कह्या, "फूल्‍लो-फळो, अर धरती म्ह भर जाओ, अर उस ताहीं अपणे बस म्ह कर ल्यो; अर समुन्दर की मछलियाँ, अर अकास कै पंछियाँ, अर धरती पै रेंगण आळे सारे जन्तुआं पै हक राक्खो।"

24 इस कारण आदमी अपणे माँ-बाप नै छोड़कै अपणी घरआळी तै मिल्या रहवैगा अर वे एक ए तन बणे रहवैगें।

4 उसनै जवाब दिया, "के थमनै न्ही पढ़्या के जिसनै उन ताहीं बणाया, उसनै शरुआत तै नर अर नारी बणाकै कह्या, 5 इस कारण माणस अपणे माँ-बाप तै न्यारा होकै अपणी घरआळी कै गेल्या रहवैगा अर वे दोन्‍नु एकैए तन होवैगें? 6 इस करकै इब वे दो न्ही, पर एक तन सै। इस करकै जिन ताहीं परमेसवर नै जोड़या सै, उन ताहीं माणस न्यारा ना करै।"

18 तेरा जल-कुण्ड धन्य रहवै; अर अपणी जवान्‍नी की बिरबान्‍नी गैल राज्जी रह,

19 वा तेरे खात्तर प्यारी अर सुन्दर हिरणी की ढाळ हो,

उसके स्तन सदा तन्‍नै संतुष्ट राक्खै,

अर उसे का प्यार रोज तन्‍नै अपणी ओड़ खींचदा रहवै।

4 ब्याह सारया म्ह आदर की बात समझी जावै, अर ब्याह होण के बाद एक-दुसरे के प्रति वफादार रहों, क्यूँके परमेसवर जार, अर बिगान्‍नी लुगाई कै धोरै जाणीयां का न्याय करैगा।

3 पति अपणी पत्नी की शारीरिक इच्छा पूरी करै, अर उस्से तरियां ए पत्नी भी अपणे पति की शारीरिक इच्छा पूरी करै। 4 पत्नी का अपणी देह पै हक कोन्या पर उसकै पति का हक सै, उस्से तरियां ए पति नै भी अपणी देह पै हक कोनी, पर पत्नी का सै।

9 पर जै वे खुद पै काब्बू ना राख सकै, तो ब्याह करै, क्यूँके ब्याह करणा वासना म्ह जळण तै भला सै।

15 के उसनै एके ताहीं न्ही बणाया जबकि और आत्मा उसके धोरै थी? अर एके ताहीं क्यूँ बणाया? इस करकै के वो परमेसवर के लायक औलाद चाहवै सै। इस करकै थम अपणी आत्मा कै बारै म्ह चौक्‍कस रहो, अर थारे म्ह तै कोए अपणी जवानी की जनान्‍नी तै धोक्खा ना करै।

15 के थमनै बेरा सै के थारी देह मसीह का अंग सै? तो के मै मसीह के अंग लेकै उन ताहीं बेश्या के संग जोड़ द्यूँ? कदे भी न्ही। 16 के थमनै न्ही बेरा के जो कोए बेश्या तै संगति करै सै, वो उसकै गेल्या एक तन हो जावै सै, क्यूँके पवित्र ग्रन्थ म्ह लिख्या सै, "वे दोन्‍नु एक तन होवैगें।" 17 अर जो प्रभु की संगति म्ह रहवै सै, उसकी अर परमेसवर की आत्मा एक हो जावै सै।

18 जारी तै बचे रहो। और दूसरा कोए पाप म्हारे देह पै असर कोनी गेरै जितना के जारी, पर जारी करणीया अपणी ए देह कै खिलाफ पाप करै सै। 19 के थमनै न्ही बेरा के थारी देह पवित्र आत्मा का मन्दर सै, जो थारे म्ह बस्या होया सै, अर थारे ताहीं परमेसवर की ओड़ तै मिल्या सै, अर थम परमेसवर के सो। 20 क्यूँके थम दाम देकै मोल लिये गये सो, ज्यांतै अपणी देह कै जरिये परमेसवर की महिमा करो।

3 परमेसवर की मर्जी या सै के थम पवित्र बणो: अर जारी ना करो, 4 थारे म्ह तै हरेक माणस अपणी देह नै काब्बू करणा जाणे क्यूँके थारी देह पवित्र अर सम्मान जोग्गी रहवै। 5 यो काम अभिलाषा तै न्ही, ना उन जात्तां कै तरियां, जो परमेसवर नै न्ही जाणदी,

3 जिसा पवित्र माणसां कै लायक सै, उसाए थारे म्ह जारी अर किसे ढाळ के अशुद्ध काम या लोभ का जिक्र तैई ना हो,

28 पर मै थमनै न्यू कहूँ सूं, के जो कोए किसे बिरबान्‍नी पै भुंडी निगांह गेरै वो अपणे मन म्ह उसतै जारी कर ग्या।

13 आओ! हम खुद नै सही तरिक्‍के तै चलाणा शरु करा, जो उन माणसां की तरियां सै जो चाँदणे म्ह रहवै सै, पर अँधेरे म्ह रहण आळे माणसां की ढाळ ना बणो जो भोगविलास, दारूबाजी, जारी, लुचपण, रोळे अर जळण करण जिसा काम करै सै।

14 "तू व्यभिचार ना करिये।"

6 "थारे म्ह तै कोए अपणे कुण्बे की जनान्‍नी कै गैल शारीरिक सम्बन्ध ना बणावै। मै यहोवा सूं। 7 थारी माँ का तन, जो तेरे पिता का तन सै, उसतै शारीरिक सम्बन्ध ना बणाणा; वा तो थारी माँ सै, इस करकै थम उसकै साथ शारीरिक सम्बन्ध ना बणाईयो। 8 अपणी सौतेल्‍ली माँ कै गैल भी शारीरिक सम्बन्ध ना बणाईयो; वो तो थारे पिता का ए तन सै। 9 अपणी भाण चाहे सगी हो चाहे सौतेल्‍ली हो, चाहे वो घर म्ह पैदा होई हो चाहे बाहर, उसकै गैल भी शारीरिक सम्बन्ध ना बणाईयो। 10 अपणी पोत्ती या अपणी दोहती कै गैल भी शारीरिक सम्बन्ध ना बणाईयो, क्यूँके उनका अपमान तो थारा ए अपमान सै। 11 थारी सौतेल्‍ली भाण जो थारे पिता तै पैदा होई, वो थारी भाण सै, इस करकै उसकै गैल भी शारीरिक सम्बन्ध ना बणाईयो। 12 अपणी बुआ कै गैल भी शारीरिक सम्बन्ध ना बणाईयो; वो तो थारे पिता के कुण्बे की सै। 13 अपणी मौस्सी कै गैल भी शारीरिक सम्बन्ध ना बणाईयो; क्यूँके वो थारी माँ कै कुण्बे की सै। 14 अपणे चाचा का अपमान ना करियो, यानिके उसकी जनान्‍नी कै गैल भी शारीरिक सम्बन्ध ना बणाईये; वो तो थारी चाच्‍ची सै। 15 अपणी बहू कै साथ शारीरिक सम्बन्ध ना बणाईयो क्यूँके वो तो तेरे बेट्टे की जनान्‍नी सै, इस करकै थम उसकै साथ शारीरिक सम्बन्ध ना बणाईयो। 16 अपणी भाभ्भी कै गैल शारीरिक सम्बन्ध ना बणाईयो; वो तो तेरे भाई का ए तन सै। 17 किसे औरत अर उसकी बेट्टी दोनुआं कै साथ शारीरिक सम्बन्ध ना बणाईयो, अर अपणी पोत्ती नै या अपणी दोहती नै अपणी औरत करकै उसकै साथ शारीरिक सम्बन्ध ना बणाईयो; वे तो धोरै के कुण्बे की सै; इसा करणा महापाप सै। 18 अर अपणी जनान्‍नी की भाण नै भी अपणी औरत करकै उसकी सौत ना बणाईये कदे पैहली के जिन्दा रहन्दे होए उसकै साथ शारीरिक सम्बन्ध ना बणाईये।"

19 "फेर जिब तक कोए औरत अपणे मासिक धर्म कै कारण अशुद्ध रहवै जद तक उसकै गैल शारीरिक सम्बन्ध बणाण कै खात्तर उसकै धोरै ना जाईये। 20 फेर अपणे भाई-बन्धु की औरत तै कुकर्म करकै अशुद्ध ना हो जाईयो। 21 अपणे बाळकां म्ह तै किसे नै मोलेक* देवता कै खात्तर होम करकै ना चढ़ाईयो, अर ना अपणे परमेसवर कै नाम नै अपवित्र ठहराणा; मै यहोवा सूं। 22 स्त्रीगमन की तरियां पुरुषगमन न्ही करणा; वो तो घिनोणा काम सै। 23 किसे भी जात कै पशु कै गेल्या पशुगमन करकै अशुद्ध ना होइयो, अर ना कोए औरत पशु कै स्याम्ही इस करकै खड़ी हो के उसकै गेल्या कुकर्म करै; या तो उलटी बात सै।"

22 वे अपणे-आप ताहीं अकलमंद मानकै बेअक्ले बणगे, 23 अर अविनाशी परमेसवर की महिमा न्ही करी, बल्के नाशवान माणस, अर पंछियाँ, रेंगण आळे अर चार पैरां आळे जानवरां की मूर्ति की आराधना करण लाग्गे।

24 इस करकै परमेसवर नै उन ताहीं उनकै मन की बुरी इच्छा कै मुताबिक गलत काम करण खात्तर छोड़ दिया ताके वे आप्पस म्ह अपणे शरीरां तै गन्दे काम करै। 25 क्यूँके उननै परमेसवर के बारें म्ह सच्‍ची बात्तां ताहीं जाणण की बजाये झूठ पै बिश्वास करया, अर सृष्टि की चिज्जां की आराधना अर सेवा करी, ना के उस सृजनहार परमेसवर की जो सदा खात्तर महिमा के लायक सै! आमीन। 26 ज्यांतै परमेसवर नै उन ताहीं उनकी नीच कामनाओं कै बस म्ह छोड़ दिया, जिस कारण उनकी लुगाईयाँ नै भी प्राकृतिक संभोग की जगहां अप्राकृतिक संभोग अपणालिया। 27 उस्से तरियां ए लुगाईयाँ कै गेल्या प्राकृतिक संभोग नै छोड़कै माणस दुसरे माणस कै खात्तर आप्पस म्ह कामुकता म्ह जळण लाग्गे, अर माणस का माणस कै गेल्या बेशर्मी के काम करणा उनके उप्पर दण्ड लेकै आये।