Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Hagi Anumzamo’ma vahe’ma tro hu’neana, Agra’agna tro hu’ne. Vene a’ene tro huzanante’ne.
Anumzamo’a asomu ke huneznanteno amanage huno zanasmi’ne, Mofavre kase hakare hanakeno, mopafina mani vitesaze. Ana nehuta mikoza kegava hi’o. Timpi nozame zagane, hareno vano nehia nama zagane, hakare’a mopafi kaza huno vano nehia zagaramine ana makaza kegava hi’o.
E’i ana agafare vemo’a nererane, nefanena atreno, a’ane hagerafino eri mago huke nemani’e.
Jisasi’a ke nona huno, Tamagra hampritma onke’nazo, ese agafare’ma Anumzamo’ma vene, a’enema tro huneznanteno, amanage hu’ne, ama kegafare vemo’a nerera afana atreno, nenaro’ene hagerfigeno, ana tarega’moke eri mago hune, magoke zanavufa manigaha’e. (Jen-Agf 2:24) Hanige’ne, mago’ane tare vahe omanigaha’e. Hagi magoke znavufa manigaha’e. E’ina hu’negu na’ano Anumzamo’ma eri hagerfima ante’nesia zana, mago ne’mo’a ovakanegahie.
Kasefa’ma mani’nenka e’rinana a’ka’ane muse hunka mani’negeno, Anumzamo’a asomu hugantegahie. A’ka’amo’a dia a' afu’mo’ma hiankna huno avesi avesi huno knare zantfa huneganteanki, amima’amo’a maka kna kavesizana kazeri knare nehina, kagri’ma kavesi kantenia zamo’a kazeri agrarega atre’na agri avesi’zampi manigahane.
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Aravema huno a’ane ve’anema manifatgoma huno mani’zana, raza amunontamifina meno. Hagi aravema osu' vahe’mo’ma monkozama hanimofone, koma aravema hu’nesimoma atreno, ru vene a’ene monko avu’ava’zama hanimofona, Anumzamo keaga huzmantegahie.
Vemo’a agra’a a’ene masenkeno, a’mo’a anazanke huno ve’ane masegahie. A’mo’a agra’a avufgamofo kva omani’neanagi vemo kva hu’ne. Ana hukna huno vemo’a agra’a avufga kva osu’neanki, a’amo kva hu’ne.
Hu’neanagi tamavufamofo avesizama kvama hu’za omne’nesige’za, zamatrenke’za ve eri, a' eri hiho. Ana hanagu knare’ma haniana ve eri, a' eri hu’za mani’nesageno monkozamofo zamavesi’zana omanegahie.
Anumzamo’a tanagrira vene a’enena trohu tanantegeta, arave huta magoke tanavufga huta mani’na’e. Amega tanavufgare’ene avamupine tanagra Agri su’a mani’na’e. Hagi Agra naza tanagripintira eri’za nehie? Tanagripinti’ma fore’ma hanaza mofavreramimo’ma Agri’ma koroma hunte’za agoraga’ama mani zanku ave’nesie. E’igu kagu’a kegava hunenka nehazavema mani’nenka eri’nana aka’are mani fatgo huo.
Tamagri tamavufgamo’a, Kraisi avufgama me’neana tamagra ontahi’nafi? Amane Kraisi avufa eri’na monko avu’ava zante’ma atresuana knare hugahifi? I’o anara osutfa hugahie! Huge, iza’o savri a’ene monkozama himo’a, ana a’ene mago zanavufga eri’nesa’ana ontahi’nazafi? Na’ankure avontafepina amanahu ke hu’ne, Taremokea erimago znavufa segaha’e hu’ne. (Jen-Agf 2:24)
Hianagi mago’moma Ramo’ene hagerafino manisimo’a, avamupina zanagra magoke Agranena huke manigaha’e.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Savari monko avu’ava zampintira atretma freho! Mika kumi’ma mago’mago vahe’mo’ma nehiana, megi’a avufare nehianagi, iza’o savari monko’za nehimo’a, agra’a avufga azeri kumi nehie. Tamavufamo’a Ruotage Avamumofo mono no me’negeno, Ruotge Avamuma Anumzamo’ma tamagri’ma tami’nea avamumo’ma anampinkama mani’neana tamagra ontahi’nazo? E’ina hu’negu tamagra’a su’ana omani’naze. Na’ankure tamagrira Anumzamo’a ko tusi’a mizanteti miza seramante’ne. E’ina hu’negu tamavufgareti Anumzamofo Agi’a erisaga hugahaze.
Na’ankure ama’i Anumzamofo avesizane, mani agru hutma maka monko avu’ava’zampi maniho. Tamagra mago magomotma tamavufga kegava nehutma, tamazeri agru nehutma, ruotge hutma maniho. Tamagra havi monko tamagu tamagesamofona kazokzo vahe’agnara nosutma, Anumzamofo keno antahino osu vahe’mo’za nehaza zana osiho.
Hianagi monko’zano, kefo avu’avazano, agraguke avemasi’zana tamagripina omne tfaza hino, Anumzamofona otage nagapina (saints) e’inahu zana amu’no zamifina omnegahie.
Hianagi Nagra neramasmue, aza’o mago a' negeno kesane hanimo’a, hago ana a’ene monko’za agu’afina hu’ne.
Ana hu’negu masare’ma nehazankna huta knare tavutava nehuta, hanizamofo muse zampina omanita, aka tina oneta neginagi osuta, monko’zana nosuta, monko avu’ava hu’zampina omanita, mago rimpa osu avu’ava zampinena omanita kanive oreho.
Tamagra aravema hu’nesaza vahe’motma, rumofo a’eneno rumofo venena monkozana osiho.
Tamagra’a kora naga nofipina monko avu’ava zana osugahaze. Na’ankure Nagra Ra Anumzane. Negrera’enena monko avu’ava zana osuo, agra kagri negrera’e. Hagi e’inama hanunka negafana agaze erimigahane. Negafa a’enena monko avu’ava zana osuo, e’inama hanunka negafana agaze erimigahane. Hagi negasaro eneno, negafano negarera mofa’eneno, negsaroma ru nagapima mani’nesia mofa’enena monkozana osuo. Hagi mofakamofo mofaro, ne’kamofo mofa’enena negagehoki monko’zana osuo, e’inama hanana kagraka’a kazeri haviza hugahane. Negafa a’nemo’zama kasezmante’nesaza mofananea, negasarozagi monkozana huozamanto. Negafa nesaro’enena monkozana osuo, agra negafana nesarokino, negamomo mani’ne. Negrera anunkna he’zanena monko’zana osuo, na’ankure zamagra negrerana korama’a mani’naze. Negafa afu’aganahe a’enena monkozana osuo, e’inama hananana negafa afu’aganahe’ina zamagaze erizamigahane. Negamofo a’enena monko’zana osuo, na’ankura agra negamofo a’kino neganofero’e. Nempukamofono negagna a’enena monkozana osuo, na’ankure agra koranka’amofo a’kinka nempukamofono negagnana azeri haviza hugahane. Hagi mago a’ma erinenana a’mofo mofa’enena monko’zana osuo. Hagi ana a’mofo agehe’inena monko’zana osuo, na’ankure zamagra negagehozaginka kefozantfa hugahane. Mago a’ma antenankeno ofrino mani’nena ana tapina, ete nenunknana ara e’orio krunoregaha’e. Namunka mani’neno agru osu’nesia a’enena monko’zana osuo. Ru ne’mofo a’enena monkozana hunka, kagra’a kazeri pehana osuo. Hagi Moreki havi anumzantera mofavreka’a ahenka kresramna nevunka Anumzanka’amo’na nagi’a erihaviza osuo. Na’ankure Nagra Ra Anumza mani’noe. Hagi vene’nemo’a vene’nenena monkozana osino, na’ankure kasrino himna vu’nea kumi hugahaze. Hagi zagagafanena monko’zana vahe’mo’a osinkeno, a’nemo’za zamagra’a zamavufaga ve zagagafa zaminage’za monkozana hu ozamanteho, haviza huno kasri’nea kumi hugahaze.
Zamagra antahi’zane vahe mani’none hu’za nehazanagi, zamagra neginagi vahe fore nehaze. Hagi zamagra manivava Anumzamofo ra agima amigazana, erimare’za fri’naza vahe’mofo amema’agi, namaramimofo amema’agi, 4'a agazane zagagafamofo amema’agi, zmurugufati vano nehaza zagaramimofo amema’a tro hunte’naza zante ra agi nemize.
E’ina hu’nagu Anumzamo’a zmatrege’za, zamagra zamaguareti zamavesintaza kefo avu’avazampi unefre’za, kefoza huno havizantfa hu’nea avu’avaza zamagra zamufgare ohunte ahunte nehu’za, zamufga eri haviza hu’naze. Hagi Anumzamofo tamage kea, havigereti eri revahe nehu’za, Anumzamo’ma Agra’a tro’ma hunte’nea zagaraminte monora hunte’za amage nente’za troma hu’nea Anumzamofona ra agia amivava hugazanagi anara nosaze. Tamage. Ama anahu agafare Anumzamo’a zamatrege’za, vahe’mofoma agaze ami avu’avazamofo zamavesi zampi havi zamavu’zmavara nehaze. Ane’mo’za osuga zamavu’zmava hu’za zamagra zamagra monko zamavu’zmavara nehaze. Anahukna hu’za venene’mo’za a’nene veazana hugazanagi, netre’za, venenemo’za zamagra zamagra monkozama hu’zanku tusiza huno zamavenesige’za, zamagaze hu avu’avaza zamagra zamagra nehaze. Ana kumima hazazamofo, mizama’a zamagra’a zamata enerize.