Sofrimento
O sofrimento é uma realidade da vida neste mundo, mas a Bíblia revela que Deus está presente em toda dor, produzindo caráter, esperança e redenção através das tribulações.
O sofrimento de Cristo
Jesus sofreu por nós, carregando nossas dores e enfermidades. Ele é o modelo supremo de como enfrentar o sofrimento com fé e obediência.
हाम्हैं किई तेऊ लै नफरत अर हाम्हैं समझ़अ सह बृथा,
तेऊ ज़िरै दाह-दुख अर
हाम्हैं किअ सह इहअ भाल़अ नां भाल़अ कि
तेऊए निं कोई बुगत ई आथी!
पर तेऊ ज़िरै तिंयां दुख ज़ुंण हाम्हां पल़णै तै भुगतणै,
अर ज़ुंण दाहे शूल़ हाम्हां लागणै तै दैणैं।
हाम्हैं रहै तेऊ लै इहअ सोठदै लागी कि
अह मार आसा एऊ लै परमेशरे हुणाकार।
तेखअ खोल्हअ तिन्नैं ईशूओ च़ोल़अ पोर्ही संघा बन्हैऊंअ बैंज़णीं रांगो च़ोल़अ। तेखअ बणाअं झ़रीलै कांडैओ मुगट संघा डाहअ ईशूए मुंडै, हाथै दैनी एक शोठी। संघा लागै तेऊ आजू ज़ान्हूं दी बेशी इहै सुहांगा करदै, "हे यहूदीए राज़ैआ, नमस्ते।"
तम्हां शादणेंओ आसा परमेशरो एक मकसद इहअ बी कि तम्हैं भलै काम करनै पिछ़ू बी तेऊ लै दुख ज़िरे। मसीहा ज़ुंणी थारी तैणीं दुख ज़िरै, सह आसा तम्हां लै आदर्श। तैही लागा तम्हां तिहअ करनअ ज़िहअ तेऊ किअ।
हुंह च़ाहा मसीहा समझ़णअ अर परमेशर मुंह दी बी तैहा शगती करै काम करे ज़ेता करै तेऊ मसीहा मरी करै ज़िऊंदअ किअ ताकि हुंह तिहै दुख ज़िरी सकूं ज़िहै मसीहा दुख ज़िरै अर तेऊए मौतो साझ़ू हई सकूं।
O propósito do sofrimento
Deus usa as tribulações para produzir perseverança, caráter e esperança. O sofrimento presente não se compara com a glória que será revelada.
सिधअ इहअ ई निं, हाम्हां लागा बूरै बगता दी बी परमेशरे प्रतप्पो इहअ सोठी करै घमंड करनअ कि बूरै बगता संघै सबर, अर सबर करी बूरै बगता दी खरै निखल़णैं करै हआ आशा पैईदा,
आजू प्रगट हणैं आल़अ प्रतप्प
हुंह, समझ़ा इहअ कि ज़ुंण ईंयां दुख अर सांगट हाम्हैं एभै ज़िरा, ईंयां निं तेऊ प्रतप्पा सम्हनै किछ़ बी आथी ज़ुंण हाम्हां लै आजू आसा प्रगट हणैं आल़अ।
किल्हैकि घल़ी-पलो हल़कअ ज़िहअ कष्ट करा हाम्हां लै ज़रूरी सदा रहणैं आल़ी ज़िन्दगी अर प्रतप्प पैईदा।
ज़िहै हाम्हैं मसीहे दुखा दी खास्सै साझ़ू हआ, तिहै ई हआ हाम्हैं शांती दी बी मसीहा संघै साझ़ू।
किल्हैकि मसीहा पिछ़ू आसा तम्हां लै इहअ जश हुअ द कि नां सिधअ तेऊ दी विश्वास करा, पर तेऊए तैणीं ज़िरा दुख बी।
बधल़ूई दी ज़िन्दगी
तैही ज़ै मसीहा देही दी रहंदी दुख भुगतअ, तम्हां बी लागा तेऊ ई ज़िहै दुख भुगतणा लै तैर रहणअ। ज़ै तम्हैं मसीहे हणैं पिछ़ू देही दी दुख भुगतणअ च़ाहा, तम्हैं हेरअ तै पाप करनअ छ़ाडी।
Consolação e companhia
Deus consola os aflitos para que possamos consolar outros. Nunca estamos sozinhos no sofrimento — Ele é o Pai das misericórdias.
परमेशरो शूकर करनअ
म्हारै परमेशरो अर प्रभू ईशू मसीहे बाबो शूकर, ज़ुंण हाम्हां लै झींण करनै आल़अ अर सोभी रंगे शांती दैणैं आल़अ परमेशर आसा। सह दैआ म्हारी सोभी खरी दी हाम्हां लै शांती ताकि हाम्हैं बी तिहै ई होरी लै शांती दैई सके। ज़ेभै तिंयां खरी दी होए पल़ै दै तेभै लोल़ी हाम्हैं बी तिन्नां लै शांती दैणैं आल़ै हुऐ ज़ेही परमेशर हाम्हां लै शांती दैआ।
हाम्हां लागा एकी दुजे मज़त करनी ज़ुंण बी हाम्हां मांझ़ै तंगी-तकलिफी दी होए अर एऊ ई साबै करै मसीहे बधाना पूरै।
धर्मीं मणछा लै एछा खास्सी आफ़ता,
पर बिधाता बच़ाऊआ तिन्नां सोभी का।
परमेशर ज़ुंण जशा करै भरपूर आसा, तेऊ शादै हाम्हैं स्वर्गे सदा रहणैं आल़ै प्रतप्पे साझ़ू हणां लै किल्हैकि हाम्हैं आसा मसीहा संघै एक हुऐ दै। थोल़ी घल़ी दाह-दुख भुगतणै का बाद बणाणैं परमेशरा तम्हैं भलै, तेखअ निं तम्हां दी किछ़ै दोश हणअ अर तेऊ दैणअ तम्हां लै बल ताकि थारअ विश्वास पाक्कअ होए।
पर ज़ै कुंण म्हारै धर्मीं बभार हणैं पिछ़ू दुख दैए, तै भेटणीं असली दी हाम्हां बर्गत। तिहअ करा ज़िहअ ईशायाह आसा लिखअ द, "तिन्नां मणछा का निं डरी ज़ुंण हाम्हां लै धमकी दैआ अर ऐहा गल्ले फिकर निं करी कि लोगा किज़ै सका करी।"
Fé em meio à dor
Os grandes homens e mulheres de fé sofreram e perseveraram. O sofrimento nos aproxima de Deus e nos leva a entender seu coração.
इना गल्ला शूणीं उझ़ुऐ आयूबा दुखै ज़िहै शूल़ अर तेऊ धेल़ै आपणीं घेरीए झिकल़ै। तेऊ छाम्बअ आपणअ मूंड संघा रहअ दुखी उटी बाखा धरनीं पल़ी। आयूब लागअ लेरा लांदी इहअ बोल्दअ,
"हुंह आसा आपणीं माए रित्तै हाथै ओदरा का नांगअ आअ द,
मरी करै बी निं मुंह आप्पू संघै किछ़ै निंणअ।
बिधाता ई आसा मुल्है दैणैं आल़अ अर
तेऊ ई निंईं तिंयां सोभै गल्ला बापस।
तेऊए लोल़ी सदा ज़ै-ज़ैकार हुई!"
तेऊ मणछा लै भाल़ केही खुशी हणीं
ज़हा परमेशर आप्पै नैरा!
ज़ेभै सह नैरे, तेता निं बृथा समझ़ी।
ज़ुंण असली दी मेरअ च़ेल्लअ बणनअ च़ाहा, सह रहै मुल्है मरना लै तैर। सह ज़िऊऐ इहै मणछा ज़िहअ ज़ुंण आपणअ क्रूस आपणीं कान्हा च़की मर्दअ आसा च़ाल्लअ द।
किल्हैकि ज़ुंण बी ऐहा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी ज़ांऐं, ज़ुंण मुंह दी विश्वास करनै पिछ़ू आपणीं ज़ान दैए, तेऊ भेटणीं परमेशरा संघै सदा लै ज़िन्दगी।
तेखअ पल़अ सह जम्परी डेऊई दुखा दी अर तेऊ भाल़अ आपणीं आछी करै उझै कि सह गरीब लाज़र आसा आबरामा संघै बेठअ द!
"तेऊ लाई आबरामा लै हाक्का कि ओ दाद-बाब आबराम, मुल्है कर झींण। एऊ लाज़रा छ़ाड मुंह सेटा लै, कि अह आपणीं गुंठीए मुंडकी पाणीं दी भेऊई करै मेरी ज़िभ ठांढी करे, हुंह आसा लागअ द ऐहा आगी जैंदरी चाछल़दअ।
हाँ, तम्हैं बणाऐं तेऊ शरीफ तम्हां लै खास्सी भुख आणी अर खाण दैई किई तेऊ थारी भुख खतम, सह थिई खाणें एही च़ीज़ ज़ुंण तधू तैणीं थारै दादै-बाबै कधि निं भाल़ी ती। तेता दैई सखाऊअ बिधाता तम्हां का सबक कि मणछ निं सिधअ रोटी करै ज़िऊंदअ, हाम्हैं रहा तिन्नां सोभी बैणा करै ज़िऊंदै ज़ुंण बिधाता बोला।
मसीहे झ़ूरी का निं हाम्हां कोहै ज़ुदै करी सकदअ। नां खरी, नां सांगट, नां उपद्रभ करनै आल़ै, च़ाऐ देशै नकाल़ होए, च़ाऐ हाम्हां का बान्हणां लै झिकल़ै निं होए, च़ाऐ हाम्हां लै खातरअ होए, च़ाऐ हाम्हां कुंण तलबारा करै काटे!
ज़ै हुंह आपणीं ज़ैदात बी गरीबा अर रैनै-गरीबा लै दैंऊं, अर आपणीं देही बी दुजै बच़ाऊंणा लै आगी जैंदरी पाऊं, पर झ़ूरी निं मेरै दिला दी कोही लै होए, तेतो बी निं मेरअ किछ़ फाईदअ आथी।
परमेशरे मज़ती करै आसा हुंह आझ़ तैणीं ज़िऊंदअ अर होछ़ै बडै सोभी नदरी दैआ हुंह ऐहा शाजत। इना गल्ला छ़ाडी निं हुंह होर किछ़ै बोल्दअ, ज़ुंण मोसा गूरै अर परमेशरे होरी गूरै बी आसा बधाना दी बोली दी कि आजू हणअ इहअ, ‘मसीहा लागणअ दुख भुगतणअ अर सह सोभी का आजी मूंऐं दै मांझ़ा का ज़िऊंदै हई करनअ तेऊ म्हारै लोगा मांझ़ै अर होरी ज़ाती दी प्रैश्शैओ प्रच़ार।’"
सोभी संघै डाहणअ मेल़-ज़ोल़, पबित्र ज़िन्दगी ज़िऊंणें कोशिश करनी, ज़ुंण पबित्र होए सह सका परमेशरा भाल़ी।
Este artigo te tocou? Faça uma oração!
+581 estão orando agora.
Junte-se à corrente de oração.