Sonhos

6 anante Ra Anumzamo’a amanage huno zanasmi’ne, Menina Nagri nanekea antahi’o. Tamagri amu’nompi mago kasnampa vahe’ma mani’negena Nagra Ra Anumzamo’na ava’nafi efore hunemina, avanagna zampi efore hu’na kea hunemue.

(Aposolo 2:17-21)

28 Ana zantamima evu vagamaretena Nagra Avamuni’a maka vahepi eri herafi atresugeno, tamagri ne’mofatamimo’za, kasnampa kea huama nehanageno, kasefa vahe’mo’za avana’gnaza negenageno, ranafa tamimo’za ava’na kegahaze.

Pitama mono ke huama hu’nea naneke

14 Hianagi Pita’a otino 11ni’a aposol naga’ane mani’neno ranke huno zamasmino, tamagra Judia vahe’ene, miko Jerusalemi mani’namota amama huankea tamagesa anteta antahi ankereho. 15 Ama kema nehaza zanku’ma tamagesa hakare nehazana, menina nantera 9kiloki hu’neanki’za, zamagra negi tina one’naze. 16 Hu’neanagi ama’i korapa kasnampa ne’mo, Joeli hu’nea nanekemofo avufa’a meni negaze. 17 Hagi vagare knafina, Anumzamo’a anage hu’ne, Nagra Avamuni’a vahepi eri herafi atresugeno, tamagri ne’mofatamimo’za, kasnampa kea huama nehanage’na, kasefa vahe’mo’za ava’na keaza nehanage’za, ranafa tamimo’za ava’na kegahaze.

17 Hanki Danieline ana 3'a nehazave nagara Anumzamo’a antahintahi’zane ama' antahi’zanena zamige’za, avontafepima ruzahu ruzahu nanekema krente’nazana rempi huvagare’za ana maka antahi’naze. Ana nehazageno ruzahu ruzahu avanagna zane, ava’namofo agafa’a eriama hu antahi’zana Anumzamo’a Danielina ami’ne.

26 Anante kini ne’mo’a amanage huno Danielina mago agi’a Belsasana antahige’ne. Nagrama ava’nafima ke’noa zana nenasaminka, ana ava’namofo agafa’a eri amara hunka nasamigahano? 27 Anagema higeno’a Danieli’a amanage huno kini nera asami’ne. Mago antahi’zane vahemo’o, amema nentea vahemo’o, avune vahe’mo’o, henka fore hania zanku’ma kasnampa nanekema nehaza vahe’mo’za, anama ke’nana ava’namofo agafa’a erinte ama hu’za kini nemoka kasamigara osu’naze. 28 Hianagi monafinkama mani’nea Anumzamo, fra’ma kino oku’ama me’nea zana eri fore nehia Anumza mani’neankino, Anumzamo’a henkama fore hania zamofo sipakare’ma masenankeno’a ava’nafi kini ne’moka eri kaveri hu’ne.

8 Higeno zanagra kenona anage hu’ne asami’na’e. Tagrama ava’na ke’noa ava’namofo agu’agesama huama huno tasami vahera magore huno omani’ne. Hakeno Josefe’a ana kenona anage huno zanasami’ne, Anumzamo Agrake ava’na ketani’a eri ama hugahianki ava’nama kena’a zamofo naneke nasami’o.

15 Fero’a amanage huno Josefena asami’ne, Nagrama ke’noa ava’namofo agafa’a, magore huno eriama huno nasmiga vahera omanitfa hu’ne. Hagi kagri kagenke nasami’za, ava’na kea eriama nehane hu’za hu’naze. 16 Higeno Josefe’a anage huno Ferona asami’ne, Nagra’a huamara osugahuanki, Anumzamo agrake Feroga ana avana keka’amofo agu’agesa’a eri ama huno kasamigahie.

20 Hianagi ana antahintahima retro nehigeno’a, mago Ramofo ankeromo ava’nafi eno anage huno asmi’ne, Josefe, Deviti nemofoge, korera osunka Mariana aka’agi avro, na’ankure agri rimpafima mani’neana, Ruotge Avamu’mofo mofavre mani’ne. 21 Ne’mofavre kasentegahianki, ana mofavremofo agi’a, Jisasi’e hunka agi’a antemio, na’ankure Agra vahe’amokizmi kumi’zmifinti zamaza hugahie.

19 Paeroti’a ke refakohu tra’are’ma mani’negeno’a, nenaro’a ke atregeno vu’ne. Meni kenagera mase’ne’na Agrite’ma ke’noa avanamo’a tusi nagogofe’ne. E’i Nera fatgo ne' mani’neanki, mago zana huonto.

Ra Anumzamofo ra mono nontega marenerino hu' zagamere

1 Israeli vahe’ma kinama ome hu’naza vahe’ma Ra Anumzamo’ma ete zamavarenoma Jerusalemi kumate’ma egeta, tagra ava’na negompi huta hu’none.

3 Mika’zama huku’ma hanana zana Ra Anumzamofo azampi antegeno, ana mika zama huku’ma antahintahima retro’ma hanana zamo’a, nena’a fore hugahie.

21 Vahe’mo’a rama’a zanku antahi’zana eri retro huno hugahue hugahianagi, Ra Anumzamo’ma antahino fore hugahie hu’nesia zamoke fore hugahie.

1 Hagi kasnampa vahero, ava’nama ke vahe’ma amu’notmifima fore huno henkama fore’ma hania avame’zanku tamasamige, kaguvazanku tamasamige hanigeno, 2 ana avame’zano kaguvazama efore hina, ana ava’nama ke vahe’mo’zama tamagrama antahita keta osu’ne’naza anumzanku’ma enketa mono huntamneno hanagetma, 3 ana kasanampa vahe keo, ava’na vahe’mofo ava’na kea ontahiho. Na’ankure Ra Anumzana tamagri Anumzamo’a tumotamireti’ene tamagu’areti huta avesintegahazo, reramaheno kegahie. 4 Ra Anumzana tamagri Anumzamofona amage’nentetma, koro huntetma agorga’a nemanitma, kasege’a nevariritma, ke’a nentahitma monora hunentetma, Agrira azeri kona hiho.

25 Hagi Ra Anumzamo’a huno, ama ana kasnampa vahe’mo’zama Nagri nagifima havige kasnampa nanekema hu’nazana, nagra ko antahi’noe. Ana kasnampa nanekea amanage hu’naze. Nagra mago ava’na ke’noe, nagra mago ava’na ke’noe hu’za hu’naze. 26 Hagi ama ana kasnampa vahe’mo’zama zamagra’a zamagu’afinti’ma eri fore hu’zama havi kasnampa nanekema huama’ma hu’za nevaza zana, nazupa ome atregahaze. Zamagrira zamagu’amo rezmavatga hige’za havi kasnampa naneke eri fore hu’za huama nehaze.

32 Hagi Ra Anumzamo’a huno, Ava’nama ke’naza zanku’ma havi kasnampa kema nehaza vahera ha' rezamantegahue. Zamagra havige hu’za vaheni’a rezamatga hu’za zamavare’za havi kante nevaze. Nagra ana vahera huhamparite’na huzamantoge’za ome’naze. Ana hu’neankino zamagrama haza zamo’a ama vahera zamaza osutfa nehie, huno Ra Anumzamo’a hu’ne.

3 Mika zanku’ma antahintahi hakarema hanunka, rama’a avana kegahane. Rama’a kegagama hu zamo’a neginagi vahe asegahane.

7 Rama’a nanekema nehuno, rama’a ava’nama ke zamo’a, agafa’a omane’ne. E’ina hu’negu Anumzamofo korora hunentenka agoraga’a manio.