6 ఆయన, "నా మాటలు వినండి:

"ఒకవేళ మీ మధ్య ప్రవక్త ఉంటే,

యెహోవానైన నేను దర్శనాలలో వారికి ప్రత్యక్షమవుతాను,

కలలలో నేను వారితో మాట్లాడతాను.

28 "ఆ తర్వాత

నేను ప్రజలందరి మీద నా ఆత్మను కుమ్మరిస్తాను.

మీ కుమారులు, కుమార్తెలు ప్రవచిస్తారు,

మీ వృద్ధులు కలలు కంటారు,

మీ యువకులు దర్శనాలు చూస్తారు.

14 అప్పుడు పేతురు ఆ పదకొండు మందితో పాటు నిలబడి, బిగ్గరగా ఆ జనసమూహంతో ఇలా అన్నాడు: "తోటి యూదులారా యెరూషలేములో ఉంటున్నవారలారా, నేను మీకు దీని గురించి వివరిస్తాను; నేను చెప్పేది జాగ్రత్తగా వినండి. 15 మీరందరు అనుకుంటున్నట్లు, వీరు మద్యం త్రాగిన మత్తులో లేరు. ఇప్పుడు ఉదయం తొమ్మిది గంటలు అవుతుంది! 16 యోవేలు ప్రవక్త ఇలా చెప్పాడు:

17 " ‘దేవుడు ఇలా చెప్తున్నారు, చివరి రోజుల్లో,

నేను ప్రజలందరి మీద నా ఆత్మను కుమ్మరిస్తాను.

మీ కుమారులు, కుమార్తెలు ప్రవచిస్తారు,

మీ యువకులు దర్శనాలు చూస్తారు,

మీ వృద్ధులు కలలు కంటారు.

17 ఈ నలుగురు యువకులకు దేవుడు అన్ని రకాల సాహిత్యంలో, విద్యలో, తెలివిని, వివేకాన్ని ఇచ్చారు. అంతేకాక, దానియేలు దర్శనాలు, రకరకాల కలల భావాలను గ్రహించే సామర్థ్యాన్ని కలిగి ఉన్నాడు.

26 రాజు దానియేలును (మరో పేరు బెల్తెషాజరు), "నేను కలలో ఏమి చూశానో, దాని భావం ఏంటో చెప్పగలవా?" అని అడిగాడు.

27 దానియేలు జవాబిస్తూ ఇలా అన్నాడు, "రాజు అడిగిన మర్మం ఏ జ్ఞాని గాని, శకునాలు చెప్పేవాడు గాని, మాంత్రికుడు గాని, జ్యోతిష్యుడు గాని చెప్పలేడు. 28 అయితే మర్మాలు బయలుపరిచే ఒక దేవుడు పరలోకంలో ఉన్నాడు. ఆయనే నెబుకద్నెజరు రాజుకు రాబోయే రోజుల్లో జరిగేది తెలియజేశారు. మీ మంచం మీద మీరు పడుకున్నప్పుడు మీ మనస్సులోనికి వచ్చిన మీ కల, మీ దర్శనాలు ఇవి:

8 "మా ఇద్దరికి కలలు వచ్చాయి కానీ వాటి భావం చెప్పడానికి ఎవరు లేరు" అని వారు జవాబిచ్చారు.

అప్పుడు యోసేపు వారితో, "భావాలు చెప్పడం దేవుని వశం కాదా? మీ కలలు నాకు చెప్పండి" అని అన్నాడు.

15 ఫరో యోసేపుతో, "నేనొక కలగన్నాను, దాని భావం ఎవరూ చెప్పలేకపోయారు. కానీ నీవు ఒక కల వింటే దాని భావం చెప్తావని నీ గురించి విన్నాను" అని అన్నాడు.

16 అందుకు యోసేపు, "నేను చేయలేను, అయితే ఫరోకు క్షేమకరమైన జవాబు దేవుడు ఇస్తారు" అని ఫరోతో అన్నాడు.

20 అతడు ఇలా ఆలోచిస్తూ ఉండగా, కలలో ప్రభువు దూత అతనికి కనపడి, "దావీదు కుమారుడవైన యోసేపూ, మరియను నీ భార్యగా ఇంటికి తీసుకెళ్లడానికి భయపడకు. ఎందుకంటే ఆమె పరిశుద్ధాత్మ మూలంగా గర్భం ధరించింది. 21 ఆమె ఒక కుమారునికి జన్మనిస్తుంది. ఆయన తన ప్రజలను వారి పాపాల నుండి రక్షిస్తారు. కాబట్టి ఆయనకు యేసు* అని పేరు పెట్టాలి" అని చెప్పాడు.

19 పిలాతు న్యాయపీఠం మీద కూర్చున్నప్పుడు, అతని భార్య అతనికి: "నీవు ఆ నిర్దోషి జోలికి పోవద్దు, రాత్రి కలలో ఆయన గురించి నేను చాలా కష్టపడ్డాను" అని వర్తమానం పంపింది.

1 యెహోవా సీయోను భాగ్యాలను పునరుద్ధరించినప్పుడు,

మనం కలలుగన్న వారిలా ఉన్నాము.

3 మీ పనులను యెహోవాకు అప్పగించండి,

మీ ప్రణాళికలు స్థిరపరచబడతాయి.

21 ఒక వ్యక్తి హృదయంలో ఆలోచనలు అనేకంగా పుడతాయి,

అయితే యెహోవా ఉద్దేశమే స్థిరము.

1 ప్రవక్త గాని కలల ద్వారా భవిష్యత్తును చెప్పగలవారు గాని మీ మధ్యకు వచ్చి, మీ ఎదుట ఒక గుర్తును లేదా అద్భుతాన్ని ప్రకటిస్తే, 2 ఒకవేళ చెప్పిన గుర్తు లేదా అద్భుతం జరిగి, ఆ ప్రవక్త, "మనం ఇతర దేవుళ్ళను అనుసరిద్దాం" (మీకు తెలియని దేవుళ్ళు) "వాటిని సేవిద్దాం" అని ప్రలోభపెడితే, 3 ఆ ప్రవక్త మాటలు లేదా కలలు కనేవారి మాటలు గాని మీరు వినకూడదు. మీరు మీ దేవుడైన యెహోవాను మీ పూర్ణహృదయంతో, మీ పూర్ణాత్మతో ప్రేమిస్తున్నారో లేదో తెలుసుకోవడానికి ఆయన మిమ్మల్ని పరీక్షిస్తున్నారు. 4 మీరు మీ దేవుడైన యెహోవాను వెంబడించి ఆయనకు భయపడాలి; ఆయన ఆజ్ఞలను అనుసరించి ఆయనకు లోబడాలి; ఆయనను సేవించి ఆయనను హత్తుకుని ఉండాలి.

25 "నా పేరిట అబద్ధాలు చెప్పే ప్రవక్తలు చెప్పేది నేను విన్నాను. వారు, ‘నాకొక కల వచ్చింది! నాకొక కల వచ్చింది!’ అని అంటారు. 26 తమ మనస్సులోని భ్రమలను ప్రవచించే ఈ అబద్ధాల ప్రవక్తల హృదయాల్లో ఇలా ఎంతకాలం కొనసాగుతుంది?

32 నిజానికి, తప్పుడు కలలను ప్రవచించే వారికి నేను వ్యతిరేకిని" అని యెహోవా ప్రకటిస్తున్నారు. "వారు తమ మోసపూరితమైన అబద్ధాలతో నా ప్రజలను తప్పుత్రోవ పట్టిస్తారు, నేను వారిని పంపలేదు వారిని నియమించలేదు. వారి వల్ల ఈ ప్రజలకు ఎలాంటి ప్రయోజనం లేదు" అని యెహోవా ప్రకటిస్తున్నారు.

3 విస్తారమైన పనుల వల్ల కలలు వస్తాయి.

ఎక్కువ మాటలు మాట్లాడేవారు మూర్ఖునిలా మాట్లాడతారు.

7 ఎక్కువ కలలు ఎక్కువ మాటలు అర్థరహితమే. కాబట్టి దేవునికి భయపడు.