యాత్రకీర్తన.
1 యెహోవా సీయోను భాగ్యాలను పునరుద్ధరించినప్పుడు,
మనం కలలుగన్న వారిలా ఉన్నాము.
2 మన నోరు నవ్వుతో నింపబడింది,
మన నాలుకలు సంతోషగానాలతో నిండి ఉన్నాయి.
"యెహోవా వీరి కోసం గొప్పకార్యాలు చేశారు" అని
ఇతర దేశాలు చెప్పుకున్నాయి.
3 యెహోవా మన కోసం గొప్పకార్యాలు చేశారు,
మనం ఆనందభరితులం అయ్యాము.
4 దక్షిణ దేశంలో ప్రవాహాలు ప్రవహించేలా,
యెహోవా, మా భాగ్యాలను126:4 లేదా చెరలోనున్న మా వారిని తిరిగి రప్పించండి తిరిగి రప్పించండి.
5 కన్నీటితో విత్తేవారు
సంతోషగానాలతో పంట కోస్తారు.
6 విత్తనాలను పట్టుకుని,
ఏడుస్తూ విత్తడానికి వెళ్లినవారు,
సంతోషగానాలతో పనలు మోసుకువస్తారు.