1 యెహోవా, నాకు ఎంతోమంది శత్రువులు!

నామీదికి ఎంతోమంది లేస్తారు!

2 "దేవుడు అతన్ని విడిపించడు"

అని అనేకులు నా గురించి చెప్తున్నారు. సెలా* లో కూడా

3 కాని యెహోవా, మీరు నా చుట్టూ డాలుగా,

నాకు మహిమగా, నా తల పైకెత్తేవారిగా ఉన్నారు.

4 నేను యెహోవాకు మొరపెడతాను,

ఆయన తన పరిశుద్ధ పర్వతం నుండి జవాబిస్తారు. సెలా

5 నేను పడుకుని నిద్రపోతాను;

యెహోవా నన్ను సంరక్షిస్తారు కాబట్టి నేను మళ్ళీ మేల్కొంటాను.

6 అన్ని వైపుల నుండి

పదివేలమంది నాపై పడినా నేను భయపడను.

7 యెహోవా, లెండి!

నా దేవా, నన్ను విడిపించండి!

నా శత్రువులందరిని దవడపై కొట్టండి;

దుష్టుల పళ్ళు విరగ్గొట్టండి.

8 రక్షణ యెహోవా నుండి వస్తుంది.

మీ ప్రజలపై మీ ఆశీర్వాదం ఉండును గాక. సెలా