1-5 మనుష్యులు మనపై దాడి చేసినప్పుడు

వారి కోపం మనపై రగులుకొన్నప్పుడు

యెహోవా మనకు తోడై ఉండకపోతే

వారు మనల్ని సజీవంగానే మ్రింగివేసేవారు;

వరద మన మీదుగా పొర్లి ఉండేది,

జలప్రవాహం మనల్ని ముంచేసి

జలప్రవాహాల పొంగు మనల్ని తుడిచిపెట్టి ఉండేది

అని ఇశ్రాయేలు చెప్పును గాక.

6 వారి పళ్లు మనల్ని చీల్చివేయటానికి అనుమతించని

యెహోవాకు స్తుతి చెల్లును గాక.

7 వేటగాని ఉరి నుండి పక్షి తప్పించుకున్నట్లుగా

మనం తప్పించుకున్నాము;

ఉరి తెగిపోయింది,

మనం తప్పించుకున్నాము.

8 భూమ్యాకాశాలను సృజించిన

యెహోవా నామంలోనే మనకు సహాయం లభిస్తుంది.