1 "నా యవ్వనకాలం నుండి పగవారు నన్ను ఎంతో హింసిస్తూ ఉన్నారు"

అని ఇశ్రాయేలు అనాలి;

2 "నా యవ్వనకాలం నుండి వారు నన్ను ఎంతో హింసిస్తూ ఉన్నారు,

కాని వారు నాపై విజయాన్ని పొందలేరు.

3 దున్నువారు దున్నినట్లు

నా వీపుపై పొడవైన చాళ్ళలాంటి గాయాలు చేశారు.

4 అయితే యెహోవా నీతిమంతుడు;

దుష్టులు కట్టిన తాళ్లను తెంచి ఆయన నన్ను విడిపించారు."

5 సీయోనును ద్వేషించే వారందరు

సిగ్గుపడి వెనుకకు తిరుగుదురు గాక.

6 వారు ఎదగక ముందే ఎండిపోయిన

ఇంటికప్పు మీద పెరిగే గడ్డిలా అవుదురు గాక.

7 దానితో కోత కోసేవారు తమ చేతిని గాని

పనలు కట్టేవారు తమ ఒడిని గాని నింపుకోరు.

8 "యెహోవా ఆశీర్వాదం మీమీద ఉండును గాక;

యెహోవా నామమున మేము మిమ్మల్ని ఆశీర్వదిస్తున్నాము"

అని బాటసారులు అనకుందురు గాక.