కీర్తనలు 131

దావీదు యాత్రకీర్తన.

1 యెహోవా, నా హృదయం గర్వం కలిగిలేదు,

నా కళ్లు అహంకారం కలిగిలేవు.

నేను గ్రహించలేని గొప్ప విషయాలను

నాకు అసాధ్యమైన విషయాలను నేను పట్టించుకోను.

2 పాలు విడచిన బిడ్డ సంతృప్తిగా ఉన్నట్లు,

అవును, పాలు విడచిన బిడ్డ తన తల్లి ఒడిలో సంతృప్తిగా ఉన్నట్లు,

నన్ను నేను నెమ్మదిపరచుకొని ప్రశాంతంగా ఉన్నాను.

3 ఓ ఇశ్రాయేలు, ఇప్పటినుండి నిరంతరం

యెహోవా పైనే నీ నిరీక్షణ ఉంచు.